金玉滿堂

營業中

休息中

同事介紹食呢間旺角隱世小菜餐廳，果然無介紹錯👍🏻👍🏻餐廳位於煙廠街，位置易找的。餐廳不算大，到了晚飯時間，幾乎坐滿人。豉汁蒸白鱔＄148推介一定要食😋😋有12片厚厚的白鱔，白鱔蒸得勁嫩滑又彈牙，引唔住叫左碗白飯，送飯一流！欖角冰梅骨 ＄108第一次食欖角冰梅骨，味道酸酸甜甜，唔好以為係骨無肉食，其實都有唔少肉，食落好開胃。椒鹽脆鮮魷＄108即叫即炸，夠晒脆卜卜，鮮魷煙煙靭靭，好味道。啫啫通菜煲＄88份量多多，大大煲。一放上枱就聞到很香，勁多蝦乾，食落很惹味。其實呢間金玉滿堂真係有好多唔同款嘅小菜。

同媽咪行旺角順便食埋晚飯，上網search定食咩中菜好，煙廠街嘅金玉滿堂，主打新派粵菜同私房菜，仲有海鮮咁吸引梗係要試下！🐚清蒸鮑魚 梗係要食清蒸先食倒海鮮嘅原味，所以點兩隻鮑魚當小食，估唔到幾大隻，鮑魚非常新鮮！鮑魚size偏大，肉質扎實彈牙，果皮香氣十足，配埋小小豉油吊味，十分有水準！！ 🍤黃金珍寶蝦球少有見倒餐牌有黃金珍寶蝦球！梗係要食啦！粒粒蝦球炸到金黃色，大約有6粒，每粒都大過一口嘅size！一啖咬落去，先嚐倒咸蛋黃嘅香氣，蝦肉鮮甜爽口！香而不膩！滿分！ 🌶️🍆魚香茄子煲點少得小炒中我至愛～魚香茄子煲！上枱立即聞到咸香，粒粒豬肉碎加上咸魚碎，配上靚到飛起嘅紫色茄子！軟綿口感超好食，夠哂鑊氣，啱哂送飯！金玉滿堂 地址📍:旺角煙廠街6-20號華新大廈地下14-14A號舖

#localhongkong + #panfried ＋ #seafood = #pefectnight煙廠街嘅金玉滿堂主打新派粵菜同海鮮！餐廳門口有個大魚缸！黃金珍寶蝦球 $158，蝦球炸得好香脆，又夠大大粒，鹹蛋黃好入味，蝦肉好新鮮，食落爽口彈牙！份量都幾多，食完唔會好油，唔錯！ 第二味點了清蒸鮑魚 $78/隻（兩位起），用左陳皮黎蒸，令鮑魚香味更特出，鮑魚勁彈牙鮮甜！好新鮮！魚香茄子煲 $108，吱吱聲上枱，咸香味撲鼻，配料豬肉碎，咸魚碎等，鮮艷爭奪目嘅茄子份量好足！口感軟綿好入味，鑊氣十足，加$15可跟白飯，送飯一流！金玉滿堂 地址📍:旺角煙廠街6-20號華新大廈地下14-14A號舖

去左旺角煙廠街買野，肚餓想食小炒，見到附近有間地道小炒好多人食，一於試下去得地道小炒店，都唔會expect 環境好grand，focus 都系小菜味道喇兩個人叫左兩個送加兩碗白飯，小菜份量好大碟，兩個女仔夠曬飽魚湯鮮菌浸白菜仔想食清淡D可以叫呢個菜，魚湯清甜唔會重味精白菜仔唔會浸到淋pat pat 岩岩好菜鋪肉鬆煎蛋角平時好少可叫煎蛋，呢個煎蛋角好有驚喜上枱見到個面有以為會乾，點知個口感勁綿，唔知點做到荷葉蒸滑雞份量好驚人應該有半隻雞，配菜有好多雲耳同紅棗，蒸上黎更清甜，健康之選

