金西南米線

營業中

休息中

銅鑼灣登龍街一向都有好多好嘢食，但無論咩美食都取代唔到就咁一碗米線係我心入面嘅地位❣️🍜🥢所以今次就去食我其中一間經常食嘅米線店 - 金西南😋金獎腩肉小鍋米線 加蘿蔔 $48入面有芽菜，酸菜，韮菜，莞茜同蔥，唔鍾意食某一樣嘅朋友落單嘅時候可以同店員講，我就全部都要哂🫢🫢佢呢度嘅米線好彈牙，湯頭入面仲有啲肉碎，所以係極之濃郁😽話到明係金獎，佢啲腩肉真係唔係浪得虛明，平時食開腩肉係會見到好明顯一層肉一層肥肉咁，但呢度嘅腩肉就唔會，肥瘦好均勻🐷每一啖咬落去肉質都好淋，而且都醃得好入味👍🏻🤤蘿蔔有2大舊，索埋啲湯汁食超正，而且完全冇渣👀.邊個話平嘢就冇好嘢😤😤簡簡單單就已經好好食，大家下次去銅鑼灣登龍街記得要試下🫶🏻

今天去了銅鑼灣找了一家米線關注組推介的米線，因為見到有綱站介紹這家店有紅薯粉但就是偏幼，我就不愛食幼所以變了米線，本來就想著會有甚麼不一樣的，不過我看到餐牌時發現配料其實不是太多，但不同配料加的價錢不一樣，但反而飲料是凍檸檬茶都沒有加錢。這次叫了一個小窩米線,但沒有辣，湯底就是有點豬骨的味道，比較偏白，而且韮菜是跟湯底一齊煮的，比較入味道。但本人愛食菇類和菜類，但這家店並沒有金菇，生菜那種配料選，所以選了魚皮餃加上蘿蔔，但蘿蔔心有點涼，不過這2個配料是加不同的價錢的,反而叫了凍檸檬茶不用加錢，但有綱上說如果過了晚上6點後就只有汽水提供哦。不過本想著有甚麼特別，但應該要再看看其他綱站上的特別推介才知道它的特別。

🍜雲南小鍋米線 （小辣/多酸）😋只能說米線好食既元素佢都有！湯底好夠味，小辣可能第一啖會有啲辣，但食落又唔會太辣，辣好食到我流住鼻水都成碗食晒，本人鐘意食酸多酸後覺得酸度岩岩好。而且兩餸埋單唔洗$50，抵食！

📍金西南米線銅鑼灣登龍街41-51號金龍大厦地下D號舖同事冇介紹錯！一定有下次！🤤1️⃣金牌腩肉小鍋米線 $41（小辣、走蔥、走韭） 🌕🌕🌕🌕🌗2️⃣松茸小鍋米線 $41（小辣、走蔥、走韭）🌕🌕🌕🌕🌗小鍋米線同南記有啲似，但湯底會濃啲，炸醬都多好多。叫咗小辣係同三哥十小辣差唔多，酸菜多所以味道係：酸>辣，下次會叫中辣、少酸菜。米線條條分明、有咬口。金牌腩肉似日式叉燒，鹵到好腍、好入味，份量唔少，都有5/6舊。松茸爽口！會比較推薦腩肉😋😋😋～3️⃣手拍青瓜 $20 🌕🌕🌕🌑🌑似即叫即拍，因為唔算好入味，同埋個汁係重蒜味、偏咸。我個人覺得麻麻哋。4️⃣Coke Zero $8唔計譚仔、三哥，呢間同阿一豬扒酸辣米綫喺我心目中並列港島米線top 1🥇！順便R大家推介下仲有咩好食嘅港島米線🥹～

今日落狗屎，去登龍街揾食，lunch揀咗呢度食米線。睇完餐牌，揀紅薯粉配雞翼墨魚頭，辣度揀咗大辣。等咗5分鐘左右上枱，份量適中，但太餓既話應該唔夠食。雞翼味道普通，墨魚頭細舊同埋有啲碎，紅薯粉幾有咬口，湯底幾好味。辣度揀咗大辣，頭幾啖有啲嗆口，食多幾啖無想像中辣，大約只有譚仔中辣，成碗味道都算ok，但覺得間舖坐得好迫啲位好窄，行嗰陣要小心提高個袋唔好撞到隔離位，入嚟快食lunch係ok，但食完想快啲走唔想久留。呢間好味過譚仔或譚仔三哥，臨走嗰陣見門口勁多人排隊等外賣。

