醉潮館

營業中

休息中

上次食完潮州菜之後，一直想再同屋企人再食，今次帶媽咪去荃灣食呢間醉潮館，諗住近近地夠方便。呢間醉潮館係三坡坊，附近有好多大排檔餐館，我地8點幾去到，都仲見好多人食緊，要出面等位，睇黎都好受歡迎。入面細細間，裝修中式風格，佢既menu都好有特色，成本秘笈咁好似穿越返古代。而且碗筷係印左醉潮館既招牌，都相當用心。我同媽咪2個人唔想叫太多野食，叫左個小份既潮州粥，佢係200蚊起，可以自選配料，送粥底。我地叫左花甲王、蠔仔、牛肉、響螺片，仲共210蚊。上黎個陣，發覺都唔算少，而且好足料。花甲勁大隻、數量都唔少接近成10隻。而且加埋好多隻蠔仔好鮮味。每個人都有成3碗幾粥，2個人絕對夠食。另外，我地都叫左個鹵水拼盤，有墨魚、紅腸、豆腐、大腸、雞蛋同腩肉，本身以為係冷盤，上黎先發覺係熱食，而且大大碟，好入味，如果送飯就一流。因為我地叫左粥就無另外叫飯，但就叫左一罐天地一號，佢其實係蘋果醋，用黎解滯或者配重口味既野就剛好。埋單總共食左403蚊，價錢中等，份量都大份，總括黎講都算幾高質，唔怪得咁多人等位都要一試。

今日係荃灣周圍行，見到有條巷好多人行入去，原來就入面叫三坡坊，入面有好多餐廳，。個肚仔又有d餓，見到呢間醉潮館個名咁型，就行左入去食。呢間食潮州野，我見到好多人食卜卜峴煲，當我order時好可惜已經無晒。😔最後我地叫左花膠螺頭燉雞、招牌潮式醬滷拼盤、一隻紅燒籠中BB鴿子、雪棗紅蝦乾通菜煲同埋黃金一口炸饅頭😋先來花膠螺頭燉雞，有一大舊花膠有螺頭有幾件雞，好足料，湯夠濃，好入味！招牌潮式醬滷拼盤好大碟，兩個人食唔晒，入面有紅腸、韭菜花、豆腐、豬耳、腩肉同墨魚🦑。紅燒籠中BB鴿子一隻開四件，兩個人食岩岩好，乳鴿即炸，皮脆肉嫩😋😋😋😋最後要推介我最鐘意既炸饅頭，即炸熱辣辣，最好灘一陣先食，自己太心急差d熨親，饅頭夠皮脆，點埋煉奶！一個字！正！不過坐位就有d逼，同埋張枱比較細🤭

燉湯：花膠螺頭炖雞大大盎，而且好足料，開蓋已經有陣燉雞湯味🤤一盎可以分到3–4碗架，性價比高。炖湯真係夠火喉，唔太油，飲完一d都唔會口乾口渴，推介👍醬滷鵝潮州打冷必食！依碟亦係成餐飯大推薦既一款，未食已經口水漏，真係好香，無誇張。鵝肉疊得好高，留意豆腐只係薄片墊底，想食蛋舊都唔夠分😆鵝肉非常入味，而且好淋身唔乾，又唔肥，連鵝皮都食埋😋😋豬油渣蒸水蛋豬油渣面就食得多，配蒸水蛋係第一次！當真又香又滑，豬油渣獨有既油香味，配以蒸到神岩岩好滑一滑既蛋，加埋少少鼓油，真係一流👍傳統鴨蛋煎蠔烙蠔餅大過塊面😂金黃色，好香脆，仲有好多蠔仔！不過有一邊個底煎炸得過左火，好似食緊茶樓個d炸雲吞。建議多d人食會比較好，都幾飽肚，同埋膩口香辣魚仔炒蟶子，兩隻可以續隻叫，蟶子新鮮唔韌，炒得好夠火喉，個汁又唔會太咸，配埋紅青椒同洋蔥，好味小米餃依款小吃幾特色，一碟有10粒，可選配蠔油一齊食。細細粒，一口餃，個皮同普通蝦餃唔同，比較有哨頭，入面粒餡似魚皮餃，要試哦

