金金日式燒肉店

營業中

休息中

又係第一次食呢一間「金金日式燒肉店」，好好食😋（食肉獸必來）D牛肉好好味，個熊本牛好肥但係又好有口感，然後D霜降牛好肥，入口即化非常之推薦，最後嗌左一碟炒飯，也都好好食，滿足！

同事farewell lunch，今次終於可以去遠少少，去左銅鑼灣食燒肉，呢間係樓上店，呢日黎到冇咩人，我地一行十幾人好似包左場咁。望下餐牌，有一人午市套餐，價錢合理，另外仲有豐富D既二人餐同四人餐。為左方便，我地分開叫，圖中係兩個唔同既二人餐，除左海鮮，肉類，仲有黑松露和牛炒飯，鯛魚刺身沙律，前菜就係特式既櫻花龍蝦豆腐。海鮮類最鐘意係花甲，雖然尺寸唔係大，但係好鮮甜，肉身都幾飽滿！肉類方面，牛豚雞都各佔，其中牛類會較多款同件數，而當中一款A5和牛真係超級無敵好味，極力推薦，因為個口感超正，油脂分佈好好，但得兩塊，好食到個個同事都心心眼，仲想散叫，但好可惜既係待應話冇得散叫。呢間燒肉店真係好高質，性價比超高，如果我係銅鑼灣番工，一定個個星期都黎食。

今日中午去左銅鑼灣的「金金日式燒肉店」吃午餐，餐廳好鄰近銅鑼灣地鐵站F出口，非常方便！午市定食套餐做緊八折優惠，也有優惠價的烤肉套餐。當日就點左一個拉麵餐同炒飯午餐前菜沙律和牛炒飯跟餐會有前菜、沙律同麵豉湯，前菜係辣味鴨腎，雜錦菜好新鮮爽脆香脆炸薯角拉麵跟餐會有一客炸薯角，大大件，脆卜卜好香口，薯肉十分飽滿松露清酒燒帆立貝原隻帆立貝都幾大隻，加左黑松露同牛油一齊燒熟，使得帆立貝充斥着香噴噴的松露香氣香草牛油燒廣島蠔生蠔肉已經去除外殼，方便食用。加入香草牛油燒熟，多左一份牛油脂香同香草味，生蠔肉飽滿鮮甜日式煎餃子一客有四件，裏面係豬肉椰菜餡料，好足料呢！餃子內外都比較腍身，唔會好熱氣辛口極上和牛挽肉拉麵挽肉=肉碎，餐廳採用極上和牛製成辛辣肉碎，牛肉味特別濃郁，肥瘦適中所以口感腍滑，鹹香味美。日式直身札幌拉麵富有雞蛋及麵粉麥香，掛湯能力佳，同和牛肉碎一齊拌勻後食用更加滋味特上和牛炒飯炒飯乾身唔油膩，粒粒分明，好有鑊氣！仲有好多配料如日本和牛、蔥花、蛋絲、洋蔥粒等等，調味適中，口感層次同味道都好豐富呢，男仔食都絕對夠飽肚

次次係銅鑼灣食燒肉都會係皇室堡食，但排隊之餘質素仲差左，真係食到一肚氣。好彩同事介紹左呢間燒肉，叫我有機會就要試下。🔸嚴選厚切鹽燒牛舌 $98最愛既牛舌~一份有8塊，而且每塊都唔細，個人覺得呢個價錢唔錯！ 店員教我地先將四邊燒到脹卜卜，再用剪刀剪開佢，中間有少少粉紅，外脆內軟，仲保留住牛舌既爽口！我地食既每一塊都無根位，感覺店家有誠意！好食~🔸特上厚切牛胸腹(鹽蔥) $118呢碟厚切牛胸腹係今晚食過覺得最好食的，牛肉不單有牛味，而且油脂分布平均，厚切增加左一定既口感，燒到五成熟，入口好嫩滑，單吃或配上紫菜飯同樣好味！🔸牛助骨肉五品盛 $198其實唔係好分到四種肉有咩分別，肉質正常。但其中一口牛不錯，一般外面食過的一口牛燒得耐好容易會韌，但呢個唔會，非常juicy~ 值得一讚🔸白桃清爽果實酒 $48食燒肉又點可以唔飲酒~果實酒帶有白桃香味，加上少少甜度，非常易入口，適合女性飲用。🔸溫泉蛋紫菜丼 $58調味唔會過咸，配上燒肉食，一流！金金燒肉既價錢唔算太貴，價錢對得住佢既肉質，比以往食開的一間連鎖燒肉店價錢相近，但品質較好。

