金卷食品

營業中

休息中

假日入黎行山，有緣買到兩款鳳凰卷，因為一早已知呢間店嘅鳳凰卷係要訂先有，老闆正新鮮製作中，我並無預訂，多口問老闆可否即買，佢望一望我，話個客未取，可先讓一盒比我，我話可以要晒2款嗎？🤣佢話事但啦！（可能見我買左5盒椒鹽魚仔，所以先咁順攤讓出兩盒鳳凰卷比我😝）返屋企立即試吓，的確皮薄餡正😀傳統既味道回憶返晒黎😀下次入嚟都係記得預訂🤭椒鹽銀魚仔，比出面買的夠細夠脆，不會用粉漿炸，魚仔夠香味。

行過南丫島話系必買手信鋪買金卷，就問有無得賣啦，兩位男女老闆就答- 一個星期可能有一兩日做金卷，但周六日機會就吾大，因為要招呼客人-現在主要賣醬料和海味。咁大家等緣分到啦！

南丫島嘅鳳凰卷一定要必食必食👍🏻👍🏻👍🏻佢正確嘅名係南丫島南陵金卷😆😆有肉鬆同椰絲味，可以散買可以買一盒，價錢都係一樣， 咁好食既只係$4件，超抵，好食到停唔到口，點樣可以做到超鬆脆可口呢，其實我都唔係太清楚，佢個皮做到好薄但同時又超脆，好似豬肉紙咁，第一啖咬落去基本上係碎晒，肉鬆味係包咗肉鬆同紫菜，椰絲味就剩係得椰絲，餡料絕對唔孤寒，不過肉鬆會更加香，佢哋每一舊都係全人手，絕對唔會用機器，所以每個款嘅形狀都有啲唔同提提你哋，記得記得打去訂，因為佢唔係日日都有現成嘅喺度，我係好好彩嚟得合時，如果唔係都食唔到咁正既金卷😆😆😆除左金卷外，佢地仲有賣醬油，都係全人手製造，但一定要盡快食晒佢，因為只可以放到一年左右，話晒都係無添加嘛👍🏻👍🏻，佢有好多隻味，有麻辣，特辣，蒜香蝦米等，我就揀左蒜香辣椒蝦米醬，佢有分細同大樽，細樽都係$28咋，我手上就係細既，雖然我唔食辣，但聞落去有好重既蝦米香味，佢既辣椒子同蝦米超多，好重料，辣油既油香味都好重，配燒賣粉麵一流，屋企人都食到舔舔脷😆😆快啲試下啦💪🏻💪🏻

行過睇吓啲食品，老板就介紹我地有咩出名，仲畀我地試食，咁我地同佢講行完山先買，佢都好無所謂，仲話轉頭畀多啲嘢我地試。回程見到另一間，佢介紹自己嘅白飯魚大條啲，新鮮啲，不過無得試食，我買咗一盒白飯魚同香辣焗蝦乾，諗住同金卷比較吓。去到金卷買嘢，試吓試吓又買多咗，佢有個香蒜勁辣椒油好香，可惜我啱啱買咗其他牌子無耐，所以唔買住，下次先啦。最後試晒2間嘅出品，份量差唔多，不過金卷白飯魚同蝦干都係比較好食，白飯魚大細差唔多，金卷就香啲，份量金卷仲好似多少少，蝦乾就金卷蝦味濃啲，李寶記就無乜蝦味。下次再去我淨係買金卷，唔使再買晒2間試

南丫島之旅 友人由落船果刻就話要買脆脆白飯魚臨走終於行到南陵金卷老闆好熱情邀請 我地試食最後難得黎到當然要買啲手信咁咸香脆口既椒鹽白飯魚配飯當然正但我都係中意拿一炸 啪入口先夠享受應該好快會食哂

今日birthday leave, 特登同老公入榕樹灣半日遊...食下嘢同買我哋最喜愛的肉鬆鳳凰卷。我今早已經打咗電話俾老闆（阿簡）預留6盒鳳凰卷，佢係電話講得好清楚話係琴日整，所以今日有貨我哋好欣賞阿簡對客人的人情味同兩公婆都好勤力！阿簡會不停叫你試食所有嘢，試完先好買。就算辣椒醬都會俾支咖啡羹仔你試食... 今日第一次試食阿簡親自炒的XO醬，每啖都係瑤柱，只賣$55細樽/ $98大樽。另外，佢仲推介咗我買一大包$25的蝦皮，用來炒飯、滾湯都可以除咗鳳凰卷，我每次入嚟都會買紫菜（完全冇沙）同埋海星煲湯。Btw, 多謝阿簡送咗一盒紫菜肉鬆俾我作為生日禮物，真係好感動

曾經喺島民嘅小弟，真喺好多年無入南丫島喇，最近好友入咗南丫島走一轉，仲專登買咗盒手工鳳凰卷送俾小弟，實在唔話得嘞！出品嚟自「南陵金卷」，話時話，晌入面住過4年多，都無幫襯過買佢啲鳳凰卷添。好友所送嘅喺「椰香鳳凰卷」，朋友話都喺現場新鮮即製，不過，送到我手就梗喺製作好一段時間啦。雖然，單睇盒邊嘅成份資料，無任何添加，但保質期都竟有21日之多！打開包裝，包成兩小包，每包有5件鳳凰卷，叫做可以唔使一次過食晒10件。 一口咬落去，非常之鬆脆，外皮亦甚有蛋香，而內裡有唔少椰絲同白芝麻，確喺幾有椰香。因為唔知賣幾多錢一盒，好難講抵唔抵食，但質素算得上唔錯。順口都再一次多謝老友嘅餽贈，等小弟有個美味而有「脆」嘅下午茶。

