金家樂茶餐廳

營業中

休息中

由於疫情關係，經常叫外賣，送到屋企十分方便。金家樂堂食試過，幾好，咁就試吓叫外賣，第一次，有驚喜，份量沒少，而且還熱。最喜歡叫牛仔骨，多數都䭃，可以西檸或黑椒。另外粟米斑塊，汁是分開上，十分體䀡。價錢方面貴其他茶餐廳少少，不過本人覺值得。好過平但唔好食。

爸爸生日，因為佢比較鐘意食小炒。今次就揀左呢間茶餐廳。有好多唔同既小菜，應有盡有。特別係菜膽雞真係好正，每次黎到都會叫。D雞夠哂滑又大件，D 介菜都好大條好好食。通菜煲就更加入味，好岩送飯！哈哈～ 而咕嚕龍鳳球就係雞球同埋蝦球，D汁夠哂味同酸酸的好開胃。今次叫左個聖子，好新鮮好好食。每次去到都會有糖水送,除非送哂。所以愈早食就愈好。服務態度也不錯，都會迅速落單同埋處理食客的要求。係有時急Ｄ，會燥少少。整體黎講都算很好，好岩一家大細去食飯。另外我地有預早打電話黎BOOK位，去到餐廳即刻有位。

3/5不錯的咕嚕肉飯，揸得香脆不油膩，肉質鬆化有咬口。味道稍為重了一點，陪着飯吃也中和不了。Good grunt pilaf, crispy and not greasy, fleshy flesh and bite. The taste is a little bit heavier and can't be neutralized with meals.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

這間位於大角咀舊區的茶餐廳，在區內已營業很多年了。這次和朋友到這裏是想嚐嚐它的下午茶餐，感受一下香港茶餐廳的風味。我們叫了碗仔翅、生菜魚肉、西多士、紅豆冰。碗仔翅材料不多，粉絲和肉絲是主要的材料，比起別處的稍為遜色。西多士炸得脆脆的，配上了糖漿一起吃，味道很好，這是香港茶餐廳當中平民美食。生菜魚肉上來時，香噴噴的，生菜是很新鮮，咬下去有甜甜的青菜味，魚肉當中拌了少少胡椒粉，味道不錯，再加上了少許的麻油，味道就更香了。紅豆冰的紅豆被煮得軟綿，但稍甜了一點。

香港的茶餐廳，大部分的港式早餐都是大同小異，千篇一律的，變化甚少，不是火腿通粉便是沙嗲牛肉麵；不是餐蛋麵便是雪菜米，教人吃得多了，便會心生厭倦。這間茶餐廳，雖然大部分港式早餐都與其他茶餐廳無異，但它有一個特別的地方，就是每天都有一個名為「是日精選」的早餐，天天不同，材料也豐富。為了這個緣故，我已經光顧了它好幾次，有時候是「雪菜肉絲、黑椒豬肚絲、煎蛋、時菜、上海麵」，有時候是「五香肉丁、煎蛋、花枝丸、時菜、全蛋伊麵」，有時候，則是......雖然煎蛋與時菜好像是必備的「百搭」，但黑椒豬肚絲、花枝丸、全蛋伊麵做早餐，就的確是少見。這兒的「是日精選」早餐，味道不會教人驚為天人，份量不會多得令人吃不消，但絕不會難吃，材料豐富，可以令人滿意，還可以吃得飽肚，價錢無非三十六元而已，其實在這茶餐廳便點一件雙併三文治早餐都已差不多要這價錢，那為甚麼不吃這個未看餐牌，也不知這天會吃到甚麼的特別早餐，為這一天的第一餐添上一點神秘感和意外的驚喜呢？

好耐冇食過茶餐廳， 今次嚟到大角咀就要試吓呢間金家樂。早餐當然要試吓佢哋嘅全餐啊，今次我就食咗呢份沙嗲牛肉公仔麵同埋多士炒蛋，點少得檸檬茶啊。首先我就試試呢份沙嗲牛肉公仔麵，佢嘅沙嗲牛肉真係非常之彈牙同有肉汁， 沙嗲味都好濃郁，係一個唔錯嘅早餐之選。 跟住我仲試咗佢哋嘅炒蛋多士 ， 多士普通但係炒蛋就非常之幼滑，將炒蛋配埋多士食就不得了。佢嘅多士雖然炸得幾有金黃色，但係食落其實都係普通唔夠脆口， 如果可以脆啲咁呢個早餐就完美了。

呢間大角咀老牌茶餐廳已經立足左係度好多年，質素都有一定嘅水準。今次試咗佢哋下午茶餐，仲叫咗個正價炒粉麵飯。炒飯好大碟夠兩個人，食物味道都唔錯，亦都好夠鑊氣！依個叉燒意粉都不錯，茶餐廳嚟講整體食物同飲品都滿意。

这家位于大角咀，离旺角也很近啦，的茶餐厅，他家的咖喱猪排饭简直让人欲罢不能，最重要肉肉超级多，价格也超级平，只要60吧，里面我觉得至少有两块手掌大的猪扒，太给力了！除此之外他家三宝饭也很不错，红肠很好吃，叉烧甜甜的，

