金御海鮮酒家 (彌敦道)

營業中

休息中

一間酒家要做得好當然要野食好味, 但杯茶都要係靚茶先算好我今日就發現有茶好過食物的例子啦以茶來說, 金御的茶算好好 ; 而且杯碟都好靚好乾浄, 飲啖茶都好味過人但野食就好麻麻啦...althought有折打, 但係平得黎都唔好食一d 點心味都...唔似飲茶...仲要唔好味area好細下, 不過坐得幾舒服, 燈光光猛好醒神!不過唔好味就乜都冇得講啦

我看見operice食評媚媚批評有劉華feel, 我便有好奇心上去試!首先上到去非常之爆"冇位" 我以為實有位添!然後叫了一枝喜力. 排骨煲仔飯和劉華feel 嘅千島汁蝦球!結果出到來真係又係有西芹!我立即叫服務員問, 該位服務員都很有耐性,點解?因為我出名問到底. 其實是我冇認真看菜牌該到菜是千島汁西芹蝦球. 攪到我都唔好意思!埋單時幫我們清檯面及送上甜品給我們其實真係冇想像中咁差!埋單兩個人都不用100蚊真抵食

其實我都好多時來呢間分店吃9點後晚飯 ..... 留意到呢到真係黑衫經理多過普通樓面伙記 ,,,,, 我覺得呢間既經營方式似自己檔野咁做 , 得閒就無啦啦開台大龍鳳 , 又燉湯 , 又拼盤 , 又蒸fish (唔係好夜宵夜wor.... 約10時 , 又唔係在後欄吃wor.... 直頭在大廳開張大台跟著幾個經理級既人就埋位 ..... 所以呢到根本係人治 .... 無咩規則.... 昨晚我又再同 bf去 dinner .... 叫了 2個小菜1個煲仔飯 再 +支 喜力..... 菜式續一上台..... 其中1味叫千島蝦 ...明明圖入拌菜是西蘭花 , 上台就無啦啦變了西芹 .... 即問那落菜經理 (因為我真係唔食,見圖是西闌花才叫,9點後特價時段叫此菜式貴過正價時段呀... 要 48.00 正價時段只係 38.00 但竟然差成咁) ................... 竟然係 " 無咩所謂啦.... 仲好啦西芹 " ... 即時好有劉華廣告 feel ....頂~ 呢d pk ...咁既服務... 唔係貪佢近我回家... 又貪佢去親實有位.... 真係未必會再去... 我

尋日放工後同 2 個 fd 相約在太子買野，本應諗住太子飲茶，但間間酒樓唔係話要搞攞酒要截飛、一係就話冇下午茶，當中一個朋友堅持一定要飲下午茶，但真係間間都冇做下午茶喎，唔知係咪未過初十五，酒樓冇特價野食呢 ... 最後提議由太子行去旺角方向，見到有酒樓咪去等位囉 ...去到呢間上去攞位，都好多人等緊，fd 唔知係咪很累了也餓了，就算知道呢間冇下午茶時段，都投降喇，等呢間 .. 嘻嘻~3個人，吃了 11 個點心，咸薄罉、金錢肚、煎腸粉、燒賣、流沙包、叉燒包、魷魚鬚、棉花雞、鳳爪、炸雲吞、豆苗餃 ... 吃得最多“焚化爐朋友”，明明 d 包一籠有3個，佢硬要吃 2個流沙包2個叉燒包。叫到成枱都係，好彩呢間唔使同人搭枱，一張枱放晒咁多野食，幾壯觀~ 平時飲茶好鍾意食豆苗餃，但呢間d饀料麻麻，味道怪怪的 ... 而金錢肚唔錯，夠諗又唔 un。見鄰枱客人吃燒味飯，好似都好好味噃 ... 有機會都去呢度試下先~

