金加利冰室 (已結業)

在土瓜灣看到其招牌，心想到冰室二字便會是那些極傳統的餐室，走到門前，卻是另一回事。定位應算是一間餐廳。如大眾所說，服務果真是頗低的質素。和女友叫了一客葡國雞意粉餐和芝士汁雞翼豬頸肉意粉餐。前菜是蒜蓉包，雖是硬包，但咬下去卻有強烈的蒜蓉味，再加上白湯，還頗好味的。兩個主菜份量也是頗多的，葡國雞倒像是咖哩汁般，椰味也頗重，但還算好味，而且雞件也入味和大件，唯一是那些薯仔，炆得不夠淋。另一主菜屬普通貨，豬頸肉倒像一塊豬扒，而所謂的芝士汁則比較淡，但份量多，填補了缺憾。

晨早，去"食街"揾食。走入呢度，望望餐牌，醒起响九龍灣住嘅時候已幫襯過...印象係價錢偏貴，不過水準就唔太差...仍然係相同嘅breakfast menu...今次試吓煙鴨胸麵set...鴨胸及火腿有略煎過，有心機；麵依然係不惜工本用出前一丁，湯底頗淡，啱我；凍檸茶普通，不甚了了...價錢响食街入面嚟講算中上，怪不得隔籬輝香園人山人海...

d野好難食...食左一啖而已經再食唔到落去地方仲好dirty,以後唔會再去

講真呢間餐廳只是一間好似比茶餐廳高檔的餐廳食物其實不錯,尤其個豬仔骨但服務奇差,o的C9侍應個個都好似唔想做唔想招呼你咁我同男友都覺得咁既服務好搞笑

I like its comfortable booth seats and cheap sets, mostly below $30. Ordered baked ox tongue rice and french toast yesterday. Above average!! Will try curry next time.Note: Plenty of parking spaces around.

整條北帝街的食店,此店是未曾出過食評之少數.身為土瓜灣人,此"加利仔"只光顧過數次.與KC的感覺一樣,最好的是咖喱,其他的什麼法國忌廉焗鵝肝醬飯,廣東人說無果樣整果樣.)淡淡的忌廉汁舖左搽得不夠均勻的鵝肝醬上面焗,就稱之為法國風味.本身肝醬當然不是高級貨,土瓜灣人非吳下亞蒙,不要用肝醬之名,按個法國風味來自抬身價吧.反而咖喱就不錯,$32一個咖喱鴨飯,跟湯,餐飲,凍飲加$2.咖喱同白飯分開上,咖喱不加辣已夠刺激,不是什麼馬來坡式印式,吃落又有點點似年前未吃得辣之年代,跟著朋友去阿龍的Paki風味相若.鴨肉結實.肉質較硬,如果牙力少一點也很難吃得下.同前文的食家一樣,眼見服務的確慢半拍,坐下數分鐘,也沒有人來抹檯.茶餐廳嘛,將就一下.不要常將劉華之金石良言,經常放在口唇邊.

這裡是一般港式茶餐廳，很多食物也一網打盡的。個人覺得，最吃得過的就只有各式咖哩食品。又來吃，大家也各自選喜歡的，我想也不用多想，就點了咖哩羊腩，要大辣。先來「紅湯」，至少不酸，又不假味，算是這樣；咖哩羊果然仍有水準，羊腩帶半肥，炆得軟腍又入味，羊肥油的部份，又夠臊味又甘香，美味；大辣的咖哩也不算十分辣，香料下足，也因為羊肥油的關係，是滿碗羊臊味。是油底的咖哩，用來撈飯真一流，是日是罕有的吃清一大碟飯。同煮的幾件薯仔，及放面的幾瓣生洋蔥，當然統統也不應錯過。可惜這裡沒有naan或roti之類的麵餅供應，如不是，更應景。連飲品，埋單36蚊，再來相信也是吃咖哩的。

記得初初開嗰陣，呢度長期逼爆。除咗因為附近冇乜邊間好坐過佢之外，亦因為食物份量夠大，選擇夠多。嗰陣通常係weekend起身去食brunch，食個唔知快餐定特餐就夠晒。個餐包括叉燒湯意、西多、磨菇炒蛋、大碌腸同餐飲。唔算好好食，但係卅零蚊一定飽。唔知係咪多人食咗，而家個餐改咗，西多冇咗變牛角包，不過都暖笠笠好香牛油味。個炒蛋menu上面都係寫磨菇但係出到嚟變咗粟米。麵就多咗選擇，叫咗雞翼公仔麵，唔難食。另外叫咗一碟豬仔柳沙律，豬柳成四大塊，沙律好大堆，入面有雜果有椰果有青瓜有薯仔有甘荀，唔係食肉獸的話都食得飽。同區嚟講其實我覺得都唔錯，啲卡位好坐，同埋有啲俾人揭到殘晒嘅免費雜誌。裝修同服務唔叫好差，因為我當茶餐廳咁嚟，冇諗住有酒店裝修、扒房服務；真係成班阿姐圍晒喺水吧傾偈，不過啲通道又唔係闊，食飯嗰陣一個二個喺身邊行嚟行去咪仲煩。

