金子半之助 (利東街)

營業中

休息中

已經知道利東街結集多間美食餐廳，但不下於一個朋友介紹這間熱賣天婦羅丼飯的店舖。由裝修設計到供應的食物都充滿濃濃的日本風味。餐廳主打天婦羅丼飯及同時有供應包括稻庭烏冬的套餐，既然這樣就選擇了試江戶前天丼和迷你天丼＆ 稻庭烏冬（溫）。題外話，這裡連免費供應的飲品亦有相當特色，杯子裡本身有兩粒黑色豆，再將茶壺的茶沖下去，會發出陣陣豆香，而這杯黑豆茶更加有滋補腎臟，滋潤肌膚及抗衰老等功效。江戶前天丼這碗大大的天婦羅盛宴包括了穴子，海老，小柱魷魚天婦羅餅，溫泉蛋，海苔及莢豌豆。最搶眼球當然是已經差不多容納不下的穴子，首先咬落非常酥脆，跟住就品嘗到味道醇厚來自店家秘製的醬汁，再來就是嫩滑肉厚的穴子，拼湊一齊一種人難以抗拒的鮮味。海老和小柱魷魚天婦羅餅非常的新鮮爽口彈牙，尤其是天婦羅餅用上大量小柱魷魚粒，啖啖滿足。海苔脆口惹味配合香濃溫泉蛋的蛋汁送一口飽滿的日本米，超爽！迷你天丼＆ 稻庭烏冬（溫）迷你天丼可以說是沒有了穴子的前天丼，但同時又多了菇菌及南瓜等，值得一提菇菌天婦羅香味超濃，但經過天婦羅做法又增加了一層從菇類較少能找到的鬆脆，愛菇的你絕對值得一試。稻庭烏冬麵質軟糯得來又帶點咬口，個人覺得温

因為太耐冇去過日本啦，所以其實都好想食日式嘅炸嘢。最近喺網上見到有一間都幾出名嘅日本過江龍天丼店。難得有呢個機會，就當然要試吓啦。等我喺香港都食下日本嘅味道。我自己都幾鍾意餐廳嘅環境，我覺得餐廳嘅坐位都幾舒服，同埋都幾有日式嘅氣氛，好似去咗旅行咁。至於嘢食方面，首先我想介紹嘅就係江戶前天丼，呢個天丼真係夠晒足料，一共有穴子、海老、小柱魷魚天婦羅餅、溫泉蛋、海苔、英豌豆，真係見到就覺得夠晒豐富。有啲人可能唔知穴子係咩嚟，其實穴子都係鰻魚嘅一種嚟㗎，不過佢嘅脂肪會比較少，所以食起上嚟都比較健康。同埋呢條穴子真係好大條，啖啖肉嘅感覺好滿足。至於其他炸物一樣好食，話咁快就食晒成碗丼飯。之後要介紹嘅丼飯係上天丼，雖然呢一份上天丼冇穴子，但係取而代之有好特別嘅白身魚。我覺得白身魚嘅味道唔會比穴子遜色，佢嘅口感係外脆內軟，肉質清甜仲要好彈牙。趁熱食嘅話真係超級滿足。如果大家都鍾意食天丼嘅話，就真係要試呢間啦。絕對唔會令你失望。

臨近中秋節,知道利東街既燈籠已經掛上,當然要過黎一打下卡啦,原來呢條街都有幾多餐廳,見到金子半之助竟然唔洗排隊當然要一試啦,平時屋企附近奧海城間分店成日都見大排長龍所以想試都未有機會同朋友兩個入到去被安排左坐四人半卡位,都好闊落坐得幾舒服,店員仲為我地準備黑豆茶,開頭都怕會難飲,好彩入口都好飲同埋有淡淡既豆香,睇番個menu介紹原來黑豆有好多好處第一次黎當然飯同烏冬都要一試啦$138江戶前天丼 有前菜，味噌湯配埋前菜有醃蘿蔔同埋酸薑,食煎炸野用黎解膩真係一流天婦羅有穴子, 海老, 小貝魷魚, 溫泉蛋, 海苔同埋莢豌豆重中之重當然係穴子喇,一大條星鰻口感豐富充滿著魚既油香,同朋友share一人一半都好滿足,個魷魚肉質白雪雪又厚身,咬落柔軟唔會好似擦子膠有魷魚味,好食個溫泉蛋又係一絕,流心蛋配埋個已經有啲汁既飯無論係視覺定味覺都真係無得輸最估唔到既係海苔姐係紫菜同個莢豌豆姐係荷蘭豆做左天掃羅原來可以咁好食,食到個脆但又唔會覺得食到一口粉漿,厲害迷你天丼配溫稻庭烏冬$118天掃羅有菇菌，海老，南瓜，海苔，莢豌豆菇菌好食,咬落去仲有菇汁唔會炸到乾晒,個南瓜都好好食,食落去係粉既質地,唔會水汪汪

