金輝點心

營業中

休息中

上OpenRice睇佢嘅點心都幾多款式，所以就去試吓，叫咗鮮竹卷和麻蓉包，兩樣都非常難食！鮮竹卷 - 上枱嘅時候，腐竹已經乾噌噌變了黑色，代表沒有熱力嘅情況下擺了很久。鮮竹卷非常柔軟，懷疑裏面可能無肉嘅成份或太少肉，目測就係見到蔬菜。麻蓉包 - 包的外表除咗不好看之外，包皮是黃色的，不是一般在香港見到的白色，麵粉的質素已可想而知。翻開包的底部，呈現黑色啡色的，而且濕濕立立，是蒸籠甩色嗎？這次體驗實在冇原因再去第二次。(食評以外，做服務的叔叔嬸嬸，有禮貌友善)

有時想一個人想點心去酒店真係唔太化算所以我會去點心鋪啲間第一次試，都有啲驚喜～🔆 蝦餃隻隻都大大粒，皮唔算好薄，但可以接受蝦肉親鮮，溝埋啲豬肉入口都不錯！爽口彈牙！🔆牛肉腸粉粉皮真係有啲厚，但牛肉都夠，比例都叫合適！加埋豉油都叫可以！夠飽肚！ 最後因為唔想飲中茶配個凍檸茶，茶底夠濃！

心心念念 終於食到🥹超級大的雞球大包 裡面好多料 調味適中 外面都蒸的啱啱好 鬆軟唔會濕濕哋蘿蔔糕有蘿蔔嘅清甜 裡面好似係叉燒鵪鶉蛋燒賣稍微鹹佐少少春園街去佐兩次都買唔到😅之後都來哩間

呢間點心位於機利臣街，距離地鐵站都唔係真係太遠，地址都尚算方便本身都幾鍾意食點心嘅我就揀咗呢一間餐廳做午餐 順便試吓係咪真係咁好食 我就叫做一個土魷肉餅飯，份量唔算太多，我認為佢嘅土魷肉餅飯肉餅係可以接受，調味相都唔錯嘅，但係未至於去到好出色嘅地步，對呢個價錢，我會形容係不過不失 蝦餃上有啲過熟嘅情況，蝦餃皮同埋皮有少少分離嘅狀態，味道係唔錯嘅，但係有少少影響賣相，入邊嘅蝦亦都有好多隻，每一隻都非常爽口彈牙 呢個位值得讚另外，店員亦都不停為我哋加茶，本身個冷氣位好凍最後幫我哋轉咗位，非常貼心

雖然環境一般，但勝在性價比高。好傳統嘅點心同蒸飯。應該係外賣自取喝好選擇。服務因為未試過堂食所以唔好評價。不過蒸飯嘅送味道稍微咸左少少，同埋蒸飯唔可以拼有菜，所以感覺成個飯寡左D同埋 dry左D

呢間食過三次，中午放飯黎食～ 次次都食唔晒，好夠份量，飯又多，又有野飲同點心，仲有一壺茶。太貪心叫太多，但$5x咁多野食又好抵！熱辣辣上台，真係岩岩蒸好！good! （上圖係兩個餐黎）外賣就喺門口買，都係即蒸！單點或叫套餐都得，單點無咁抵，但都唔係叫貴價～ 小台黎講算多野食！店內其實唔大，預左會坐得迫少少/搭台。但都好過去酒樓得位！呢度上餐算快，好快食完lunchtime仲有時間行下。推介！ 唔想去茶樓又想食點心好去處！

當你係灣仔，唔想去酒樓但又想食點心既時候，朋友就推介左呢間點心店比我～門口都幾多人排隊，但好快就可以入去坐，當然咁快入到去就代表好大機會同人搭台坐～朋友好快手點左Ｄ點心食，因為係午市，仲有Ｄ飯簡黎食。店員會好好人幫你計點食先最抵，所以我地都等佢幫我地計最抵食既餐，哈哈～蟹籽燒賣皇：一盅有4粒，都幾大粒嫁，D 肉都幾紮實～招牌鮮蝦餃：皮薄蝦都幾大粒，一啖食晒個人仲滿足！四寶滑雞扎：我同朋友既大愛！厚實既滑雞，仲有火腿、腐皮等配料，食晒成舊，滿足度最高！鮮竹牛肉球：落喼汁是必需吧！都幾重蔥味，如果唔係咁鍾意呢個味既人，就未必會鍾意食呢個牛肉球啦～配埋一個鳳爪排骨飯，如圖片一樣，佢比好多菜你食，好彩既係餸都唔少既！總括而言，我地一行５人，叫左咁多樣野，每人都只係比50蚊左右，完全好抵食！雖然店面一定唔會好好，但都幾有舊式港式餐廳風格，聲大大但唔代表惡，店面地氣但唔代表唔好食～怪唔之得咁多街坊捧場客啦！

有時都鍾意去酒樓食一盅兩件，不過如果係平時返工冇乜時間就唔係好想去酒樓， 所以經過呢一間餐室主要係賣盅頭飯同點心，最重要都係唔係太駛等，因為一個人好容易搵到位，一到就即入 ，我叫了這個鳳爪排骨飯 同埋鴨腳扎，飯蒸得唔錯，如果用瓦盎蒸飯就更加好， 啲飯會更加煙韌，不過壞處就容易打爛，所以餐廳一般都不會用瓦盎了，鴨腳扎比想像中好味，鴨腳不會太硬也不會太林，蒸到ok，另外配搭少少鯪魚肉都唔錯，整體嚟講，一飯一點心加埋茶盛惠54蚊，算是不錯的選擇吧。