21/1(三) 8pm跟家父的團年飯,來到久聞其名的"金御".週三的"金御",人流絡繹不絕,訂了座亦僅被分配得門口的圓桌.一行六人散點了燒味拼盤$108,黃金蝦$78,醬汁骨$78,瑤柱扒豆苗$88,鮑汁扣鵝掌$108燒味拼盤--燒味以叉燒,燒肉,燒鵝,金錢展及海哲作拼盤,味道全皆對胃,以金錢展及燒肉水準尤高超!黃金蝦--中型蝦賣相先失一分,夾之嚐其味,再扣一分,肉質偏霉,味道殊不討好!醬汁骨--京都骨的做法,用上自家醬汁,肉質肥瘦均勻,甜酸交集的醬汁盡滲骨中,教人讚許!瑤柱扒豆苗--瑤柱絲絲的芡汁之份量看來過了火,色水同欠;置底的豆苗倒嫩口,這已足夠了!鮑汁扣鵝掌--鵝掌冬菇均扣得軟腍味足而不失本味...綠豆沙--敬送的甜品只作過口癮之用!不過不失的團年飯...

我真係未見過一間酒樓啲嘢可以咁dirty架, 今次真係第一次四個人去食嘢, 有3套餐具係好dirty的, 唔係洗唔乾淨嗰隻, 係直情冇洗過, 重可以有啲骨响到, 但啲waiter好似見唔到咁, 照樣比人用, 要我地出聲先換過到啲甜品嚟, 啲spoon又係dirty到嚇死人, 隻隻spoon上面都有飯粒, 真係見到都想嘔點人全部都好一般, 冇咩特別, 係得個貴字

上星期準備約班friend北上, 點知時間尚早, 約左班friend喺聯合廣場對面, 中港直通巴等, 行經彌敦道有位穿著紅花衫女職員派一張傳單比我, 話點心有6折,見仲有時間上去試一試, 上到去人山人海, 估唔到?坐低後叫了一煲"梅菜燒腩煲仔飯"(傳單上招牌廣告), 嘩! 燒腩肉質新鮮, 有肉味及有肉汁,必定新鮮燒腩, 認真落本, 價錢抵食 $9.8一煲. 之後再叫一蘢金御蝦餃皇, 蝦餃內裡鮮蝦好有鮮味.掂 ! 夠爽口. 好靚! 聽在職員工講, 點心用新鮮料, 實際上很少酒家會肯用, 因為新鮮料比雪藏食品更貴, 所以下次一定再食過! 有一樣都估唔到就係自己住旺角, 都唔知這間酒家己經開左半年, 真失敗!

是晚應邀到金御海鮮酒家飲宴, 但我到場的時候所有親戚朋友已經入座了, 差不多上菜, 是晚是我婆婆生日, 他們筵開3席, 我覺得這間酒家有啲氣氛,因為上第一道菜式他們的員工向我婆婆講生日快樂, 我們未敬,員工先敬,講番菜式方面, 我最欣賞是蠔皇南非鮑魚伴鵝掌那道菜式, 因為聽個名就知道好似好名貴, 食落鮑魚質感和味道非常好味, 是晚"富貴鮑魚星班宴"菜價是$2488 1席 非常超值抵食, 好過上次我和一班朋友到旺角"富臨漁港"食個星班宴 份量又小, 食物質數又差, 以後請我到不會去. 又講番當日全晚出品及招呼都一流, 不過有一樣是美中不足, 就是這間酒家地址很難找啲.

