金卷食品

營業中

休息中

難得來到南丫島, 從友人口中得知這裡的數家名店, 金卷食品是其中一家, 業務更擴展至索罟灣和榕樹灣兩邊, 保証從那邊出入的遊客都能夠隨時入貨。椒鹽白飯魚屬必買項目, 每盒二十多元, 盒子不算大, 看起來有些貴, 但把盒子打開, 看見裡面密度極高的白飯魚, 便會隨即打消這念頭; 味道鹹中帶微辣, 惹味非常又香脆, 真材實料, 屬坊間少見的質素, 值得大量入貨作為手信。

友人遊離島歸來，送來兩盒蛋卷，是南丫島的特產，一鹹一甜。先試鹹的肉鬆鳳凰卷，顏色較澳門的深，入口幾鬆化，有蛋香，看到肉鬆一絲一絲，鹹鹹香香，味道不錯。再試件甜的，是椰香鳳凰卷，內有椰絲和芝麻，外層同樣好香口，內餡充滿椰香和芝麻香，吃蛋卷，我較喜歡吃甜的，滿足感絕不比吃馬卡龍低，但價錢平了一大截。送蛋卷給我，同樣開心。

嚟南丫島點可以唔食金卷D蛋卷？！行緊見到金卷嘅時候即刻停落嚟，見到做蛋卷嘅機器同埋新做好嘅蛋卷，好大陣香味。問可不可以買一盒椰絲鳳凰同埋肉鬆鳳凰雙拼嘅蛋卷，老闆好爽快咁同意佐。後尾行山行到想have a break嘅時候唸起仲未食蛋卷，就坐落嚟食。圖片就唔記得影，因爲實在太好味。D蛋卷真係好酥鬆好松化！肉鬆夾得實實嘅，而且分量一點都無偷工減料。真係唔話得！椰絲味嘅style就同肉鬆嘅鹹香唔同，但椰絲亦都好香，又唔會太甜。真係後悔只買了一盒！因爲之前沒試過，所以今次淨係想嘗嘗鮮咁，無想到咁好味。其實金卷係榕樹灣同索罟灣都有一家分店，後來行到索罟灣又買佐兩盒帶返屋企。順便試食佐佢同樣好招牌嘅白飯魚，就覺得唔係想象中咁好食，而且漲佐價，就無買。總之強烈推薦呢間嘅蛋卷！TIPS：如果整蛋卷嘅師傅係度嘅話，而你又唔係好想加料，或者鍾意食齋蛋卷多D，可以麻煩佢現場幫你做一盒無餡嘅蛋卷。亦都係十分之好食ga！而且新鮮出爐滾熱辣！

都應該有一段不短的日子已沒到過南丫島 (差不多有數年吧)。對島內的印象，特別是食肆方面，已是十分的模糊。僅餘的就只有阿婆豆腐花及食海鮮包坐回程船的"天虹"....坐船先到榕樹灣，上岸後先看到的仍是一系列的海鮮店。再走入少許，便看到不少買小食及蝦醬鹹魚一類與海產有關的店子。其中一間較有名的，便是這間"金卷食品"...聽說名物之一便是這盒椒鹽白飯魚，只花十數塊錢就可買到。若是真材實料的話，那就一點都不貴....開蓋用手拿一大堆擺入口。不過鹹兼且極惹味，aftertaste是帶少許辣的；魚仔的確是無花無假，絕無混入其他不知名的物體進內，令味道在鹹辣中滲進不少的魚鮮....試過將之灑在熱米飯上吃，登時扒多幾口飯進肚可也可以預計的是，如是伴粥吃的話，效果會更佳....真後悔沒有買多幾盒回來作儲備.....

小弟第一次幫襯，買左兩盒椒鹽+一盒辣味白飯魚，有魚味，唔"醒"，夠哂脆，無油膩味，好好味，但食得多有d 熱氣，不過唔敢買太多，始終都係脆口野嘢，驚唔罷得耐，可惜趕船試唔到其他!!!

