金飯館貳·零 肉餅·焗飯專門店

營業中

休息中

🫶🏻係旺角做完 Gym 肚餓，網上搵到呢間餐廳新開無耐，主打生煎厚實墨魚肉餅，做完 Gym 食補下 Protein 就岩哂啦 💪💪👅 黑松露墨魚肉餅飯熱門菜式之一，上碟可見肉餅上塗滿厚厚一層黑松露，肉餅食落飽滿厚實，時不時就咬到墨魚肉粒，淨係配搭豉油食都好鮮味 😋 黑松露味道濃厚，不過偏油，相信淨係得肉餅都已經好夠 😇 碟上另有一粒香煎太陽蛋，超鮮味‼️加上炸蒜、香蔥及青菜一齊食，滋味滿分 ✨👅 X記瑞士雞翼口痕叫多一份瑞士雞翼，一碟 5 隻，肉質軟滑，味道係瑞士汁獨有既香甜甘味，送飯極開胃 😛😛▫️◾️▫️◾️▫️◾️▫️◾️▫️◾️▫️◾️▫️◾️▫️金飯館貳·零 肉餅·焗飯專門店 (旺角)📍旺角廣華街38號地舖💸 $ 110

睇中咗佢哋用蘭王蛋🤩🤩所以點都要入去試一次。蝦頭油肉餅飯非常香蝦油味，而且飯上面亦都鋪滿蝦乾仔，然後最出色嘅就係肉餅，非常濃郁味道，食過之後你會發現係喺出邊食唔到嘅味道亦都係喺出邊茶餐廳食唔到嘅肉餅，再加埋蘭王雞蛋，建議食法就係整穿蛋黃，等蛋黃留落白飯嗰度一齊入口更加正👍🏻👍🏻蜜桃鮮茄焗豬扒飯超級大份量嘅一個焗豬扒飯，而且除咗蕃茄同豬扒之外，仲會多咗蜜桃，令到成個飯味道層次咁提升咗好多，同一般嘅茶餐廳焗豬扒飯真係好唔同，每一啖都好Juicy。

明明有勁多吉枱，係都要人搭埋黎，但其他人都一樣唔想搭枱。出到聲話仲有好多枱，而且好快食完走佢都係要堅持搵人搭枱。茶記黎講直頭貴，唯一分別係多左隻蘭王蛋，就賣貴人地幾十蚊，叫左咖喱牛蘭王焗飯，d汁得個鹹字完全唔香，焗得又hea,真心唔需要再幫襯。

金飯館廣華醫院附近好多食肆，偏偏只有呢間餐廳排晒長龍！店店細細卻滿載溫馨，坐到滿曬！個個都衝着這個蘭王蛋而來！🇯🇵沙嗲牛肉蘭王煎蛋飯沙嗲味道超級濃郁！係平時食茶餐廳食沙嗲牛肉麵嘅幾倍濃郁味道！不過最重點係隻日本頂級蘭王蛋！深橙色的蛋漿蛋味濃郁！蜜桃肉焗豬扒飯豬扒啖啖肉，完全係完美嘅蕃茄豬扒焗飯！蕃茄份量極多，蜜桃鮮甜！難怪男女老幼都會想排隊來食！點了一個小食，炸墨魚丸，配沙嗲汁！醬汁真係冇得輸！是性價比極高的茶餐廳，多人排隊，只因真材實料吧！下次會想試吓它的肉餅！見到隔籬枱十分大碟！