銅鑼灣好多餐廳都受影響，無人出街食飯我今次推介呢間日式單點燒肉專門店而家一片熊本a5和牛 肉眼位 只要$168仲平過你去日式超市買油花均勻，入口即化超嫩滑我教你最識食既方法，叫個溫泉蛋紫菜飯，拌勻紫菜同蛋一齊食味道更突出更滋味仲有好多唔同部位既燒肉可以選擇下次出銅鑼灣要食飯可以考慮下呀每一期和牛都有優惠,先打去問清楚再訂位都未遲老闆對和牛好熟好了解,用最好食材,所以好受歡迎!銅鑼灣怡和街2-6號英光大廈3樓

同事有去開呢間食lunch ，今日帶我試下佢地既lunch set。佢既set係揀一款肉，包前菜、麵豉湯、蛋、飯同甜品。我地揀左兩款唔同既牛肉。lunch 可以自己燒肉好正呀，食得出佢既肉質素好好，我本身唔係好食飯都食咗成碗飯大家好果係銅鑼灣食飯，唔好錯過佢

出差去銅鑼灣做野，難得出去，當然要搵D好野食。有日式丼，燒肉午餐，我地一行二人，食豪啲啲，叫左個大滿足海鮮燒肉二人前，非常豐富。味噌湯前菜韓風溫泉蛋豆腐👉日式豆腐豆味好濃郁，加上溫泉蛋👍黑松露牛舌沙律燒物鹽燒牛舌，黑毛和牛肩胛，黑毛和牛板翼，一口黑豚，意大利香草雞腿肉，七輪燒活蛤，岩鹽清酒燒帆立貝，飛魚籽玉子燒👉 和牛油花分佈均勻，好味到😍👉 帆立貝同蛤都好鮮甜👉 一口黑豚都好林滑，我仲以為係牛😅👉 雞肉有香草汁包著，燒完入面肉質吾會乾白飯飲品另外再加個28cm 長既珍寶深海大虎蝦，蝦肉彈牙，蝦油好甘香，百幾蚊隻真係交足貨。呢餐食左五百零蚊，咁既食物質數，CP 值都好高，值回票價👍👍👍

之前公司間唔中 team lunch 會尼呢間食燒肉，當時已經覺得幾抵食。同一班同事食，通常都會叫2人餐4人餐，包哂沙津前菜，多種牛既部位，豬，雞，海鮮，飯，甜品。今次同朋友尼食，因為用左折扣 book，就無得叫套餐，變左逐樣散嗌，不過menu 單價都唔貴。首先係和牛刺身沙律，和牛係幾甜，不過我唔太中意呢個質地，就試下輕輕地放落個爐燒一燒再食，幾正！然後就上左厚切鹽燒牛舌，同埋特上厚切牛胸腹牛舌我會燒哂 4 邊再剪開一粒粒燒多一陣，個邊就會好香而入面仲有少少粉紅，外脆內軟牛胸腹都有牛味，但我就唔特別食到鹽蔥既味食完牛胸腹，就食澳洲A4和牛翼板肉，好重油脂呀，食到呢度已經有dd飽黑松露和牛炒飯係次次尼都有食（因為跟餐），今次食就覺得無平時咁重黑松露味，朋友話覺得似出面普通炒飯最後朋友食完A4唔夠喉，叫埋個$168熊本A5和牛肉眼，呢個就無折既雖然比較薄身，但係入口即溶個感覺都好滿足，即刻飽到120%金金除左抵食仲有樣好，就係坐得舒服同埋唔嘈，唔多人，多人約埋一齊食既話可以坐到最入自成一角~

銅鑼灣多好嘢食大家都知,但價錢都相對唔平.lunchtime有時都唔知食咩好,今日行開叫到有個牌寫住燒肉定食都唔食$100.即係心郁郁,叫同事一齊lunch time去試.幾個同事叫咗唔同套餐share,每份都包飲咖,沙律,飯同湯.單單係鹿兒島黑豚肉同燒汁牛五花都係$88一set.的確超值抵食.而且肉質鮮嫩多汁,配埋飯好飽.另外,仲有個魷魚筒定食,都只係$78.但魷魚筒要燒耐少少,咁會更加惹味.因為我地都係雞翼控,叫咗個網燒手羽雞翼,香草麻油味好夠味,一碟有8隻,好夠我哋食.

