金玉滿堂

營業中

休息中

好味道食唔曬今晚終於食到金玉滿堂，book左幾日都淨係得10點後。今晚7點到，未算爆，正如之前的人講眨下眼爆曬。係坐得逼嘅。好彩我地預左逼先落去，嘢食先係重點。大羊腩煲。$688大煲，我地4男2女，食唔曬，我地又無人食荀，真係好啱我地口味，肉諗，d羊皮不得了，彈牙好味。我又唔會話佢抵食，但真係好味嘅！大酸菜魚。又係好大盆，鱸魚片好滑，配料好入味，係唔多夠辣！另外，叫左幾樣無影相，七味炸豆腐，魚皮，蟹粉豆苖，炒菜心，椒鹽粟米，等等。。。飲埋啤酒一人$350蚊我又真係無咩彈，嚟得呢的地方，唔通要酒店咁咩？🤣

天氣凍最啱食羊腩煲，專登過黎試，黎到真係每枱都食事。環境唔算好迫，整體算係企理。我哋一行四人，叫咗個細份嘅羊腩煲，都夠食。不過味道就一般，未算超級出色。另外可能本身個煲有啲唔平衡，搞受力唔均勻，都要耐啲時間先整返熱成煲。除咗食羊腩煲之外，另外仲叫咗啲小菜。魚皮喺朋友話一定要試，果然冇失望，份量都幾多。滷水鵝就相對普通，唔算太吸引。另外，椒鹽豆腐都好好食，送酒一流。雖然係平日嘅夜晚，但係都超級多人，座無虛席，仲見到keep住有人嚟買外賣羊腩煲。店員都好友善，但真係冇人手，有啲叫咗嘅嘢好耐都未到，又或者根本忙到冇時間處理。性價比唔算好高，同只收現金。不過好彩嘅係冇限時，可以慢慢傾偈慢慢食。

講左好耐想食羊腩煲 趁住而家仲凍凍地就去左食😋😋✨雙冬扣黑草羊腩煲 (中）$368都幾大煲幾多羊肉👍👍👍 一人食到五六舊 炆得幾好食 唔算好羶 羊肉唔老 除左羊肉啲配料都好食 馬蹄好爽甜 支竹冬菇夠腍又入味😋😋✨香草芥茉奇趣元貝王 $158好特別！第一次食但又幾驚喜！佢有啲茄子粒 菇 帶子炒埋啲脆米咁口感好豐富😆😆 帶子都幾大粒又新鮮🧃烏龍茶 $18總括黎講味道都好好 不過環境同服務就差啲🙈🙈 我地同隔離枱痴住黎坐 唔知以為我地係識得咁 然後樓面得一個呀姐做野 入左黎都冇人招呼 招呼完淨係等佢執野帶位都等左一陣🤦‍♀️🤦‍♀️ 味道❤️❤️❤️❤️💔抵食❤️❤️❤️💔服務❤️❤️💔環境❤️❤️💔💰晚餐人均～$300(收+1)

香港十二月低温持續，凍冰冰的天氣，最適合食暖身羊腩煲，一大煲羊腩放在電爐上保持熱辣辣的温度，實在太正喇黑草羊腩煲---中份$368份量也足夠四人共享，再加上支竹，馬蹄，羌葱，蒜頭，冬菇，用南乳燜煮，羊腩入口滑淋，超好味跟一客生菜和每人一小碟靈魂腐乳醬--蟹皇豆苗--蟹黃很多，但蟹膏味不重，略為失色--酸菜魚--器皿係用超大size嘅碟上枱，但份量應該用一大鍋來形容，魚肉口感新鮮嫩滑，豆卜，大量芫荽，葱，乾辣椒，味道不錯。但因為天氣凍，餸菜不能條持熱度，影響了味道。