店舖內座位狹窄，店員行過不停撞到椅背坐bar 枱位置，更加有強烈油煙攻鼻天婦羅食材質素，感覺有明顯下降，不如以前好食叫咗天丼烏冬，店員提供配菜盒，但配菜盒的海帶及蔥比人夾曬，剩餘十分少量木魚、天婦羅碎，非繁忙時間都不refill，送菜前亦不作檢查堂食隔離枱遲十分鐘入嚟，叫同一天丼烏冬，我等咗20分鐘，上餐先上隔離枱，我呢度仲要等多幾分鐘先有得食，服務、出餐人均堂食消費$130，服務態度差，仲收加一食物3/5服務1/5環境1/5

今日剛打完風又落雨🌧，所以「金子半之助」罕有地唔駛排隊等位，我哋叫咗兩款set：🍤🦑「江戶前天丼」(HK$138)包括穴子、海老、小柱魷魚天婦羅餅、溫泉蛋、海苔、莢碗豆。🍤🦀「車海老軟殻蟹天丼」(HK$168)包括車海老、軟殻蟹、小柱魷魚天婦羅餅、莢豌豆、海苔、溫泉蛋。📱用手機掃QR code落單，製作時間約20分鐘，全部都可以睇到師傅喺店面即叫即炸。🥢材料好豐富又新鮮，唔係用現成貨整出嚟嗰種，炸粉好輕身好脆充滿麻油香味配埋啲醬汁十分滋味，兩款都好正，連平時唔太鍾意食炸物嘅朋友都話好食。🤭💖原來佢哋連個碗都唔馬虎，係日本進口有獨特家徽嘅「佐賀有田燒」雙層保溫丼碗，精緻又有心思。🪑餐廳坐位不多，一半以上係吧枱位。格局類似日本傳統天丼專門店。

每次去到利東街，都會想食餐好，今次我哋決定食天婦羅丼🤭🤭🤭搭到去，背景音樂已經好有日本氣氛❤️可能係食下午茶嘅關係，唔算多人，亦唔會太侷促😊我哋兩個人，一個叫做一個車海老軟殼蟹天丼，友人叫左個上天丼😊好欣賞軟殼蟹丼❤️除左有蝦，魷魚，青豆，海苔，仲有溫泉蛋🤭呢個下午茶太豐富了吧🫶🏻魷魚 - 切成一粒粒然後再炸成天婦羅，口感好好，煙韌彈牙！蝦 - 超大隻😂兩隻真係非常夠🤭炸成天婦羅都仍然好友鮮蝦味！掂！最特別係海苔天婦羅，從來未食過海苔天婦羅！😆好好食，如果多兩塊就好！！遲溫泉蛋天婦羅，炸完仍然係做到溫泉蛋嘅效果，非常之勁！不得不提嘅係，個飯配上獨有嘅汁，好好食！留意到員工對於擺盤都好有要求，呢間餐廳不論員工或食物，都好有質素❤️❤️

平時我完全唔食天婦羅，比fd係咁同我講呢間唔同㗎，又話呢間粉漿好薄仲好有味，bla bla bla. Ok try try,喺呢條街間間都好似好正咁，呢間相對好grand都無咁貴咁配菜漬蘿蔔，有柚子醋，勁香Suntory 生啤好香花味！泡泡超棉蜜！好似奶蓋咁，超香！自己買罐裝點都唔會有呢種質感，所以有生啤就一定揀生啤晚餐繁忙時間都等得比較耐，得兩個廚即煮即炸，好食就算啦，可以傾計，相反係唔理你坐幾耐！黑豆茶入面有兩粒新鮮黑豆都幾得意，唔係太濃我嘅車海老軟殼蟹天丼，同朋友嘅迷你天丼配凍稻亭烏冬勁多料！好大個碗！丼飯上面有d柚子皮，成件事好清香兩隻好大嘅車海老，成件砍咗半嘅軟殼蟹(啖啖都食到吞到，完全無野要lur), 一隻炸流心蛋(第一次咁食蛋)，仲有炸豆角，炸紫菜，小柱魷魚(完全唔un無根，軟嘅口感)! 配味噌湯同漬物(薑隔離嗰款勁好食)用咗古麻油同秘製醬汁，顏色望落比較深。面粉漿好好食，完全唔覺食緊層炸粉，入口嘅主角真係入面嘅海鮮！朋友嘅迷你天丼配凍稻亭烏冬好大份，烏冬勁好食，唔係冰凍雪藏嗰種，係扁身好彈牙嗰隻，有隻炸蝦，豆角同南瓜。飯量相對少d但可以食埋烏冬。天婦羅配生啤簡直係一流！