旺角有林林總總的餐廳，有中日台韓泰越美餐廳。如果要你吃香港地道美食，你會選擇吃什麼呢？😂當然就是「大排檔」！好吃的「大排檔」最講求夠鑊氣。店舖不算太大，裡面有一間房。大約7點吃飯時間已幾乎坐滿人。豉汁蒸白鱔 $148一碟有12片白鱔，每一舊都是厚厚的。肉質相當嫩滑又彈牙，餐廳已淋上豉油汁，十分惹味，送飯一流！！欖角冰梅骨 $108酸酸甜甜的味道，很開胃。欖角冰梅骨以冰梅醬汁抄骨，绝對是開胃解腻。雖然是骨，但都有唔少肉。椒鹽脆鮮魷 $108看似炸粉很厚，原來並不厚。外皮炸得脆卜卜，內裡是煙煙銀銀的鮮魷。啫啫通菜煲 $88絕對是惹味菜煲，一上枱就聞到很香的味道。配料有多隻蝦乾，惹味十足。餐牌如下。

同朋友既每期一聚今次揀咗煙廠街既🔆金玉滿堂🔆去試試朋友鍾意食酸菜魚連去食日式放題都會叫酸菜魚嚟食 問佢咩最好食有記憶點就係同日式毫無關係嘅酸菜魚今次決定去間地道啲小店去食下正宗既老壇酸菜魚係咩一回事🤩🤩🤩🤩🤩🤩🤩金玉滿堂網上訂座享9折優惠兼賺Rice Dollars 網址: https://s.openrice.com/QrbS0JiSA00~uITLKAQ地址: 旺角煙廠街6-20號華新大廈地下14-14A號舖電話: 90383638=====================位置🏠舖頭位於煙廠街地鐵站行過嚟大概6-8分鐘唔算難搵菜式📜主要以粵菜為主餐牌分成五大類型分別係1️⃣特色小食2️⃣廚師推介3️⃣精美小菜4️⃣時令蔬菜5️⃣主食推介花雕麻辣雞鍋，老壇酸菜魚，特色小菜，啫啫通菜煲，黑椒薯仔牛柳粒，金玉滿堂一品炒飯，咕嚕肉等等應有盡有麻雀雖小但五臟俱全總有一樣啱你口味😍飲品選擇主要係酒類亦可以叫樽裝茶同汽水味道品質😋😋一行二人叫咗三樣嘢食1️⃣老壇酸菜魚（小）$198朋友唔食得好辣佢嘅辣味啱啱好魚滑湯好飲配料亦入味好味如果可以有少少薯粉就更好😍食到舔舔脷連湯都飲埋配料亦冇剩😋😋😋2️⃣啫啫通菜煲$88煲仔菜惹

🕖時段-星期四夜晚早左放工6點幾就食晚飯 同朋友係煙廠街行過發現原來ig好多人介紹"酸菜比魚好吃"既酸菜魚就係呢度! 太隱世一直唔知呢間野係旺角鬧市之中😂 好彩個日早食飯入座時唔多人✌🏻_▫️老檀酸菜魚(小) $198多酸菜 唔算太辣(十小辣的我都可以食到😂) 啲魚好滑同夠入味! 入面仲有魚腐 芽菜 同芋絲 如果有埋薯粉就更加正! _▫️啫啫通菜煲 $88熱辣辣出哂煙咁上菜 有鑊氣! 通菜爽口唔老 有蝦乾吊味_🍽環境茶記大排檔既setting 我地2個人坐卡位幾舒服 唔逼 每枱枱面都有放一包抽紙巾👍🏻(發現而家好似少左餐) 廳提供紙巾 所以有成包放係枱比你用覺得加分😹

小編覺得作為一間中式餐廳最緊要就係選擇多、份量多、同性價比高，而呢到真係符合曬以上所有標準😳 鑊氣小炒、精美小菜樣樣都色香味俱全、又有雞煲打邊爐🫡另外上菜速度或者服務態度都非常抵讚👍🏻.🐣花膠麻辣雞煲 $268/半隻雞煲份量夠曬2-3個人食，雞肉肉質嫩滑有彈性，雞肉大大件🥹呢個煲仲要配埋爽口花膠，索曬成個雞煲嘅醬汁精華變得特別入味，簡直係養顏之選😂.🐟豉汁蒸白膳 $148用豉汁蒸嘅方式係最能夠呈現出白膳嘅鮮味😋魚肉肉質非常鮮甜，再加上蒜蓉辣椒醬嘅點綴，將呢碟餸變得更加惹味，值得一試👍🏻.💰人均消費～$250.🍽味道: 3/5🏙環境: 3/5‍👨🏼‍🍳服務: 3/5💧衛生: 3/5💰價錢: 3.5/5

