酒常堯

營業中

休息中

🔶🔷🔶灣仔蘭杜街 極秘居酒屋🔷🔶🔷⬇️睇內文食評同地址啦⬇️大家都知金鐘係美食沙漠，所以金鐘番工嘅人好多時都會穿PP3過去灣仔嗰邊食野，造就左蘭杜街呢條食街。嗰日做完運動行入呢條食街，竟然發現後巷有間居酒屋。望入去平日都好旺場，膽粗粗就入去試下。少爺啤（$58）、Sapporo ($48)啤酒價錢都算平，食居酒屋真係唔少得飲酒呀。試左唔少食物，燒物火喉岩岩好，無過鹹又唔會燒燶，忍唔住order完一輪又一輪。甲羅燒（$98）雞中翼（$38）鵝肝（$108）明太子蛋白玉子燒（$58）雞軟骨棒餃子（$68）燒油甘魚餃（$128）泰式燒牛肉（$108）羽衣甘藍($32)秘製燒豆腐（$32）翠肉瓜（$28）。而家like餐廳社交平台 + 收藏openrice，就即送小食一客或者無酒精飲品一杯～ 記得要做唔好蝕啦。📍酒常堯Grill & Chill (灣仔)灣仔蘭杜街2號麗都大廈地下1號舖。@grill_n_chill_hk 。#gpigwanchai

*灣仔上班族放飯又一選擇！*來第二次，上次晚飯前經過打發時間只嚐到一兩款小食，記得價錢和味道也可以便再訪試吃午餐。店外派宣單的店員說串燒店的燒豬頸肉，燒鯖魚等是午餐大熱之選，我和同事點單選了燒豬頸肉配刈包，和是日推介巴東牛肉撈烏冬。轉刈包和烏冬都要加$10，不過胃口納悶飯吃膩了就來點小新意。出品比想像中好，串燒店燒的豬頸肉果然有保證，外面香口內裏肉嫩，配以他們自家製香而不辣的泰式醬汁，夾著烤過兩面的刈包，店員叫它做中式漢堡，味道很可以。巴東牛肉烏冬少辣很惹味，點了薏米水和羅漢果水解渴而且比汽水較為健康，適合天時暑熱。現在追蹤餐廳社交媒體網站和收藏開飯喇可得一份精美小食或一杯飲品，立即按鍵便獲贈兩隻吉列炸蠔，味道和性價比都很讚！金鐘和灣仔上班族放飯可以有多一個選擇。

<灣仔新開型格串燒居酒屋>🤩位於灣仔蘭杜街新開了一間串燒居酒屋酒吧, 佢位於一條横巷內十分隱世.而且店內以走黑色型格為主, Happy hour時間仲係3pm~7pm, 好啱收工過黎chill 下relax下😍但更意想不到佢既串燒食物質素非常高水準🤩全部即叫即燒,,上枱仲係熱辣辣好惹味, 完全感受到廚師既用心製作.今晚分別order左:~ 秘汁燒生蠔 ($76)~ A5鹿兒島和牛他他 ($198)~ 椒鹽軟殼蟹 ($78)~ 雞蠔肉 ($48)~ 安格斯牛小排 ($88)~ 蘆筍豬肉卷 ($48)~ 牛骨髓 ($188)~ 特色鴨舌 ($68)😍每一道食物都好好味, 我自己就最喜歡牛骨髓, D 牛骨精華配埋烘好既多士一齊食, perfect 👍 絕對值得回頭再食🍢餐廳: 酒常堯 @grill_n_chill_hk🍧地址: 灣仔蘭杜街2號麗都大厦地下1號舖

放工經過灣仔食街 發現一間隱蔽串燒小店店員話happy hour $88有啤酒+3串串燒就決定入去試下😋除左日本生啤 仲有兩款少爺啤我揀左少爺啤 花香味濃郁 帶有少少甜味係一款幾適合女仔飲的啤酒👍.餐廳的老闆同店員都好熱情會係bar 檯位置同客人傾計 飲野店員推介左幾款食物比我地 全部都幾好味首先來到的係泰式燒牛肉🐮筆者一向好鍾意食牛肉 哩度的牛肉香嫩味濃完全冇筋 點上泰式醬汁 非常開胃另一道菜係燒魷魚 魷魚雖然分量不大🦑但係超級新鮮彈牙 唔需要太多調味已經好好食燒雞蠔肉係今晚的mvp 雞皮非常香脆 肉質嫩滑 非常juicy.食左太多鹹野想清清味蕾就order左醃漬淮山淮山爽口 味道酸酸地 清爽開胃飲酒當然唔少得燒明太子明太子富有鹹香 配上爽甜的青瓜一齊食用剛好達到中和的作用 係送酒良物另外唔少得我最愛的雞肉丸子🐥雞肉丸子內混有雞軟骨碎 好有咬口蘸上蛋漿食用 味道濃郁又滑溜😋另外一道最愛的美食係油甘魚鮫🐟魚皮燒得香脆 魚肉帶有海量油脂甘香味美最後一款肉類係鹽燒黑豚腩🐷黑豚腩肥瘦相間 富有肉香👍.食得太多肉類 最後以燒西蘭花苗作結第一次食燒的西蘭花 估唔到都幾特別燒得乾身 撒上少少鹽食用

