金子半之助 (奧海城二期)

營業中

休息中

香港係美食天堂，日本菜式不用去日本都可以品嘗到！今次試試江戶前金之半之助！車海老帆立貝天丼$168期間限定，北海道直送鮮美帆立貝，炸得酥脆又有口感，海老好大隻！好有蝦的口感，啖啖肉質！令人回味😋迷你天丼，稻田烏冬$118感覺唔迷你，鳥冬配上湯，再加上盒子的配搭，喜歡咩都可以放，溫泉蛋半熟、拌著溫泉蛋汁一起進食，真好似返到日本的感覺。天丼配天婦羅🍤炸物都係外脆內保存質感！還可以升級加上其他炸物！最後可以慢慢品嘗餐廳的特色黑豆茶！

今日難得好天又熱熱地，行過去奧海城搵下野食先見到呢間日式食肆，入去試試先💁🏻‍♂️呢間店名金子半之助主打係炸天婦羅丼飯，店面乾淨整潔，坐既位置都尚算闊落講吓叫咗咩先:江戶前天丼-份量十足豐富、有超長穴子、魷魚粒粒餅、海老、炸紫菜等等，最正係個魷魚餅同穴子，同樣外脆內嫩，再配合埋佢嘅秘製醬汁簡直冇得輸☺️上天丼-都係份量十足，赤甘鯛、海老、魷魚粒天婦羅餅，最正係大大條赤甘鯛，可以同江湖前天丼個鰻魚互相輝映總結：呢個價錢對得住個質素，Cp值滿滿，同埋食量大嘅人岩哂，因為一個人食哂成個真係好飽(對我嚟講)

又到牛媽去覓食既時間啦！今次牛媽同牛仔齊齊去左金子半之助品嚐美食！牛仔身為湯面同飯飯達人，當然唔少得叫個Mini 版天丼(軟殼蟹）同稻庭烏冬（溫）啤佢食啦！而牛媽就order 左特選丼車海老帆立貝天丼🍤 每一樣天婦羅等海鮮都非常鮮味十足！天丼上面既天婦羅有別於其他天婦羅口感，不是脆口的，但非常入味！因為用上傳統做法既天丼會把新鮮炸起既食材放上飯面，然後再均勻淋上天丼醬汁，目的是要每件天婦羅都能沾上醬汁😋每一件天婦羅都均勻沾上醬汁，非常入味💗Yummy! 所以天丼上既天婦羅並不會像一般天婦羅脆口，追求既係每件天婦羅都能適量沾有醬汁💕而金子半之助使用古早秘傳醬汁，更能重現江戶時代風味❤️牛仔非常喜歡其醬汁，食哂一整碗飯，非常滋味！仲有金子半之助採用日本特製高級胡麻油, 胡麻油製成既天婦羅更加芳香撲鼻同色澤會較深及豐富，賣相更加靚🥰 打卡影相都好靚📸除此之外，最特別是用來乘載天婦羅既丼碗係運用左源自江戶時代陶瓷工藝，佐賀有田燒來製作，碗底部份特意做成空心設計，為更能保持碗中食物溫度，由外觀賣相到實用性，都是一絕的江戶前味道！😋 牛媽大推薦！👍👍👍

近排成日心思思想食天婦羅，心中即刻諗起金子半之助，之前食過佢嘅天丼真係好好食😋呢排期間限定出咗🍤車海老帆立貝天丼 $168配料除咗車海老、帆立貝，仲有小柱魷魚天婦羅餅、莢豌豆、海苔、溫泉蛋！每件天婦羅都即叫即炸，而且淋上醬汁，酥脆好味迷你天丼 配稻庭烏冬 $118呢個之前我都食過，都有介紹過，水準keep 到！店員會俾個木盒，入面有鰹木魚、蔥花、海藻、天婦羅碎同溫泉蛋，可以按個人喜好隨意添加迷你天丼入面有菇菌、海老、南瓜、莢豌豆、海苔和溫泉蛋。份量都唔少架！之前食過江戶前天丼，佢嘅九吋海鰻天婦羅真係令我好難忘，一於追㗎，好少食到脆卜卜嘅鰻魚，好味我最鍾意就係佢嘅黑豆茶，真係好香好好飲，又健康

