金山粥店

營業中

休息中

從小到大也吃，仍然回味。但今天早上再一次吃是成名後，因每次都很多人，所以沒有吃。今天早上，見到人不多便吃十分失望，粥很多味精，所以很甜，回家要搵可樂解味精。蝦米腸味道仍可以，但粉底巳不滑及厚。最後服務態度愛理不理。

論香港的粥品店，如果大X樂，大X活的早餐粥品不計算在內的話，我見過的有名的大多是連鎖店，不外乎一粥X或海X粥店。在連鎖店不多的西貢墟，較出名的粥品店都是獨立小店，例如食街內的「永X」，又或者在舊墟內，擁有很長歷史的老牌粥店「金山粥店」。雖然「金山粥店」內部曾經經歷過翻新裝修，但店舖的設計格局，大致上仍保留了十多廿年前的規格。門口的擺設，主要由製造腸粉炸両的蒸爐，以及製造粥品的廚房為主。「金山粥店」賣的主要以粥品和腸粉炸両為主，所以平日的營業時間，多數以早上及中午為主。只有到星期日，「金山粥店」才會延長營業時間到下午五點正為止。如果不是近年西貢遊客漸多的話，其實「金山粥店」大可以營業到中午就可以關門休息，反正「金山粥店」在西貢墟長期維持客源，就算不做下午晚上生意，也可以長做長有。門口製造腸粉和炸両的蒸爐，設計頗為精妙，一邊是用來放粉漿和製造腸粉，另一邊表面平坦，實際上是給店員來製造腸粉和包卷炸両腸的地方。另外蒸爐入面內置一個暗格，讓預先製作好的蝦米腸粉放在暗格內備用，蒸爐內源源不絕的蒸氣可以幫助蝦米腸粉保熱，有顧客購買小份的蝦米腸粉就可以即時奉客。不講我也不知道，原來「金山粥店」的炸両腸

行山由馬鞍山到西貢,中午饑腸轆轆;到了西貢,一般都是吃海鮮。 但友人介紹有家粥店好得,自問吃粥也算半個專家,當然同意去嘗嘗不同的美食。 小店就在碼頭前面的舊村正街,在小巷裡面,以前都可能路經,但卻沒有發現原來是隱世美食。 四人坐下,分別點了艇仔粥,柴魚花生粥,魚片滑牛粥,還有蝦米腸粉及炸兩。 粥來得挺快的,但粥底一般,太稀也不夠綿,配料也是中規中矩,只是合格之作;心裡嘀咕有點失望。 來了蝦米腸,又濃又多的醬油,以為會很咸,但原來是自家制甜醬油,腸粉也很滑,加上香香的蝦米,這個出品,就帮它挽回不少分數。 從來主角都是最後出場的,炸兩的油炸鬼超正,不單是脆口,內裡也能保持酥軟;腸皮還用蝦米腸做,不得了,是我吃過最出色的炸兩! 老友果然沒有介紹錯。

周圍遊走下去到西貢。本想去扮偽文青，但時間尚早！咖啡店一般要10點先開門。。。適逢肚仔又唔係好聽話，所以就入墟揾食！炸兩係要encore嘅！如果食唔晒咁大份，亦可以叫炸一腸，半份油炸槐即時減低罪惡感外面d粥鋪多數整定晒，唔係d腸皮凍咗，就係入面油炸槐唔脆。咁仲叫炸兩腸咩？！金山就唔會，即拉！食落脆！有餘温！唯一要求應該係，不如賣埋野飲？

晴天…有時食得港式早餐太多都想食下粥同腸粉！金山係西貢開檔好多年！食粥同布拉腸粉！仲有自己炸既油炸鬼！粥就淡味小小！佢地d腸粉我覺得好好味！次次都叫大蝦米腸！佢地腸粉未必最滑最煙肕！但好有米味！當然仲有人情味！😊😊😊

假期既早晨迫蚊滋同蚊蚊起身陪我入西貢食兒時最愛既腸粉！聽聞哩到腸粉好滑 所以專程黎拜訪！蝦米腸大$11向來對腸粉要求高既我 哩間既腸粉質素也可接受 ，夠滑 夠入味 蝦米同蔥既份量也剛好 ，可是皮略微偏厚。不過也值得一試！炸兩 $14炸兩夠脆身 上檯亦夠熱辣辣 而且好大 份量好滿好多... 如果皮再薄點更完美 碎牛鯪魚球粥 $22哩個好抵食 粥好好好綿 食完我地都勁飽肚！ 鯪魚肉夠彈 ～ 山長水遠走入西貢食兒時最愛既腸粉心滿意足