Today, I finally discovered this hidden gem in Mong Kok. First of all , you must need to try the appetiser of the fish skin, it is rare to see this dish in a restaurant , the smell of sesame oil is very fragrant, the fish skin is well handled, the texture is very refreshing and chewy, with chopped green onion. Simple seasoning is already very good. Huadiao drunk pig's hand, if you want the skin to be smooth and nice, you must order this to boost bone collagen. The salted goose is worth ordering.

🇭🇰Hong KongAverage price po: HKD$250-300+📍Address: 金玉滿堂, Mong Kok今日終於比我發掘旺角呢個隱世飯堂，性價比相當高，每碟餸嘅份量都好慷慨。首先一定要叫返涼拌小菜，已經可以睇得出餐廳嘅心思。麻香爽魚皮，出面餐廳好難得可以見到呢道菜式✨，麻油味非常香濃，魚皮處理得好乾淨，入口非常爽口有嚼勁，配上蔥花，簡單嘅調味已經非常好。花雕醉豬手，要皮膚彈滑就一定點，好食之餘又補充骨膠原。秘製鹽水鵝好值得點，醃嘅味道適中，唔會過於死咸，入口清香爽口而唔油膩，鵝皮帶有少少油香，鵝肉好嫩滑，在沾點附上嘅蒜蓉醋，份外惹味。老檀酸菜魚，超級大份，酸菜魚夠辣，大量酸菜，越食越開胃，仲配有芋絲，增加口感！

旺角行完街多人到一個點，走左去好景附近睇下有咩食，朋友又麻甩想去食類似大排檔既野，就走左去呢間舖食小炒。七味炸豆腐$65呢個見啲人影得好靚，就跟住叫，係幾好食椒鹽九肚魚$108呢個好在佢有，係大排檔一定會叫既野，外脆內軟，都surprise 係幾香口。老檀酸菜魚：小$198，大$368呢個就似平時米線既湯底，材料都好夠，仲有芋絲。蝦醬通菜鮮魷煲$118食小炒唔少得叫呢啲煲仔食，熱辣辣夠鑊氣～

今日同朋友去旺角行街睇戲，行到染布房街一帶，見到幾間好吸引嘅甜品舖，但係未食晚飯食甜品又似乎有d過份，就決定喺附近搵嘢食，行到好景商場附近，諗起無耐之前，喺附近食過一間好有鑊氣嘅中菜館，行吓、撞吓，終於搵返間餐廳，無咩大招牌燈，又無咩指示，唔係之前嚟過都未必見到佢，高手都係鍾意隱性埋名嘅😁餐牌第一頁就見到花膠麻辣雞煲，超吸引呢，呢個一定要食；再揀吓，朋友鍾意食鹽水鵝，我鍾意脆口嘢，揀左七味炸豆腐。🥘麻辣雞煲半隻 ($268)連小氣爐上枱，如果唔係要留肚食甜品，真係好想叫碟肥牛😅。雞煲勁惹味，麻味唔算太重，反而辣得幾香。成個雞煲最出色係花膠，條條花膠筒都有半隻手掌咁大，入口又爽、又彈牙、仲要好入味。 鹽水鵝($148 例牌)連埋潮式蒜醋汁上枱，鹽水鵝食起上嚟都幾爽口，肉唔肥，連皮部份會有小小脂肪，但絕對可以接受，因為即使連皮食都唔覺得肥膩。點埋蒜蓉醋一齊食，微酸帶蒜香，加埋口味清淡而略帶鹹味嘅鹽水香，感覺比滷水更易入口，更合我口味。 🧅◽炸豆腐($65)係我呢餐最鍾意食嘅，一上枱我已經連續食左4，5粒，雖然連埋喼汁上枱，但我無點過，豆腐本身味道已很香，加埋大量炸蒜、適量淮鹽、七味粉，入口

