金山粥店

營業中

休息中

一年都未必去西貢一次 黎之前梗係要去openrice睇下有咩好食啦 呢間小店都吾少好評 就試呢間啦 三個人去叫左好多人推嘅蝦米腸(大) 粥就分別叫左滑牛 豬潤同及第 全部都係廿三蚊真係好抵! 本來唸住叫埋炸兩 不過三點幾去到 所有油器都賣哂喇 所以如果想食嘅 最好朝早去 講翻啲食物喇 味道方面蝦米腸普普通通 吾會等別推薦 粥就幾好食 雖然稀少少 不過味道好 材料都好多 豬潤吾係爽口嘅 但係吾腥 亦吾會老 滑牛都係平時食開果啲貨質啦 整體黎講 食物雖然平平無奇 但係食落好warm 係一種只有小形老店先俾到人嘅感覺

天氣涼涼地好想食啲熱辣辣嘅嘢 經過間粥店見到師傅喺門口整緊蝦米腸 好似好吸引就入咗去鋪頭食 舖頭一望就知道係啲老店 簡單嘅裝修 黎食嘅都似係街坊多入面都有好多款唔同嘅粥揀 而且價錢都唔貴我叫咗個豬潤魚片粥 一大碗最入面都有三塊豬潤同三塊魚片粥食落去都幾綿 不過有少少美中不足嘅係食到最尾會有少少太稀個朋友叫咗個鯪魚生菜粥,有勁多舊鯪魚肉另外仲兩個人share咗份炸兩即叫即整熱辣辣,腸粉夠薄又夠滑 入面舊油炸鬼又好大舊 真係大份夾抵食

西貢的金山粥店是大家激讚的店子。我今早突然好想吃那裡的粥和腸粉，所以便乘巴士去了西貢。落車）後，因以前我已到過金山粥店，所以好順利便扺達。我相信未去過的人都要花些時間才找到呢！未去過的朋友最好留意一下它的營業時間，不然的話便會撲空！這𥚃食品選擇都算多，價錢非常相宜。這裏的腸粉全是即叫即做。現今香港好少粥店是這樣的，就算是連鎖大型粥店也是預先做好的呢！炸兩份量比較多，內裏的油炸鬼還是脆的，外面包著油條的腸粉還配了蔥、蝦米和芝麻，非常有口感和美味 ，外軟內脆！👍蝦米腸粉亦是充滿了蝦米、芝麻和葱，加埋特製鼓油、甜醬和麻螿，令人一食難忘！👍這裡的粥品也是即叫即做，送到枱上還是滾熱的！及弟粥材料多元化，有豬潤、豬腰，豬肚，豬肉丸和豬肉片，真材實料，非常超值！我對我選的豬潤肉片粥也非常滿意，豬潤爽脆、肉片軟滑，粥底又綿又有味！👍雖然此粥店地方比較舊、簡陋和細，但它的出品極高質素!吃過便會再來！

Came here for the steamed rice rolls and it’s ridiculously delicious. No frills shop front that is very understated with the boss lady at the “rolling station” at the front making fresh rolls. We ordered rice rolls with dried shrimps and rice rolls with fried Chinese donut. The rice rolls are fresh and silky smooth. The fried donut is HUGE and stay crispy (probably because it’s made to order). Didn’t try the congee this time around so will need to come back for it next year.

之前係金山食過炸兩腸粉，實在太好食，一直念念不忘，係其他地方完全食唔到同一個質素。適逢一個無節目嘅週日，就算山長水遠都要入西貢食腸粉！入到西貢已經兩點，第一站就仆去食炸兩～可惜去到門口已經聽到老細同另一個客講無哂油炸鬼，所以都無炸兩😭 話哂入到西貢，無哂炸兩唯有食其他腸粉啦～蝦米腸好簡單，無花巧野，但偏偏係簡單嘅配搭下令蔥同蝦米嘅香味更突出。腸粉嘅米漿好滑，亦好薄，絕對唔厚粉！值得一提係金山嘅蝦米腸同炸兩都分大細，好貼心啊，而且細嘅都唔會太迷你，份量合理～另一碟係豬潤腸，腸粉同蝦米腸一樣，入面包住豬潤。豬潤爽滑唔會老～

