金寶 (已搬遷) 新店位置

第二篇食評,係金寶小食店之食後感..因為在openrice找旺角的食店,縱合了三個人的意見去了金寶,最主要係價錢像不貴,而吃到的像很多跟之前食評提到的美食方程式,吃了海南雞飯,火車頭同精選拚盆海南雞飯油飯好味,雞肉唔鞋,水準唔錯;火車頭配料豐富(見圖),個湯好味,不過牛腩就有少少靭,但係又唔係咬唔入,份量好多,個碗好大碗..咁多樣餸我最鍾意豬手,好食呀精選拚盆最好食係個蒸粉卷,點魚露食好好味呢三個人食,埋單百九蚊,幾經濟啦

泰式海南雞飯最近像比較少人品題,之前泰國人海南雞開到廿幾間分店,好似食泰式海南雞飯係一個熱潮咁..今晚就嚟到小金寶食,食物包括了招牌的海南雞飯,火車頭,精選拚盆,另笑得好甜,矮矮地好得意既侍應介紹了牙車快沙律,甜品就食左個芒果糯米飯海南雞飯係一碟七件雞肉既雞,一碗油飯,一碗青紅羅白湯,無論雞肉,油飯,點雞的醬汁同個例湯都好重味,可口! 特別係個油飯好開胃,有點醬油飯的風格,值得一試!火車頭好大碗,有牛丸,肥牛,豬手,牛腩等,湯好重牛肉味,落埋香葉嚟食味道更好! 精選拚盆有雞翼,辣雞腳, 蝦塊,春卷仲有粉包, 火車頭 + 精選拚盆就係推介俾大家既美食方程式牙車快沙律原來係椰菜絲,雞絲同埋香葉伴以越式酸汁而成既沙律,個人對生既椰菜絲無好感, 同行既朋友就似乎幾欣賞,芒果糯米飯水準之作!埋單$250, 豐富既一餐價錢比想像中低,特別推介俾各位好食之仕

跟住openrice去搵食,旺角就選擇了金寶三人行,行到門口侍應開門迎接, 笑住咁引領我地坐在近電視嘅卡位, 餐牌比較卡通化,我地選擇左第一頁嘅推介,包括精選拚盆,海南雞半隻同一個火車頭!另外再要左兩碗油飯精選拚盆中間係辣雞腳,好辣,野味,跟住仲有香茅雞翼,蝦餅,春卷同蒸粉卷,八十蚊一個,好食之餘價錢覺得幾抵,因為份量都唔少,而且一次過可以食到五樣野,仲樣樣都好平均,好好味海南雞肉質幾滑,配一種酸辣嘅醬汁嚟食幾滋味; 火車頭係一個好大既碗盛著好多肉類嘅湯粉,包括左牛腩,牛丸,扎肉,牛柏葉,肥牛,豬手...份量就真係好重手. 六十九蚊一碗但係因為幾大堆頭,唔覺得貴,兩個人食就差唔多甜品係拉榔糕,煙煙unun...ok好味,本來想食椰汁糕,但係賣哂埋單係$267... 無加一,三個人食到好滿足

再次光臨金寶小食店,對上一次已經係兩個月前既事了,因為公司調左我去荃灣上班,所以很少落旺角呢..今日唔知聽日事,而家都唔想好豪咁食飯,兩個人食,"畢直"最好一百蚊左右,諗起嚟呢度,因為加埋一餐只係差唔多咁既價錢,仲無加一,餐廳氣氛ok (當然唔係豪裝), 女友唔會詐型~食左一碗生牛肉粉,一客泰式海南雞飯,另外再加一碟春卷(而家賣$12,半價),再加碟生菜(話跟餐$6),一杯三色冰同一杯青檸梳打,埋單$136...生牛肉粉上次印象係唔錯,今次味道更好,因為個湯味道夠濃,加一些金不換同青檸汁落d湯度,感覺更越南feel^^, 不過生牛肉唔算好好食,中等質素咁啦,可能因為熱湯淥過之後牛肉既味都無左..海南雞飯雞比之前有點進步,因為之前食比較鞋口,但係今次就滑番,雞味比較清,係白烚嗰種味道,所以淡d,但係個汁都夠酸夠辣夠開胃,美中不足係雞肉唔係起骨,同之前喺泰國食有d出入,飯就好香口春卷做promo$12五條,價錢好合理,個酸汁做得好好味,不過d餡就少左d,但係作為小食都合格了,何況只係$12~唔就腳吖最衰,要喺荃灣返工,仲成日要ot,如果唔係都成日嚟食,但願黑暗日子快d過去,經濟快d好番啦.

