金加利冰室 (已結業)

談到在土瓜灣區內最常找到的食店，實非茶餐廳莫屬....講到小弟最喜歡喝的奶茶，必然要提到歷史悠久的"白宮"。可惜的是老店也敵不過時代巨輪的交替衝擊，早前已關門了每當想起這事，心頭亦不禁一酸....若要退而求其次的話，北帝食街內的"金加利"的那杯奶茶，喝起來也挺不賴的....小弟一向最欣賞是這裡的早餐 ---- 價錢雖比同區普通街坊茶記略貴，但無論在份量及味道方面都是在中上水平，其中那份脆脆奶油豬及炒蛋更是好吃，做出來的水準，絕不比剛在同街落户的名店"翠華"遜色....差不多每次來都是吃早餐或tea的，吃晚飯的機會卻只是這一次，但相信可能亦是近期內的最後一趟.....剛與太太在舊居執拾，趁有空檔便下來先吃個飯，補充體力後又再回去執過。要能補充失去的能量的話，此時莫過於吃一份扒餐進肚才能達到目的.....叫兩份雙併鐵板晚餐，每人消費只約六至七十大洋，比起早餐來說，這相對上是便宜得多。要了吉列龍脷柳及燒豬脾骨，啖啖肉的。難得做一晚食肉獸放縱一下，也是樂事....這裡的羅宋湯味十分的濃，湯料又多，喝得很過癮。不過缺點是喝多兩口便會覺膩，恐怕吃不下接下來的主食....很少地方的跟餐牛油多士是做得

同朋友去土瓜灣有點事做，之後便去吃個早餐。來了金加利，點了沙爹牛肉通，火腿煎蛋，另加$5要了奶油豬和凍鴛鴦。通粉煮的時間剛好，不會太淋，牛肉也沒太過化學作用。加上湯底也有點兒辣的，配合起來很討好。最驚起的是奶油豬。烘得脆脆之餘也鬆軟，加上奶油，那有不好吃的道理？埋齋的凍鴦也不俗，是幾好的一個早餐。

提起「冰室」二字，總有一種懷舊感，還有令人垂涎的香滑奶茶。之前經過北帝街已留意到這間「金加利冰室」，雖然裝修及格調都不似是舊式的那一種，反有點像「椰林閣」般的西餐廳，但我倒有興趣一試。今日早上便去了這裡歎早餐，店內裝修以黑色為主調，燈光昏暗，不及一般茶餐廳般光猛，但倒有點氣氛。不過，對我來說也沒多大昇係，反正一個人吃早餐也不是講求什麼環境情調吧!早上十時多，店內食客不多，我於是便進佔了一張四人卡位座，寬敞舒服，冷氣夠涼，吃也吃得自在點。從menu中點選了鮑魚火腿通粉餐，跟鹹牛肉炒蛋，牛油方包及熱奶茶。先來的牛油方包及鹹牛肉炒蛋，牛油方包不夠軟熟，牛油味薄薄的，味道一般，是意料中事。鹹牛肉炒蛋味道算ok，鹹牛肉份量不算多但適中，吃落帶點鹹香，只是略嫌蛋炒得老了點，只有些微蛋汁，不夠滑，有改進空間。 接著來的鮑魚火腿通粉，意想不到的是這裡所謂的"鮑魚"是一片片的，不像其他茶記般切絲上，感覺實在得多。"鮑魚"吃落口感軟腍，味帶鮮甜，好味!而火腿絲的份量亦蠻足。雖然通粉並不是我較愛吃有坑紋的那一種，但這裡亦做得很不錯，一點也不會腍"pat""pat"沒咬口，配合那湯底來吃，很好

在云云家附近茶記早餐當中，小弟最欣賞的，便要先數食街內的"金加利"....一個港式早餐埋單要差不多二十七八大洋，的確是貴，但從質與量的角度去衡量，卻也是吃得過的.....要那樣昂貴的其一原因，便是那件要加五大洋才可吃到的脆脆奶油朱。相比起老祖宗"翠華"弄的，這裡的水準也是不輸蝕 ---- 顏色金黃夠靚仔；皮夠flaky也焗得帶焦脆，包心夠軟綿；牛油及煉奶下得重手當然也是美味的另一重要源頭了....大大片圓形餐肉很用心的有略煎過，邊位仍是脆的。燶燶哋的午餐肉，一向是吾之摯愛....看見蛋汁豐盈的炒蛋，賣相吸引，未吃便已知對路。進口滑嘟嘟的，蛋香足，是一份令人滿意的炒蛋....平常多數會吃鮑魚片火腿通的。今天改變一下，吃了一大碟羅宋湯通粉。粉量極多，多得吃後應可連午餐亦可省掉。湯底應是金寶一類的罐頭貨開出來，勝在沒有下大量的水，味道依然很濃郁，而且店方亦自家下了不少的洋葱、紅蘿蔔粒甚至豬骨進湯底去，是十分足料的一個soup base；失色的是通粉本身淥得太淰，沒有了咬口....茶走的奶味與茶味平衡得宜，很香，很不錯....很奇怪為何這兒有那樣多的劣評，可能是午及晚飯的水準有所不逮吧。不過單