今晚同朋友食飯，嚟咗呢間會經常嚟嘅金家樂餐廳，老實講，呢間餐廳都係麻甩佬餐廳，入邊嘅侍應全部都係麻甩佬，講野大聲，絕對有去澳牛嘅感覺🤔夜晚叫咗個枝竹火腩煲，配返個中湯，諗住試埋佢個湯係咩味。呢間餐廳上菜都好快，味道同鑊氣都夠，枝竹好入味，但可惜啲燒肉比較肥，好多都有肥豬肉，另外個肉亦都比較咸，不過整體成煲就幾有鑊氣，用嚟送飯都幾好味🙈值得一提係佢啲白飯，粒粒企身，因為舊式煮飯係用蒸爐煮，同平時屋企用電飯煲煮係唔同嘅，好食啲㗎👍🏻至於個湯就不過不失，好過一般嘅例湯，尚算足料，但味道就唔係好夠啦。整體上我覺得金家樂都係一間幾好嘅茶餐廳，水準都唔錯，不過要講服務就會有啲失望啦🙈

叫個下午茶餐我點知有啲茶餐會係公眾假期無？我咪同條友重覆多次個下午茶餐跟住佢就好無禮貌話，都話無咯，講左兩次都仲要落然係就轉身走左去之後又見到佢同另一個食客嘈咁果枱有兩個食客，但佢淨係俾左一套餐具食客問佢拎多套，佢就即刻發神經鬧個阿伯你要咩呀？跟住一路望住個阿伯其實一路以黎我都覺得呢間餐廳既男侍應（除左後生高果個）係有神神地成日鬧其他女同事啲女同事阻一阻佢或者同食客傾下計就即刻鬧佢地建議老闆們搵心理醫生或社工幫幫佢地

金家樂 呢間茶餐廳我去咗好多年 至少20年以上 睇住佢又細到大鋪 食物算唔錯 就算依家搬走咗成日揸車返嚟食不嬲都冇要求啲咩服務 今晚揸車嚟坐低問吓例湯係咪魚湯因餐牌寫住 個男服務員話呢個湯冇啦 態度好似我欠佢咁 咁我話係咪有其他瘦肉湯呢 因餐牌上搵到 換來係佢態度惡劣 大聲咁話 你問我個魚湯我咪答左你囉 凶神惡煞 再繼續向我訓話其實我問一個好簡單嘅問題 希望食完就走 冇要求啲乜 換來好似我得罪佢咁俾人鬧我即場起身走 臨走前向櫃檯嘅老闆家人 同佢講我食咗幾十年 來食係因為感情 唔係俾人鬧 我地有緣再唔見啦有時一間餐廳經營嘅上落 因為好多原因 而我亦無謂用感情去掩飾食飯重要受污辱 可能失去我一個咁渺小嘅長期客戶唔重要 但同一間餐廳緣盡好可惜

今日落雨唔想周圍去，就近近地去左食茶餐廳，咁我就叫左個常餐，$40幾，以佢的份量尼講都抵食沙嗲汁迷你豬扒，煎蛋，時菜公仔麵配蜆介鯪魚球，白汁吞拿魚法式多士雖然寫迷你，但碗野係正常size，都幾有份量。豬扒好夠味，唔韌，份量都好多，大約有四件沙爹汁好惹味，唔會太鹹；公仔麵鐘意佢唔係煮得好林，係岩岩熟，有D彈牙果種口感鯪魚球一般，炸得唔係幾脆白汁吞拿魚法式多士，好有份量好足料，入面的吞拿魚同醬都有好多，每一啖都食到白汁吞拿魚熱朱古力好濃朱古力味，唔係沖淡晒果D

今日去試新野，朋友帶左我尼E間茶餐廳，入到去都幾大幾闊落，都係比較傳統我茶餐廳，唔係好dirty但又唔係特別乾淨，不過感覺都唔錯午市餐牌諗唔到叫咩所以最後叫左個常餐沙嗲汁迷你豬扒，煎蛋，時菜公仔麵配蜆介鯪魚球，白汁吞拿魚法式多士尼到有驚喜，因為碗野係正常size，但係佢餐牌就係寫迷你，所以就諗住會好細兜 豬扒好夠味，唔韌，份量都好多，大約有四件；沙爹汁都好惹味；公仔麵鐘意佢唔係煮得好林，係岩岩熟，有啲彈牙果種口感；鯪魚球一般，炸得唔係幾脆白汁吞拿魚法式多士，好有份量好足料，個包好脆，入面的吞拿魚同醬都有好多，每一啖都食到熱朱古力，好濃朱古力味，唔係沖淡晒果D整體尼講都唔錯，午餐$40幾有咁多野食都幾抵

今天在此遇到一個身形高瘦、十分奇怪的侍應：無禮貌、扮做嘢、無心招呼客人、態度有問題，食物已到在他前面，還叫人出㚈等。請問等什麼？等其他侍應做埋佢果份？最後客人取外賣給櫃枱入袋！劣評！

伙記好唔掂，錯單又試過，唔落單行咗去又試過。有幾個無咁精叻最多漏單，但自己以為自己好醒果啲，特別係個人稱高佬嘅，咁寸咁掛住同啲熟客講波認叻，錯咗對唔住都唔識講，一係寸你幾句又笠水扮熟。講真茶記由細食大，落單食飯已經無乜需要交流，又唔係要你介紹吓個餐牌每個菜點煮，唔知點解要俾你寸。晚市食物質素無問題，可以話係有水準，性價比高，午市普通，早餐唔使試。睇波係好抵，但要忍到班伙記寸爆同不知所謂嘅服務，另外場內大量煙民包括個老闆，熟客可能唔介意，我幫襯咗好多年依家都決定唔再幫襯