星期日見得閒就同男友一齊去南 丫島行山同埋去睇下果邊既環境啦,因為我之前都未去過既,既然得閒就去啦,行行下被我地發現左一間好香既味,之後,一睇之下原來係黎自 <金卷食品>既鳳凰卷,同埋佢係自己做架,所以好新鮮,佢個價錢都唔貴呀,只不過係 $20一盒 , 咁一盒裹面有2袋,每一袋有5個,我地見到又唔係貴未買左2盒番去試囉~點不知係好鬆,好好味架!!我第一次寫食評乍,寫得唔好請原諒

老遠黎到南Y島,行左2個鐘頭山,行到黎榕樹大街就買個小食頂頂癮)))一行過,老板娘同個印藉製鳳凰卷就好熱情地猛sell佢地檔唔同既食品,樣樣都俾你試......見到個師傅製鳳凰卷,好吸引,係一陣椰絲既香味。所以買左$20,10件黎試試,肉鬆及椰絲各5件!個外皮真係超鬆化,一d都唔實,可能同佢本身個漿好多air,好fluffy有關.....一咬成件幾乎落雨咁跌跌跌!肉鬆帶有dd甜味,而椰絲同芝麻就好香,趁熱食更能迫發其香氣架。

2010年5月28日 ( 金卷食品 - 1 ) 南丫島行山之旅，從香港仔乘坐全記街渡，在模達灣登岸，行程是經石排灣、蘆鬚城、洪聖爺灣至終點榕樹灣。到達終點榕樹灣，吃過午餐，經過金卷食品，買了一盒即食蝦乾。香辣蝦乾，28元一盒，淨重75克，是熟蝦，已經去了蝦腸，表面添上辣椒粉，或許是有味精添加物？非常好味道。

南丫島一天遊又接近尾聲，友人提議帶我們到這「金卷」 選購一些地道及有特色的食品，婦女兵團姊妹當然不遺餘力地搜購霸王花、蝦干和樽庒醬料等。我這個無飯主婦就只專注於那些風味小食，店員姐姐也很醒目，不斷讓我們試吃枱面上的鳳凰卷及銀魚仔。手制肉鬆鳳凰卷 ($20) -- 雖然現在的蛋卷已經使用機器大量化生產，但喜歡蛋卷的人還是會選擇傳統手工做的，蛋卷要好吃，蛋漿的調配是關鍵。除了雞蛋和麵粉之外，據說各家還會有自己的秘方，只要將蛋片加入椰絲、芝麻、肉鬆等餡料，再用特製的叉子將蛋片捲成長方形，就成為了鳳凰卷。這裏的肉鬆鳳凰卷一盒兩包，每包只得五件，雖然色澤不至於金黃，但蛋香濃郁，入口鬆化，而肉鬆則甜中帶鹹，香氣滿溢，值得推介。椒鹽白飯魚 ($30) -- 白飯魚亦即銀魚，據說是補充鈣、鎂、璘、鋅礦物質的天然食品，可防治骨質疏鬆症及有助增高，也是一道補充鈣質的健康料理。這裏的銀魚仔用油炸後加上椒鹽，口感香脆，作為佐膳小食，實屬老少鹹宜，唯因經過油炸，不宜多吃，以免適得其反。由於友人與島上多間店舖相熟，賣貨靚姐主動給我們折扣，所以結賬只需 $46. 買完手信，也是時候離開這特色風味的小島，起程回歸喧鬧

見到人手制的鳳凰卷，試食了一舊之后即買了一盒，因為非常脆口鬆化，椰絲味香，甜度適中，最重要是食落覺得比較新鮮，無防腐劑又較健康。其實去南丫島又何需手信？不過才二十元一盒，又是獨特的人手制品，應該多多支持。