我都幾鍾意食焗豬扒飯的，有時即使質素唔太高，如快餐店的焗豬，我都可以收貨，或許是我要求太低。身在土瓜灣，見店外海報的一哥焗豬扒飯好似幾吸引，晚餐就選在這裡搞掂。坐低，二話不說就要個焗豬，要杯凍奶茶。焗飯是即製，出來時熱得燙口。呢度既焗豬，原來係配合葡汁的，我還是第一次試。熱辣辣的豬扒，為什麼只是淋淋的？完全唔得香口。至於我喜歡的洋蔥，也是硬得來又不爽脆，毫不吸引。凍奶茶都算可以，起碼奶味茶味俱全。不喜歡土瓜灣這個地方，也不喜歡這裡的焗豬！

晚餐時候，兩個人去我為了一時貪新鮮而叫左一客咖喱羊腩農夫包原以為真係好似牌上寫ge「內軟外脆」，加埋香噴噴ge咖喱汁，一定好正....點知，個包一上黎，打開個蓋，一睇就知唔多妥咖喱是啡啡黑黑的，做開飲食e行ge我，一睇就知d咖喱係番煮再番煮ge「濃縮」咖喱一試之下，果然........又辣又咸，食得辣ge我都頂唔順，好得人驚......問侍應，佢話係中辣喎朋友叫ge一哥豬排酸辣米線，豬排係水裡面浸到霉哂，又話係酸辣米線，但成碗野又唔酸又唔辣，完全無味.....因為我地坐得近水吧，見到個侍應將客人食完ge餐包籃同張墊包紙，收返黎又放新面包送出去，勁唔衛生囉，我唸我以後都唔敢食餐包.......

絕少來到在土瓜灣的金加利,見到門外大肆宣傳什麼"一哥豬扒",好奇之下便入去試試.晚上黃金時段,餐廳差不多坐爆,店內播著那些大陸沉悶老歌,弄至氣氛眷氣沉沉.加上店內那些鄉音不改的侍者,彷彿人在深圳.焗豬扒飯是少年時代愛吃的其中一味,金加利的焗豬扒飯是用葡汁.製作須時,飯底較濕,不是炒底,而炸過的豬扒,已經被焗到淋,肉質過於軟稔,沒有爽口感,焗飯面頭的葡汁只停留在表面,完全不能與飯底融合.價錢要$33一客,不包任何飲品,餐湯,吃罷還是快點埋單離開,假若繼續聽著大陸老歌的話,恐怕我真的會睡著了.

26/7(日) 3pm作面部護理後,跟阿梁相聚於”金加利”.三時許,全店滿座. 跟他人搭桌.首嚐其炸豬扒飯配蒜蓉汁$26跟茶走,另散點凍檸茶.炸豬扒飯配蒜蓉汁—豬扒的賣相看來討好,輕嚼一口,肉質鬆化,沒油感,可說是剛柔並重!蒜蓉汁把圓渾飽滿的飯粒,椰菜及紅蘿蔔活化起來!與別不同的炸豬扒飯!茶走--色澤泛金黃亮光,茶味濃得來,未有掩蓋奶香,入口質滑順爽,令人心折!凍檸茶—用上Lipton紅茶,濃而不澀,茶味清香的檸茶食物素質乃中上級,不嫌屈質,地面濕滑的話,這裡理應一試!

當初入到這間餐廳是因為那裡冷氣夠涷, 又有magazine睇和地方整潔, 食物買相好和味道不差, 但時格一年, 此地方便變得dirty和食物品質超級差, 還有.... 服務員態度勁串,冇禮貌,冇品!!! 可能佢地仲未諗到佢地啲salary係從何來~~~ 如果大家想品嚐吓佢地既食物有幾差和service有多惡劣, 可到此餐廳一試佢地既沙"dad"牛肉公仔面, 因為係牛肉還牛肉, 沙"dad"還沙"dad".. 總之唔係沙"dad"扮沙"dad"...