我去過金加利帺次，Ｄ嘢都幾好食．Ｄ阿姐都系幾好，都好耐心甘介绍Ｄ野比我食．我特别中意果度Ｄ扒．好好！！

我於上星期五到這家餐\廳吃早餐\.餐\廳內的人流不算少,但我見幾個侍應都圍在水吧旁大聲談天,不停地哈哈大笑;我坐於近雜誌的位置.距離這麼遠都極之吵耳.當然她們對我的招手亦沒有看見.在場我眼見只有2個侍應在招呼,結果要等該名侍應招呼好另一客人才給我寫單.對此我當然十分不滿如此的服務態度.更過分的是,她們(無論是沖飲品的,或傳菜的)都沒有停口.這實在是極之不衛生.我相信她們的口沬都飛進飲品裹!看見如此,更不用評論食物的質素了.食物館最重要的是衛生,如此一辺高聲談笑一边工作,唯有配戴口罩才能挽回食客的信心.

前兩天(星期三)到此餐\廳吃早餐\.我坐在接近收銀的位置.<br /><br />見到個侍應站在水吧附近的位置同水吧個同事不停地談笑,閒聊,還不時發出哈哈大笑. 除了對我的招手看不見,聲浪亦十分大.以我坐於這麼遠的位置我已覺得很吵.我有被忽略的感覺.結果等另外一名侍應招呼好別的客人才給我下單.<br /><br />在等候期間,我見到她們不停談笑之餘,<br />就連拿飲品給客人的時候亦沒有停過.<br />這其實十分不衛生.口沬一定會飛到飲品裹.(由其是沖飲品的)想到這個情況我已沒什麼胃口.<br /><br />其實負責製作食物飲料的員工應該要配戴口罩,以防口沬飛揚(由其是如此喜歡談天的人)即使嘈吵,起碼可以保持食物的衛生.<br /><br />即使食物出品有多好,以上的服務態度實在不能令人再次光照顧!<br /><br />

從外面看環境好像蠻不錯，於是和男友入內覓食。坐下細看才發現內裡裝修非常under kept，空氣不夠清新；啲阿姐態度散慢，唔帶位，遲遲唔抹枱，服務這一欄扣硬分！正值下午茶時段，男友的焗肉醬意粉($25連餐飲)份量偏細，味道還可以，茄醬酸咪咪，肉醬略嫌少了點，意粉軟硬適中，和焗溶了的芝士同吃，整體口感不俗。我的蕃茄蛋治($18連餐飲)完全唔掂，蛋很少，吃罷有唏噓的感覺。這裡的食物水準一般，水吧反而較出色，男友的凍檸賓和我的柚子蜜都甜度適中，出品倒不馬虎。不過仍是不建議大家來，在北帝街，比它好的choice多的是。

同bf 睇完戲o黎食!好多好多選擇!價錢好合理!最好就係我可以食好多魚! 而bf又可以有其他肉類選擇!o岩o曬大家,唔駛就得我o黎又就唔到佢!

見到土瓜灣老街坊以下的評論,我想回應一下.因為我都有相同的經驗(應該話更過分).話說我上個月到呢間餐廳食午飯,我坐低嘅時候隔離個男人已經食完嘢,不過就睇緊雜誌.點知個水吧阿姐竟然好大聲閙"食完嘢仲唔走喺度阻住個位!!快d叫佢走啦!!"雖然其他侍應就無應佢,不過個男人已經好嬲(黑哂面).無幾耐就走左.其實你有雜誌供應比食客睇,d客睇下書relax下跟本就好正常.比錢消費自然有權坐一陣.這樣閙人同趕客無分別.去幚襯仲要比人閙.如果係我就一定唔會再去.

我差不多隔日就去食早餐啦!最近推出左d新款嘅早餐都唔錯,可以自由配搭. 我比較鍾意個羅宋湯通粉,都幾開胃.侍應嘅服務態度都唔錯.不過環境就真係唔得啦, 差不多次次去食早餐水吧個阿姐都好嘈,講嘢好大聲!!試過有次坐正最入面,把聲真係大到令人頭痛!去得餐廳食嘢無非鍾意清靜,好似去左酒樓一樣!所以我最近都少去呢度啦!