金寶 (已搬遷) 新店位置

上個星期去了旺角 在Open rice留意到這餐廳並看到普遍的食評也是很正面 所以就決定到金寳一試該晚女朋友點了海南雞飯 我就點了青咖哩大蝦飯每個晚餐set也有例湯奉送該晚一直也沒問題 但當女侍應把晚餐帶到來問題就開始了她不小心把我女朋友的湯倒翻了 （幸好她身手敏捷 所以就沒有全倒翻）她就用了擡上的餐巾清潔了一下 並走了我們還以爲她會拿布來再清潔 所以就等了一下誰料我們見她已去了做其它的事情但我女朋友告訴我還有湯在擡與擡之間的縫一直在滴到了品評食品的時間 例湯沒什麽特別 海南雞雞不是做得太出色 比起我心中所期待的差一段距離這個雞沒有去骨 味道不是太向只是OK 青咖哩大蝦飯咖哩OK香 但味道就不夠濃可能太多汁的緣故蝦應該是雪藏的 還有這個青咖哩大蝦飯除了幾只蝦就沒有其他用料金寳其實位置就不太好 食品又不是太難吃 服務真的不可以接受下次除非真的是路過 否則我是不會專登過來吃

今天試了這間金寶，想食泰式海南雞飯！我另一個朋友叫了豬頸肉撈檬！泰式海南雞飯應該係我在香港食過最好食，好香同好滑，唔會太滑 ，唔怪得每一枱都叫la.我朋友的豬頸肉撈檬都好食，啲豬頸肉好冧！但可能店舖太細，我哋同隔離枱距離好近！

由新世紀行落黎金寶海南雞飯, 都唔係好遠, 有時會專登落去食LUNCH今日去到, 見門外有新的午飯套餐, 於是叫黎食豬頸肉紅飯, 連埋湯, 一客$36, 以一個LUNCH的價錢, 茶餐廳可以食到$25的快餐, 所以唔算係好平, 但係碟飯係一碟相當有特色的飯, 一於同大家 SHARE紅飯, 係茄汁味的, 可口豬頸肉, 係烤的, 可以點泰式甜辣醬食, 好味湯係紅蘿蔔湯, 但又有白菜, 故可算係什菜湯, 味道OKSHARE, 係因為食 LUNCH食什扒飯, 干炒牛河, 涼瓜火腩食到厭, 食呢碟紅飯又幾有新鮮感, 味道又好, 價錢都可以接受

我幾鍾意食泰國野, 去到呢間金寶泰式海南雞飯, 入去食本來想食海南雞飯, 但侍應遞上牛柳紅飯的餐牌, 更推介話好味, 叫我不如食呢個, 於是就聽佢一次話這個叫牛柳粒紅飯的菜, 有用蒜蓉炒過的牛柳粒, 配茄汁味的飯食, 配角係兩粒車厘茄同兩塊青瓜, 牛柳粒一食覺得都幾咸, 不過再食啖茄汁飯之後又覺得唔會好咸, 味道ok, 茄汁飯幾開胃, 牛柳粒幾淋, 唔使好用力趙, 而且仲有牛油的味道, 幾好食仲有碗白菜, 菜干, 紅蘿蔔都有的什菜湯, 唔難飲, 但又唔係好好飲叫多杯青檸可樂, 成罐可樂上, good!

放左工由旺角警局行過洗衣街, 呢條街越黎越多吉舖, 人流比之前少了去到泰式海南雞飯的門口, 見裡面有六七枱客, 不算冷清, 一個人食飯不作他選了!望過餐牌, 想試吓個大蝦扎肉撈檬, 好似會幾好味, 另加一杯凍檸樂! 撈檬係用特製的酸汁撈埋檬粉食, 個汁係開胃的檸檬味蒜頭汁, 味道ok檸樂係成罐可樂比我, 最抵讚不過!