受到羊腩煲關注組既影響, 就決定黎呢間似乎人人都讚好既餐廳試下入座時間尚早所以我地兩個人被安排坐四人位, 侍應即刻詢問係唔係叫羊腩煲, 落單後唔駛十分鐘就上齊哂所有野羊腩煲餐跟左生菜一碟, 飲品白飯要另外叫. 羊腩夠滑但份量普通, 兩個人食都叫做足夠, 但如果較大食或者兩個男仔食飯就肯定唔夠入座冇耐見到陸續有食客黎到, 明明個時都仲有好多吉位但店員堅持要將兩枱分別2人同4人既食店擺埋一張6人枱坐, 而老實講2人枱如果擺左羊腩煲既話根本係冇空位擺其他食物, 見到個2個人幾乎全程都可捧住個飯碗😟整體感覺羊腩冇網上講到咁神級, 環境同服務亦都冇令我想再黎食既衝動, 果然網上既野真係唔好儘信🥲

年頭已經有朋友提過呢間嘅羊腩煲非常出食必食推薦, 到年尾時常係關注組見到, 試過唔book位6點walk-in碰運氣, 點知都要等到9點, 超級誇張, 於是book咗另一晚8點半, 好彩當日早到20分鐘, 有張路中心嘅枱啱啱交咗, 坐底落單已經係最後一煲細羊, 如果準時到分分鐘冇都咪話唔失望雙冬扣黑草羊腩煲 - 醬汁比較深色同濃郁, 㗳落有花生醬味, 全部都係羊腩, 上枱已經係炆腍入哂味, 入口的確與眾不同 反而配料雖然好足但味道明顯失色, 除咗雙冬(冬菇、冬筍), 仲有枝竹、馬蹄, 加埋唐生菜2個人食完都唔算好飽, 只係之後會去酒吧睇波就冇追加另外叫咗2支Asahi, 但埋單收咗4支價錢, 好彩有對單發現; 環境逼狹、服務平平, 羊腩味道再好都難免扣分, 要排大隊或者碰運氣就不了

裝修簡陋，成間地踎咁，座位又迫,啲小菜嘅份量又少(碟薯仔牛柳粒得幾粒薯仔,碟小炒王又炒到啲韭菜花淋啤啤),服務又差,叫啲伙計又十問九唔應,價錢又唔係平,俾得呢啲價錢食羊腩煲真係有大把地方選擇，人哋起碼坐得舒服啲，服務又好啲先，埋單時發現又計多咗我哋$300幾蚊,呢間嘢我真係唔會再幫襯😓中晒伏🤕茶水都無杯呀🤦‍♀️

Badboy又跟朋友喺旺角搵好嘢食，今次嚟呢間主打新派粵菜同私房菜嘅中菜館。估唔到平日晚都咁旺場，坐爆，唔怪得啲人突登book定位。-🐥花膠麻辣雞煲(半隻)$268Badboy兩丁友食半隻雞啱啱好，啲花膠勁大舊，唔似其他餐廳食嗰啲煮兩煮舊膠都唔知溶咗去邊😂爽滑陣牙又入味👍🏻。雞滑身，麻辣好香好惹味😋-🍞七味炸豆腐$65炸豆腐外皮薄脆，內裡好滑溜，味道超惹味，咸咸地香香地。Badboy本身唔太好豆腐，但都食唔停口😂如果唔係覺得會熱氣同留番朋友嗰份，應該唔只食半碟🤭。-🔥金玉小炒王$108呢碟又係炒得好有鑊氣好香，朋友食到最後明明好飽都忍唔住清埋呢碟嘢😂

