金西南米線

營業中

休息中

🍜 小鍋米線 HK$29.自己係第一次食， 穩陣起見所以點咗中辣。🤣 自己感覺辣度還可以，下次可以試辣啲。(Ps. 自己平時食酸辣粉食開中至大辣。🤫 ) 不過感覺佢辣係辣得比較油身，睇相都覺得油。😂 不過自己原本就比較喜歡酸辣多過小鍋，下次試下其他湯先。.米線煮得剛好唔會太淋。原本米線連芽菜、酸菜、韭菜。😉 配料外點，我揀咗墨魚頭 (+HK$7) 同魚腐 (+HK$6)。好少有得揀墨魚。麵嘅份量幾夠，不過整體配料嘅份量比較少啦。

今日係銅鑼灣返工，除咗譚仔之外又有另外一間四川風味嘅米線可以食到，就係呢一間今西南米線。平時望落去平平無奇嘅四川米線我係唔會幫襯背景係乜嘢，但係fact check左呢一間係一間黃店，所以我就俾一次機會佢啦。令我覺得吸引嘅就係佢嘅雞翼同埋牛展，雞翼係用瑞士汁魯水而成，所以去到每一間餐廳我基本上都會叫一個雞翼，我覺得可以反映到呢間餐廳究竟對於配菜嘅研究。而佢嘅牛展食落去十分之鬆軟，如果佢份量可以多多一兩夠嘅話就故知然好，因為佢切成條狀。講到底其實最緊要就係睇吓個湯底給唔吸引， 佢嘅湯底用咗濃郁嘅豬骨湯咬制而成，所以食落去都有淡淡豬骨濃香。普普通通一個米線湯底都令到我齒頰留香

上幾個星期，打算係銅鑼灣試下小店，點知遇到伏😓！係好多過江龍林立既登龍街，街尾有一間唔起眼既小店，主要賣米線。我就叫左一個普通小鍋米線，加左菜肉雲吞同店員推介既腩肉。先講米線，米線未煮透，所以出面軟但入裡少少硬🙁！菜肉雲吞就多菜少肉。腩肉就係相對特別D，舖頭自家製，帶點辣，食落口感一般，唔算滑。雖然我叫左清湯，但本身腩肉有醃料，放埋落湯度就變到同樣鹹鹹辣辣咁！但我有樣野唔明，米線入面雖然有酸菜或腩肉帶少少醃料，但飲左幾啖湯已經非常鹹，非常口渴。我預左雲南米線個湯一定會落調味，但真太鹹！最後碗米線一共43蚊，坦白講，雖然佢係小店，相對有良心，但質素就....，加左7蚊一個餸但分量都係少。我會話係登龍街入面，佢價錢算係平民。但真心唔太好食😐，譚仔果D好食D。

個人十分鐘意食米線粉麵之類，所以成日都會食，呢間係間唔中都會去食嘅米線，有時仲會同朋友一齊去食，鐘意佢嘅味道，麻同酸味都配合得到，而且份量對我嚟講都啱，韭菜芽菜都好鐘意。

.🔻金西南米線.Lunch成日要諗食咩真係好頭痛，e+專心食黃店反而好易諗食咩，因為對比起已經冇咁多選擇，經過登籠街其實見過呢間野好多次，但都冇個衝動入去試，可能門面比較殘舊，但知道佢係黃店之後就即刻幫襯😂.🔻醬爆鯊魚丸 鱈魚豆腐 蟹子丸 小鍋米線我揀阻酸辣湯小辣，走芽走九，好少可有d特別丸食，我好中意d新鮮野😂所以嗌晒d平時出街好少食既丸，湯底好夠味唔覺有味精，飲阻幾啖湯都唔口渴，碗麵勁大碗，細食既朋友仔嗌少米線好了，佢每款餸都2-3粒，食晒d餸真係飽阻😂但大食既朋友好消息，原來呢到有得揀多米😯😯唔使加錢，岩晒男仔黎食😍真係良心小店呀！！！！呢碗野都係$47咋！！.

這間店也是我經常來吃的一間，位於登龍街，很容易找到這店。這店最出名的是豬腩肉，墨魚咀和牛乾菌是我最喜愛吃的。牛乾菌我只在這間店吃過，其他車仔麵店和米缐店是沒有的，牛乾菌味道是酸酸的很開胃，弄得很好味，只有這間才吃到的喔！😋

早幾日係cwb食下午茶！去返平時食開既金西南！一樣係必食既腩肉因為佢既腩肉真係好好食咁今次食撈薯粉，仲加多左份芝士腸！點知，餐到果時，我一食芝士腸，凍既？？？？ 咩事！之後同職員講睇下佢換比我，點知個職員大大聲話佢地既餸不嬲係凍，我真係黑人問號！🙄🙄🙄之後佢就好不爽咁換比我，但最後換完都係凍😑😑😑😑我決左以後都唔會再叫佢既芝士腸囉！腩肉係正常，唔係凍雖🙄🙄🙄

金西南呢間野d服務員態度極度差外賣叫左幾碗野 黎到比小左打返比佢地 第一句個呀姐話甘你想我依+比返你定下次比返你呀？態度差到呢！吾只一次 之前都試過 叫幾碗野比500蚊佢一開頭有個呀姐話有得找 之後第2個呀姐聽話無幾碗野+埋300幾蚊野比500無得找之後仲要態度續差甘回應我地態度差到一個點