之前食過唔少放題任食燒肉，但係想食高質啲嘅肉就可以試下依間日本和風風格嘅燒肉店🥰又有吧枱又有卡位幾舒服㗎，肉類選擇亦唔少🥩========================雜錦燒肉盛合 半價：$129依個燒肉盛合認真抵食😻入面有澳洲和牛、燒汁牛肋骨肉、鹽燒牛舌、鹽燒角切黑豚同鹽燒雞腿肉☺️最回味點少得澳洲和牛，一燒完即刻入口即溶，和牛肉質鬆軟嫩滑，脂肪分佈均稱，油香味重但唔膩，比燒汁牛肋骨肉多種油脂爆發嘅口感；鹽燒牛舌屬厚身，個人比薄切更鍾意厚切牛舌，所以佢就好啱我口味🥳牛舌完全冇韌身嘅感覺，淋得嚟仍然貫徹煙煙韌韌嗰種好有質感嘅口感；黑豚同雞肉雖然冇三款牛肉咁出眾，但係用鹽醃左之後就已經好夠肉味，亦算唔錯========================紅酒慢煮牛舌 半價：$34慢煮牛舌嘅紅酒味唔夠突出，只係略略感受到佢嘅甜味，而且因為加咗凱撒沙律醬喺上面，唔多唔少都會被沙律醬嘅味道蓋過🤔不過牛舌都夠彈牙爽口嘅========================黑松露和牛炒飯 $118炒飯乾身，做到粒粒分明，粒粒都有黑松露黏上，黑松露味道濃郁🤤和牛切至條同粒狀，雖然就冇咗喎我和牛嘅油脂香同埋質感

🍻金金日式燒肉店銅鑼灣怡和街2-6號英光大廈3樓全層.收到風有間燒肉店做緊早割及晚市時段精選食品半價🤩，當然要試一試。（特價餐牌喺最底）.生牛肉石鍋飯 $88賣相吸引，點紅點綠，令人食指大動。韓式辣醬配上新鮮蔬菜好開胃！.什錦燒肉盛合 $129咁嘅價錢食到牛肋骨同埋澳洲和牛真係好抵！兩者都係入口即溶，而且仲有好香嘅油脂香味。.特式野菜沙律 $39（特價）平價健康之選，蔬菜好新鮮，鰹魚碎俾得好豪爽。.38cm鎖鏈牛翼板 $99（特價）視覺效果超好，食落都好嫩滑，牛味濃。呢個價錢超值！.鹽蔥網燒手羽中 $34（特價）鹽蔥調味比想像中清新，燒香晒啲雞皮超好食。.附上特價餐牌：

好耐無同男朋友去食好野，原來呢間金金日式燒肉喺正銅鑼灣SOGO對面，睇Menu仲有二人餐叫，二人餐有齊前菜、海鮮、雞豬牛、炒飯同甜品，總共有14樣野食（仲要有兩樣都係我超中意既牛舌），成Set都只係五百幾蚊，勁抵食。上到三樓，座位都幾寬闊，每張枱之間都隔幾遠，私癮度十足。-二人燒肉套餐 $538櫻花龍蝦沙律豆腐（推介！）豆腐夠凍，配麻醬超開胃，櫻花龍蝦鮮甜，肉質彈牙多汁，正！-金目鯛刺身沙律平日好小食金目鯛刺身，不過肉質都幾軟滑，唔會腥，沙律新鮮爽口，兩道前菜都好好食呀！-極上松葉蟹腳（推介！）唔係好識燒蟹腳，好彩店員好細心，見到燒熟個陣會提我地食得。松葉蟹腳肉質鮮甜多汁，好厚肉啊。-香茅大蝦肉質爽口彈牙，不過比起蟹腳同帆立貝就有啲普通。-清酒黑松露帆立貝雖然食唔到清酒既味道，帆立貝旁邊既香草牛油勁香濃，隻味比香草牛油搶過左。-佐賀A4黑毛和牛（推介！）不愧係A4和牛，肉質柔軟，油花分佈均勻，燒一陣已經食得，係入口即溶架～～～-蔥蒜牛舌薄燒卷（推介！）口感柔軟，配蔥蒜食更加突顯到肉味既香濃，好惹味，好好食呀～～～～～-鹽燒角切牛舌厚切牛舌爽脆多汁，入口有嚼勁，邊咀嚼邊食到濃濃既牛味同油