寫返金山粥品印象深既野食。朝早去行山前食炸兩腸 (HKD 14) 同蝦米腸，配豬紅粥。炸兩腸好脆口，睇表面完全睇唔出，我仲以為擺左好耐。原來係新鮮炸出黎，好熱好食。最好食係炸兩腸個粉皮係有蒽夾埋入去，添加左蔥香，食落好滿足。都係第一次見到有蔥落埋粉皮到，好食同埋佢用返舊式碟，成個環境好港式，做街坊生意，很好!個蝦米腸同豬紅粥都好食，不過冇炸兩咁吸引。推介，早上可再吃。又平又好味。

我好鍾意食布拉腸粉，但去過好多地方都多滿意。好難搵到軟滑但又有口感，唔係一夾就散或者又乾又食到成口粉嘅腸粉。終於終於，俾我搵到西貢呢間粥店，腸粉真係即叫即拉！ 我先叫咗個豬潤腸，啲豬潤係一塊塊，唔係一粒粒，好爽無怪味。腸粉軟滑得嚟有少少質感，唔會一夾就散，啲豉油好好味！ 我真係超愛布拉腸粉，食完一碟仲郁郁食多碟。聽聞呢度最出名係蝦米腸，我叫咗個細嘅，7蚊咋！蝦米好香佢仲加埋芝麻，好好好好食呀！

早排看報紙介紹此店出名食炸兩及手拉腸粉，趁假日入西貢放狗，便馬上一試該店的手拉腸。如果想食炸兩既朋友，請在早上光顧吧。下午入到去，食不到最想試的炸兩，就只可退而求其次食手拉腸。叫了叉燒腸及蝦米腸，先試叉燒腸，即叫即拉熱辣辣，叉燒腸表面附有蝦米，第一次食叉燒腸有蝦米。原來此店既蝦米是腸粉中的靈魂，蝦米很香很惹味，再加上香甜既豉油，一絕也。之後再試蝦米腸(大)，份量足，同樣好味，試過加甜醬及麻醬，覺得唔加仲好。有時真係不用食貴野，簡簡單單既手拉腸，原來可以咁美味咁滿足。@金山粥店

早聽過這間的粥很出名。幾次來到西貢想吃偏偏都錯過，今次很有誠意地專程一早來嚐嚐。點了簡單的肉片粥和炸両，炸両先上枱。好大碟！一看滿碟都是醬油，沒有芝麻醬也沒有甜醬，淨醬油，心想不會很咸吧！粥未到，先咬一口淨炸両試試。咬入口很入味，並不會太咸，外層滑滑裡面脆口好惹味，不過少少偏油，外層腸粉稍嫌不夠香滑，浸入粥再食，輕微軟化又熱呼呼，還是挺好吃。接著熱辣辣的肉片粥上枱，嚐一口，嗯，是挺綿密的，不過我有吃過更綿更軟滑的粥，肉片不太夠味飯香也不夠香。蔥片更多會更香！雖然食物是普通的好吃，不過小小的店裡卻感受到人情味。媽媽女兒都忙碌地招呼客人，雖然忙碌，不過店裏的人都說說笑笑的很是快樂。下次經過還是會坐下來點一碗粥來吃。

在世道上混上一會兒，便不難聽到一句名言：在上班後，不會再有真心朋友。我很高興，能有把這句拋諸腦後的R先生和D先生。在前公司一起去了夏令營之後一見如故，和他們的友情好像是戳破了某個點便會直線上揚的感覺，認識了兩年多，已是無言亦欣然的程度。我很喜歡能維持很久很久的友誼，但也喜愛這種突然而來的連繫，如相逢恨晚要互相補回前十多年的時間一樣，就潛移默化了我們三方的人生。R先生最後要到澳洲發展，祝福之餘傷感難免。結果D先生和我去到他家作宿一宵，驚訝發現R先生是金山粥店的太子爺。所居處就是金山粥店的上層，一個家樓底幾乎四米高，他住在三樓。自動請纓幫他寫食評，金山粥店的名聲在西貢聞名已久，未能一嘗，這種機緣真的可遇不可求。最後，玩了一晚遊戲，補眠了兩三小時，七時左右便落樓吃一頓豐富早餐。聽R先生所說，他們家每天三時起床便準備，六時半左右開舖，平日兩點就關門，假日會開到五時。油條平日只會在七點半出一輪，而假日會在十時出多一輪，之後售罄即止，如果假日要吃炸兩，最好在十二點前到，否則油條便會賣光，白走一趟。金山粥店兩年前翻新過一次，把舖面弄整潔些，其他幾乎沒有太大改動。一間粥店，實而不華，吸引人來的，是味道

