金山粥店

營業中

休息中

放一天的假，送了子女上學之後，我同太太就留在西貢，等女兒放幼稚園。小朋友返晒學之後，我們的首要任務就是吃早餐。在幼稚園門口，我們想了飲茶，也想了咖啡店。但當我們準備行入去西貢舊墟內時，我突然想起，不如食碗粥，食腸粉。於是，我同太太就來到這鼎鼎大名，我們亦久違了的《金山粥店》，不是食夜粥，而是食個早餐粥。裝得滿滿的皮蛋瘦肉粥，是我每一次來都必點的良物。白滑的粥底，味道是清甜的。有軟綿綿的口感而且每一啖都充滿了米香。碗底的咸肉同皮蛋的份量不少，輕輕的咸肉同皮蛋就有粥水中慢慢地散發出來，令這一碗粥，越食越有味，感覺一流。有粥的地方通常都會有腸粉，而我就選擇了豬潤腸。此店的腸粉，永遠都會加上蔥花，所以吃起來特別的香口，此外，豬潤是剛熟的，剛熟到血色剛去而保持嫩滑，再開心的就是豉油又濃又香又甜，非常美味。蔥花蝦米炸兩腸，本以為叫炸兩就只會是油炸鬼加腸粉。出到來才知是加了蔥花及蝦米的版本。加了蔥花同蝦米，令到本已經不平凡的炸兩腸更香。因為前出來的炸兩腸加了蝦米，太太不能吃。所以我們另叮囑叫店方整一份素炸兩腸。炸兩夠新鮮夠脆已經是令人開心。食用時，再加上非常甜的甜醬同非常香的芝麻醬，味道變得更可口。

估唔到西貢有間咁正咁多料嘅腸粉，好耐冇食過咁低腸粉啦，佢只係需要$14就有一份蝦米腸！店內只有四張枱，因為限聚令嘅關係每張枱只可以坐兩個人，有好多人喺前邊排緊隊所以我哋就買外賣嚟食啦！🙃🙃老闆整腸粉整得好快，用料完全冇收手，我哋食落啖啖都係蝦米同䓤花very good!👍🏾👍🏾而且$14來講份量都真係唔多，我數過有成14條，啫係$1/條@@!! 不過係啲皮可薄少少😅聽講好多人都會食佢哋嘅粥，不過現場睇我見的粥比較稀，好似冇咁吸引而且我又冇得坐入去食所以就冇叫啦😅

我食得粥少，但我唔會呃你叫左碗白粥，一碟炸兩。白粥軟，綿，滑，口感一流。。依個質地係連鎖店唔會食得到。略加適當鹽調味，好味炸兩同連鎖店既口味相約，但佢做得好香脆，值得一試舊式粥店仍能繼續生存，必有其辦法，依間可能係全港最早收鋪既一間，勁

星期日行山前要食早餐，行山友推介呢一間粥店，去到發現原來係老店，增添一份情懷。叫咗柴魚花生粥同皮蛋瘦肉粥兩款，另外就叫咗個煎堆同埋蝦米腸。柴魚花生粥如果d柴魚多啲應該仲正，d花生好林。皮蛋瘦肉粥最正係d瘦肉係咸瘦肉，真真正正的下火，衣家好少食到用咸瘦肉嘅皮蛋瘦肉粥，超開心。煎堆唔熱嘅，係一早炸起，不過味道都ok。最正係個蝦米腸，即叫即做，新鮮熱辣，我仲發現差唔多枱枱都叫，應該係鎮店之寶。

一場嚟到西貢，當然要試吓啲充滿童年回憶嘅嘢食，就係蝦米腸，真係特登入嚟食過蝦米腸，腸粉超滑，仲有多蝦米同蔥，雖然冇平時嗰啲腸粉嘅醬料，不過淨係豉油都已經好足夠😊,好似以前小時候食腸粉嘅味道😌

11點多來到，人不多，員工都好悠閒坐喺到。來之前十分期待布拉腸粉，但真心有失望。**炸両**問題出在油炸鬼的部分，不知是翻炸還是炸過頭，整舊油炸鬼硬到界口，完全冇外脆內軟的感覺，硬到咬唔到。**叉燒腸**呢個係咁多碟當中最值得叫，真係即叫即整，熱辣辣，布拉腸粉冇我想像中咁滑，而且好黏口，呢到的腸粉會撒上勁多芝麻，叉燒的部分正常。另外冇影到的齋腸粉，非常普通，唔熱已經大打折扣，而且又是很黏。粥品沒有特別。