與友人慶生當然揀她至愛的燒肉喇 !!!生日一於食好點 點了份最貴的午市定食比她 ... 日本 A4 和牛肉眼拼鹽燒牛舌 HK$268定食好豐富，包括 ... 爐邊燒蛋、沙律、前菜、白飯、味噌湯及飲品日本 A4 和牛肉眼滿佈雪花，賣相好吸引 !!! 成個烤爐咁大塊，薄切的關係小心火喉，不好烤太耐呀 !A4 和牛真是好食好多 ... 肉味濃郁富有油香，肉質嫩滑，拌飯一流 還有帶點厚度的燒牛舌，好合我們兩個牛魔王的胃口 ~~另外亦點了份 ... 18cm 味噌黑豚腩拼岩鹽青檸雞腿肉 HK$98 一長條的黑豚腩圍著爐邊蛋來烤就啱哂 爐邊蛋燒一陣用匙攪拌幾下就有滑蛋食囉 蛋漿裡面加了醬汁和蟹籽，增加味味道和口感黑豚腩烤好剪成小塊入口 預先用味噌醬醃過，不用點醬汁已經好夠味，肉質爽口一點都不油膩 我們掛著傾偈，烤焦了少少，不過錯有錯著 ... 入口多了點焦香，香口點好味點飲品除了可以配汽水、凍檸檬茶，亦可以配滋潤的蜂蜜雪梨汁現在晚市有『周年感謝祭』優惠 多款食品在早割及宵夜時段還有 50% 折扣 最吸引儍媽的是 ... 網燒活鮑由 HK$138 減至 HK$69** 以上分享是以我的口味、喜好

今日等男朋友收工黎到銅鑼灣行街好想食燒肉🔥見到金金有賣廣告所以上左黎睇下🙌🏻因為太早啲人未到所以啲位任揀呀❤️見到menu有個vip極盛兩人餐就諗都冇諗就order左呢個套餐💲5️⃣3️⃣8️⃣有前菜🥗海鮮🦐主菜肉🥩炒飯🍱同甜品🍮抵食之選唔洗煩💕後來店員姐姐有介紹返我地呢張早割優惠🌞星期一至四 17:30-19:00/21:00-23:00但因為我地已經叫左套餐驚食唔曬所以冇叫但其實超抵食囉 老闆好佛心💕🌟Asahi 生啤 🍺💲4️⃣8️⃣ （買三送一）呢到有Asahi生啤囉🔥勁開心，即刻同男朋友一人一杯啤啤佢呀🍻又夠凍又抵飲😊🌟VIP2人盛💲5️⃣3️⃣8️⃣（前菜、肉盛、碗物、海之幸、甜品）🔥櫻花龍蝦沙律豆腐🦐（前菜）佢地話係真係落左櫻花加埋好多女士都大愛既胡麻醬❤️❤️開胃得黎又夠晒健康‼️🔥金目鯛刺身沙律少少酸既汁加上新鮮既菜🥗入面竟然有蒟蒻 啫喱口感既蒟蒻為沙拉增添不少口感 非常特別既一個造法🤙🏻🤙🏻🔥極上松葉蟹腳🦀侍應姐姐教我地放係側邊慢慢烤食落去個陣幸福感爆棚💥啖啖肉既口感加上鮮甜既味道令人回味無窮🐷🔥燒汁牛肋骨呢店牛肋骨肉放左啲芝麻 食落幾香牛肉配芝麻原來真係幾襯！🥩🔥究極香茅綱走大蝦🍤好彩男朋友對烤蝦都有少

金金日式燒肉店-燒肉的盛宴雖然銅鑼灣食市林立，但想搵間食物高質，環境舒適既食店都有一定既難度。今日由朋友帶路，懶神秘咁話有間餐廳可以滿足晒我以上既要求。「金金日式燒肉店」全店裝修以木製品為主，簡約舒服，而全店一大特色一定係大bar枱，放滿各式各樣既酒，可供食客一邊把酒談心，一邊品嚐美食。細看menu之後，覺得二人餐較為吸引同豐富。先黎前菜「櫻花蝦沙律豆腐」，豆腐滑得黎又阿凍，加上櫻花蝦同蝦子，口感頓時變得更有層次。而另一個前菜「金目鯛刺身沙律」入口清新，用上黑醋同wasabi製成汁，更顯開胃。成晚既重頭戲終於黎啦！唔駛多講，齋睇就知「正」啦。特別要推介「清酒黑松露帆立貝」帆立貝超大粒又新鮮，唯一缺點係酒味唔突出。「A5黑毛和牛」色澤靚，油脂分佈平均，入口油香滿溢又重牛味。燒完一輪肉類之後，要食返d菜中和一下，可能係有機蔬菜既關係，所以d粟米同洋蔥都特別甜。因為太飽既關係，完全遺忘咗仲有「黑松露和牛炒飯」，炒飯粒粒分明，每粒都沾滿黑松露，非常美味。最後仲有燒肉店自家製既牛乳凍作結，大滿足！