今次仍然係奧海城搵食😆想食日式，想食飯又想食烏冬，見到呢間餐廳有個丼飯加烏冬餐，Then Why not both🤣🤣🤣迷你天丼 ＆ 稻庭烏冬 $118先講天丼，本身見到d色咁深無抱有太大期望🫠但原來食落真係超脆😍天婦羅漿好薄身，好脆口，食埋入面既材料比如蝦，真係不得了🤣 下面嘅飯都淋上左特製嘅天婦羅汁，甜甜地，好好食🤤稻庭烏冬我叫左溫，即係熱嘅。上到枱店員話等一等，仲有野未到，我🤨？？ 點知原來係一大盒配料😱入面有海苔，雞蛋，蔥等等，比你可以加埋落烏冬食😆我就揀左蔥同海苔，試下烏冬同湯底味道😚我覺得烏冬雖然扁身較幼，但係都比較滑，湯底都清清地，配上蔥就好清新🤤午飯時間人很多，今次等左一陣就入到😊整體味道唔錯😊

朋友經常話大角咀食肆唔多選擇，最近帶佢去奧海城一間日本天婦羅🍤料理餐廳食飯。內裏裝修精緻獨特，簡潔得來充滿日式風采🎊🎊我們點了兩個套餐+加個小食上天井便當：天婦羅遮蓋整碗飯，白身魚長過我隻手掌，肉質鮮嫩而不油膩😋😋海老同小柱魷魚天婦羅餅，外脆內軟，入口鬆化爽脆恰到好處👍海老天丼便當：海老配合蔬菜天婦羅拼盤，清新而鮮嫩的感覺，令人回味無窮😋有菜有肉飲食均勻，而不油膩。軟殼蟹小食出奇的咁好味😋😋😋，肥美鮮甜的嫩肉軟殼蟹，比其他食肆最優勝之處，軟殼蟹🦀在燈光下光澤度看得出肉質鮮嫩，柔嫩甜美🥳喜歡食軟殼蟹的人一試難忘兩個天丼都有蔬菜🥬及蛋配搭，口感多樣，非常值得一試👍😍

今晚去左奧運拎野 老公話想試下新野～我地揀左呢一間叫金子半之助📍的日本餐廳開始時見到環境幾闊落 原來係一間天婦羅為主既餐廳🍤-食物真係以天婦羅為主，有唔同種類，配飯同烏冬🍲老公揀左江戶前天丼 係以飯為主🍚天婦羅有穴子，海老，小柱魷魚天婦羅餅，温泉蛋，海苔，莢豌豆🥚🐙🦑再配上味噌湯及漬物 男士食都好多🥣特別係穴子 好大條! 表面係炸，但魚肉夠滑✅-我就點左熱的迷你天丼及稻庭烏冬🍲主要以菇菌，海老，南瓜，海苔，莢豌豆，温泉蛋🥒🥬🥚天婦羅以蔬菜幾主幾岩女仔食💚最驚喜係稻庭烏冬! 必試 好滑身同順口!💯仲有蔥花，海藻，鰹魚花，天婦羅碎，温泉蛋可以自己落😍夠暖胃呀! 烏冬控必點!✅-我地仲額外點了海苔. 味噌湯同飲品🧃以日本菜泥講都算中價 份量大份🥢不過如果本身唔鍾意天婦羅既朋友/喉嚨痛既朋友就未必岩⚠️😛