有次行街經過呢間餐廳，見到爆晒場，門口仲有人walk in等緊，不禁令為食既我好奇究竟有幾好味，於是搵一日捉左友人陪我去食🤣花膠麻辣雞煲$268/半隻👍🏻雞肉口感幾嫩滑，default 一個辣度，但唔算好辣，麻辣中帶有少少甜味，中和返咸度，味道掌握得幾平衡，花膠都有6-8大舊，好冧又夠入味掛汁😋食落口感Q彈，香濃惹味，欲罷不能😍，花膠麻辣雞煲做得相當唔錯金玉小炒皇$108👍🏻材料好豐富，有魷魚、韮菜花，蝦乾、腰果、銀魚仔。食落夠鑊氣，腰果、銀魚仔同蝦乾炸過非常香口😍，魷魚彈牙，夾埋韮菜花一齊食，真係好咸香🤤餸飯無得輸七味炸豆腐$65豆腐炸到外層金黃色，食落微脆，粉漿都算薄，豆腐熱辣辣好嫩滑🤤咸咸香香，外脆內軟既口感，真係雙重口感😋食完終於知道點解小店咁多食客捧場，因為食物真係做得唔錯，好食到港式大排檔既風味，又係多年老店，性價比高。而且牆身仲有充電位設計，好方便☺️，有帶USB線就可邊食邊充電😊

見咁多好評，又報紙報埋，都抱住試服心態去試！個晚去到，坐無虛席，仲見到無訂位真係無得坐。厲害！鋪頭細的又真嘅。。我地三個大男人。。安排坐後面一張大台隔離，確實位置有的逼，而且洗碗姐姐不停出翻的碗盤，都要輕輕讓一讓佢。不過小事，食物先最緊要！必叫1️⃣羊腩煲見群組咁正，我無咩勁嘅評語，只能夠講到肉好好好食，汁好好好食，真係好味，三個男人叫煲大嘅，物有所值！嗱！我無話平！係值，絕對值！必叫2️⃣麻香爽魚皮好爽，我個人就鍾意唔“掂”豉油，淨係加蔥食，好食！必叫3️⃣七味炸豆腐炸得好靚，外面好脆，入口熱辣辣，咬落去滑啫啫題外話，我個朋友好鍾意佢墊底個的炸脆米，加炸蒜🤣黃金粟米，我個人就麻麻地，女人應該啱的。。食得好滿足，飲下酒，嘈喧巴閉又一晚，最緊要好耐無一間食得，又有地道感覺嘅小廚？排檔？點都好啦！幾個男人就真係啱曬，或者成班女人嘈下都啱嘅，個晚都有一台全女人😊🥰最後，價錢都合理嘅，飲飽食醉，人頭三百鬆的🍺🍺👍

好耐無約班姐妹食飯，揀左出旺角食小炒飲下啤酒👍Jeng！！！好耐都無食甘好鑊氣既野😋🔆 椒鹽脆鮮魷 $108鮮魷唔韌，一咬就斷，炸粉又夠薄，食住送下啤酒一流，仲要個份量都幾多，又唔會食到成口油，係唔錯既🔆 香草芥末奇脆元貝皇 $158見佢寫推介菜式，開頭睇相仲以為有飯，原來有脆米做底，配合埋帶子同芥末，小小甜得黎，帶子又夠大粒又彈牙，好味，全晚最有驚喜。🔆 糖醋咕嚕肉 $98食得出係新鮮炸，肉質唔肥唔柴，個汁又唔係好甜個隻，仲要有菠蘿拌碟，唔覺意又食左成碗飯。🔆 金銀蛋浸娃娃菜 $98鹹蛋同皮蛋都幾多，娃娃菜又吸曬d汁，不過調味唔太鹹，食完都無話好口渴，同埋碟菜都幾大，夠3-4個人食整體菜式無論味道同份量都好好。而且座位舒服，又夠光猛，一班人食絕對適合。