舅父一家住喺西貢，所以我同老婆得閒都會黎哩頭行下的。我老婆中意食粥，之前又唔多識煲，所以每次過黎哩頭都好似上癮咁想黎開飯 最近老婆終於可以煲出一碗又棉又香嘅粥了，所以再返黎試試哩間嘅出品午飯時段，已經滿座，唯有排隊啦，等咗10幾分鐘先有得入座呢，好彩仲有個哥仔得閒就出黎安撫下我地望望餐牌，哩間啲野其實唔係好平，一碗粥平均20蚊左右，再加份油器腸粉之類就已經30幾了，以街坊早餐黎講一啲都唔便宜啊老婆中意食魚，所以次次都食【魚腩粥】 我本來想叫碗白粥試清楚哩間嘅粥底，但都係叫碗【艇仔粥】吧，好多年冇所謂食過了～ 再黎份【炸兩】吧，屋企煮唔到的粥黎喇～試啖粥，材料份量唔少，亦幾新鮮，魚腩幾甜，艇仔嘅魷魚亦有質感，但粥底感覺上唔係好香啊。。。但因為材料量多，所以真係食唔出粥嘅真正味道，但整體黎講味道其實唔差的【炸兩】就真係好味喇～油炸鬼足夠脆，腸粉夠香夠軟，撒上蝦米同少少蔥花，即叫即蒸熱辣辣，最後加羹豉油～大大份好有質感，食完好有滿足感，好正食到差唔多，老婆同我講佢碗粥大部分都係仔仔食的，唔夠飽啊我個衰仔幾時大食咗咁多架 適逢其會，就黎多碗【白粥】啦，等地可以試清楚個粥底【炸兩】味道唔錯， 再

This place is famous for rice rolls so decided to try it.On my way there, I could smell it a mile away because the oil smell was sickening and the meat didn't smell fresh.Since I was already there, I decided to try it.The rice rolls are made at the front of the shop with the rice roll mixture stored in the red bucket.There was a dine in area too.They open at 6 in the morning which is pretty early, but then the elderly people in Sai Kung normally get up at 5am!!★☆★☆★☆★☆★☆★☆★☆★☆★☆★Rice rolls with

呢度既炸兩，可以話係全港最正！即叫即做，好味到暈必叫！！！唔會好似出面果D咁一pat pat,林晒.粥類就一般.勝在平！下次入到黎，會集中叫炸兩

提起金山，令人想到百幾年前，華人被賣豬仔到舊金山開發金礦的一段華工辛酸血淚史。返回現今年代，不再有被迫賣豬仔掘金這回事了，只有倫敦金、祈福黨等騙財騙金的案件。此金山其實是西貢一家老字號粥店，是 "材記" 一位西貢老街坊朋友的通報。 明知金山的存在，無理由不往金山尋寶去，於是便展開了我和 "材記" 的尋金夢。當天也算得天朗氣清，為譬喻為香港後花園的西貢，景色依然明媚。由於平日的金山粥店只營業至下午二時，因此中午前便抵達西貢市中心了，全靠 "材記" 出動他的私家車。在親切街坊們的指引下，原來西貢舊村就在西貢街市後方的對面，很久以前這處也是我常來吃炸塘虱魚金邊粉的小村子，只是不知道這群矮小灰白屋子的統稱。村內就只有小屋和小路緊密相連，屋連路，路連屋，九曲十三彎，時有岔路，如同進入寨城一樣，只不過版圖較小而已。位於寨城一樣的小村子的金山，遠比我心目中的老粥店模樣更簇新，沒有舊式的摺檯、摺凳，取而代之是亮麗的牆壁，和雅緻的桌子、凳子。金山有齊粥品、腸粉及油器，但沒有炒粉麵和粽子的選擇。大堆頭的油器，包括有油炸鬼、煎堆和牛脷酥。向大廚姐姐問明，鯪魚球是自家製作，當然要一試。一款粥料略嫌較為單調，從