金西南米線

營業中

休息中

朋友是雲南米線達人😂這次聽她介紹來了這間金西南，選了腩肉拼墨魚丸小鍋米線😎她說這裏的墨魚頭也很好吃，可是那時晚市已經賣完了🥺這裏的腩肉號稱金牌得獎腩肉😂吃下去確實很不錯，事先調味夠入味，而且厚身有咬口，絕對值得一試！👍🏻墨魚丸不過不失，值得一提的是米線也是煮的剛好不會過軟🤤至於湯底叫了小辣還是有點不夠辣，下次可以叫中辣🙊然後把額外點的通菜放盡湯裏浸一浸，吸滿湯汁來吃絕對是大滿足😍在銅鑼灣若果想吃雲南米線，光是這裏的腩肉絕對已經值得大家捨棄連鎖店來這裡一試😎

在香港吃過最好吃的米線，好吃過譚仔。雲吞堪比自家包的，菜肉餡很鬆軟，西洋菜很香。牛筋丸和貢丸都很彈牙，有嚼勁。姐姐點的炸醬拌米線，她也一直說好吃。晚上到家還說要再去吃。小辣米線不會太辣，可以接受。小鍋米線配的韭菜、豆芽、酸菜料很足。酸菜最惹味，酸酸甜甜，怎麼都吃不夠。強力推薦這家米線，去銅鑼灣一定要試！不過，環境就比較一般了，很樸素那種，對環境要求不那麼高的一定要試。登龍街有點不好找，以前一家海鮮大排檔關了正覺得可惜呢！現在又找到新美味了！

正宗港式服務=冇服務食得慢仲會趕你走落單要快而準不能猶豫湯底好好飲腩肉非常出色每樣餸都好好食好出色因為客人來來去去得快所以食材也不會放太久食得出係新鮮想要慢慢坐千祈唔好去去到要食快餐食完就走但米線堅好食咁多樣餸最推薦係腩肉墨魚頭牛肝菌松茸莞茜 蔥 芽菜 酸菜食唔食記得要唸定可全走 要多要少都得另外多米線是不用加錢的抵食夾大碗最岩趕時間醫肚飲品方面基本上茶餐廳普通飲品都有想再方便快趣可直接叫罐裝汽水另外豆漿都幾好飲

係銅鑼灣要搵間食米線嘅鋪頭，的確好難。因為銅鑼灣其實唔多米線店，但係喺登龍街，有間叫做金西南嘅米線鋪，非常好食。今日lunch，我就過咗去食，我叫咗腩肉薯粉。佢嘅湯底好好飲，我成日都唔小心飲晒佢嘅湯底，而腩肉，極度好食，半肥瘦😍😍，不過佢係有d辣既，如果唔食得辣嘅朋友可能未必食到。

近期於銅鑼灣翻工，周圍食野都好貴，於是决心搵d平價野食，慳得一蚊得一蚊。平日鍾意食米線多過飯，但係譚仔等位太耐。放lunch得一個鐘，去過一次食得太趕，但原來附近有間仲平價少少既米線。食左三日，味道唔差，亦等得好快，一班人去，細細間鋪都好快入到位，重點係唔洗分枱👍今次食左個熱撚$30加杯豆漿都係37埋單

我同個friend下午茶時段（兩點幾）食，佢食腩肉雲南小鍋米線加$7要雞肉，我要菜肉雲吞。結果得三塊指甲咁大嘅雞肉碎，雲吞得兩舊（冬菇就5-6塊），米線當然少啦（比起譚仔）。$93兩個人，食完唔飽又抑鬱！啲嘢食飲品剛搞掂，職員問「食完囉呵」，基本上講個「食」字就已經收咗！同一價錢，我去譚仔都已經食到捧住個肚！勁後悔諗住試一試新嘢就鐘咗入去！好心咁無heart就無謂打開門做生意啦，我情願你賣貴啲，啲料都比得足啲呀！

登龍街出名多野食，見到有間米線小店平日Lunch 時間都有人係門口排隊，今日決定一試。等左10至15分鐘左右入座，店舖細細，目測座位吾算十分之多。我叫左個招牌金獎腩肉小鍋米線($28)，另外加配炸醬($6) 。湯底濃郁，米線軟硬適中，份量剛剛好。除了腩肉同炸醬，仲有其他配菜，如酸菜、蔥、韭菜等，如果吾食既話記得全走，但個人覺得連配菜食更開胃。成碗麵既重點係炸醬同腩肉。先講炸醬，炸醬吾係分開另上，佢直接加落成碗麵度，炸醬本身微辣，令湯底都帶點辣，個人吾算好食得辣，不過我都接受到。至於腩肉既部分，佢同我地平時食開譚仔既腩肉口感吾同，佢既腩肉非常入味，肉質比較厚身，食落軟腍吾會乾，而且肥瘦適中，幾推介大家黎試下！

登龍街眾所週知又名「拉麵街」，以眾多拉麵店聚集喺一條街而聞名，見到一間米線店開喺呢度，就膽粗粗入去食，因為係自己一個dinner，唔需要咁講究，所以打算快快食完就走。入到去都係一般米線店格局，侍應都幾friendly~一坐底就笑笑口咁幫我落單同比杯水我，叫咗一個小窩米線(HKD29)+炸醬(HKD6)共HKD35就可以埋單，如果食拉麵，相信價錢會係OVER一倍！坐咗一陣侍應就奉上我點的炸醬小窩米線~米線微硬唔夠滑，炸醬味道夠，但唔夠香滑，而湯底就無咩特別，不過以呢個價錢來說，可以算是「OK」吧！

