醉潮館

營業中

休息中

潮州風味小菜館🥢·🍳傳統鴨蛋煎蠔烙（$88）👦🏻食親潮州菜都必點.炸得香脆唔油膩👍🏻蠔仔份量都多·🥣花膠螺頭燉雞（$68）聽到個名都覺鮮甜🤣料好足！花膠、雞、豬肉、螺頭…不過應該有落味精…略咸·🐖鐵板黑椒豬仔髀（$108）呢個同預期味道有出入🤣肉質有點韌，黑椒味香濃但唔好點太多醬，會好咸🫠🫠🫠🫠·🥬雪裏紅蝦乾菜心煲（$88）好香好惹味👍🏻·📍醉潮館荃灣三坡坊30號地鋪

好耐冇食過海鮮砂鍋粥，見醉潮館都幾多人推介砂鍋粥所以就去訂位試吓。兩款推介小食率先登場！牙籤雞外型好的骰，雞粒炸漿外層加左燕麥，食起嚟更脆更有口感，一支牙籤一粒，再加支啤酒啤一啤超爽皮～小米餃好cute，皮係用薯粉整嘅所以好煙韌，肉餡嘅味道好似魚皮餃，口感唔錯但偏鹹，唔算大驚豔但幾過癮一試無妨。萬眾期待嘅砂鍋粥終於嚟啦！Order左大膏蟹加兩隻蟶子王同花甲王一份。粥底吸收左海鮮嘅精華勁鮮甜而且褒得好綿，大膏蟹有唔少蟹膏同個粥混合，正！大膏蟹好多肉，尤其兩隻蟹鉗啖啖肉。花甲王係一個唔錯好嘅選擇，爽甜得嚟冇沙，四個人仲可以差唔多一人分到兩隻，性價比都算高。蟶子王我冇食到，不過屋企人話一般般。鐵板黑椒豬仔髀有驚喜！鐵板端上嘅時候吱吱聲，超震撼，勁有鑊氣！豬仔髀超爽嫩，加黑椒汁超惹味，$108有六大支豬仔髀，性價比極高！繼砂鍋粥最多like嘅菜色~椒鹽鮮魷味道都唔錯，不過不失。細佬話見review有人試過潮式胡椒豬肚雞想試試，menu又唔見，樓面話幫我問下廚房又有喎。胡椒味唔算好重但d雞好肥所以個湯底都幾油，雞件都算嫩滑，豬肚就一般媽咪話有d餲，$288嚟講有d失望，可能叫多幾款餸仲多驚喜。

平時好喜愛食燒肉、cafe 、 打邊爐既我，其實都非常鍾意大排擋、打冷飲返兩杯🍺 呢間醉潮館都好隱蔽，行咗成個圈先搵到佢🤣第一時間必試就係海膽抄飯$138 ，上面係成板海膽😱個炒飯底都好食，有鑊氣👍🏻👍🏻 其他小菜包括咕嚕肉、沙嗲牛肉菜心、蠔餅、滷水拼盤、鵝片、小炒王、家鄉粉絲兜亂等等.. ✨基本上全部都出色，但個鵝片就差了，身為潮館，鵝片本就是靈魂所在，但係過晒火好韌，排得又肉酸，完全冇賣相可言👎🏻👎🏻👎🏻 滷水拼盤都好一般，下低嘅韭菜生到辣🥲

很適合朋友傾計聚會的好地方, 除了潮州打冷外, 還有多款鑊氣小炒、家鄉靚湯、粥粉麵飯、鐵板燒、海鮮類、潮汕砂鍋粥我們點了招牌醬滷拼盤（紅腸、豬耳、豬腩肉、溏心蛋）椒鹽九肚魚招牌香辣魚仔炒花甲飲品：Asahi啤酒🍻滷水拼盤一份份量都多, 每款送酒都很一流, 款款都入味爽口👍🏻, 椒鹽九肚魚炸得很香脆, 差不多每枱必點小炒, 花甲啖啖肉, 很特別配上香辣魚仔一起炒, 有少少咸香味, 味道層次更加提升, 飲啤酒用飲勝碗另有一番風味, 下次再試下其他小菜整體不錯, 餐廳位置有點隱蔽及坐位不多, 可以預先訂枱入座

早排一行五人同朋友慶祝生日，佢哋話想食潮州菜，上網睇過呢間評論幾好，就嚟試吓！雖然位於三坡坊入面，但係餐廳對比其他荃灣潮州餐廳來講環境唔錯，坐都坐得幾舒服。食物價錢相宜而且份量都算大份。我哋叫咗食潮州菜必叫嘅鴨蛋蠔餅，佢新鮮炸起食落非常香口，同時唔會覺得好油膩。雖然好熱氣，但係好味到停唔到口！另外叫咗乳鴿，酸菜魚，滷味拼盤，鮑魚。滷味拼盤大大份，五個人都食唔晒。酸菜魚湯底做得唔錯，我地連湯底都飲埋。其實仲有好多菜式想試，但係怕食唔晒，所以留返下次嚟嘅時候再試！最後每人埋單只係$170左右食到撐住個肚離開。Ps: 帶蛋糕入去食係會收返切餅費，價錢大約30蚊左右