夏日炎炎，遊船河是多數人必有的節目，而出發熱點首選當是西貢大碼頭的了，然後預早時間到達附近，吃個早餐才集合，就肯定不會遲到。下車後走進密集的樓房街道，轉轉轉的見到一所粥店，內裏檯櫈全是木嵌雲石的，這就把我吸引進去了。隨後便聽到有位伯伯點豬膶牛肉粥，我也無謂多想了，再點了一份叉燒腸。粥和腸粉都是即叫即煮的，粥底綿綿的，牛肉份量不會被炸米粉淹蓋，豬膶雖然不爽口淋滑，但這才是天然。叉燒腸粉質幼滑，用的叉燒是瘦部份的，最重要的是不會在食物上面加一把油，非常有營。還有巨蛋煎堆，下次一定要品嘗。

同友人到西貢游水 果日佢便即話帶我好食腸粉 令我期待佢地話平日好多人等位 但今日明顯冇咁多 原因係因為落左場好大雷雨 都怕取消沙灘日 不過食左野再睇下天氣如何 幸好鋪頭一入就有位三人選了一碟蝦米腸粉（重點），煎堆仔，兩碗滑牛豬潤生滾粥同埋一碗艇仔粥。黎到煎堆仔原來唔係仔 係一大個😂🤣 我同友人笑了 不過都好食 黏韌 不過老人家不適合了 一大個食不了呀我們 所以叫店員剪了一剪然後主角到了 蝦米腸，睇落個樣幾靚仔 因為係即叫即製，食落米香都有 煎得剛好 而且有蔥同蝦米仔 食落幾有𡁻口喎 正呀然後到生滾滑牛豬潤粥 d粥ok la 不過不失 同埋友人鍾意食呢間鋪個粥 係因為上碗好熱 同埋食到d粥係一粒一粒爆開左 又唔會太黏沒有水 剛好 價錢又抵 又好食 係邊度搵 每人都係$30蚊 蝦米腸真係幾好食

我們一家近年每月都至少入西貢一次，但直到兩星期前才發現這間金山粥店！大概因為他們平日2點便休息，時間上剛好錯過了。今次經過他們門口時，我媽突然停下腳步、兩眼發光，叫了一聲「好靚仔呀！」原來不是形容那位正在拉腸粉的師傅，而是那些腸粉！那次食完後，我媽依然念念不忘，所以這星期又再次到訪！* 炸兩 *這裏的油炸鬼超粗！那橫切面差不多是平常的兩倍！油炸鬼很脆而且不是中間空洞洞的。被滑溜的腸粉包裹着，很美味啊！如果怕炸兩太大碟的話，可以點炸一。* 蝦米腸 *這兒的腸粉很滑，米味濃厚，蝦米香口。非常出色。* 豬潤滑牛粥 *粥底是我喜歡的。綿得來依然有少許粒粒口感，而且有種家的味道。餸料我沒有所謂，下次點白粥便滿足。

呢間粥店係一個係西貢住好多年既朋友推介既,一望就知係老店,雖然食完碗粥唔覺得有咩特別,但個炸兩就真係不得不提,入面鬆軟而外皮炸卜卜,醬汁方面亦都調較得十分好,岩曬D重口味既人,而且價錢方面亦都好相宜,性價比十分之高