新寶睇完飯氣攻心，要臭吓米氣，喺附近行吓，走到煙廠街，以為街市無咩嘢食，突然有人唔該借借，停低就見到原來有間食肆，估佢唔到呢間街坊式中菜，夠晒貼地，就入去坐低叫餸食飯。選擇食物時，眼花撩亂樣樣想試。唯有揀d手指公推介菜式，心想手指公推介，應該無錯，決定試一試。真係要俾個讚，欣賞自己沒有選錯。秘製鹽水鴨: 鴨肉入口爽、彈。鹽水夠入味，鹹度剛好。 七味炸豆腐:外脆內軟、送酒佳品。炸蒜點綴好睇又好食，令人食指大動。 花膠麻辣雞煲: 好大份，完全滿足貪心的人。雞煲麻香少辣令食材更美味。花膠好大件，好多食極都有，夠軟，入味。雞肉夠滑，肉質易咬。朋友唔食辣，會覺得有d過辣，對我來說就不辣啦😏。仲有好多紫洋蔥，與雞煲配搭合宜，沾滿麻辣汁，入口爽脆。下次路過此地，記得入去叫個熱飯。 無咩大招牌，又無指示，高手都係鍾意隱性埋名嘅😁

公司team building，成班友仔又想揾嘈得又食得下嘅地方，有位同事一講金玉滿堂，原來有兩個都食過話識人好食，咁就早一星期訂定菜$600/位內白雪藏龍蛋白底蒸龍蝦肉，龍蝦肉滑爽甜，最正係蛋白，如果可以撈飯就正，其中有個男仔同事叫左碗白飯，之後就後悔，因為最後的餸更正，佢食唔落🤣🤣🤣奇味碧綠珊瑚大蝦球好味，有鑊氣，值得提係蝦球係好大隻，新鮮，亦處理得好好。金蒜銀絲蒸聖子皇個蒜不得了，處理得好好，加埋粉絲，聖子汁，超正！聖子甜，但出街食普遍都會老左小小，因為佢地都唔會搏太生上台金沙火箭魷其中一個同事點名一定要有金沙，菜單就有呢味，同平時鮮魷真係差好遠，超甜超嫩，接近唔洗咬，佢地個金沙有料，唔會油膩，脆口，又夠味，激讚川貝枇杷燉鱷魚肉湯矛盾評語：好清！好濃！好湯🤣🤣🤣生炆龍躉斑趐呢味有小小似古法整魚的朋友，味道好好，斑趐好大舊，鍾意食海魚又夠多人食，要試秘制鹽水鵝同事一早介紹話好食過的鵝鋪，又真，唔"un"，肉爽甜，有鵝香脆皮一品燒雞超Juicy嘅雞肉，好好味，通常出街食到雞都唔食，都係餵飽你個隻，呢隻真係唔係，好好味，你睇佢切到咁靚，我去高級中菜都無咩見過（可能我見識小😜）香煎魚菘泡

喺香港要搵到間性價比高又有鑊氣嘅小炒越嚟越難，但今日同朋友過咗嚟旺角嘅煙廠街行街，無意中俾我哋發現到一間民間小店，梗係要支持下啦😛🎉意外地發現依間餐廳除咗價錢好平之外，嘢食仲要好高質，同埋成餐飯嘅時候發現老闆娘超級熱情，勁有heart🤩 而家喺香港好難搵到啲咁有人情味嘅小店啦，要好好珍惜🤣❤️‍🔥嘢食絕對係性價比之王，每一樣餸上菜嘅時候都係熱辣辣，仲要好友鑊氣，係以前大排檔嘅鑊氣，好耐冇食過✨三色椒炒牛仔骨有意外嘅驚喜，估唔到可以吵得咁好食，首先菜式唔會太鹹，烹調同埋味道啱啱好，牛仔骨味道超級嫩滑，係超級！🤩而且可以鎖緊到肉汁，加埋三色椒落去吊味，令到味道更加昇華😋通菜鮮魷魚煲將一樣簡單嘅菜式煮到好好食🥳👍🏻 通菜好香甜，加埋魷魚落去，鹹鹹香香🥰最後仲配咗個白飯一齊食😘