呢間新派港式茶餐廳，主打各款生煎肉餅飯同焗飯，出品特別有又高質！菜單選擇唔算太多，都係肉餅系列同焗飯系列嘅花款，餐廳大部份菜式都有一隻煎蛋，採用日本蘭王蛋，好有誠意！同場仲有得飲埋金茶館嘅手搖飲品，所有原材料都係台灣直送，連店員都係台灣人，夠曬正宗！以呢個質素嚟講，佢嘅價錢唔貴，唔怪得長期都爆場要等位！------------------------------🦐◖黑松露墨魚肉餅飯◗ $62肉餅肉質軟腍，混雜咗啲墨魚肉，食落好脆口，濃郁嘅鮮味同肉味！生煎完之後，面頭塗上一層黑松露醬，更能帶出墨魚嘅鮮味！配上一隻蘭王煎蛋，橙黃嘅蛋漿同啲飯撈埋一齊，再加上少少豬油，口感超正，味道超香！🐖◖蜜桃鮮茄焗豬扒飯◗ $78餐廳另一個招牌就係焗飯，呢個豬扒飯份量好大，個豬扒超大塊，加上多件蜜桃同蕃茄去焗。下面係蛋炒飯，飯粒分明，同啲蕃茄一齊食，酸酸甜甜，特別開胃！🥙◖蘭王蛋沙嗲牛肉刈包 ◗ $58估唔到呢間茶記竟然有刈包食，仲要夾住沙嗲牛肉同燶邊蘭王蛋，蛋味濃郁，牛肉都有好多片，以至於太爆餡，完全拎唔起食，要攞刀餐慢慢切開嚟食！🤣🧋◖鐵觀音珍奶◗ $20呢度嘅台式飲品另外叫，全部都默認半甜少冰。好大

係旺角每次經過都見到好多人排長龍長，今次終於可以試到😽果然冇失望，超好味😋仲要唔洗排好耐，仲有最鍾意既蘭王蛋🔸芝士焗肉醬配蘭王蛋飯 ($72)-即叫即整，送上嚟嘅時候熱辣辣，焗飯仲要係炒底～炒飯粒粒分明再配上燶邊欄黃蛋，加上芝士肉醬，酸酸地好開胃～🔸黑松露墨魚肉餅飯墨魚肉餅上面滿滿黑松露醬，每一啖都充滿黑松露味，而且肉餅入口會食到粒粒墨魚粒～加上肉餅煎到脆口，好好味🤤📍金飯館貳·零 肉餅·焗飯專門店地址: 旺角廣華街38號地舖

朋友介紹咗一間新式焗飯店比我。【金飯館貳·零 肉餅·焗飯專門店】有兩間分店。今次我同家人去旺角分店，位置係廣華街，好方便。餐廳有不少特色餐點，主打肉餅飯，焗飯，刈包。✪ 蝦頭油炒飯 ⌫ 💲83份量豐富。飯粒彈牙，炒得恰到好處，而且他們使用蝦頭油增添了濃郁的海鮮風味，讓整道菜更加美味。✪ 芝士焗沙爹牛肉配蘭王蛋飯 ⌫ 💲85這道焗飯結合了濃郁的沙爹牛肉和香脆的芝士，再加上蘭王蛋的滑嫩口感，味道豐富。適合重口味的朋友。✪ 千味泡菜雞扒刈包 ⌫ 💲58這個刈包好出色。內部夾著多種口味豐富的泡菜和雞扒，有層次感，吃起來既酸爽又香脆，非常開胃。.【金飯館貳·零 肉餅·焗飯專門店】📌 油麻地廣華街38號地舖

聽講近排哩間主打肉餅既店大熱，特登過黎試下，星期六夜晚8點幾都仲要等位，似乎真係幾受歡迎。叫左個蕃茄豬扒焗飯，雞軟骨肉餅飯同埋瑞士雞翼。哩度出品抵食夾大件，兩個飯都超大份。焗飯係炒飯底，炒得香粒粒分明唔會過濕，豬扒有幾塊，塊塊都大塊鋪滿飯面，仲有好多芝士同鮮茄。我諗女仔細食d兩人share一碟都夠哂飽。肉餅好厚咬落去啖啖肉，表面有焦香，再加埋雞軟骨脆口感覺，好過癮。蘭王蛋唔洗講真係蛋黃香濃好多，拌飯一流!瑞士雞翼都好好食，皮滑肉juicy又入味👍🏻留意到每張枱都有支茅台，店員又無特別講到，唔知用黎配咩既呢？

