今期外賣自取優惠集合台式、川菜同印度美食，指定食品低至75折，一齊睇吓邊間啱你食啦！
黑布小巷（荔枝角、大角咀、觀塘、旺角） 指定食品75折
掛住去台灣旅行食過嘅地道台式早餐？呢間主打台灣風味嘅輕食店分店遍佈港九新界，主打各式吐司、蛋餅同便當，出品認真有誠意，一直都係唔少人心目中嘅 comfort food首選。麻辣鬼椒慢烤雞腿蛋吐司嘅雞腿用慢火烤得香口入味，肉質嫩滑，配上流心蛋同秘製醬汁，再加上微麻嘅鬼椒醬，辣得有層次又唔會太過火，幾開胃。芝士火腿蛋餅蛋餅外層煎得香脆，內餡有濃郁芝士同鹹香火腿，夠晒惹味；湊湊豆腐湯湯底夠香濃，辣度適中，豆腐滑溜～
冒喜（上環、灣仔、紅磡、北角、觀塘） 指定食品8折
想搵間高CP值嘅四川冒菜專門店，一定唔可以錯過呢間主打四川成都風味嘅冒菜餐廳～佢哋嘅冒菜套餐可以自選湯底、主食同配料，性價比相當高。如果有選擇困難就可以試指定1人餐，好似「福」四餸抵食1人餐已包括牛丸、雞肉 、金菇 、娃娃菜、主食同可樂，湯底有重慶麻辣湯、貴州臭豆豉湯、秘製香辣湯、酸辣湯、養生白胡椒湯同特濃清雞湯等，鍾意清淡定濃味都有得揀。
桂花小幸（元朗、將軍澳） 指定食品75折
餐廳主打多款台灣地道美食，無論係湯飯、滷肉飯、傳統麵食、米線定小食都有齊全選擇，價錢親民，份量足，係平日午餐或者輕鬆晚餐嘅好選擇。首先推介士林胡椒豬肚湯飯，湯底香氣撲鼻，入口微辣，暖胃又開胃。豬肚處理得好乾淨，口感爽脆，配埋白飯一齊食，簡單又滿足；秘罈酸菜魚湯飯湯底微辣，唔會搶味，反而更突出魚嘅鮮甜。小食鹽酥雞排係人氣之選，外皮炸得金黃酥脆，內裡雞肉嫩滑多汁。
KiKi麵店（中環、荃灣、銅鑼灣、尖沙咀） 指定食品75折
想食高水準嘅台灣菜？呢間台灣麵店係唔錯嘅選擇，主要供應各式麵食、飯類同地道小食。大推佢哋嘅古早味滷肉飯，滷肉肥瘦適中，滷得夠香又入味，飯粒煙韌，配埋鹹香肉汁一齊撈飯食，簡單但滿足感十足。鍾意飲熱湯嘅朋友，就唔好錯過厚切慢煮雞卷雞白湯麵，雞卷厚切但肉質依然嫩滑，雞白湯濃郁順口，飲落暖笠笠又唔會太heavy，配上Q彈嘅麵條，成碗麵都好有水準。
呢間主打印度北部菜式嘅餐廳曾獲米芝蓮推介，由印度大廚主理，菜式香料味濃，風味地道。餐廳嘅招牌菜之一係天多羅燒雞，雞肉經香料同乳酪醃製，再用泥爐炭火烤焗，外層微焦，肉質嫩滑；印式香料燒魚魚塊用香料同乳酪醃製，再以泥爐烤焗，魚肉鮮嫩多汁，香味濃郁。印度咖喱羊肉亦係餐廳嘅特色菜，羊肉慢煮至軟腍，配上香濃嘅咖喱汁，味道層次豐富，一定要叫埋Naan一齊食呀～餐廳亦提供多款特色素食菜式，啱晒素食人士！
OpenRice外賣自取為您搜羅一系列多國美食，滿足您不同口味！各式各樣美食仲有低至75折優惠！由即日起至6月5日，輸入優惠碼「WW10」，消費滿$50再減$10！
仲等？按此立即落單
WW10：https://www.openrice.com/info/takeaway/tc-WW10.html
蘇哥清湯腩（全線分店） 指定食品8折