🥩🍗金玉滿堂🥢🧄老公最中意食小炒，麻甩佬最愛，係旺角行街，行到攰就搵食啦👍朋友講過有一間茶餐廳咁樣但食少炒羊腩煲幾好，所以我地就試下啦！兩人叫左四送，覺得樣樣都想試喎🤭🔸香草芥末奇脆元貝皇 $158 - 呢個好驚喜，配炸米 &炸米粉，口感脆，仲有配菇同茄子粒，又有軟身口感，好得意，帶子都好大粒，好似日本帶子咁既size.. 味道都剛剛好！好味！🔸糖醋咕嚕肉 $98- 咕嚕肉唔會太厚粉，外脆新鮮炸起，入面既肉有煙韌感，但絕對唔係咬唔到，我覺得整體好似大陸啲香酥肉咁，茄汁同青椒菠蘿配料都配合得好！🔸椒鹽脆鮮魷 $108- 望落又係以為好厚粉，原來係好鬆好薄既一層，好新鮮炸起，配埋醋, 覺得不油不膩，幾出色好味。🔸金銀蛋浸娃娃菜 $98- 呢碟比想像中大碟，金銀蛋又好多，娃娃菜都好大棵。覺得最重要係浸蔬既湯，唔可以太濃味同有味精，食得出呢個無之餘都好有鮮味，似雞湯/ 魚湯咁👍我地都早黎食晚市，六點九左右坐低，仲未有好多人，一路慢慢就有人入座。見到都有幾枱叫雞煲/ 羊腩煲，有GAS 爐配合，好熱辣辣咁。不過我唔食羊，有興趣既朋友可以試！少少一提，呢間餐廳係街市旁邊，可能環境會睇唔到，忽略左。行

約咗朋友食飯想食羊腩煲，唔知邊間鋪好，上網睇吓，呢間好多人講，咪試下佢1.羊腩煲(中): 好味,又唔係太羶味， 腐乳冇乜特別, 所以都冇乜點過，之後再加靈芝菇,牛柳粒, 鱸魚片打邊爐2.酸菜魚(小)： 真係酸菜好味過魚，個湯底都好好味3.椒鹽豆腐： 係我食過最好味嘅豆腐，入面超滑，出面超脆，yummy 4.炸粟米： 本身唔係叫佢，不過老闆娘落錯單，見賣相幾好，就照要咗，不過都幾好味叫咗6支啤酒，2支茶買單＄1300左右

間唔時都中意搵d傳統小菜館叫餸食飯，入到去有種熱熱鬧鬧侍應又忙忙碌碌就會覺得好有feel😂黎親依d小菜館就一定會心思思叫個椒鹽鮮魷，舊式大排檔既拿手野，而家已經唔係好多地方搵到依種味道。大大件，走油走得好，外層薄脆加埋椒鹽好香口，鮮魷口感爽彈，食到鮮味証明夠新鮮👍🏻一個熱氣野另一個就叫d清清地啦，再加個金銀蛋浸菜，兩個人都夠哂皮，浸白菜仔爽脆有d咬口，皮蛋咸蛋加高湯清清甜甜，仲有肉碎增添味道，簡單好味👍🏻

極具鍋氣的中餐廳一直是我非常喜歡的聚餐餐廳，所以今天有機會來到旺角遊玩，正好和朋友發現路邊的一間很有家常特色的中餐廳，於是決定進去一探究竟，體驗一下這裡獨特的美食。一落座，我們就根據店裡的招牌推薦點了這裡的水煮魚和特色羊腩煲，發現這兩道美食真的是名不虛傳，很有特色，入口鮮香，回味無窮。水煮魚一向是我非常喜歡的美食，這裡的水煮魚用的魚肉特別鮮嫩，片片魚肉吃到嘴裡感覺融合了辣椒的鮮香和食材的清甜，讓人吃了一口之後還想再吃下一口，裡面的許多配菜，例如豆卜，還有魔芋絲也都是非常入味，因此是我印象很深刻的美食。羊腩煲我過去嘗試的不多，於是今天聽了店長的介紹決定一試究竟。我發現這裡的羊腩煲果然特別有特色，醬汁濃郁，肉也非常的新鮮，吃到嘴裡鮮香可口，令人回味無窮。而且羊腩煲裡搭配的特色配菜也非常的出色，看得出來是店主在用心經營。總而言之，金玉滿堂就是一間極具特色的中餐廳，我非常喜歡，也非常期待以後還能在旺角品嚐到這樣獨特的家常美食。