Lunch時間的最佳之選，價錢好合理，於灣仔旺區都可以有接受到既價錢都算係咁，當然比起酒樓個D點心價錢係貴DD，店員服務態度好，好有街坊生意之感，有點人情味，食物質素都不錯，更有舊式點心例如臘腸卷，好少地方有了，整體黎講，Lunch唔想捱灣仔區貴嘢，呢間點心都係佳之選。

今日同同事食午餐，簡左間佢介紹既點心餐廳。到左門口個陣，Ｄ姨姨好有善咁問幾位，一坐低即比ＭＥＮＵ　我地。望一望個MENU平均套餐（一飯＋點心）價位50-60元左右。今時今日仲有咁好既服務態度已經算好好，特別係係繁忙時段。我同事叫左肉餅飯加一籠燒賣，而我就叫鳳爪排骨飯加好耐無食既棉花雞一起分享。肉餅飯：　比較乾身，靠醬油加落飯到先夠濕。燒賣：　普普通通，過得去，就係好豬肉味。鳳爪排骨飯：鳳爪同排骨都好淋身入味，送飯真係一流。下次都會再點棉花雞：根本就係傑作，入味，雞好滑身，魚肚吸曬Ｄ精華，值得一試。不過美中不足係冬菇有陣''up’’味。可作改善。幾個點心算好食,食得好飽, 會再黎！

今日食Lunch, 同同事係金輝到食, 叫了2個飯3個點心, 3個人食埋單129蚊, 唔算貴, 因為係灣仔食60 70 蚊一個人好正常,幾個點心唔算好食,但係我地食得好飽, 都會再黎

$52 lunch 有一飯，一點心，一凍飲仲有棉花雞，蝦餃。。。揀添！😉😉👌🏻👌🏻而且質素有保證！👍🏻👍🏻👍🏻☺️豉油辣油任加唔嬲！❤️❤️❤️😍😍😍尼個價錢同質素吸引左好多灣仔打工仔嫁！😉😉😉😉小妹正係其中一個！！😬😬都食過好多次嫁啦！☺️☺️☺️💕推介比灣仔既打工仔們😬😬😬😬👍🏻👍🏻👍🏻👍🏻尼個價錢係灣仔好難搵嫁！Ps放1點多d位😉😉

公司既午餐時間，為2:00打後，實在太體貼呀!下午茶大把平野揀，慳到錢呀，想食一盅兩件，但酒樓既下午茶好多人，等得來都訓，同事話春園街都有得食，但唔知間野叫咩，唔理咁多照行去搵，見到有間店面有點心賣，仲唔係佢!衝入去啦。 環境:地方細，港式小店，我地3條友，排排坐好迫呀。 食物:下午茶系列，A三合一餐，$39，有盅頭飯(1盅)+點心(一碟)+$2中茶(茶芥)。3人叫左3個A餐，可以交換點心食。 鱆魚肉餅飯，係細既盅飯，厚身肉餅有鱆魚粒粒，真材實料無花假，有咬口幾好食。 醬皇蒸鳳爪，顏色偏淺，但醬汁入味，正常野呀。 蟹籽燒賣皇，蟹籽比較少，味道普通料。 招牌鮮蝦餃，個皮腍，鮮蝦大粒幾爽口。 金輝點心

一入到去坐低等左成個字都未有人俾水我地洗野，問完佢之後仲大大聲罵返我地話我地唔同佢講要水定要茶。。又話自己講野大聲係天生，忍唔住要同佢口角下，真係好委屈。。大佬入面d店員一個係度坐正係度食飯，一個企係度無所事事，唔識講野？茶位要收費嫁。再講食物質素，由於口角到有點嬲嬲地已經無咩心情食野，媽咪嗌左個鳳爪排骨飯，黎到大大力放低忠飯，頓時覺得自己好似隻狗咁俾佢餵？如果唔係我媽咪我唸我走左！忠飯無賣相唔再講，凍嫁，係凍嫁☹️之後媽咪再嗌多碟腸粉，又得返叉燒腸，其實佢地咁得閑點解唔拉？嗯，無錯，碟腸粉都係凍嫁。。。原本已經無心情食，見到更加唔開胃。。仲想講d用具都好唔乾淨。。真係不可一不可再。

其實都諗左好耐食乜，經過金輝門口見佢有點心又寫即叫即蒸咪即管入去試吧。坐低望左輪佢既套餐餐牌都幾抵，就開始叫下先鳳爪排骨飯。"好呀"試下脆腩卷。"賣哂"(餐牌寫腸粉即做，但lunch停售，哇，應該好好食)叉燒腸。"賣哂"牛肉腸。"都賣哂，腸粉類都冇啦"咁奶皇包。"賣哂"馬拉糕。"賣哂"雞球大包。"賣哂，得返甜包咋"鮮蝦粉果。賣哂，"叫廚房蒸籠比你啦"正當我地諗住抽身走時，佢好快比左個排骨飯黎，心諗佢突登既。"你叫雞扎，燒賣，蝦餃啦" 。。咁都唯有係咁啦。最後成餐本來好想叫既好多野食都冇，得個飯，雞扎同粉果，仲話即做，根本就賣緊門口keep warm既。。諗佢一定好好食先咁姐，排骨飯份量但食到沙，雞扎已經食得出蒸老哂乾哂水，粉果清淡得很。餐飯真係唔知點形容好，侍應可能笑看風雲，做既都係熟客叫既都係飯，唔好諗得太多。。。係我地2個傻婆中入去搏人笑為表尋晚餐不滿，今日要去返米豬蓮飲茶