鍾意食串燒成日搵新地方周圍試食，剛好喺OpenRice搵到呢間餐廳，就試吓盲點串燒打吓卡！串燒必然配啤酒！我哋叫咗日本Sapporo同Orion黑生啤，平時飲開濃厚嘅 Guinness黑啤，Orion比較薄身但都ok（但影漏咗黑啤冇入鏡)。有別於日式居酒屋，點咗少見嘅港式嘢。燒魚卜爽脆得嚟有膠質，豬大腸有驚喜，令街頭小吃變得雅致，幾過癮！又好少見燒淮山、芥菜苗，清清地可以一試。整體嚟講menu選擇有新鮮感，味道、環境、氣氛、禮貌招呼都唔錯，聽講開張兩個月，值得支持香港人香港食肆。

放工後間唔中都會去同朋友啤一啤，食串燒當然係配啤酒首選🫶🏻黎到蘭杜街行幾步就會見到巷仔前有指示牌，轉個彎入巷仔就見到呢間餐廳，都幾隱世🤪▪️Happy Hour Set $88六點幾放咗工就過嚟，3:30pm-7:00pm仲可以order happy hour set，包1杯生啤同3款串燒，可以揀Sapporo/Orion/少爺本地手工生啤。我揀左帶花果柑橘香嘅少爺啤，容易入口，非常適合女士▪️雞軟骨、雞中翼、日本甜薯串燒可以10揀3，雞翼燒得好靚仔，外皮好脆😋雞軟骨香口，3款加啤酒$88蚊都值得叫！▪️羽衣甘藍$32未食過串燒羽衣甘藍，表面加上醬汁同鰹魚絲，幾特別▪️雞蠔肉 $42肉厚，食落啖啖肉，仲有肉汁幾juicy▪️白鱔$68肉質爽彈，魚皮微焦香脆▪️泰式燒牛肉$108牛肉份量好多，大約5成熟，肉質嫩滑，蘸上蕃茄洋蔥醬，味道夠fresh▪️燒黃花一夜干$138原條黃花魚燒到金黃色，脆口得黎入面魚肉唔乾，肉質紮實，加少少檸檬已經好有風味▪️辣酒煮蜆$108蜆肉無沙幾乾淨，聞落幾香，湯汁微辣▪️貴妃蚌$68大大隻好多汁，上面鋪上洋蔥，味道新鮮▪️秘醬燒豆腐$32皮脆～入面豆腐軟心，食完仲想食多件▪️免治

Ooo灣仔特色串燒吧ooO串燒款式多食材用料有質素 煮法醬汁配搭等有心思食店環境非常Chill 灣仔區的打工打有福了🍻OooooO🔸雞蠔肉 $42店員介紹是雞腰至脾最嫩滑的肉💕一隻雞只有2舊既稀有部位肉 肉嫩爽口 OooooO🔸雞腳筋 $38 掌中寶 $38掌中寶是雞掌中間的肉 雞腳筋 2款炸至口感似雞軟骨OooooO🔸山葵淮山漬物 $38以山葵蓉配搭淮山片 味道口感超爽 like!👍🏻👍🏻👍🏻OooooO🔸柴蘇葉虎蝦雞皮 $88食材的配搭出色 脆口雞皮燒蝦 滲出紫蘇葉香氣OooooO🔸秘汁燒生蠔 (需預訂) $76 生蠔大大隻 肉厚加上wasabi汁 個人十分喜歡😍必訂之選OooooO👍🏻厚燒牛舌心 $58牛舌心爽口加上紅洋蔥碎更惹味磯煮鮑魚 $108蟶子皇 時價 雞中翼 $38蘆筍豬肉卷 $42泰式燒牛肉 $108非常出色的串燒店 放工同朋友chill 下岩晒

我推薦附近反工反學放lunch或者放工可以去試試，性價比Ok⭐️環境乾淨舒適，嘢食又好食，服務態度好，我哋食左3次都系lunch，聽講dinner啲串燒好吸引，搵人去試下，我覺得Grill & Chill特別既系佢對客人既熱誠，所以真係幾鐘意佢哋

放工約朋友食餐飯。朋友介紹灣仔一間燒物餐廳"酒常燒”。一入餐廳見到裝修別緻，係居酒屋格局好有氣氛，適合三五知己飲酒食嘢傾計坐低先黎一個泰式燒牛肉，牛肉半生熟鮮嫩多汁，配上特制酸辣汁，十分醒胃。第二度菜係自家制免治雞肉棒，雞肉同雞軟骨比例恰好，加上鮮味蛋黃醬汁，食落鮮甜爽脆。再黎係明太子蛋白玉子燒，有別於一般玉子燒，只有蛋白無蛋黃，無諗過無加蛋黃嘅玉子反而可以突出明太子嘅鮮味，係別出心裁嘅料理另外辣酒煮蜆都令我十分回味辣湯辣度剛好，無掩蓋蜆嘅鮮味。總括而言，酒常燒係一間值得再食嘅居酒屋，仲要叫埋一班朋友去傾計食嘢，chill 一chill