📍金西南米線/ 米線系列/🍜雲南小鍋米線 $31小鍋米線會包芽菜、酸菜同韭菜，可以選擇多、少或走；而辣度亦都有大中小揀，今次叫咗小辣，食落唔係好辣，味道偏淡🫣但米線嘅份量多嘅，而且有咬口，唔會好淋，正正常常啦～🐷腩肉 +$8呢個好值得叫，推薦！✨炆得好入味，食落幾淋，有少少辣嘅味；腩肉肥瘦相間，唔會過瘦或者過肥，肉切得比較厚身，唔會薄到成塊紙咁😆吸收埋啲湯汁一齊食，幾正！🫶🥢墨魚頭 +$8有驚喜！墨魚頭幾彈牙爽口，亦都幾大粒，分量都幾多～但略嫌煮得有啲過熟，扣左少少分🤏⭐️好味指數：8/10📍金西南米線 (銅鑼灣)銅鑼灣登龍街41-51號金龍大厦地下D舖

門口寫住晚上10:30收工，我見9:30就入去食碗米線醫肚。坐低之後，一個疑似老細嘅男人已經黑面，一輪嘴講咗8至10樣已經冇嘅配料。唔緊要，我一開始叫第一樣餐牌寫住有，佢冇話冇嘅配料，佢即刻話呢樣嘢不嬲都冇，跟住行開！唔想做生意咪出聲囉，你可以話俾我聽準備閂門我就唔入嚟啦。入食評正題，叫咗一杯正常冰嘅凍檸水，我用5分鐘時間食完碗米線之後，已經變咗一杯冇冰嘅常溫檸水。呢種情況喺劣質茶餐廳常見，已經睇到間餐廳有冇心整食物。

食過好多次呢間既米線今次叫左🥢涼拌米線 入面有好多炸花生🥜麵有得揀凍or熱揀左熱既 叫左一個餸 小辣小辣都好辣下鯊魚丸 每次都會必叫 好彈牙加左一杯熱奶茶🥤成惠$47

天氣唔凍唔熱晏晝唔知食啲咩。🤓見到金西南米線好多款式，所以就入咗去食晏晝。見佢價錢都唔係好貴，主要食小鍋米線之後可以自行加配菜。😀😀我揀咗個涼拌米線，涼拌米線可以揀凍/熱。👍👍我揀咗凍既，涼拌米線包咗花生、炸醬同酸菜。可以揀唔辣、小辣、中辣同大辣。而配菜方面，我揀咗腩肉。腩肉亦都係微辣。食落去都幾開胃。我認為要一定要嗌辣味先至夠味道。花生酸菜炸醬撈埋一齊食，非常之開胃。再加埋腩肉真係好。值得推介！

每次行過都見到呢間米線好多人食 搞到心思思想試😝 終於搵到機會下午茶時間人少少 可以試下😝 內裡裝修簡單甚至有啲殘舊🙈🙈叫左雲南小鍋米線 少辣😆湯底正常 唔會死鹹或者太酸 另外唔係好食到辣味 檯面有辣椒醬提供都唔錯👍 米線質感偏硬 見到牆上寫要腍啲就要提早講 睇來係偏硬嘅米線 幾有特色 坊間比較少見🤣🤣配料味道正常 不過叫左魚腐 來到原來係丸類😅下午茶時段包嘢飲 都算抵😋 呢個時段都keep住多人食 唔可以話好出色 不過呢個價係銅鑼灣來講算係咁😂😂

平時比較少黎銅鑼灣呢邊.問friend銅鑼灣呢邊有咩好食嘅米線,佢話登龍街呢邊有幾間都比較好食,呢間係最推薦嘅!六點半過後少少飯點去到,唔使等可以即刻入去坐,見到其他comment推薦小鍋米線,所以都叫左碗因為比較中意食辣,叫左中辣試試,餸就叫左魚蛋同埋雞絲.米線酸酸辣辣咁,不過不失.食得辣同埋中意食辣嘅朋友可以試試再辣d,叫左中辣但係唔係特別辣.朋友就叫左碗走辣小鍋米線,叫左豬大腸,佢話面同湯底好食,餸一般.都幾抵同埋好食,下次經過會再試!