當天爸爸生日🎂佢又唔鐘意西餐～日本野～打邊爐～韓燒～所以決定食小菜～一早訂左位～去到唔洗等位就入得啦～但店舖細細～但都算爆滿～蒜蓉椒絲炒通菜蒜蓉味都炒得算香～椒鹽九肚魚九肚魚如果蒸啲魚肉會好滑好林～未必個個討好～但椒鹽真係好夾～剛炸好仲好香口～蜜桃咕嚕肉真係好抵讚～咕嚕肉啲炸粉好薄～一咬已經係肉～又有獲氣～酸酸甜甜真係好開胃～傳統鴨蛋煎蠔烙真係好耐無食過蠔餅～平時個啲粉好厚又油～呢個真係唔油又酥脆～啲蠔仲有鮮味～砂鍋盤龍鱔 (半條)啲魚肉好結實～口感非常好～加上用左大量既豆豉蒸～一啲泥沙味都無～真心好食～乳鴿飯個飯一上到枱就好香啦～佢用左臘腸冬菇去蒸～加上最頂既乳鴿～真係好出味～P.S.所以食物都好好食～仲要好大碟～同平時啲酒樓比～呢間真心抵食～

朋友在荃灣上班，我們要找好野食就問佢，佢推介三坡坊的醉潮館，晚飯時見座無虛席，點左牙籤雞$58，香口好脆雞肉很嫩滑，沾泰式辣醬，酸酸甜甜，簡直無得輸。砂窩卜卜蜆煲$168，我們選小份但個窩一點也不少，窩中的蜆很多鋪滿滿，粒粒飽滿，肥肥胖胖，很鮮甜美味，窩底有粉絲和粟米，很不錯👍椒鹽魷魚🦑$78，魷魚炸得鬆脆可口，外脆內軟，大大碟真抵食。芥末牛仔粒$108，牛仔粒同芥末的味道很夾，牛肉味香又唔韌，真好吃😋

荃灣一向美食多係人都知，每次講開打冷都會諗返起依間餐廳，餐廳位於荃灣三坡坊。今日同朋友慶祝返新工🎉就又搵左呢間餐廳！最近其實出去食飯，普遍都覺得餐廳少人左。但係今晚嚟到呢度，其實真係座無虛席。到達嘅時候已經係8:30pm，我哋仲要稍稍等位先可以入座。Menu感覺古色古香，入邊嘅菜式更是花多眼亂。嚟到呢啲打冷嘅地方，一定不少得點 滷水拼盤 $138 入邊有多款滷味（豆腐、豬耳、腩肉、魷魚、紅腸、韭菜花）基本上都滷得好入味，上枱嘅時候依然微溫，大有陣陣八角香味，而且份量偏大。小炒王 $88小炒王是啤酒的良伴，蝦乾的鹹香、腰果的脆口，再加入五花肉絲，最後將韭菜花炒成一碟，微辣惹味，令人吃過不停。白果胡椒豬肚湯 $88以前飲呢個湯多數都係冬天，因為可以驅寒及暖胃。個湯有濃郁胡椒香味，而且豬肚並不是太腍，幾有咬口！同埋一樣野值得讚下，豬肚洗淨無臭味☺

老公話好想打冷冒名到荃灣呢間新式打冷舖入到去環境好乾淨 裝修偏中式比較有趣嘅係所有侍應都係後生仔 好岩傾.💟花膠響螺燉雞湯六十幾蚊 一大盅夠兩個人飲超足料 入面好多塊大大嘅花膠有雞有響螺 個湯好清甜絕對冇味精飲到停唔到口！💟沙爹牛肉炒芥蘭牛肉大大塊好滑 芥蘭都幾新鮮成個菜分量好多 不過芡汁略嫌有啲濕唔係就會更加好味💟菜脯肉碎煎蛋非常非常滿意 啲蛋香口又夠脆菜脯鹹鹹地配肉碎 送飯非常好食 一流！💟 鵝片開頭以為會好細碟點知份量非常驚人我哋兩個真係食唔曬鹵水好入味 我先點醋食下面啲豆腐有炸過兩個人爭住食曬啲豆腐性價比極高強烈推薦叫！！！