由榕樹灣走至索罟灣，大約個半小時，沿途欣賞日落黃昏美景，相當寫意。來到尾站索罟灣碼頭，除了好幾間海鮮酒家外，還有蘇絲黃曾在電視節目中推介的本地出品鳳凰卷。老老實實，這盒金卷出品的肉鬆鳳凰卷 ($20)，包裝甚為老土，打開盒蓋，內裡只得寥寥十件鳳凰卷，賣相又大小不一，絕不討好，一時間實在沒有衝動試食，心想還是拿回家當手信給爸媽算了 (我承認是有點求其，兼欠缺誠意)。回家後為寫食評，總要試一試虛實，遂拿起一件放進口裡，鳳凰卷外層出奇地仍然保持清脆，雖沒有新鮮出爐的鬆化燙口，肉鬆的份量也不多，但竟散發陣陣蛋香，味道實在是意料之外的好，令我有點喜出望外。或者又會有人講 {鳳凰卷當然是澳門咀香園的好}，什至說什麼 {杏仁餅最緊要有杏仁味} 這等空話，我倒覺得做人不應厚此薄彼，金卷這間位於離島的小店，每天仍然堅持手製蛋卷，當中水準無可避免地有少許參差，但內裡那一份「小島情懷」實在值得我們所尊重的。下次去南丫島，不妨買番盒送比媽，還需要理由嗎？ (南丫島食評系列已完，謝收看)

因為自己對蛋卷呢种食品情有獨中, 可惜市面經常可買到嘅蛋卷都係鐵罐裝 (拜年時送禮用個隻), 味道令人失望...就算去到澳門d名牌手信店買嘅蛋卷, 仍然食落唔夠脆..其實自己住响南丫島已有好幾年, 每日都會經過, 但一直未幫趁過'金卷", 直至噚日突然間如夢初醒, 發現遠在天邊, 近在眼前, 何不嘗試下呢 ?? 我買時冇試味, 一口氣買咗兩盒椰香鳳凰卷 (每盒$20), 留待帶返公司自己與同事慢慢嘆.... 今日返到公司食過早餐後, 拎起盒"金卷", 已等唔切下午荼食, 即時拆開包裝袋偷食咗兩件. 好鬆脆呀 !!! 食落口時有索索聲, 內裡有椰絲, 又有蛋味....一字講哂 : 正 !!! 下次我仲要買埋另一隻 : 肉鬆鳳凰卷 tim 呀 !!!由於生產時冇加防腐劑, 所以d鳳凰卷買返屋企後, 要一個月內食完....

南丫島有咩好手信?嘻嘻！朋友冇介紹錯，三十蚊銀魚仔!呢度既老闆娘好好人，佢會比你試食，食完先決定要定唔要，環境都算企理。而且三十蚊既手信，仲要好味，好大盒同好滿下ga喎，都算抵ga喇！佢雖然好油(拎完成隻手指都係油)，仲幾熱氣下，但係真係好正！椒鹽味唔會太重，炸到好香口！開始食第一條之後會忍唔住食落去。不過食完好易喉嚨痛同爆瘡，睇你要食好野定係要白白滑滑喇。其實耐唔耐食一次都唔過份丫~

太公一向對在「澳門買手信」這東西，很不以為然。因為總不明白：兩地同處廣東省，也只有一水之隔，除了一些葡國特色食品，如馬介休葡撻等外，其他諸如蛋卷杏仁餅等，香港沒有嗎？當然有！杏仁餅，太公始終覺得香港的陳意齋最好；而鳳凰卷，以前正街頂有一檔做得極之出色，但自畢業後久未拜訪，聽聞搬入鄰近商舖；不過南丫島金卷的鳳凰卷，也相當有個性。金卷的鳳凰卷最大的特色是蛋味濃郁，吃上去芬芳撲鼻；有人或會嫌蛋卷皮做得厚薄不均，但太公倒喜歡這種手工之「誤」 - 這些手工製作，既然相距不是太誇張，又何苦要求如機製的標準化？更何況，當中部分稍厚，使鳳凰卷的口感更有層次。太公反而覺得，最敗筆的，是肉鬆不夠鬆脆，要扣分。另有銀魚仔 (白飯魚乾)出售，一大盒才三十元，塞得密密麻麻的，比從超市購得的銀魚花生抵食，也好食得多。那個不容我們立會議員入境的地方，手信特別香麼？ 我倒不覺得。為甚麼我們只懂看見人家的好？明明自家都有寶，只是沒有用心發掘和欣賞而已！