有口碑嘅牛腩粉麵店，每日新鮮熬煮嘅牛骨清湯，湯色清澈但入口鮮香濃郁；配料處理講究，款式選擇唔算多，但樣樣都做到水準以上～牛腩、牛筋、牛肚、牛雜等經典部位通通有得揀，推介清湯金錢肚麵，金錢肚切得夠薄，紋理分明，爽口中帶少少彈性，食落冇半點腥味，浸過清湯後更加吸湯入味，加上麵條掛湯力強，一口麵一口肚，口感層次分明。清湯牛筋麵則燉得恰到好處，呈半透明啫喱狀，入口即溶但保留咬感，完全唔嚡口。牛筋本身唔重味，但因為吸咗湯底精華，每啖都係濃縮咗嘅牛骨鮮香。
Milu Thai มิลู่ไทย（尖沙咀、銅鑼灣） 全單8折
主打地道泰國菜，性價比高，啱晒鍾意惹味同試新嘢嘅朋友。火焰燒雞係店內其中一道打卡之選，雖然外賣冇得上演火焰效果，但味道一樣咁好，雞肉外皮微焦香脆，內裡仍保持嫩滑，配上酸辣醬汁，香口惹味；火山排骨亦都係人氣之選，大大件排骨堆成山，一上枱已經香氣撲鼻，排骨炆得夠腍，骨肉分離，淋上濃郁嘅泰式酸辣湯底，夠晒刺激又爽口。另外仲有供應泰式沙律、小食、燒烤、湯品同海鮮等，選擇超多！
金牌（九龍灣） 指定食品75折/指定食品8折
主打港式快餐同茶記風味，餐牌選擇多，無論係粉麵、炒飯還是扒餐都樣樣齊，而且價錢親民，係附近上班族午市、晚飯嘅熱門選擇。炒粉麵推薦香辣星洲炒米，炒得乾身唔油膩，米粉夠分明，加入叉燒、蝦仁、芽菜、洋蔥等配料，再用咖喱粉炒香，辣度適中，香氣四溢。黑椒汁薄牛扒配煎蛋飯/意粉都唔錯，牛扒薄切但唔嚡口，煎得啱啱好，表面焦香，內裡仍保留肉汁，黑椒汁香辣帶勁，味道濃郁，配上煎至半熟嘅太陽蛋同熱辣辣白飯，簡單但超滿足。小食瑞士雞翼值得一試，甜中帶鹹，雞翼炆得入味又夠嫩滑，色澤油亮，醬汁滲入骨邊，每隻都係下飯恩物。
川亭（灣仔、天后） 指定食品8折
川菜迷要試嘅正宗重慶風味餐廳！主打麻辣粉麵小菜，選擇多元化，定價合理，分量亦相當足料～重慶麻辣小麵係必試招牌之一，麵條煙韌彈牙，醬汁香辣濃郁但唔會嗆喉，花椒麻香突出；凍食嘅重慶涼麵帶微辣，加上酸香調味特別醒胃，啱晒夏天或者唔太食辣嘅朋友，食落清爽開胃。店內仲有多款小菜選擇，包括酸菜魚片、口水雞、紅油皮蛋同口水手工薯粉餃等，款款都香辣惹味！
麺屋こころ（元朗、沙田、灣仔、荃灣） 指定食品75折
日式拉麵同沾麵就聽得多，呢間係主打東京風味嘅乾拌麵～正宗全料東京撈麵係人氣之選，一碗包括厚切豬腩、生蛋黃、辣肉碎、溏心蛋、紫菜、蔥花、韭菜、竹筍、魚粉同生蒜，層次感十足。豬腩炆得夠腍，麵條煙韌彈牙，拌勻醬汁同配料之後，味道香濃夠辣，食落過癮又飽肚。明太子忌廉撈麵就適合鍾意creamy嘅朋友，明太子鹹香突出，加上濃滑忌廉醬，帶點微辣又唔膩；咖喱炸雞撈麵即叫即炸，外脆內嫩，配埋日式咖喱醬同乾麵一齊食，超濃郁！
OpenRice 外賣自取為您搜羅一系列多國美食，滿足您不同的口味！各式各樣的美食仲有低至75折優惠！即日到6月5日，輸入優惠碼「WW10」，消費滿$50再減$10！
仲等？按此立即落單
WW10: https://www.openrice.com/info/takeaway/tc-WW10.html