番工成日食既呢間米線 未試過堂食 每次都叫外賣自取原因價錢好平今次叫外賣2個餸$46 🥢鯊魚丸，蘿白小鍋米線 （小辣）湯底有芽菜，酸菜，肉燥，蔥，芫茜算係比較無甘濃味 辣味幾出米線硬度適中 打電話去叫外賣 落到去即刻有得拎 五分鐘左右六點前叫仲會送一杯熱飲不過聽電話既姐姐有啲燥底話聽唔到叫我大聲d 之後cut左我線⭐️CP值;⭐️⭐️⭐️⭐️👩🏻回頭指數;👩🏻👩🏻👩🏻👩🏻📸打卡比分;📸📸

放lunch喇😎今日想食辣米線打電話去叫外賣 就算lunch嘅繁忙時間 基本上一叫完就已經落得去拎 好快手嘅餐廳🍴今日叫左腩肉 黑木耳 蘿蔔 中辣 雲南小鍋米線我每一次都會叫腩肉 佢唔係完全得肥肉個種 係一舊舊較冧身嘅豬肉 又整得好入味 都有成4-5件架😋蘿蔔有三大舊 不過就唔係咁入味 而我最喜歡係佢個湯 唔會太重口味 又好夠濃同辣 小小酸 酸菜都唔會太酸 好易入口個種 配料會有啲芽菜韭菜同肉碎 佢仲可以唔使加錢要多米線😆 下午茶仲會送埋飲品

涼拌米線$32+2餸$16最鐘意呢度啲撈米線🫶🏻甜咸豉油加埋辣勁正，呢款酸菜好好食，加埋一齊都唔會奇怪，勁多花生食極仲有，推薦嗌腩肉，好入味少少辣，豬大腸都唔錯👍🏻都係有滷過，同米線好夾。雲南小鍋米線$31+2餸$16唔好睇個小窩米線，望落去咁清淡，其實食落去都好濃味，夠曬酸，佢啲米線都係偏幼身但食落去又好彈牙😚炸海鮮卷$25個外皮淋曬，唔知係放得耐定本身就係咁，都叫做有個沙律醬救一救佢🥲

其實呢間我已經食過好幾次🤣因為係我男朋友嘅中學回憶美食🤣我見到多打工仔𝐥𝐮𝐧𝐜𝐡 𝐭𝐢𝐦𝐞會嚟食💼係港島嚟講我覺得都算係平價速食之選👍🏻不過店面就較細 座位都比較狹窄🪑而每碗米線都可以揀辣度、酸度多/走/少芽菜、韮菜同埋多/少米線😁金獎腩肉小鍋米線🐷（小辣）💰 $𝟑𝟗呢碗米線嘅配料除左腩肉之外仲有芽菜、韮菜同埋芫茜今次呢個小辣唔係好辣🌶但記得前幾次食小辣係中大辣程度所以我覺得每日水準唔太一致🙈湯底、米線都不過不失 正正常常🤔至於腩肉話明係「金獎腩肉🏆」所以的確好入味 偏瘦為主😋所以我覺得腩肉值得一試👍🏻重慶酸辣紅薯粉配魚腐（小辣、多芽） 💰 $𝟑𝟖（$𝟑𝟏+$𝟕魚腐）首先湯底又唔辣又唔酸 辣度應該得𝐱仔十小直程無酸味咁濟😢😢魚腐都係唔好食的🥺不過紅薯粉係我鍾意個種 偏幼身😋煙煙韌韌👍🏻豆漿+凍檸茶 💰 $𝟏𝟒（$𝟕+$𝟕）正常發揮🤣🌟整體而言：如果係登龍街附近返工/ 返學或者咁啱經過想食下米線 都可以一試其實都聽人講過金西南嘅質素越嚟越差🙈所以如果你對米線嘅要求好高嘅話就唔建議試了但想平反一下 見好多人話金西南啲員工態度差🤔但𝐬𝐨 𝐟𝐚𝐫我去左𝟑-𝟒次都無呢種感覺🤣當然佢地步伐係比較快