蝦油肉餅飯完全沒有蝦油味，只見櫻花蝦乾肉餅屬中上級數，馬蹄粒大大粒。肉餅只有少少肉味，不太 juicy，肉餅份量有一點少蘭王煎蛋正常，以68蚊黎講，感覺多一隻蛋會好好多。任加嘅類似豬油，稀似水狀，亦沒有豬油味，秘制醬油就係普通甜豉油，完全唔特別嘅秘制。鰻魚蘭王蛋炒飯鰻魚極鹹，鰻魚口感一般嘅質素，$88蚊份量可接受，炒飯屬一般，都係偏鹹。沙爹雜丸沙爹汁比出面沙爹計稍辣，比較希。雜丸係牛丸墨丸魚蛋如應該冇食錯。 有6粒。26蚊黎講，正常粉量正常味道。

-差不多旺角開業半年既金飯館 8,9成人去完都讚好味🤔仲話好味過牛頭角店⋯今日收工就去一探究竟係廣華街 一堆甜品店果邊 座位就唔算好舒適 少少迫夾啦 人多仲有機會會撘枱今日等左3張枱左右就入得 仲咁岩有卡位🤩聽侍應姨姨話平時係門口排長龍🧍🏻‍♂️🧍🏻‍♀️🧍🏻‍♂️🧍🏻‍♂️🧍🏻‍♀️🧍🏻‍♀️🧍🏻‍♂️我地兩個人叫左主打既肉餅飯🍚同埋係menu入面好吸睛既雞扒煎蘭王蛋飯🤩仲叫多個小食添.✳️沙嗲牛肉蛋炒腸粉從未食過呢味餸 上碟係超有鑊氣既蛋炒腸粉 😍微燶再配上沙嗲牛肉醬放面 食既時候再將佢兜亂兩者夾埋一齊食都幾香 好惹味👍🏻✳️黑松露墨魚肉餅飯侍應姨姨一放上枱就即刻聞到好濃既黑松露味💨見到肉餅好厚身 肉質唔會好結實肉餅入面有🦑墨魚粒同翠肉瓜粒枱上面仲有秘製豬油 💦加少少成個飯都會香啲滑啲覺得豬油唔夠 仲可以落秘製豉油同加少少茅台都得🥃✳️蔥油香煎雞扒蘭王蛋配炒飯餐牌入面既相好靚 比佢吸引左叫來試下兩大塊雞扒 保持到嫩滑口感😋加埋旁邊既葱油同埋🍳蘭王蛋撈飯一流😎唔好忘記仲要係炒飯底 食過返唔到轉頭(?)...

金飯館既炒飯好多人推，最近係旺角都開左分店🔥旺角既分店就係主打肉餅同埋焗飯，晚餐時間黎到，keep住都好多人黎食～去到八點九點仲keep住有人入，仲有見到佢地好多外買單。食完之後就明點解咁多人食了～同傳統茶記唔同，多左啲創新元素，同埋用料好，價錢有唔算好貴～值得推薦👍 1️⃣芝士焗肉醬配蘭王蛋飯（$72）焗飯面頭橙紅色蘭王蛋真係好吸睛😍芝士肉醬係簡單既配搭，但係配上蘭王蛋成件事即刻grand左。炒飯底都好好食～  2⃣️蝦頭油炒飯（$83） 炒飯好大碟！炒得乾身唔油、粒粒分明～配料仲有蝦、蠔、帶子，係可以食下食下食曬成碟既炒飯🤭  3⃣️蔥油肉餅飯（$56） 肉餅絕對係黎到必點既item！佢地有好多款唔同既創新配搭，我就揀左基本既蔥油肉餅，一樣配有靚靚蘭王蛋😄肉餅好厚，但係煎到出黎唔會覺得乾身😳食落係有肉汁既，蔥油好香，撈飯一流。佢地既肉餅飯既飯同炒飯用既飯係唔同既，肉餅飯配既係珍珠米，食落更加濕潤，配埋蛋汁真係好正！檯面仲有秘制醬油同埋豬油，食左啲之後，再每樣加啲食，香味更加突出！  