📍醉潮館Was attracted by their 潮汕砂鍋粥 which you can choose your own ingredients. Maybe it’s our own fault that we only chose 膏蟹 (but we weren’t told/advised to choose more), the taste was very bland. I could barely taste any sweetness from the crab. Not quite sure how the congee base got this yellow color cause it ain’t from the crab roe for sure. As for the other dishes, all are quite decent given it’s value. The 金湯酸菜魚 has a good amount of sourness. The 牙簽肉 is very suitable to go with beer! Price: H

( ͡° ͜ʖ ͡°) 醉潮館 - 潮 州 菜❝/ 荃灣隱藏潮州小菜館/ 三五知己食飯就啱哂❞▪️金湯酸菜魚 $128酸菜湯好夠味 魚肉嫩滑 份量都足 飲飲下湯有點咸整體幾唔錯～▪️涼拌蔥脆魚皮 $78魚皮爽脆 配左日本醬油wasabi 食落好爽 好夾蔥絲 份量都幾多▪️傳統鴨蛋煎蠔烙 $88哩個幾有驚喜 唔會好多粉漿炸得好脆身 種有好多蠔仔 推介～好味道🤤▪️香辣魚仔炒花甲 $108花甲新鮮有肉食 唔會細細隻咁配埋魚仔炒 一齊食都幾夾～唔錯▪️辣酒煮醉螺 $108上菜有個煲仔同火熱住 感覺都幾正可惜嫌佢唔夠入味 可以更好▪️ XO涼瓜炒腸粉 $78因為我唔食涼瓜紙比唔到評語但腸粉炒得脆脆的 好味道😋推介指數：🌟🌟🌟🌟/ 5

涼伴蔥脆魚皮，魚皮厚身又爽脆，得。膏蟹粥好香，熱辣辣，得鴨蛋煎蠔烙，個脆漿剛剛好好脆口，正。哥仔推介韭菜豬紅，想試，不過得兩個人食怕食唔晒，下次吧。呢間會再回頭的打冷，不過下次要叫多幾位朋友來試多幾個菜。

😍夠鑊氣👍🏽又抵食👌 多菜式😉 好氣紛🧐 坐得尚可⋯⋯如果你係三個人或以上，同埋坐到響室內。 難得嚟到荃灣食嘢，走去三陂坊睇吓有乜嘢好嘢食 😀 成條街都係大排檔 ，勁有氣紛，超熱鬧。 餐廳多人講嘢都嘈，但好彩餐廳室內樓底夠高，都接受到。 起菜好快手，雖然當晚坐滿，但好快就有得食 👍🏽 雖然每碟餸係中size ，但唔駛叫太多餸，因為菜式偏重味，要最好預返少少胃嘅位送飯或炒米粉 。食到好飽，三個人都係$ 6xx 😍(因為叫咗一窩clams 蛤蜊)

終於見識到三陂坊晚上的熱閙，菜館連續有幾間排檔，而這家是朋友試菜推介的一間，的確有些儾得推介好吃的，如下，友人讚口不絕的是蠔烙，係鬆脆不油不膩，正！椒鹽魷魚亦是炸得香脆！另外是潮洲牛丸，肉味濃郁彈牙！還有九菜豬紅都是必食之選，其餘的食品就不過不失，這所排檔都是炸物出色！其他的食品都合格。另外見多人可品嚐多些美食，見許多人叫乳鴨及炖湯，我想下次都會試試，天氣炎熱，地方較擠迫，但這個價錢，食物招呼都是合格的！

中秋約埋大佬同媽子食餐飯，媽子係潮州人大佬就揀呢間開餐 😀Openrice 訂座只可揀 6：30，我哋泊車遲咗啲，打去餐廳講聲，好有禮貌回覆叫我哋慢慢 👍坐底就由大佬發辦揀食物，媽子鍾意食椒鹽九肚魚，粉槳一啲都唔厚，炒花甲個汁好香口，最正就係無沙 🤣 韮菜豬紅大佬話食返以前老豆煮嘅味道 🥰西蘭花鮮魷啲魷魚好正，唔好理膽固醇住啦 🤭🤭 其他食物都美味，係啲菜有啲老，食材可以揀好啲。餐廳格局有小小迫，隔離檯班大叔講嘢好大聲，成間餐廳都比佢哋啲聲蓋住 😣😣 嫂嫂話有機會試多次都係咁嘈就唔再返轉頭 😅😅媽子都話啲嘢好食，其實係見到大佬就乜都好食就真 🤣🤣🤣5 條友 8個餸兩碗粥，埋單 $900，一啲都唔貴 👍👍