難得平日放假就入南丫島行下，由榕樹灣落船一直行就見到呢間專賣魚乾，蝦乾，醬油嘅鋪頭。亞姐好好人每樣產品都清楚講解同試食。肉鬆鳳凰卷~卷皮香脆，但肉鬆分量太少$32 有10件，貴左d香辣蝦干~烤乾的蝦味得濃，肉質仍保持彈性，唔太喊送酒之選椒鹽白飯魚~香脆可口，保留魚鮮味，一試難忘

買咗白飯魚鞋、同埋肉鬆鳳凰卷、椰香鳳凰卷、蝦干、紫菜⋯佢啲小食樣樣都好好味，而且老闆仲係咁俾我哋去試食。蝦乾同白飯魚攞嚟送酒，睇電視當小簡直一流⋯食到停唔到口，辣辣地。而肉鬆鳳凰卷、椰香鳳凰卷夠香又夠趣⋯兩款都好味道，老闆仲不停介紹我哋買紫菜⋯我見＄10又咁鬼大塊就買咗一包，等有時間再煮來試試。

我試過旦卷，雖然非常酥脆，但冇乜旦味，味道整體合格。當然比唔上北角區…排餐死只買得２盒嘅旦卷啦。但作為手信，不失為好選擇。不得不提，$10紫菜，用作滾湯，完全冇沙，我家大廚超讃，仲問我喺邊度買㖭

金卷食品歷史悠久，且不同款式的海產乾貨或食品，以及醬汁等。當中，有小妹最愛的椒鹽白飯魚，豈能錯過呢？當日所見，店內有椒鹽白飯魚，蝦乾，小魚乾，大地魚粉， 紫菜等食品出售。椒鹽白飯魚一盒$25,入口極為酥脆惹味，帶椒鹽的鹹香，白飯魚的鮮味，且不太油膩。邊飲啤酒或可樂，邊品嚐椒鹽白飯魚，超爽也！也可把白飯魚混入白飯或白粥中同吃，另有一番滋味！

來到南丫島這些離島要買一些的手信多數都是一些海產乾貨，例如伯鹹魚蝦糕這些東西，但家中上一次去大澳已經買了很多這兩種東西，而在南丫島的手信名店就是買一些另類的東西，這間店就是「南陵金卷食品」。「南陵金卷食品」是在南丫島榕樹灣大街32A地下，又是去到南丫島榕樹灣時的商店街必到會行到的地方，而這店在索罟灣這一邊都有分店，真是兩邊客人的生意都可以做到。老闆是一個中國巴基斯坦混血兒，但中文就講得非常之流利，店中很多的產物都是店主親自炮製出來，很有自家特式。行過這店的旅客都會比這店的推銷手法吸引去試一下這店的特產。看見店中都有很多的貨品例如是乾貨海產、鹹魚和醬類等，但令這店出名的就是白飯魚乾和鳳凰卷。椒鹽、辣味紫菜白飯魚乾(@$25) 聽說椒鹽白飯魚是老闆的哥哥十多年前自創的，由於當時市面沒有這些產品，所以當然十分受歡迎，但現在很多的酒樓都會有這一類的小食，但水準始終沒有這店做得這些好，這店的炸白飯魚做得十分之乾身，油感少，炸得非常之香脆但就沒有一些的油膉味，和街上的這些很重油味和放了一段短時間就充滿了油膉味這些貨色絕難相比。望落個膠盒的大小不太大，這個價錢好像不太值，但原來入面是裝有很多的

由碼頭行入大街不久就見到「金卷食品」門前放滿了大包小包的海產當中最吸睛的買是一盒盒香脆小食當中有最馳名嘅椒鹽白飯魚，有分辣同唔辣兩款，其他還有魷魚絲，墨魚絲，金針魚，銀魚仔，炸蝦皮，紫菜卷，紅燒魚柳等.. .款式多不勝數當我地行過時，老闆熱情地招呼我地，不停夾比我地試，豪不手軟，還跟我們說可以比較一下其他再回去買，他們8時才關店，試過後還是覺得白飯魚最香口好吃，而蝦皮則較為淡味，質感有點樣櫻花蝦，銀魚仔則脆身但味道較咸，試過後，我地決定回程時再買～幸好我地趕得切喺8點前由沙灘行返出去，買得切～一盒$25, 用圓膠盒載著，不算大盒，但打開後, 清楚看到密密麻麻的白飯魚緊緊地塞滿膠盒，魚仔不算太小，炸至金黃，食落帶少許椒鹽香，十分可口鬆脆，非常惹味，會忍不住多吃兩口～雖然喺西貢都有同類型嘅白飯魚干，但炸得比較油，而且好細條，相對上南丫島好好多～自然成為必買手信～

買左2樣手信 椒鹽白飯魚 ($25 一盒)手工椰香鳳凰卷 ($ 20 一盒)2樣都好食！椒鹽白飯魚，唔好以為細細盒，收你25蚊好貴~其實裡面有好多~~味道有魚鮮味！送啤酒一流！我地就係一路飲酒，一路食佢，一路睇日落~~~原先想買肉鬆鳳凰卷~但無貨，老闆好Nice 咁俾左椰香味我地試~~一試即買！因為夠鬆脆，椰絲亦十分重手！$20蚊有10件~~唔夠1晚食哂...

離開南丫島前，特意去金卷食品買椒鹽白飯魚及肉鬆蛋卷先講肉鬆蛋卷，個皮好有蛋味及香脆，雖然打開蓋時個樣好似麻麻地（可能運送過程中撞碎），但一咬開就好鬆化，好好食椒鹽白飯魚份量好足，食落好正，個味好香夠脆，食完一啖，忍唔住再食另一啖，正！！其實店內仲有其他食品，由於行程關係，唔方便買太多，不過下次一定會試埋其他食品