🍱上天丼 $118（白身魚、海老、小柱魷魚天婦羅餅、溫泉蛋、海苔、莢碗豆）滿滿炸物，炸物香脆、薄粉、大塊，海鮮夠鮮，蝦爽口🍤，魷魚彈牙🦑加上醬汁好配飯😍就連溫泉蛋都系炸過既，流心的蛋黃汁撈飯正正子😝飯會配埋味噌湯同漬物，漬物系醃蘿蔔同牛蒡酸酸甜甜開胃😆✨日式木系裝修，空間大，坐得舒適，每枱仲會有黑豆茶☕️好飲又解油膩👍🏻

呢一間來自日本橋嘅過江龍，原來2010年已經紮根在東京了，十年間在日本、美國和香港都開了分店，展開了天丼的熱潮。以前對天丼的印象都是比較港式，炸漿又厚又唔脆，然後凍哂口感又奇怪。相信來自日本的店家，已經打了強心針令我好想試下。這間位於灣仔的金子半之助，和式裝修一入到去已經好似去咗日本咁，加上利東街嗰頭的裝飾，和東京六本木的確有點相似，令人好有思鄉的感覺。Menu 選擇不多，相信對選擇困難症的人是一大福音。每個餐都配上漬物和味噌湯。上枱時好驚艷因為真係好澎湃！江户前天丼 ($138) 是大推介的必食之選。穴子天婦羅長到嚇親，原來是來自日本的星鰻魚味香濃，肉質彈牙！名不虛傳！除了穴子，還有海苔、碗豆、鳳尾蝦、干貝魷魚天婦羅，每款都好特別。上天丼 ($118) 入面的白身魚都好好食！所有材料都用上日本小麥粉製作的炸漿，香脆非常。我地加左錢($38) upgrade車海老，食落好彈牙好新鮮！由於兩個飯都有配上溫泉蛋天婦羅，店員提我地可以食晒天婦羅之後用蛋黃撈飯食。比較驚喜嘅係，加上天婦羅醬汁唔會好重味，偏甜，加上蛋汁所以食到最後都唔會好乾。勁飽！最後飲番杯黑豆茶解下膩。呢個價錢灣仔來講算係唔錯

平時經過利東街常常見這間餐廳大排長龍，今天晚上六時多經過此間餐廳，見未太擠擁，便入去試試我一直好想吃的天婦羅丼！車海老軟殼蟹天丼（$168）見過餐牌好吸引🥰，二話不說即叫！來到枱時果然沒有令人失望，個天婦羅多到高幾寸，天婦羅🈵️到差不多跌出來。軟殼蟹炸得非常香脆，個脆漿不會過厚，咬落去外脆內軟。魷魚好爽，豌豆也很好吃。飯底好軟，再配以麵豉湯，完美的一set 晚餐。迷你天丼加稻庭烏冬（$118）海老南瓜海苔都炸得香口，最特別是熱烏冬，甚有特色，可任配蔥花、海苔、鰹魚花、天婦羅碎，將這些配料加温泉蛋倒入熱辣辣的烏冬，口感獨特👍🏻海老（$38）我們加了$38要海老，炸得好香脆，配以這個小食令全餐飯更加滿足！

呢度最出名好似下江戶前天丼但因為本龍唔鍾意食鰻魚，所以就Order 左上天丼，入面有鱚魚🐟、海老🍤同埋帆立貝魷魚天婦羅餅，加埋半熟溫泉蛋🥚、炸海苔片、莢豌豆。丼飯即叫即製確保新鮮美味，一上檯個丼飯係滿滿既料，幾乎係完全醃沒睇唔到底，材料食到各種海鮮既鮮美，又有小小菜蔬清吓個味蕾，配合埋一齊飽滿又美味，麵衣呈現酥中帶鬆，入口即化既狀態！唔係炸到偏硬脆既口感，所以食落唔會咁易滯。食到一半桔爆埋隻溫泉蛋，將蛋漿包住每一粒米飯，多層次的濕潤口感頂級美味～依家外賣自取仲有85折，不過呢啲炸物都係新鮮即刻食先係最好味，建議堂食。