金子半之助是一家以傳統日式料理聞名的餐廳，我最近品嚐了他們的車海老帆立貝天丼和江戶前天丼，還有帆立貝天婦羅魷魚餅，配上黑豆茶，真是美味無比。車海老帆立貝天丼是他們的招牌菜之一。天婦羅油炸得恰到好處，外酥內嫩，保留了食材的鮮甜口感。大蝦和帆立貝都煮得剛好，鮮嫩多汁，每一口都散發出海鮮的鮮美味道。丼飯底下的海苔和蔥花增添了層次感，整體味道非常搭配。江戶前天丼則是另一道精彩的選擇。這道天丼的特色是配料豐富多樣，包括炸蝦、炸魚和炸紫菜等。每一種食材都經過精心挑選和烹調，保持了其原有的鮮味和口感。食材的炸製技巧非常高超，外酥內嫩，一口咬下去，滿口的美味令人難以忘懷。另外，他們的帆立貝天婦羅魷魚餅也是絕對令人驚艷的一道菜。帆立貝的鮮味和魷魚餅的彈性相得益彰，一起沾上特製的醬汁，口感更加豐富。這道菜不僅外觀精美，味道也相當出色。配菜的黑豆茶和蛋汁則是完美的搭配。黑豆茶的香氣和口感帶來了一種獨特的風味，而蛋汁伴飯則是香軟可口，與其他菜品相得益彰。總的來說，金子半之助的車海老帆立貝天丼、江戶前天丼和帆立貝天婦羅魷魚餅帶來了一場美食的盛宴。他們對食材的挑選和烹調技巧的精湛程度令人印象深刻。如果你想要品嚐正

朋友想食天婦羅，去左有幾間分店的金子半，隔離枱係日本人，跟佢哋叫餐😂車海老帆立貝天井-有兩大隻車海老，肉質爽甜，炸後完全冇過熟-帆立貝3-4大粒，十分有驚喜！鮮甜十足。-小柱魷魚天婦羅餅，魷魚厚切粒後加埋小柱一齊炸，有鮮度有口感。-佢唔係傳統的天婦羅的脆口，而係炸後會淋上天丼醬汁，令每件天婦羅都能適量沾有醬汁，係江户時代的風味。迷你天井+稻庭烏冬-迷你天井一啲都唔hea場，有海老南瓜菇海苔同重點溫泉蛋天婦羅。-溫泉蛋天婦羅戳開後滿滿的蛋黃汁，完全可以餸哂飯。穴子-招牌穴子有30cm長！肉身肥美, 嫩滑。-真的食到穴子的魚鮮味

今日陪同事去大角咀睇樓, 睇到夜左, 由於唔熟哩頭, 唯有係奧海城食飯.鍾意食日本野O既我地, 就揀左間日本野入左去裝修都幾靚, 充滿和風色彩原來哩間野係食天丼, 天婦羅丼飯.. 唔怪得知入面充滿住炸野O既生鮮味道, 入到去已經食指大動等左一陣, 個飯好快就送到上黎, 我就嗌左江戶前天丼, 朋友就嗌左迷李天丼 加 凍稻庭烏冬個江戶前天丼真係好誇張, 天婦羅鋪滿左個飯, 有穴子, 有蛋, 有紫菜, 瓜之類佢個天婦羅係炸完之後蘸左汁, 所以好夠味, 又唔會太乾, 特別係穴子, 真係勁正的, 食落有魚油香得黎, 入面D 肉又夠嫩食到一半, 再破開隻半熟蛋, 蘸埋D 蛋汁一齊食, 又係第二種享受另外就嗌多個天婦羅蔬菜拼盤, 飲食要均衡丫麻哩個天婦羅就脆D, 夠香口, 有菇有菜有瓜咁, 佢仲有多個汁比你蘸咁就唔怕唔夠味睇真D, 原來哩間野都有好多分店, 足料得黎又唔太貴, 下次要ENCORE 先!!

喺奧海城想食一餐美味又穩陣既飯，金子半之助係我嘅不二之選😎每次入到去，都已經聞到香噴噴嘅味道好想快啲食到佢哋嘅天婦羅車海老帆立貝天丼每次嚟到都會首先睇吓佢哋嘅特選天丼，因為會轉換款式，可以食到季節性時令美食😎今次就係帆立貝！有三粒咁多啊！真係好滿足，厚身！鮮甜！配上巨型嘅海老同樣係海鮮，但口感就好唔同成個飯真係勁豐富☺️☺️屋企人就揀咗迷你天丼+稻庭烏冬嘅組合可以同一時間食到烏冬同埋飯烏冬可以選擇凍或者熱我哋就揀咗熱嘅烏冬，飲啖熱湯，個人都舒服啲☺️☺️點咗烏冬嘅客人，都會收到一個木盒，裏面有一隻雞蛋可以打落去碗麵度，仲可以自己自由添加蔥花、海帶等等嘅配料，令到烏冬嘅口感層次更加豐富，又加添一啲清新嘅感覺最有驚喜嘅係迷你天丼入面嘅依一件菇菇味非常香濃！外脆內軟，好好食！