醉潮館係荃灣三坡坊入面一堆潮州打冷鋪入面既其中一間。同傳統潮州打冷鋪唔同，呢間裝修感覺古色古香咁，而且菜單都有設計過，佢有本菜單叫「本草湯目」😂入面係佢啲燉湯。呢度坐得比其他打冷鋪舒服，而且菜式都有好多新穎啲既，有興趣可以黎試下！ 1⃣️金湯酸菜魚（$128）入面除左魚片之外，仲有啲芽菜同辣椒粒，但係個人覺得呢個酸菜魚🐟味道比較普通，夠酸味，但係味道比較單一，而且入面既配料都比較少，通常酸菜魚入面都有薯粉，但係呢度都冇😕  2⃣️椒鹽九肚魚（$88）九肚魚唔係好食到骨，炸得夠曬脆😋面頭仲有好多炸蒜。  3⃣️牙籤雞（$58）呢個係比較特別既菜式。啲雞粒真係一粒粒用牙籤拮住😲面頭鋪左啲麥皮先炸，食落好脆好香口，雞肉入面仲一啲都唔乾！  4⃣️小米餃（$42）細細粒一粒，外皮好煙韌，一啖一粒啱啱好😋  5⃣️鴨蛋煎蠔烙（$88）食親潮州打冷我都一定會嗌蠔餅🦪個蠔餅勁脆唔油，點埋魚露或者辣椒醬食一流！而且入面既蠔仔大大粒，都幾多添！  6⃣️芥末牛仔粒（$108）牛仔粒好juicy🤤面頭既芥末醬比想象中嗆鼻，食落好正，夠曬刺激，而且牛柳都炒得好入味！  7⃣️雪裏紅蝦干芥蘭煲（$88）入面除左芥蘭之外，仲有啲蝦乾同埋肉

好中意食打冷既大排檔 呢間好出名 專登book左黎試一試 其實好多樣都想試 不過由於兩個人 就叫吾到太多個餸 揀左個炒蜆 水煮魚同燉湯 味道吾錯 水煮魚有得少辣 個湯好正 漏左影相🤦🏻‍♀️下次會再去試其他菜式 叫多幾個朋友一齊！可以食多幾個餸！

三陂坊有成幾間大排檔，夜晚超熱鬧。今次就同朋友黎左呢間潮州菜館，新派嘅打冷好多人推介😜餐廳位於最邊邊位置，都幾隱蔽。室內位置都稍狹窄，傾計要好大聲大家先聽到🤣🔸即滾潮汕砂鍋海鮮粥（HK$220）大推呢個砂鍋粥，有大小份量選擇，就算少人黎都可以食呢。粥底唔會太稀都唔會太實，口感岩岩好。揀左蟹同魚肉，而且可以自由配搭食材，好多海鮮選擇，散發陣陣鮮味😍🔸 椒鹽九肚魚（HK$88）經過見到每一枱都有呢個，椒鹽味唔會太鹹，好惹味脆口，咬落都唔多骨😆🔸 蠔餅（HK$88）蠔餅大大塊，蠔都算多，而且唔會有明顯腥味，食到後期就略油左少少啦😂🔸香辣炒蜆（HK$108）份量都多，食落唔覺得有沙。醬汁幾濃郁，蜆肉好入味，就咁食會有少少鹹，配飯會比較好🙂

環境：⭐️⭐️⭐️食物：⭐️⭐️⭐️⭐️氣氛：⭐️⭐️⭐️三陂坊的大排檔一條街一向是地膽和老饕的開飯聖地，而位於盡頭的醉潮館更是晚晚都坐無虛席。醉潮館在三陂坊落腳已不是一兩年的事，其前身名為心夜來潮，當時已廣受一眾食客歡迎。醉潮館主打即滾潮汕砂鍋海鮮粥，可自由配搭食材，包括鮑魚、膏蟹、蟶子王等，材料選擇十分豐富。1. 即滾潮汕砂鍋海鮮粥推薦：⭐️⭐️⭐️⭐️醉潮館必食之選，幾乎每次都要叫一鍋。砂鍋粥有大小份量可選擇，2-3人建議小份；4人以上建議選大份。粥底以生米和飯滾制而成，呈「糜」的狀態，口感豐富；同時加上冬菜提供基礎香味，用料和煮法都見心思。我們當天選了蟶子王2隻、鹹豬骨、海蝦和蠔仔。蟶子王新鮮彈牙，唔會滾到太老，整隻食好有滿足感；鹹豬骨是整鍋粥的靈魂，略帶鹹香之餘更能引出鮮味，必定要點；海蝦正常發揮，肉質唔霉但鮮味一般；蠔仔當晚有些少唔新鮮，略為失色。2. 冬菜粉絲蒸九肚魚推薦：⭐️⭐️⭐️✨坊間對九肚魚整法通常離不開椒鹽脆炸，又或是油鹽水浸，用來清蒸真是甚少見到。但今次試到的清蒸做法確實有驚喜，簡單來形容就是有鮮味的嫩豆腐。九肚魚肉質呈豆腐狀，嫩到連筷子都夾唔住，除了主骨外，其他都可以吞落肚，正確來講係「滑