適逢結婚32年週年紀念, 小弟父母趁機宴會一班親朋, 共18人, 整番個開心大飯局.地點是方便的, 位於旺角既中心, 一哋都唔難揾. 去到發覺環境唔錯, 乾乾淨淨, 又唔算嘈, 酒樓嚟計, 冇得say no, 我諗部份係因為今晚人流不多, 討厭擠迫的我, 心裡不禁講句'yes!!'枱上擺了2碟前菜, 係肉碎豆卜菜甫, 小辣的, 不俗!$1,688的全包, 有以下的餸:籠仔花彫蒸海生蝦, 蝦是很新鮮的, 彈牙! 但就唔多覺有花彫味喎. 但無所謂, 點啲辣椒豉油亦很美味!五福臨門燒烤盆, 即係燒味拼盆, 我食了海蜇, 尚算ok爽口彈牙, 交到功課. 燒鵝, 肉質不鞋, 亦有肉, 亦亦ok喎! 义燒, 小弟覺得幾掂吓, 有蜜汁味, 肉亦十分鬆化, 肥瘦亦相宜, 唔知义燒迷姚東師傅會點睇呢? 此外仲有燒肉, 油雞黃金香酥海鮮卷, 裡面有芒果, 蟹柳, 沙律醬, 阿姨話有蝦, 但可能芒果及沙律醬味搶咗啲, 所以唔覺, 但佢炸得嚟唔算油膩, 及格!頂級醬皇爆海珍寶, 好猛既名! 但其實只係西蘭花炒吊片及珊瑚蚌, 查實我食唔出個醬皇係乜, 只覺佢清清哋咋喎... 但海鮮依然新鮮, 幾好呀. 紅燒鮑參

是日春茗，七點幾來到，見到0的服務員rehearsal (會0吾會遲了點rehearse呢?!)。Anyway, 見有阿頭吩咐0的細，邊個一陣捧住乳豬去邊張台，好似好pro 0甘；又有人安排緊操乳豬入場既音樂，但攪音響果位0吾知0吾識定玩野，居然一時大聲一時細聲，生日歌有，結婚歌有，黃師傅歌都有，不過都算喇，只是rehearsal。入座前又聽到服務員好似好pro 0甘問邊位系司儀，又叫我地放心，他們會跟司儀夾，0吾需要老闆粗心。開值了，見到服務員捧住乳豬，但居然播了只結婚歌，真系啼笑皆非。服務員停了，之後部長0吾理0甘多都帶他們出場，但居然剛才rehearse的哪服務員去哪台，都出錯了，頭圍居然無人上豬，還聽到旁邊那台有位服務員好大聲話: 呢台我0架！音樂一直無停過，還一時大聲一時細聲，之後仲播埋生日歌添。唉。。。酒樓就即系酒樓，未夠班就即系未夠班。食物方面：Good: 乳豬個皮脆卜卜，很好食；甜品0的cookies，都很好食Bad: 個翅認真0吾掂，很難至找到一點翅其他發財好市，炸蟹鉗，雞，飯面，都可接受

當日我都在場, 係食客有口角, 本來就好少事, 最後都安排到兩張相連既檯就冇問題啦. 新年出街食飯係咁架啦, 大家將就將就咁咪一團和氣囉. 野食我又覺得好ok喎, 咕嚕肉真係好好味, 海鮮都好好, 正!!

2月2日晚book左8.30 pm到金御食團年飯，一行20人，分開2張，一張for大人，一張for細路，準時到達，都已經預左要等，因為係食第2輪，但係0的管理同服務真係差到無倫，等左約15分鐘，先有一張available, 咁我地就安排大人(長輩)先行坐底，侍應話後面張都就走，係比我地既，點知...轉個頭，侍應一執好野，就有其他人入座，我地已經同0的人講話侍應講左係留比我地既，佢地冇理，照座，我地搵侍應理論，侍應都有叫其他人再等等，會安排佢地坐第2張，但0的人唔理...真係蠻不講理，我0的親戚直頭同0的人出現口角情況，搞到氣紛好差...0的侍應見0的人唔肯起身，就話盡快安排第2張比我地，好...我地等...點知第2張吉出現，又有班人走入來坐...案件重演，0的人又係唔肯走，搞到我地要等第3張吉，你話我地點可能唔"興"，都唔知出現0的知客點安排既...亂晒龍!!!!另一方面，自我地張入座起，侍應就安排上菜，來既菜係for細路張既(2不同餐單)我地話人都未坐低，食咩呀? 上菜次序又亂晒龍，食完乳豬併盤，就上炸子雞、跟住蒸雙斑，本來食團年飯係應該一團和氣既，但係食到條氣咁唔順都係第一次，呢間