After rennovation, the process of eating there has become more convenient, it is not self service, you can sit down, place your order and pay at your table.i did not like it much before, you had to order, then find yourself a seat, and then go over to collect it, just like a food court.This time ordered the curry noodles with large prawns, was presented well when it arrived, not spicy or hot at all, despite all that red oil on the top.The soup was not that strong, and the noodles strands were so

每次經過洗衣街, 總會俾個藍色門面所吸引, 泰式海南雞飯-- 要試試先同一般切雞飯最大分別係, 飯係雞油飯, 醬汁由薑容換上了酸辣醬, 雞肉係無經調味的, 可以話係百份百的白切, 唔點酸, 辣兼備的點雞醬, 可以話係只有淡淡的雞肉味, 肉質都算嫩, 油飯好香, 有雞味, 不過唔多油, 偏乾除左個雞飯之外, 還揀左個特級火車頭, 大湯碗入面有牛丸, 牛腩, 豬手等材料, 份量幾多, 仲有河粉做底, 飽肚之選精選拚盆有春卷, 粉包, 炸雞翼, 辣雞腳, 炸蝦餅, 每樣食物都幾平均, 用大塊生菜包春卷同香葉來吃都幾好食!甜品來一客芒果糯米飯, 兩個人埋單盛惠二百二, 食到好飽

探完好朋友的後，行出太子食晚餐，一直好怕在旺角、太子一帶搵食，這兩區沒有吸引的食肆，每次一定盲無目的。本想去弼街食海南雞飯，我又無耐性等位，終於去了轉街的金寶。牙車快-原本沒味的椰菜絲、青瓜絲、雞絲越式沙律，加了甜甜酸酸的魚露，頓時將味道提升。生牛肉湯河-另附芽菜、金不換及青檸隨人客喜愛而加。先呷一口牛湯，味道不香濃；薄薄的牛肉質素一般，未至於軟腍鬆化，而河粉還有點鞋口。中環的芽莊真是出色很多。海南雞飯-打正海南雞飯的作招牌，本應是出色之作。雞肉看似很有光澤，其實肉質太熟太腍，又毫無味道，真是自打咀吧；香嘖嘖的油飯，入口補充南薑的獨特香氣，及透出了雞油的精華。另外奉送的例湯，淡而無味。食物很一般，地方又窄迫，幫襯一次就夠。

波兒上個月去o左洗衣街的金寶泰式海南雞飯, 覺得好味, 今晚就帶埋朋友去幫襯四個女仔都叫o左好多o野食呀, 有火車頭, 海南雞半隻, 精選拚盆, 酸辣無骨鳳爪, 燒豬頸肉同芒果糯米飯, 仲叫o左一碗齋湯檬上次食呢度的湯粉好正, 但今次個火車頭唔夠熱, 所以無咁好味 失左手呀 海南雞肉質嫩滑, 上次食完都讚過了, 朋友仔覺得點雞肉個醬好開胃 精選拚盆有炸雞翼, 蒸粉包, 蝦餅, 春卷同鳳爪, 因為鳳爪好食, 所以大家一致讚成叫多碟鳳爪燒豬頸肉就唔係好夠味, 我覺得甜啲好味好多, 芒果糯米飯芒果夠哂甜了, 糯米飯都好煙靭, 個甜品好正四個人食賣單$360, 但都幾豐富! 結論係湯唔夠熱, 減o左分, 而且上次我已經俾o左個笑佢, 今次雞肉都好食, 但再俾笑就重覆, 何況豬頸肉仲有改善空間呢, 下次再有進步先笑臉鼓勵啦

我前幾日同朋友兩個特登黎食Dinner，試下呢到既醬爆蝦丸. 結果係冇得彈!!!! 個蝦丸熱辣辣, 一咬落去d汁係咁流出黎, 超好食. 外面又脆卜卜, 真係好食!!!

