影片
以上資料只供參考, 請與餐廳確認詳情
相關文章
呢晚嚟咗九龍灣行街，搵咗呢間港式扒房冰室食晚餐🍴餐廳有好多食物選擇，真係睇到花多眼亂，所以我同友人都叫咗好多款食物🤭金牌肉眼係港式風味嘅鐵板餐，肉眼扒我哋揀咗五成熟，切開仲係好Juicy同埋粉嫩🥰 最鍾意就係聽黑椒汁淋落鐵板嘅嗞嗞聲，真係好有儀式感，不過要小心啲汁彈到😙 可以揀飯、意粉或者薯條做主食🍟 另外重口味嘅我仲額外加咗蒜蓉同埋太陽蛋，整個鐵板餐更加豐富🍳 跟餐仲包括有餐湯同埋蒜蓉包🍞蘑菇忌廉汁牛脷焗飯焗飯都好多配搭，除咗可以揀豬扒、牛脷、雞扒、魚柳等等嘅主菜之外，仲可以根據個人喜好揀返相應嘅醬汁🥰 我就試咗佢嘅蘑菇忌廉汁，食落口都幾Creamy，勁鍾意佢嘅焗飯仲有炒飯底，夠晒有鑊氣啊。粒粒西多士配孜然炸雞脾呢個係其中一個下午茶餐，有大大隻嘅孜然炸雞髀同埋三件西多，炸髀內脆內嫩，西多入面仲有花生醬，真係好有心思 。鹹牛肉牛乳炒蛋潛艇呢個潛艇份量都幾多🌭 入面嘅鹹牛肉炒蛋整得好厚，食完真係大滿足呀。瑞士雞中翼一份又五隻雞翼，每隻都係勁大隻，而且幾Juicy，同行嘅小朋友勁鍾意呢一個雞翼。飲品♦️黑牛呢一杯係細個嘅最愛，係可樂同雪糕嘅組合，可樂配上雲呢拿雪糕好夾🍦♦️兒時紅豆冰呢個紅豆冰用上非常保溫嘅不鏽鋼杯，雖然睇唔到粒粒紅豆，但係餐廳嘅用料都非常足㗎🫘 ♦️凍齋啡呢個係比較健康嘅飲品，因為可以去水腫同埋冇咁高卡路里☕️呢間港式冰室幾正，所以呢晚見到唔少附近嘅街坊過嚟食返餐，我就特別鍾意佢嘅鐵板餐，感受到濃濃嘅香港經典滋味啊🤗
繼續閱讀
🌸鐵板瀑布芝士漢堡餐🍀鐵板瀑布芝士漢堡包🌟🌟🌟🌟🌟打卡一流，明火爐令到鐵板上的芝士保持溶化，芝士漢堡好好味，中間牛肉漢堡夠juice配搭鬆軟既麵包。🍀薯條🌟🌟🌟🌟🌟薯條另上的…夠香脆，可選擇點蕃茄醬或者芝士醬，都好好味。🍀黑牛（可樂＋雪糕）🌟🌟🌟🌟美中不足…黑牛竟然唔係配朱古力雪糕，不過雲厘拿味都夠香夠滑。🌸常餐🍀鐵豪牛扒（薄牛扒＋牛脷+太陽蛋)配黑椒汁🌟🌟🌟🌟🌟🐮薄牛扒雖然全熟，肉質嫩、而且牛味也足夠。🐮牛脷超驚喜，有三塊，鹹香度適中，有咬口。🥚新鮮太陽蛋，蛋汁夠流心，蛋味夠香。🍀意粉🌟🌟🌟🌟黑椒汁撈意粉，夠香夠惹味，意粉軟硬適中。🍀兒時紅豆冰🌟🌟🌟🌟🌟飲落夠濃郁紅豆味，紅豆煮得夠綿滑🌸特價晚餐C餐🍀煙三文魚沙律 🌟🌟🌟🌟🌟煙三文魚夠鹹，配搭黑醋新鮮爽脆沙律菜，超開胃。🍀羅宋湯🌟🌟🌟🌟🌟濃郁羅宋湯，滿滿蔬菜粒粒。🍀蒜蓉多士🌟🌟🌟🌟蒜蓉味勁濃郁，多士夠脆口🍀鐵板金牌羊架配薄荷醬🌟🌟🌟🌟🌟羊架煎得夠香口、每一次都厚切，羊肉味濃郁、而且口感不錯，配埋薄荷醬簡直一流。🍀薯條🌟🌟🌟🌟🌟勁香脆薯條，而且薯條下放了紫洋蔥，非常細心，這樣薯條就唔會燶啦！🍀凍鮮檸柑桔蜜🌟🌟🌟🌟🌟濃郁柑桔蜜，再加埋鮮檸，感覺非常fresh，又能解油膩及潤喉。
繼續閱讀
淘大金牌，開咗一段時間，初初開，好多人，樓面寸77，冇笑容，最近，樓面態度變得親民友善又派優惠券，仲主動安排卡位，坐得舒舒服服，就甘樣，比多次機會佢，今日心情非常好，所以叫咗個吉列豬扒沙律餐，嘩🤗超級有驚喜，有羅宋湯飲，沙律有4款選擇，個餐可以跟2款沙律，我揀咗好少餐廳做既芹菜碎蛋沙律同埋脆脆煙肉吞拿魚沙律，超級好味，真材實料，一啲都唔Hea，我Honey 就食咗咖哩牛脷飯，賣相非常好，而且份量啱啱好，值得一試午餐價錢實惠，大約60至70元跟嘢飲
繼續閱讀
在淘大搵食時剛經過呢間金牌🎖️，見餐牌食物都好多選擇，需則都要排隊，但好快就可以進入開餐啦。點左2個鐵板餐同友人一併分享。包煙三文魚沙律、羅宋湯同蒜蓉包。鐵板虎蝦西冷牛扒🥩加煎蛋，牛扒外焦內嫩，肉汁豐富，咬下去時口感極佳，蒜蓉汁好香，意粉熟度剛好。紐西蘭烤羊架，厚身羊架有3大件，肥瘦適中, 咬落肉質有嚼感，羊so味恰到好處，配菜尚有粟米同翠肉瓜。 上湯娃娃菜，大份抵食。無糖的凍檸茶，解膩感都唔錯，老友則點了柑桔蜜，佢話都香甜。
繼續閱讀
呢間茶餐廳一向下午茶時間都好多人排隊，但都唔算要等好耐，今次等咗大概10-15分鐘就入得，效率真係唔錯。環境帶點懷舊茶記風，雖然地方有啲逼，但衛生企理，感覺乾淨又舒適，啱晒快速填肚。🍽️粒粒西多士配孜然炸雞髀西多士炸得金黃，粒粒花生醬香濃配煉奶，夠邪惡又好食，孜然炸雞髀外脆內嫩，孜然香氣撲鼻又唔會太重但夠提味，雞髀炸得juicy，配埋一啖西多士真係完美，下午茶補充能量一流！西多士嘅外皮脆到爆，內裡軟滑同花生醬混埋一齊，糖醬一淋更添甜香，配番杯熱奶茶更完美，實在係茶餐廳嘅經典之選，值得一試！
繼續閱讀