原來利東街開咗好多餐廳～ 今次去咗金子半之助日式餐廳，木系裝修好舒服仲好日式～ 呢間主打食天婦羅🍤丼飯，只有幾款選擇，樣樣都好吸引😍 炸物堆到滿一滿，一路影相一路望到流晒口水～ 不過最好一上枱就快啲食，如果唔係就試唔到新鮮炸起脆卜卜嘅口感啦～車海老軟殼蟹夭丼 $168裏面有車海老，魷魚，軟殼蟹（竟然有蟹膏），紫菜（好咸香），最特別係炸溫泉蛋～ 裏面嘅蛋液係流心㗎～ 炸菇都好吸引，成大一束咁，外脆內濕軟👍🏻👍🏻上天丼$118 裏面有車海老，白魚，魷魚，紫菜～ 白魚咸鮮，好惹味😍 白飯份量比例啱啱好，唔會太多，而且有柚子醬油，味道清新一解油膩感👍🏻

位於灣仔街的金子半之助，值得一試。來到上佳的日本炸天婦羅丼飯店，餐牌上推介了不同的配搭，可選飯或烏冬。江戶前天丼：穴子、海老、小柱鱿魚天婦羅餅、海苔、莢碗豆配飯當中最吸引的是30cm 的穴子。招牌穴子天婦羅長達30cm, 肉身非常厚實，咬下去的口感十足，質感軟滑及肥美。其他配料新鮮即炸，十分美味。上天丼：白身魚、海老、蛋、海苔、小柱鱿魚天婦羅餅、莢碗豆配飯天丼的天婦羅每一件都沾有醬汁，金子半之助使用古早秘傳醬汁，很有獨特風味。丼飯外觀吸引，丼碗的陶瓷很有心思。小柱鱿魚天婦羅餅及菇類味道一流，魷魚味很有口感及煙韌；菇類炸得外脆內滑。配上解膩健康的黑豆茶，吃飽後特別滿足。

值得為佢熱氣一次嘅日本極優質天婦羅丼～～～上班上到一肚子的氣想要發洩，美食永遠休息我嘅舒壓best way。～～～已經唔係18歲卜卜脆，怕肥嘅我一直對Comfort food都嚴格選擇，一定要好食到我覺得值得為佢肥胖。～～～朋友介紹下就決定將我呢個星期嘅comfort food之夜比呢間日本餐廳🇯🇵。～～～睇完餐牌叫咗季節限定嘅車海老軟殼蟹天丼，材料有車海老，軟殼蟹，小柱魷魚天婦羅餅，豌豆，海苔，溫泉蛋等等。當中🦀車蟹老又叫做竹節蝦，營養豐富，蝦肉細膩清甜，厚身彈牙，比一般嘅蝦明顯優質。海苔香脆鹹香，軟殼蟹則是滿滿濃郁蟹膏味，加上彈牙🐙小柱魷魚天婦羅餅，邪惡美食，令人浴霸不能。～～～同行嘅朋友就選擇咗上天丼，材料有白身魚，小柱魷魚天婦羅餅，豌豆，海苔，溫泉蛋等等，同樣令人一食愛上嘅高質，白身魚本身唔濃味，香炸完之後卻驚喜地鮮美可口。另外值得一提嘅係佢地嘅溫泉蛋🥚絕對係必食之選，大家可以跟返佢嘅教學，食咗一半之後，再將半熟嘅溫泉蛋篤破，令到蛋液可以包裹轉每一粒米，濃郁蛋液香氣，配搭香甜自家秘製醬汁，令人一粒米飯都唔想剩下，怕膩就可以飲下黑頭茶解膩，整體高質會encore。～～～金子半之助

一直都知道它的名氣，終於決心一試。位處利東街的金子半之助，內裡鋪頭細細，目測大概有30個坐位，迫迫的。約中午1230時間到達，已座無虛席。高溫炎熱的天氣下排隊等位，實在不得不佩服為了食，可以什麼都不緊要。慶幸等待10分鐘左右便剛好有位，坐下用QR code 落單，簡單直接，所以店鋪樓面也只有2-3人負責執枱，送餐，收銀。落單時已有提示，食物需等待20分鐘，那就等等等等吧😅⏱點選了江户前天丼（$138）和上天丼（$118）（圖中加點了啤酒，太熱了🥵🥵）兩者分別在於一個是穴子天婦羅（長長的那條和白身魚天婦羅。其他配料都是一樣的。兩者賣相吸引，試試味道🤨⋯⋯原來都只屬一般貨式。🫢天婦羅看似脆脆的，但實際上，豌豆和海老是淋的，不知是否太早就炸起，好像放久了，有濕氣。紫菜和溫泉蛋不過不失，穴子和白身魚夠厚身，樣子似是最後炸起，所以最脆口，但略嫌沒什麼味道，如有醬汁點配會更好。反而小柱魷魚天婦羅餅有少少驚喜😋，大大粒的魷魚好有口感，絕對想多食幾塊飯量🍚不算多，女仕們剛好，男仕可能差少少🤭漬物整體而言，屬於名氣鋪頭，有待改善，絕對相信有好多日式料理店的天婦羅比它更為出息。