聽朋友介紹，今晚就尼左食喇，兩個人都係食左$86聽聞啲燕餃好好味，係豬肉同埋馬蹄兩個米線都幾大碗、芝心丸就有3粒個米線幾彈，口感幾好同埋啲服務都好好 坐到舒服，唔錯

是日lunch time。突然想食雲南米線。近近地，就去左位於登龍街嘅金西南米線。去到嘅時候，都有人等位，不過好快安排到入坐。是日選擇：腩肉大腸牛肝菌小窩米線，走酸菜走韭菜小辣友人選擇：豬潤松茸牛肝菌小窩米線，走肉碎中大辣由於我馬馬地食酸野，所以去親食小窩米線都一定會走酸菜走韭菜。但係估唔到嘅係....佢個牛肝菌係酸嘅🤦🏻‍♂️由於現場環境壓力好大，所以食得好快。前前後後，20分鐘左右食完埋單。唔可以話佢唔好食，不過無咩特別。下一次都係行遠少少去食雲桂香😅

之前我係銅鑼灣番part-time，成日都係呢度買外賣食架！以前得半個鐘食lunch，可以打落黎落單先，落到去即刻比錢就拎得，好快！💨💨💨其實佢唔係特別好食，湯仲有d太咸添！所以我來食，完全係黎回味下，懷念下從前咁架咋！但佢係銅鑼灣，又係time square附近，呢個價錢真係算係咁！今日lunch hour 1點去，如我所料，幾多人排隊，侍應係我地排隊既時候幫忙落左單，我等左⏱15分鐘度就入得，入到到3分鐘就有野食啦~同事叫左🥢腩肉小鍋米線，個湯好濃味！腩肉好腍，唔太膩~我就叫左個🥢小鍋米線，清湯全走~ 因為我唔食韭菜、芽菜個d既~🤦🏻‍♀️叫有魚皮餃、♥️炸醬、墨魚丸同星豆腐~係我回憶既味精湯~忍唔住弟不多飲哂🤤星豆腐個雪味好重~ 墨魚丸係偏細粒既最所賞佢個👑炸醬，有少少辣油，但好香~ 下次再黎想要double 炸醬！👍🏻🤤咁既價錢，翻桌率高，食完好快走啦，好多人係出面等架！😏🏃🏻‍♀️

秋天到涼涼地就最適合食碗熱辣辣嘅米線，食車仔麵或米線最開心就係揀餸，成日都想加好多餸又驚食唔晒又貴又浪費，所以一碗平嘅平線底好緊要，因為可以加好多餸咁話說我入到去間鋪頭未係食晏時間所以即刻入得。佢個米線底HKD28銅鑼灣嚟講呢個價錢已經係好有良心。加餸都只係7-8蚊，係Times Square呢個地段，叫兩樣餸加埋嘢飲埋單50蚊真係低。我叫咗冬菇加豬大腸小鍋米線多酸，冬菇同豬大腸都係好入味個種仲有好多芽菜同莞莤，食米線就係要有呢啲先至完整。重點佢佢個米線幼得嚟好Q彈牙非常有水準，呢間餐廳值得我嚟銅鑼灣都幫親佢。…

今次黎到銅鑼灣食野，唔太熟港島路 試試朋友介紹的米線入到舖內都幾多人，座位算舒適，唔會太窄點左腩肉 豬大腸米線 ，湯底味道好濃郁，但感覺略為咸左少少，米線軟硬度適中，幾有咬口幾彈牙腩肉煮到好焾 又不會太肥，又唔會好乾身，好美味！豬大腸本身已經整到好入味碗米線裡面仲落左好多酸菜 同其他配料，肚餓得濟食哂成碗，份量都唔小由於係第一次食 選擇了小辣，不算太辣，下次應該可以試中辣！青瓜就不過不失啦 冇咩特別驚喜。食開連鎖米線店，有時都想轉換下口味，米線控可以試試

在日式拉面一条街上的一家米线店，在登龙街排队高峰期的时候也算是多了一个选择。店内空间还算可以吧，坐着不太拥挤，位置也挺多的。点餐之前问了他家辣度如何，服务员说不辣，但点了中辣的云南过桥米线感觉很辣的。。大热天出了一身汗。过桥米线的分量够足，各种配菜也挺丰富的，除了太辣口味不错。汤底也还可以，总的来说个人不太喜欢。比他家好吃的米线不少，作为在铜锣湾高峰时段常餐的选择还成吧。服务态度还行吧，不过不失。

午餐係近近地就係時代附近食，行過對面好快就到。之前外賣食過一次，都略知呢間米線都算出名係銅鑼灣呢頭，行到去見都真係滿座既～去到都需要等5分鐘左右入座。可能因為peak hour,店員係我地係門口等位時已幫我地開始落單。位置比較擠迫，坐低後超快有野食，同行朋友個碗腩肉米線直頭坐低1秒就有，其他2碗就3分鐘內黎齊，的確好有效率。叫左*腩肉黑木耳熱撈米線*🤔🤔其實有點懷疑落錯單，本身係想食撈薯粉架～不過唔知自己有無講漏，所以由佢啦，照食！上次食過佢外賣湯米線，都欣賞佢地酸菜幾好食，酸度適中。腩肉睇落比較大片多肉，都炆得夠淋同入味既，不過可惜太甜，個人口味不喜歡。黑木耳呢度係大片既，肉碎反而覺得幾ok,因為食到肉鮮味👀👀米線就一般般，部分都未淥得淋，而且撈撈調味同樣偏甜，令味道有點奇怪對我黎講，但米線份量真心比平時一般多既。