今日去咗西貢村內一間“金山粥店”食嘢，上次發現呢間店時，因太爆棚，所以冇試。今次去到好彩剛有位，坐低叫碗魚片豬肚粥，都只係HKD 23(全店粥品最貴都係23蚊),再叫豬潤腸粉HKD 1 8,仲要係即叫即做，個粥底好綿好滑，魚片非常新鮮且带甜，豬肚弹牙👍，而豬潤腸更加唔駛講，新鮮好味。今次好可惜一個人去，唔可以食多幾樣，下次叫多幾個朋友去食，那裏最好的是有些東西可以叫半份，例如炸一(即係半份炸両),最難得係雖然店小，得四張枱，但堂食和外賣都非常繁忙，只有3人包辦，他們非常敬業樂業，對客態度超好，笑容滿面，有傾有講，絕對有交流，是現下香港難得的小店，令我也忍不住第一次在此執筆向各位推介一下。

要行過一段橫街窄巷，就搵到金山粥店位置並𣎴是在大街果邊，但見到店内已經有好多人食緊野，好爆埸。由於我地有6個人，所以選擇外賣。叫了2盒炸兩同1盒蝦米腸。一看就知道是傳統的粥麵店，充滿歷史的感覺。好野就緊係要排下隊，排隊嘅時候望住製作炸兩既過程。佢放粉漿落出曬煙既蒸爐之後再放上油炸鬼，整個過程等下都會覺得好值。蝦米腸整好之後就放上油炸鬼好欣賞堅持製作傳統小食❤️即叫即整炸兩好香蝦米味，好滑！好香脆

再臨金山粥店，上次黎食係同事聚會。發現好好味，我當然要帶我老婆黎試下。最重要既事係我呢個唔鐘意食粥既人都覺得好食，佢就非常非常成功。今次黎超好運，星期六預左西貢無車位同餐廳要等位，但我一黎到等左兩分鐘就有街錶。真係very happy!由錶位行去粥店只係3-5分鐘，去到竟然唔洗等，直入有位！正呀，今次點左豬潤滑牛粥，炸兩，大蝦米腸粉！我老婆就叫左個魚片粥，佢都話好食！價錢真係平，埋單都只係69蚊！抵食，如果冬天食，應該仲好！

每次經過都排哂長龍，停位既人多到塞住哂條路。每次都好想試，聽講以前鋪頭好早關門，所以要好早黎食。今早機緣巧合要入西貢開會，又咁岩朋友話黎呢間粥店試下，所以就黎左食。入到鋪頭地方不大，典型舊式粥店格局，好唔容易搵到個位叫野食，鋪頭的餐牌好奇怪，叫左碗肉丸粥，腸粉，炸兩等等。其中炸兩外，有炸一，但價錢不合理。炸兩$14，炸一要$11。雖然係有問題，但食物全部都好好食，粥香，丸彈牙，炸兩香脆，腸粉滑，值得再次黎食。

難得放咁多日假梗係要日日出街覓食啦！今日入左西貢見到周圍都係食西餐好想食下啲另類野行遠少少搵到間粥店一於入去試吓啦！喺門口已經比佢人手做腸粉嘅師傅吸引住見到台台都有嗌冇理由唔叫蝦米腸 好滑好正啊！仲試咗佢哋嘅豬膶生滾粥啲豬膶好新鮮而且啲粥又綿又香入嚟西貢嘅朋友一定要試呢間馳名粥店啊

星期日入西貢行山, 做運動前緊係要醫飽肚先啦。朋友介紹之下黎左一間係内街既粥店, 裝修麻麻, 但係異常多人喎。及第粥- 粥底夠綿又足料, 平時粥鋪都係一粒豬肉丸, 佢有兩粒, 而且夠熱。豬內臟都無臭豬味。掂炸兩腸 - 聽到隔離檯嗌先知道原來有分炸一腸同炸二腸（即係一條孖條同半條孖條既分別）, 真係咁大個女先知。講返味道, 雖然油炸鬼唔夠熱, 但係都夠脆, 而且仲有小量蝦米。再加d醬汁三寶, 風味十足。蝦米腸 - 有個姐姐即場卷，加分！皮蛋瘦肉粥 - 呢個就爭少少喇, 無咩皮蛋味。