在Openrice.com找到「金寶」，很多食評讚他們的泰式海南雞飯。午間十二點半左右，店內沒有客人。等了十分鐘的海南雞飯，雞肉還算滑，但完全無雞味。有食評說飯有薑味，但我食吾出。不像一般雞油飯，他們的飯是深色的，不知放了甚麼。唯有飯是熱的，這點可以讚。

某天下班後，我忘記工作的辛勞，特意來品嚐廉價泰國越南菜，看看能否在鐵路沿線多找一個開飯點。我這個嗜吃咖喱的人當然要一客咖喱牛腩飯，這回是越式的。這個飯的特色不在於咖喱的味道，反而在於牛腩。牛腩不是大塊大塊的，而是一口酥的模樣，軟硬度適中而有咬勁，可以整潔又暢快地吃完整碟飯。越式咖喱的味道辣中帶微甜，不知道有沒有加入椰汁或者其他東西，味道讓人感覺愉快。伴碟的車厘茄是伴碟菜之中罕有地高品質，沒有野菜的草腥味，可口鮮甜而清新。下次再光顧的時候，切勿把這些伴碟的車厘茄當作廢物丟掉。金寶的服務員很周到，連我離開的時候也給我拉門。

(補寫) 4 Jan.2009係openrice見到呢間個食評幾好,於是試一試..7pm多來到,店內人很少,可能係食店地置問題吧,人客不多..至中意餐牌有圖睇...兩個人點了..青木瓜雞絲沙律: 不錯泰式海南雞飯: 正!!!中意d飯札肉蒸粉卷: 都幾多料酸辣無骨鳳爪棷汁冰龍眼意米冰: 推介!!!!離開時店內人客依然不多....價錢不貴,得閒會再來~

今日剛睇完OPENRICE, 見到金寶個食評幾唔錯, 最重要係唔貴, 今晚走左去試, 果然唔錯今晚我兩人試左1. 好多人點既海南雞飯餐, 切雞肉好軟,好嫩, 油飯較一般深色, 幾香, 少少薑味, 唔錯, 最抵讚係佢個中湯, 今晚係菜乾豬展湯, 好夠熱, 唔似一般茶餐廳暖暖地就算, 今晚咁凍, 飲完個身暖晒2. 牙車快, 清清地既沙律, 好味, 裡面有雞絲, 青瓜絲, 蘿蔔絲, 菜絲等, 個魚露汁酸酸地, 好味, 又好開胃3. 炸蝦餅, 好脆, 好熱, 不過好熱氣4. 拉椰糕, 好正, 第一次食熱既拉椰糕, 好煙韌, 仲要係好熱, 似係係蒸籠拿出來咁, 好好味, 唔太甜, 佢係比一般既拉椰糕少甜, 但我真係好鍾意, 可能有些人會覺得太淡, 但椰味係足既, 平時D拉椰糕係整定, 呢個相對感覺好新鮮, 正呢個價錢, 呢個食物質素, 抵食, 可以一食再食不斷食

一行五個女仔去，叫左四樣野七點去到，唔算多人服務態度好好~d野食都唔錯最鍾意個炸蝦餅，好彈牙~~每人$31埋單，其實食左唔係好多野

看了開飯的食評，一路風塵仆仆的趕去。下午時間，要了一份越式三寶飯套餐。大部分東西都是油炸的。所以有些膩~但是味道很好~調味的水準很高~尤其是越南料理必須要配上花生末同食~湯的味道也不錯~總體上，推薦！

2008年07月20日，金寶時間不太早，與另一半都不想叫太多：海南雞飯：個雞& sauce幾好，飯油了點。牛雜景湯河：好似唔係好多越南餐廳有呢個河粉，雖然味道離開地道的越南湯河仍然有距離，但可以接受。值得一提，有個男生的服務態度很有禮貌！