作為街坊至愛的小店，呢間都算係超早收工，所以成日都食唔到，今次一早到達西貢就梗係早餐時段去啦，點知原來佢假期係收5點嘅，唔打緊，最緊要有得食。叫咗柴魚花生粥、炸兩、蝦米腸同埋煎堆仔。最有驚喜就係個煎埋仔，開頭我仲以為好細個，點知……(你地自己睇相)咁都叫做煎堆仔係唔係有D那過呢？不過個煎堆雖然已經唔熱，不過個皮仲有微脆，好食。印象中，柴魚花生粥唔係周圍都食得到，所以就貪得意叫啦，佢個粥底做得唔錯，所以個粥唔會差得去邊，入面D柴魚同花生都好味。最後係炸兩同蝦米腸(因為我地分兩枱所以自己Mix埋)。腸粉都係即叫即做，所以真係好食，兩樣之中我覺得佢個蝦米腸精彩D，後來有朋友話我知佢個腸粉米漿做得好好，所以D腸粉好食，仲建議我下次去食炸一而唔好叫炸兩(即係半條油炸鬼<單條>)，效果更佳。

中午喺西貢食完海鮮，朋友介紹附近有一間好吃的粥店食腸粉好出名去到見到老闆喺門口，即叫即做布拉腸粉，當時大約2:00，問佢幾時關門，諗住出完海返嚟再食，點知佢話2:30關門，係唔使諗，即刻入去坐低食咗先，難得入嚟，冇理由就咁就走叫咗一碟炸一兩，同埋叉燒腸，即叫即做真係好唔同 ，兩碟加埋都只係$30，好抵食叉燒腸粉 ($17)叉燒加埋蝦米同埋蔥花，配埋店舖特製嘅豉油，十分之惹味炸一兩 ($13)一碟幾大份，腸粉夠滑，油炸鬼夠鬆脆，仲有幾多蝦米，呢一款係必吃

早幾日約左朋友去西貢行山，行之前朋友帶左我黎呢間粥店食粥， 佢話係由細食到大，叫我一定要試下。✨炸兩腸睇住店員即叫即做，腸粉有米香， 包住脆脆地既油炸鬼，就變成大大份炸兩，要share 先食得哂，淋上甜甜地既豉油一齊食，好飽肚。.✨皮蛋瘦肉粥皮蛋份量都唔少，生滾粥底唔算好杰，但軟綿幼滑，而且有米香， 唔錯。.✨碎牛豬潤粥豬潤煮得剛剛好唔會太老太韌，而且無腥味，好掂。.🏠 金山粥店🛤️ 西貢舊村西貢正街-----

今早入去了西貢的小卷裏，已把昔日熟識的橫街小朋友卷變得有些生疏。轉了多個小彎，終於找到了金山粥店。我們叫了一碗魚片牛肉粥$24、明火白粥$11、蝦米腸粉$13、（大），油炸鬼一條$10。小店係食情懷，不是食品質！😉

西貢區內印象中有兩間粥品舖，一間在綠色小巴總站旁食街小巷尾，普通水準勝地点方便容易揾到，另一間在西貢舊墟中，要花少少時間去揾，記得口在路邊，到店生意不錯，店內四張枱都坐滿，有幾個客在門口等緊外賣，食客流轉算快，在門口對面排隊等位並欣賞布拉腸制作過情，蝦米腸會放葱花同大量蝦米碎，不到十分鐘就有枱入座。店門口煮粥位，老板娘主理，生滾粥即叫即煮，我叫咗豬紅粥，太太要碎牛粥，蝦米腸(大)，蝦米腸炸兩，生滾粥燙咀，粥底夠綿杰不糊口，粥料足，主角蝦米腸，米漿調得很好，有米香不黏口，配上大量蝦米碎，軟滑好味中有咬口，跟上的調味豉油似有點多，幸好不咸調味也很討好，炸兩雖一可挑的就係油炸鬼較粗壯，每件都要分兩口完成。舊舖地方淺窄，清潔衛生尚可接受，可能生意太忙，為咗美味蝦米腸，可以買外賣走出海旁睇住風境享受，外賣用傳統紙袋包裝，腸粉會粘紙難捨難離，建議花多一蚊選用外賣盒。