/醬滷鴨 💰128 7⃣潮州滷水筆嬲都係好出名，佢啲都做得好好。滷水最驚係咩？就係過鹹！佢地調味真係好perfect好好味，鴨嘅每一寸肌膚都absorb晒滷水精華，好正！/雪裏紅蝦乾芥蘭煲 💰88 8⃣呢個真係好有鑊氣，佢啲個個煲大家真係小心啲，因為真係熱騰騰香噴噴送到嚟。入面嘅蝦乾蒜頭令到芥蘭更加惹味，真係超級送飯。/白果胡椒豬肚湯💰88 8⃣呢個胡椒豬肚湯飲落去真係好暖胃，尤其係落雨飲落去好舒服。豬肚嘅份量真係好鬼多呢個價位，但小編比較重口味，下次一定order多啲胡椒再辣啲。/豬油渣蒸水蛋 💰68 9⃣小編真係好驚艷呢個蒸水蛋，講蛋本身蒸得真係好好好好好滑，soy sause味道唔會太鹹啱啱好。豬油渣絕對係加分位，因為脆卜卜嘅口感配上滑嫩水蛋，兩碗飯真係話咁易。

今日來到荃灣三陂坊吃潮洲菜，過間位於三陂坊的醉潮館，餐廳內裝潢古色古香，木枱木椅，就連餐具都比較特別。醉潮館除了有不同的潮洲菜式外，還有多款燉湯選擇，喜歡喝燉湯的人士可以來試試，是個不錯的選擇。我們兩人，點了一個香辣魚仔炒花甲、一個半隻霸王雞和一個沙嗲牛肉芥蘭。花甲完全沒有沙、鮮甜、野味，配合香辣魚仔一起吃更添風味。霸王雞肉質鮮嫩，一點都不老，半隻已經很夠兩個人吃。最後是沙嗲牛肉芥蘭，沙嗲味香濃，牛肉嫩滑，芥蘭炒得脆口。

今次第二次來吃，上次無食卜卜蜆，今次必要叫，記得必需要訂位，檯不太多，如多人都比較迫，但食物真好食和特別，價錢很公道細卜卜蜆 每粒蜆肉很肥美及無沙，另外也得新鮮椒鹽九肚魚 炸得外脆內軟 魚也很肥美 炸粉也不厚，超下推介

去完cafe坐，行左陣街，晚上六點幾就黎左三坡坊，呢間餐廳食，佢位置係最入個間，我地係最早個枱客人，但食左一陣野，已經坐滿晒人啦，啲野食我男友勁鍾意，樣樣都話好食。餸菜好惹味，我地叫左兩碗飯黎送。首先，我最鍾意個黑松露蟹膏蒸蛋，係最簡單最清既一個餸，但我覺得超夾，好好味，其實會返屋企試煮下，不過未必會落蟹膏(蟹膏可以買韓國罐頭個隻)，就咁蛋配黑松露已經好香滑。蠔餅，好鬆化脆口，點埋醬料仲好食，有啲好似蛋散既碎係面頭，口感好正，炸得乾身唔油膩。四季豆炒豬頸肉，超好送飯，份量又多。兩隻蟶子炒豉椒辣魚仔，好好食，想食多幾隻。叫左兩碗飯加支天地一號，加埋一埋單429。平均每個餸88蚊左右。好滿足既一餐，我諗其他客人都鍾意食，因為好多係訂左枱，同坐低就叫野食既人，應該係食過好食再返黎既熟客仔。

朋友介紹左好耐啦，今日終於有機會去荃灣三坡坊食出名嘅卜卜蜆。果然係出名，所以好多人食，我哋2個人就算book咗位都要等15分鐘先入到去！建議多人嘅話一定要早啲book！🌟砂鍋卜卜蜆煲特登入嚟就係為咗食呢個煲，當然要即刻叫啦！兩個人所以叫咗個細嘅，百幾蚊唔算貴，仲要好大煲！勁多蜆，隻隻都好大隻脹卜卜，鮮甜，冇沙。湯底有濃濃嘅酒香，啲粉絲吸晒蜆嘅鮮味同埋酒香所以好好味！🌟芥末牛仔粒估唔到牛仔粒同Wasabi係咁夾架！牛仔粒大大粒之餘，完全唔韌，大約七成熟，而且仲好有牛味！🌟黑松露蟹膏蒸水蛋蒸水蛋真係非常非常非常滑！加埋有蟹膏同黑松露，嗰陣香味一放上枱就已經聞到！而且完全唔會有腥味！淨係用呢碟蒸水蛋撈飯都可以食多幾碗白飯！🌟雪裏紅蝦乾芥蘭煲食咗咁多肉當然要叫返個菜啦！芥蘭煲入邊有好多蝦乾同埋肉碎，小小辣好惹味！朋友果然冇推介錯，今餐真係食到飽飽又滋味！其實餐牌上面仲有好多其他餸好想試架！下次一定會叫埋一大班朋友一齊入嚟試多幾款！