停課最唔開心係仔仔, 因為佢讀中學, 仲要返學, 但係我覺得讀書可以學多d野, 係一件好事嚟播 講番食啦, 去完花園街, 經過金寶泰式海南雞飯, 見門口的食物模型幾吸引, 於是入去食, 不過模型同實物係兩回事 假海南雞飯係碟上, 但真的係分開d雞同油飯, 不過味道比較緊要!雞肉好滑, 仲幾有雞味, 油飯香噴噴, 有好香香茅味, 味道同另一間分店差唔多, 例湯係菜干湯, 水準不錯! 呢間分店坐得比較舒服, 服務都親切友善! 飲品揀左青檸梳打, 六片青檸, 無甜味, 飲得健康! 等仔仔考完試帶佢嚟食~

前幾日約埋一班朋友食飯見到旺角區入面呢間餐廳評分唔錯,於是去食下朋友都食唔同既野,我無試到佢地果d我食左既係醬爆蝦丸,泰式海南雞飯醬爆蝦丸炸得幾香,d蝦肉都彈牙...但我會鍾意小曼谷既蝦餅多d...好可惜我唔太鍾意食蝦膏啦...鍾意食蝦膏既人應該會幾鍾意中間熱辣辣流出黎既蝦膏不過真係唔平...一粒15蚊wor海南雞飯既雞肉質的確幾嫩,唔會太鞋或者難入口,但無雞味,已經失曬分個油飯亦無味,個飯應該要好香架嘛!同埋d飯太林...個湯唔洗問係味精湯啦......仲有試左少少朋友既豬柳飯,普通炸豬柳,無乜特別服務都算唔錯,幾好禮貌,幾有效率,我係平日去,唔算多人始終有咁多位朋友仔俾個哈哈笑我諗其他食物應該都唔差既不過真係唔好叫海南雞飯...會失望的

見好評如此多, 一行三人去試一試, 結果....招牌海南雞飯: 給3個差, 海南雞沒去骨, 有血, 沒味道, 應改名白切雞, 而黃油飯為什麼是啡色的呢?青咖哩牛腩飯: 牛腩有4-5小件, 薯角比較多, 過份, 青咖哩又少, 不足以伴飯, 不過沒關係, 反正也沒咖哩味雞絲札肉凍蒙: 凍蒙為什麼都黏成一塊, 小巴黎的都要比它好結果是三人低落的離開

尋日搵旺角有咩好食, 見到lee間Cambo Cafeteria o既評分唔錯, 所以就去試下喇~兩個人去到, 已經2:20pm店員走出黎同我地講, 本來2:30 下午茶, 但依家可以早d俾我地叫, nice~我地叫左泰式青咖哩大蝦檬($25)泰式海南雞湯檬粉($25)加左一杯特飲三色冰 (+$7)泰式青咖哩大蝦檬十分好食! 濃度適中, 略帶微辣,好耐都無食過咁好食o既青咖哩la!!! 三隻蝦都真係幾大隻, 不算得好新鮮, 但都ok泰式海南雞湯檬粉d雞無乜雞味, 但係就好滑我覺得佢個汁好特別, 唔係普通泰、越式勁多辣椒、蒜同醋o個d食起來分外醒胃~!香草芽菜令上, 鍾意幾多就落幾多,good~特飲三色冰全餐最差係杯野飲, 雖然椰味好香, 甜到唔知點形容, 直頭飲唔落下午茶碗粉o既份量都好夠, 而兩碗粉我比較喜歡泰式青咖哩大蝦檬!

阿b訂位, 兩個人去食金寶泰式海南雞飯, 因為有電視關係, 一心想睇柴九點知落到嚟, 近電視的位已經比人坐左, 無奈坐喺近收銀的位, 睇唔到電視, 唯有睇錄影帶啦! 講番食物, 我叫嗰碗大蝦扎肉檬一開始以為係無味, 後尾先知原來係撈埋個酸汁食, 個侍應又唔一早講 不過撈完汁之後, 好好食, 酸尾尾又幾開胃另一碗叫順化豬手湯檬的粉都好味, 湯底係辣的, 但牛肉味好濃, 食到其中一個朋友lam lam脷湯粉同埋撈檬粉都味道唔錯, 服務其實都ok, 雖然無一早同我講個粉點食, 但係都連聲sorry, 算啦!