迷你丼拼烏冬$118:份量不多 味道一般 左面個碗好細as expected (迷你丼) 右面個烏冬亦很普通上面嗰啲餸係佢俾一個盒你，自己夾落去的迷你丼拼烏冬升級雞丼$136:沒收了飯上面嘅海老同蛋一開始以為d雞未上原來碗上面左上角嗰塊深色野已經係只係一塊葉包住一塊1mm厚既雞塊野大概3隻手指面積😑搵笨⋯⋯完全唔夠飽 要去老麥加雞仲有QR code手機落單 又要出去counter俾錢 仲夠膽收加一人均消費$145

今日晏晝去到奧海城嘅金子半之助，一場日式天婦羅盛宴開始啦！雖然選擇唔多，但每款都想食，最後揀咗"江戶前天丼"、"迷你天丼"同埋"野菜天婦羅盛盒"。餐廳環境舒適，非常適合同朋友聚餐。江戶前天丼4.7/5⭐️穴子、海老同小柱魷魚天婦羅餅，外脆內軟，味道恰到好處。配上溫泉蛋、海苔同英豌豆，每一啖都係一種享受。穴子鮮美，海老彈牙，小柱魷魚帶點脆口。特別要提嘅係溫泉蛋，綿滑得黎仲帶少少香濃，整個江戶前天丼更加美味可口。迷你天丼4.5/5⭐️菇菌、海老、南瓜等食材經過精湛嘅油炸技巧，變成令人垂涎三尺嘅迷你天丼。各樣食材嘅特色都完全保留，海苔同英豌豆都為呢個迷你天丼增色不少。南瓜腍度適中，菇菌鮮味十足，海老則為一切畫上完美句號。野菜天婦羅盛盒4.3/5⭐️茄子、南瓜、菇菌等經典日式天婦羅，呈現出一道細緻嘅野菜天婦羅盛盒。茄子炸得恰到好處，入口即化；南瓜經過天婦羅處理後，口感變得更加豐富。總結：金子半之助絕對係一間值得一試嘅日式天婦羅餐廳。每一道菜品都充滿驚喜同美味，令人回味無窮。下次仲會再嚟試下其他款式嘅天丼同拼盤。

剛剛從日本旅行返嚟只係一個星期就掛住日本，想尋回個種味道，就嚟食金子半之助既丼飯同烏冬，不過午餐時間去要排隊半個鐘。餐廳奉送任飲黑豆茶，好有益，可以改善睡眠質素、降三高。👍（冷）迷你天丼＆稻庭烏冬：雖然話迷你，但我覺得份量都唔算少，可能有烏冬又有丼飯。溫泉蛋一切開爆漿撈飯食真係好食到不得了。烏冬麵條係幼身，點湯汁時好吸味，麵條口感煙韌。海老肉新鮮，炸皮脆薄。超滿足呀

今日去探朋友來到大角嘴奧海城，佢話想食呢間，但每次都要排隊，難得今次有時間等。我揀咗：上天丼/丼飯有赤甘鯛、海老、小柱魷魚天婦羅、溫泉蛋、海苔、莢豌豆，仲有麵豉湯。炸物睇落去感覺上食落應該好硬、粉漿好厚咁，但原來！唔係！ 炸漿係好鬆軟，薄薄的，一點都唔覺得有負擔。溫泉蛋超正，外皮輕輕炸過，裡邊仲係流心，用嚟撈飯一流。赤甘鯛甘香，魚油豐富。丼飯食到底下都仲有醬汁，不會齋食飯淡而無味。