每次經過呢間肉餅專門店都好想試 ！但次次晚飯時間經過都好多人排隊，今日早咗收工，即刻搭車過嚟，六點都仲有一半吉位，我哋食到七點，走嘅時候已經全場滿座🤣真係好多捧場客！🔹奧爾良雞軟骨肉餅半熟蘭王蛋呈橙黃色，賣相誘人😍超巨型嘅雞軟骨肉餅即叫即煎，成個拳頭咁大！熱辣辣呈上，食落好厚實，仲有雞軟骨粒，好有嚼勁😋如果想更加香濃惹味，可以自行加豬油同埋豉油，增添香氣～🔹蜜桃鮮茄焗豬扒飯蕃茄醬汁酸酸甜甜夠晒開胃，配以香甜有多汁嘅蜜桃🍑同埋厚切嫩滑豬扒，食落啖啖肉！面頭加入大量芝士焗製，輕易拉出拉絲芝士，每一啖嘅口感都好豐富👍🏻🔹瑞士雞翼五大隻瑞士雞翼醃得好入味，色澤均勻，肉質滑溜多汁❣️金飯館貳·零 肉餅·焗飯專門店✨📍旺角廣華街38號地舖

肉餅飯是普通家常菜，但想好食的話都幾考功夫。今日在旺角一間餐廳食了一個非常滿意的肉餅飯。它勝在新鮮熱辣，即叫即煎，口感鬆軟，充滿肉汁。它的肉餅有幾種口味，我們選了蓮藕梅香咸魚肉餅。肉餅用新鮮豬肉打成，蓮藕切到細細粒，爽脆不硬。肉餅飯配一隻半熟燶邊的日本蘭王蛋，錦上添花。🏅蓮藕梅香咸魚肉餅飯（$62）🏅芝士焗肉醬配蘭王蛋飯（$72）🏅瑞士雞翼（$42）*焗飯同樣是餐廳的主打菜，我們點了芝士焗肉醬。焗飯表面鋪滿芝士和酸甜的番茄肉醬，醬汁豐富，炒飯底吸滿醬汁，軟硬適中，每一粒飯都有味道。把半熟的蘭王蛋黃切開，橙紅色的蛋液流到飯中，滋味無窮。*瑞士雞翼有5隻，隻隻飽滿紅潤，非常吸引。雞翼皮爽肉嫩，瑞士汁香甜，食到津津有味。

晚飯時間經過旺角廣華街附近見到金飯館貳·零 肉餅·焗飯專門店，店內有很多客人， 所以就即興入去用餐🥢。 餐廳主打肉餅飯和焗飯，點了芝士焗肉醬配蘭黃蛋飯$72、 奧爾良雞軟骨肉餅飯$62。 🔸芝士焗肉醬配蘭黃蛋飯🍛 ～ 見到餐牌是老闆首選所以就點了😊， 蘭黃蛋汁沾濕了整碟飯， 配上香濃的肉醬和芝士， 飯底濕濕地，入口惹味。 🔸奧爾良雞軟骨肉餅飯🍛 ～ 即叫即煎的升級肉餅， 裏面加入雞軟骨增添咬口感， 白飯配上香蔥， 增添滋味。 推介給喜歡肉餅飯的朋友😊🏷️溫馨提示～ 整個用餐體驗均屬個人分享意見， 只作參考😊。

“黑松露墨魚肉餅飯”($62)“芝士焗肉醬配蘭王蛋飯”($72)金飯館喺旺角開咗分店呢間金飯館2.0主打嘅係肉餅同焗飯咁當然要2樣都點返款嚟試試啦😝首先係黑松露墨魚肉餅飯肉餅十分之厚身,外層帶點焦香脆加上墨魚食落帶點彈牙配上滿滿嘅黑松露醬同煎蛋真係好夾☺️落埋枱面上嘅秘製豬油同醬油味道更加提升😍另一款係芝士焗肉醬配蘭王蛋飯個焗飯賣相超靚🤤一睇就知係正🤣面頭係焗到香脆嘅芝士,入面炒飯夠乾身加埋肉醬同蛋味香濃嘅蘭王蛋,一流😍下次要去埋牛頭角店食炒飯先😆