(2星期前食評)可能幾日前食完海南雞飯, 今日突然又有d想食, 就黎左呢間同男友叫左個海南雞飯同咖喱牛腩飯(可配法包)海南雞飯ok吧, 飯有很重薑味, 但雞油味不香, 有點乾雞肉偏鞋, 有很多雞胸, 不喜歡, 個汁就唔錯咖喱牛腩飯唔得, 唔知係咪因為係越式, d汁好稀.. 似湯多d. 咖喱唔香. 牛腩質素中下感覺係好普通既一間食店, 可能叫其他野食會好一些服務是不錯的

同D朋友仔去左呢間到試菜FOR 我地個CUSINE PROJECT環境都幾乾淨,餐廳播緊泰文歌,連廚師都係講泰文禮拜5下就完全唔洗等位! 我地ORDER左2個海南雞飯,1個辣牛肉碎蝦飯辣牛肉碎好似唔錯,但海南雞個飯煮得好稔,入口1PAT PAT咁另外叫左個SPICY MINCOD BEEF SALAD!呢個真係好好味 值得1試但我既重點唔係講食品,而係D WAITER既態度!首先1入門口已經冇講野 黑口黑面是但叫人坐我地想揀入面D位坐佢仲企係到 之後指我地坐門口位之後我地落ORDER 佢又黑口黑面行埋黎 冇覆單冇講D咩送完野食上黎之後 1男1女WAITER/TRESS 企係我地張台隔離1路眼定定望住我地食野 未曾落晒ORDER佢就好急咁收起晒D MENU睇黎係冇心做生意喇 食完我地去個TOILET 又係冷眼

舊同事為持續進修而忙個不停, 想相約舒舒服服吃一頓飯, 也不容易. 直到我建議將"晚餐"改為"快餐", 才成功約到. 我要選未吃過的餐廳, 舊同事則要求方便又快靚正, 真的消耗了我一點腦細胞. 最後選了洗衣街的金寶泰式海南雞. 各樣條件都符合, 皆大歡喜. 金寶在九龍城以泰菜起家, 水準一向都很穩定, 且勝在材料來貨新鮮. 雖說以泰為本, 但其實餐廳種類甚多, 由越菜泰菜到小食店都曾經有過. 今次這家主打泰式海南雞的, 其實亦有很多越南菜式.我們選了兩樣冷盤:青木瓜大蝦雞絲沙律 - 賣相吸引, 上面先見到有香葉蓋著幾隻沒太多鮮味的開邊蝦肉; 下面墊了很多撕得很幼細的雞絲, 再下面就是木瓜和青瓜絲, 最底還有一點花生碎. 吃這些沙律又怎少得了甜酸魚露? 毫不吝嗇地把一小碗魚露都倒了進去, 甜酸鹹辣共冶一爐, 口感味道都豐富得很, 滿足! 而最驚喜的竟是混了點喇沙葉碎, 雖然不多, 但那種極有個性的味道, 一吃就知. 另外要了雜錦米紙粉卷, 一客有四個, 分別有扎肉, 煙三文魚(!??), 蝦肉和車厘茄. 這幾個手卷都非常搞笑, 餡料份量少得很, 因並非捲著, 而只是加在上面. 最莫名其妙

做完GYM, 和友人2個來到搵食, 由於友人不太肚餓, 所以只點了以下食物:越式濱海碎牛肉生菜包: 正!整餐最好的菜式. 8塊生菜大小剛剛好包住餡料, 米粉做的濱海索了牛肉汁及甜酸汁, 牛肉汁帶出肉碎味, 是夠特別的生菜包!泰式海南雞飯: 唔...作為招牌菜式, 海南雞飯就強差人意了. 雞肉是雪藏雞, 沒有雞味, 雞胸肉"揩拾拾",而且是凍的... 油飯的味道不錯, 不過煮得太"林", 有少少黏住黏住的. 作為招牌菜就不合格了. 不過附送的冬瓜湯無味精, 挽回少少分數。 紅毛丹冰: erh...由於用上東南亞的一種紅色糖漿調配, 其香料味有點似藥水味, 加上甜得令人難以接受, 喝了兩啖就喝不下去了。總括來說, 只有生菜包是水準之作。其他都一般一般, 普通普通。