呢間既腩肉雲南米線我真係可以連續食5日辣同酸度剛好味道都夠濃我平時中意外賣拎走番公司食始終入面都坐得好迫下舉起隻手食麵都會撞到格離佢地個鯊魚丸都好正口水雞都唔錯

晚餐.來到銅鑼灣當然要去吃一下米線.菜肉餃子小鍋米線 $36加$7 只有兩小粒餃子也未免太少了吧不過加起來才$36應該也算是便宜了吧(?!)味道是不錯的但小鍋米線的配料略嫌有點不足不過還是會再來的

由以前返學已經經常鍾意出銅鑼灣銅鑼灣雖然有大量美食店 但價錢都唔平如果想平食多數都係連鎖店其中呢一間米線店既唔係連鎖店又係平食之選餐牌有多種送配搭 下午茶時間仲會送豆漿同飲品今次叫咗腩肉魚腐小窩米線由於係週末去所以無得送好飲的豆漿所以叫一杯普通凍飲算了一來到見到 米線配料都好足芽菜芫荽蔥必定會有 加上佢地湯料好好食不過對比以前 湯底好似咸了點腩肉是必叫之選原因係因為腩肉好香 帶有油脂同時有小小微辣 唔係幾食得辣 都能夠接受魚腐都好正當然要等到最尾先食 等魚腐吸晒湯再食就會食到有啲香辣 總括而言 若果你想係租金貴價嘅地區食一碗非連鎖店的米線 去金西南吧！

每逢午飯時段，銅鑼灣都聚集一大班打工仔齊齊放晏，間間餐廳基本上都會有好多人排隊。等得位黎都已經冇左一大半食晏時間😊去大型商場入邊食，又好貴（薪酬都唔容許日日食咁貴啦）最近落大雨，開始尋覓緊附近嘅外賣，銅鑼灣好多餐廳都有外賣不過就要自取，邊有人想落狗屎嘅時候行出去攞外賣呀。無意間就發現咗金西南原來配有外賣服務👍🏾唯一就係要提早一個鐘頭叫定，冇所謂啦人哋都送到上嚟囉😍今日叫咗個腩肉墨魚丸熱拌米線，醬汁濃郁，墨魚丸彈牙爽口，腩肉比較辣，面底好足料女仔未必食得晒！

撈米線($30)加一個餸大腸($7)🍜上次嚟食過竹笙酸辣米綫麻麻哋，但見到隔嚟枱食撈米綫好滋味所以決定畀多次機會佢佢有凍撈同熱撈揀，我就揀咗熱撈🙋🏻‍♀️坦白講一嚟個賣相真係麻麻哋😂一撈完見到熱氣騰騰我就開心😍炸醬有少少辣，酸菜無過過水，咸到苦☹️大腸整得好入味，好好味又乾淨👍🏻整體嚟講係偏咸嘅濃味，我口味係清淡啲所以我就唔會encore啦。但價位係登龍街嚟講同譚仔有得揮，算平。但環境相較就無譚仔咁乾淨同坐得舒服

自問真係幾鐘意食米線 好多間都覺得好食 仲要呢間係有朋友介紹咁就要去下啦 見好多人都推介腩肉 有啲又話要叫雲吞 咁就叫左腩肉米線同淨雲吞 其實個樣都麻麻 我自已好鐘意食酸野 叫左多酸 但我覺得都未夠酸 米線就比其他硬身 都可以叫彈口嘅 腩肉係真係比出面個啲唔同嘅 係唔錯 都幾易咬到 係ok不過個湯底真係好失望 個雲吞就仲普通 有幾隻都有少少爛左可能皮簿係易爛啲呱 個湯都好唔得 呢間唔係朋友介紹都唔會去試 食完仲要好口渴 逼住去買野飲 不過都應該無下次啦 真係麻麻地 個價錢都差唔多個啲價啦

這一家是我本人在港島的首選米線店！身為米線迷的我，這家湯底絕對是我的頭三名！因為之前寫了幾篇米線的食評，發現現在很多米線店也是「罐頭湯底」，全部也是同一個味。但是這家的湯底我很推薦，絕不是罐頭湯底！雲南小鍋米線+腩肉+菜肉雲吞+豬皮 （小速，多酸）為什麼會這麼喜歡這家湯底？因為可以自行要求多麻or多酸or走麻走酸，對於我這個喜酸的人來說，可以多酸絕對是福音！此外，米線的口感很好，夠爽口！因為叫了多酸的關係，會比較多酸味和酸菜，渴下去則酸中帶甜！這種甜是湯底原有的甜味，不知道下了什麼熬製而成？此外，還帶有一點蔥味，酸甜帶蔥味，很開胃！很甜但帶點辣味的豬皮，好吃但我認為有點太甜腩肉，可能是有點厚的關係，肉質有點干但幸好的是辣味夠滷水味濃，掩蓋了肉質的問題！雲吞則正常，但有點煮太久了，一夾起便爛掉了！朋友則吃了中辣走酸，嘗了一口很辣而且有一點麻味，但是又不算太麻，只有一種死辣味，較單一。總結來說，湯底和米線很好，配料則一般！