早上入西貢船P，上船前專誠去拜訪金山粥店吃早餐。店舖不大，只有三張6人圓桌和一張三人靠牆方桌。八点進門，只有三位客人在進食。腸粉蒸爐放在門囗一邊，另一邊便是粥檔。生滾粥是均一價錢$24一碗。特別的是油炸鬼腸粉，有炸一（半邊油修$13）和炸兩（全條油條$16）；腸粉有大小的選擇。在市區機乎全是一碟炸一作炸兩來買了。豬膶滑牛粥- 粥希希的，米不多，但也有米香，吃不出有味精。料豐足，不過度醃製，有懷舊味道。牛肉很滑，豬肝不是厚切粉粉的，不像坊間那些醃制得爽脆那個口感。這里的楜椒粉很濃香，配上生滾肉粥。炸兩- 現做，大大碟，粉皮有質感帶些韌性，油炸鬼很充實帶点脆，有麵粉香。豉油也配得恰當。奇怪的是我這炸兩腸粉上還有小蝦米和葱花，可能是另一客人点了蝦米腸，同一盤現蒸出來我韜了光用剩下的半份來做我吃的炸兩。在用餐那短短20分鐘，很多街坊熟客來買外賣，全都會跟煮粥的老闆娘和做腸粉的姨姨閒話家常，很有人情味的小村風情。

星期日一早起身出發去西貢食粥，之前睇其中一位網紅介紹過「金山」，試唸下去西貢食海鮮正常過正常，來西貢食粥！？非常有心和為食才能能做到吧😋喜歡橫街窄巷的小店，早上有很多街坊來排隊買早餐，我還看到有街坊帶埋個粥壺來，彷彿回到七、八十年代買粥和油條作早餐，這種情懷仍然保留著，多好。我們看過餐牌點了皮旦魚腩粥、艇仔粥、炸両、油炸鬼和豬潤腸，老闆娘還笑笑口懷疑我們到底是否能吃得下，確實有點誇張，但老遠來到這裡，當然希望能試多幾樣嘛。老實說食物沒有很驚天動地，我估計都是做街坊生意為主，偶爾有遊客試過，比較外面的粥鋪，這裡就像小社區的老店，照顧老街坊，反而更喜歡這裡的情懷，街坊街里打招呼、過日晨又一日。LIKE還有老闆娘超勁，又要煲粥、又要整腸粉、又要顧樓面、又要睇埋數，少d記性都唔得，一人身兼幾職，犀利！總結：如果我是西貢的街坊，一定會來這裡外買腸粉回家吃，金山就是有這種魅力，老情懷。

🇭🇰金山粥店·我哋個日去行萬宜水庫 本身係想食lets jam架 但係佢實在太多人啦😭我哋驚我哋等得黎食埋就會遇上最多人行山既時候 所以我哋就去咗食呢一間地道嘅粥舖仔😎我覺得都幾適合行山之前食 唔會太heavy得黎又飽肚 大家如果去到西貢又唔知食咩好嘅話都可以試吓😎·豬潤肉丸粥$24佢個粥底都幾好食 係幾綿嘅粥底 不過可能佢煲既時候無落其他材料 所以個味單一啲 但係都好唔錯既😎佢啲豬潤都洗得幾乾淨 而且好彈牙 個肉丸就不得了😍😍個質感超好 而且超大粒 可惜佢一碗得兩粒 我係就咁嗌一碟齋既肉丸🤤🤤·#rbyeat#rby港式#rby西貢·📍西貢西貢舊村西貢正街

小妹住西貢，所以成日都會同男朋友瓹窿瓹罅去西貢搵食，今次帶左佢去「金山粥店」～「金山粥店」開業多年，係小妹以前每日返工早餐嘅好選擇，街坊價錢，大大份，好抵食。每日朝早六點就開門，腸粉未到十二點通常就會賣晒，所以我地今次十點左右去到，仲有得食！呢到嘅腸粉係每枱食客必點之選！蝦米腸（大）（$13）即叫即拉，香軟幼滑，加上大量蝦米、香蔥、芝麻，啖啖香口美味。😋叉燒腸（$17）連叉燒腸都嘅腸粉皮都係用蝦米腸，好正呀！叉燒半肥瘦，份量都幾足。呢到仲有牛肉腸、豬潤腸、炸兩腸其他選擇，豬潤腸而家買少見少，炸兩都好出名，男朋友食完仲話下次要再黎試！😏豬潤粥（$24）粥底都算軟綿幼滑，食得出米香，不過豬潤切得有啲薄，口感唔係好夠軟滑。小妹我就食開鹹瘦肉粥（$22）自家醃製嘅鹹瘦肉，鹹香味美，滲入肉汁嘅粥底更加美味，值得一試。營業時間：星期一至五：6:00-14:00星期六、日：6:00-17:00