成五點幾先睇完波，又要趕十點半機出發到台北展開美食之旅，自然是沒有睡覺便直接出發了，六點半的頭班車去到老婆屋企樓下，就在金加利冰室整返個早餐先，挨了整晚通宵肚子餓得不得了，又累又眼訓，此刻的身體真的是弱得很，想病想病咁好辛苦，入到去金加利冷氣開到超級凍，由玻璃望出去外面是鋪滿了水蒸氣，完全望唔到出面，快要凍死我了。要了個早餐，腸仔豬頸肉通粉，老婆仔則要了鮑魚火腿通加鹹牛肉炒蛋，可能剛開店，等了足足十五分鐘才上菜，豬頸肉真係大大塊落足曬料，同平時食到個D少少地鋪係面個D完全唔同，味道也是不錯的，不過鹹牛肉炒蛋太少鹹牛肉，感覺像淨食蛋一樣，而且包太硬，明顯是放隔夜，一開舖已賣隔夜貨，失望！聽説這裡是這一帶算貴價的茶餐廳，埋單$50，中價。

叫左扒餐牛扒+德國腸~黑椒汁不值呢個價錢~再加多杯甜到甩look的雜果賓治..............無言.....................toilet floor........... bad

昨天星期日下午同老公經過，見佢門口個牌有Ｄ菜式寫住拎過獎，諗住都唔會差得去邊，所以入去試下。我叫?個羅宋湯通粉加杯鴛鴦，我老公就叫?芝士豬扒焗意粉同凍華田。先講野飲, 杯鴛鴦難飲到爆,仲甜過奶茶，好似飲糖水咁，凍華田仲慘，唔夠冰但係淡，似一杯水。跟住羅宋湯通粉食?一啖，原來係凍！我同個伙計講，佢仲反問我咩凍，我要重複話碗野係凍佢都好似唔明咁！仲問我係邊個拎來！！！唔通我自己拎出來食？？！！佢一句唔對唔住都無就拎入廚房叮。老公個芝士豬扒焗意粉奇鹹，點拎獎？？？食又唔得，飲又唔得，服務又.....不知所謂。

晏晝經過見佢門口有個牌話參加食神挑戰賽乜乜組,以為係招牌菜可以試,點知坐低至知原來餐牌無,都係噱頭而巳.於是叫咖喱羊腩飯($23),轉特飲杏仁霜加$4.先講咖喱,並非我所喜愛南洋咖喱,但D汁夠濃而辣度好,羊腩就好肥好多膏但完全無羊味,話佢係牛腩都有人信.最唔抵係杯杏仁霜,好淡無乜味.

黎呢度每次都是食早餐, 對這裡的西多士念念不忘. 雖然早餐食西多士較漏, 但每次來到都忍不住. 因而家很難找到以前食開的西多士- “厚”西多士.這裡的西多士是厚厚的, 兩層多士中間有少少醬(應該係花生醬), 上台時新鮮熱辣的, 可看到上面的牛油慢慢溶掉. 最重要是夠厚, 有口感.另外亦share 蘿宋湯通粉, 這個餐還有多士+ 煎蛋+ 腸. 很滿足的早餐.之前在這裡食過, 廚房會放一舊豬骨在通粉內, 可見足料, 份量亦很大, 但這次食沒有豬骨, 份量亦少了, 味道沒有之前那麼濃. 希望餐廳可維持之前的水準吧.

見到好多人話呢度d野唔好食我都想講下呢度d野呢間金加利我係由佢開張就開始幫襯的次次嚟我都淨係會食扒(要揀最大路ge牛扒)同埋食親都係蒜蓉汁，間唔中會食黑淑汁次次食都好好味word扒唔un又入味最正係蒜蓉汁入面真係有好多一粒粒ge蒜蓉的勁香勁惹味呢間港式扒係我食過咁多間之中第二好食的(最好食ge沙田潮流棧執左了，好可惜...不過就算炬overall最好食仍然係金加利ge蒜蓉汁最正，真係天下無敵呀!!!)呢度其他野好唔好食我唔知，因戶我次次都淨係食呢樣如果大家有機會都試呢度d蒜蓉牛扒呀因為真係好好食ga!!!!