醉胡爐

營業中

休息中

如果打邊爐只可以揀一個湯底，首選一定係醉胡爐嘅火焰龍蝦蕃茄海鮮湯底。餐廳店員首先會用清酒炒一下海鮮，之後再加入蕃茄龍蝦湯，湯底本身味道超濃厚，再加有清酒味道，入口鮮甜味道多層次。餐前小食亦相當出色，椒鹽粟米，粟米炒完之後都唔會太乾身，咸咸地甜甜地。手打墨魚丸，餐廳自家出品，傳統手打丸材料豐富，墨魚丸彈牙結實好食。手打蝦丸，確實足料，啖啖蝦肉，乒乓波咁大粒。流沙黃金炸魚皮，就咁食都好好食，放湯食口感不同，咸蛋黃味道適中。

無論天氣是涼還是熱，我老友總是提議打邊爐，今次選了尖沙咀的醉胡爐。員工當日好好服務，我們上到去好快就安排到座位，介紹不同湯底同埋食材。我們聽他推介，揀咗火焰龍蝦海鮮鍋。銅鍋中有大大隻開邊龍蝦，鮑魚、青口，底下則墊有娃娃菜。只見他先炒一炒龍蝦，然後倒下烈酒和點火，隨即火焰飛揚，龍蝦和海產的鮮味亦飄出來。真是好睇又好吃。推介手工丸類和手工餃子，超正。全部即日製作，真材實料，飽滿新鮮。新鮮炸響鈴同樣即炸，上枱時還是熱和挺身，毫不油膩，吸收湯汁後也脆中帶軟，超好味。

哇~天氣開始凍咯，梗系約埋閨中密友去滾一滾啦🍲醉胡爐胡椒湯底濃郁暖胃，胡椒味濃香。海鮮新鮮肥美，肉質豐盈，口感爽脆。肥牛拼盤油脂分布均勻，肉質細嫩。鮮蝦丸純手工製作，爽口彈牙。魚皮餃皮薄餡靚，魚味濃郁。水餃、雲吞用料十足，只只餡料飽滿Juicy，啖啖滿足。蔬菜雜菌拼盤包羅萬有（生菜、娃娃菜、油麥菜、白菜仔、冬菇、雞比菇、杏鮑菇等）乾淨新鮮，入口清甜。椒鹽玉米清甜惹味。響鈴即點即炸，香脆輕身，食落去唔會覺得油膩。醬料品種多樣化，任君選擇。環境：餐廳入面樓底好高，所以感覺整個空間好開闊舒服，裝修簡約典雅。服務熱情主動，食材豐富多樣，值得加分~📍尖沙咀厚福街8號H811樓

今日覺得凍凍哋好想去打邊爐，我就搵埋幾位好姊妹一齊食，於是我就上網搵咗呢間火鍋店，呢度環境好寬敞，坐位好舒適，我哋叫咗以下食物：-海鮮拼盤：有龍蝦，鮑魚，青口，蜆，花膠，蕃茄，娃娃菜。龍蝦：鮮甜，結實。鮑魚：鮮甜，爽彈。青口：清甜，唔韌，蜆：清甜，嫩口冇沙。花膠：質感腍滑。蕃茄：酸甜多汁。娃娃菜：清甜，鮮嫩。配埋佢哋嘅秘製湯底，香味濃郁，滋味十足，非常好食！紫菜響鈴：口感唔油膩。雜菌拼盤：鮮蕈，滑嫩，柔潤。避風塘粟米：蒜辣香惹味，粟米清甜。蟹籽蝦丸：鮮甜，爽彈。牛肉拼盤：肉質嫩滑，牛味濃郁。整體食材好新鮮，份量好足料，佢哋嘅服務態度非常好！值得推介！

尖沙咀真係好多火鍋店，今次約咗朋友去食😍入面座位都算多位，坐得舒服。店員態度親切，一入到去都好好笑容😃呢個湯底真係好特別，第一次試呢種先擺咗材料後煮湯嘅火鍋，火鍋入面有龍蝦、青口🦪、東風螺、鮑魚、花膠、仲有螺片等等，全部海鮮望落去都好新鮮，真係好足料。另外材料仲有蔬菜，包括有蕃茄同埋娃娃菜。店員首先將所有配料撈埋一齊，擺得好有心機✨，然後落埋湯去撈埋一齊，所有材料都吸晒個湯，真係好好味😋令個海鮮既鮮味更加突出。建議打邊爐前先飲湯，試吓湯底嘅原味，個湯底真係好清甜，龍蝦味濃，所有海鮮都好爽口👍🏻仲試咗佢嘅牛頸脊，牛味濃，肉質一啲都唔鞋，20-30秒灼一灼就食得😋椒鹽粟米條好惹味，我自己本人係好鍾意食粟米，粟米本身既清甜再加上惹味既椒鹽，成個味道岩岩好，越食越上癮😍最後仲食咗醉胡爐五寶丸、蔬菜拼盤同埋響鈴，都係淥一陣就食得啦，啲湯令到佢哋嘅味道都提升咗👍🏻

醉胡爐搬咗，即刻和先生卜枱，因為我好掛住佢個火爐😅。餐廳新裝飾，簡約時尚，環境寬敞舒適，洗手間乾淨。我們點了火焰龍蝦，龍蝦大隻厚肉，還有膏！食材新鮮，真係點整都好味。點火後火光熊熊，非常有氣氛。店員好好服務，見我影相影咁耐都無不耐煩。食完龍蝦就可以加湯打邊爐了。鹹蛋魚皮好好食，鹹蛋惹味，魚皮香脆，不是買來的貨色。其它丸類、豚肉片和蔬菜亦好新鮮。整體用餐感覺非常好，地方新，食材優質新鮮，店員親切。搬遷後地點更就腳，如果你也喜歡有特色的打邊爐，這家餐廳是值得一試。

未搬之前已有幫襯，搬到厚福街後第一次上去。來到醉胡爐當然要玩火，所以我們點了火焰龍蝦海鮮鍋。銅爐中有龍蝦、青口、鮑魚等海鮮，還有娃娃菜。點火後熊熊烈焰，甚有效果。龍蝦等海產很新鮮，湯底無味精。之後再打埋邊爐，真係大滿足呢。打邊爐的配菜同樣新鮮，同行友人不食牛，為配合他選了我平日少吃的豚肉片，想不到肥瘦相間肉質細嫩，口感豐富。另外手工餃、黃金魚皮和紫菜響鈴都是即日製作，口感和味道都比其它好。食材質素高，服務良好。職員無論即場湯底點火和上菜介紹都相當專業，今次打邊爐的體驗好好，會繼續再來。