又係星期六冇飯家庭日，難得放假緊係休息下，出街食我至愛既大排檔一碟清清既菜足以反應師傅既巧妙巧夫脆綠既通菜，油份充足，配以蒜蓉椒絲，每條通菜都索哂d精華我就好鍾意食牛柳粒，呢款仲可以帶俾我無限既刺激感，因為面層加左d白色既芥末醬，食落就辣辣地，好似平時食壽司點wasabi咁大排檔既香口野又點少得，一黎到已經聞得陣陣蒜蓉香味內脆外軟真係冇形容錯，外層脆皮夠哂薄，入面既魚肉好滑溜最後又點可以少左個椰樹牌既椰子汁

相信大家都唔會對於荃灣三坡坊呢個地方感到陌生，因為呢度真係應有盡有-潮州大排檔小炒食肆 今日想同朋友去呢頭附近食嘢嘅時候發現開咗間新嘅潮州小炒！鋪面裝修比起一般固有嘅鋪頭較為另類同埋新潮，室內環境唔再係一張張嘅大圓枱，鋪頭細細間的的式式，又唔會話坐得好迫夾👍🏻睇吓佢嘅Menu都好別具一格㗎 好有特色，本草湯目係一盅盅唔同種類嘅老火湯之後我哋就點左個亂棍炒豬八戒，其實就係豬頸肉炒豆角，唔好睇佢細細碟但係其實份量都好多㗎😋最正嘅就係佢鑊氣好夠同埋用XO醬，蒜頭，紅椒，洋蔥去炒🤤好好食呀！！呢個鐵板燒豬仔脾，肉質嫩，啖啖肉，肥瘦分明口感十足哈哈之後就係呢個重頭戲😆醉潮雞煲大家可能會覺得係呢啲鋪頭食雞煲簡直係傻豬豬，其實起初我都有少少緊張驚中伏🤭但係當我食完之後我覺得我會返嚟食第二次第三次... 因為真係好好食呀😍💃🏻未食已經香到想流口水，首先係佢啲雞唔會太大舊，好嫩滑唔會鞋颯颯之餘佢個醬汁絕對唔輸蝕比一啲所謂食雞煲嘅大品牌🤫，仲有佢嘅醬汁都好多唔需要另外再加錢去加醬👍🏻食得辣嘅朋友仔記得可以嗌辣少少，小辣都吾係好唔夠辣！

突然想食小菜，朋友就介紹去三坡坊既醉潮館，話個到啲款式特別啲。原來呢到有傳說中既戰鬥碗，第一時間啤啤佢先🤣🤣黑松露蟹膏蒸水蛋$88係餐牌見到賣相好吸引，第一時間點左🤭水蛋蒸得唔錯，好滑冇氣泡，調味都好適中，黑松露撈左落蛋到蒸食落有微微松露香😋😋😋蟹膏仲撈左啲蟹肉，連埋蛋一啖食，好滿足呀😋😋😋😋香辣魚仔炒花甲$108花甲唔會炒到離哂殻，肉大大粒。😋除左辣味仲有少少黑辣味，辣味由辣魚仔出，只要唔食埋魚仔就冇咁辣。怕辣都食到，不過魚仔真係好辣😳鐵板黑椒豬仔肉$98有六條，條條啖啖肉😳😳最後蒜蓉椒絲炒通菜$68少左啲蒜蓉，不過清清地，好食之餘又健康😋整體幾滿意，好食對得住個價錢，我同朋友2個人店員比4人座我地，坐得舒服好重要呢😌😌😌