住附近見到蘭杜街有個女仔派傳單，但唔見間餐廳！原來屈咗入巷仔先見到，夠晒隱世。見到牌board寫HAPPY HOUR 由3:30至7:00PM, 「特長」開心時光又幾好喎！仲趕得切啤啤佢就即刻點咗個$88/set, 有生啤1杯+3串串燒，真心抵！性價比讚！· 生啤 4揀1揀咗大路SAPPORO，可以揀ORION黑啤，或者少爺手工啤，之前飲過佢經典淡愛爾蘭都正嘅，下次支持吓本地啤先！· 串燒 10揀3 全部串燒即叫即燒，呢個價食到雞中翼（單點要$38㗎）、雞軟骨、雞頸、雞尾，送酒好夾！菜類我哋食咗蘆筍、秋葵，仲有青椒仔呀、翠玉瓜、冬菇、甜薯揀，參D去set度平衡吓口感唔錯。見老板侍應都好熱情，點知連D客都一樣，坐BAR枱冇耐已經識晒左右兩邊嘅酒友，鍾意呢種氣氛同人情味嘅應該會like。而家追蹤「Grill & Chill」IG同收藏OpenRice有得送精選小食或飲品啵！哈哈已領取優惠！

餐廳位於後巷位置，店員巧妙地運用投射燈令到不起眼嘅入口變得吸睛。我們被安排坐吧枱位置，吧枱面向調酒區唔係煮食區，所以唔會好大油煙，亦都方便我哋聊天。食物方面有別於一般燒烤串燒店，可見餐廳係非常有心思作出一啲新配搭。燒白貝 - 店員強烈推介，白貝鮮甜，簡單用蔥蒜提鮮，吃過白貝後記得把汁料也一併喝下。辣酒煮蜆 - 清酒煮蜆食得多，辣酒煮蜆真係第一次食。湯頭非常惹味，底下配有豆腐，十分驚喜，妹仔大過主人婆，配料比蜆肉更加出色。自家製免治雞肉棒 - 誠意之作，雞肉棒一大球配上雞蛋黃專用嘅碟，十分惹味。明太子蛋白燒 - 必叫的菜式，本身我自己非常喜歡吃明太子，餐廳特別只用上蛋白，不用蛋黃。一吃之下就明白廚師嘅用意，明太子配上蛋白係令到佢個味道更加出眾，沒有比蛋黃掩蓋佢嘅鮮味。我們另外再點了基本嘅牛舌，燒雞翼，燒飯團，整體食物出眾，環境舒服，係會再encore之選。

最近發現灣仔一間新開串燒店，去嘅時候連OpenRice都未有，但相信好快成為熱點，位置有點神秘，大家可以發掘一下🤭紫蘇葉虎蝦雞皮暫時第一次見，蝦肉鮮嫩牙彈牙，雞皮燒得香脆沒一滴多餘油份，中間滲出紫蘇葉獨特香氣，只能說，人間絕品甲羅燒也是亮點，滿滿蟹膏加上鵪鶉蛋及蔥粒，呈現傳統風味，蟹的鮮香在口中久久不散。北寄貝比omakase的個頭更大，鮮甜，師傅在調味及控制熟度方面做得不錯—————-𝙒𝙚 𝙤𝙧𝙙𝙚𝙧𝙚𝙙:紫蘇葉虎蝦雞皮**甲羅燒*北寄貝***免治雞肉棒（自家製）**雞中翼鵝肝***紐西蘭羊排白鱔聖子皇*羽衣甘藍西蘭花苗秘醬燒豆腐—————————————————𖠿𖥣 酒常堯Grill & Chill (灣仔)〒 灣仔蘭杜街2號麗都大廈地下1號舖—————————————————

同同事夜咗9點先收工搵吓仲有咩食經過見到射燈入巷仔望冇乜人就試一試佢雞翼燒得幾香懶勁同事話識食要試自家製免治雞肉棒撈蛋漿食幾滑咬口幾脆我點北寄貝同埋雞皮蝦一個鮮味一個香脆我都幾滿意兩支菜明顯唔係我叫㗎啦紫色係羽衣甘藍 綠色好似係芥菜苗不過試咗調味又幾鬼香喎要提吓士打芙推咗平平地支白酒($3xx)神之水滴個名好鬼勁係真係好易入口又清新當賀一賀我哋今日攪掂咗個project啦近近地,之後放工都可以黎HH

有幾日lunch 行過 見好多人排隊 幾日都試吾到，尋晚星期五收工6:30pm 即時同同事走去試試佢 （好在早到，7pm 已經坐滿左）好好彩 岩岩拎到酒牌，仲有本地少爺啤酒 （生啤）飲 正呀 建議試哂兩隻味 一隻果味重d 岩哂我今晚兩個人叫左以下菜式，夠食到爆 性價比高，我最鍾意佢嘅話梅車厘茄，磯煮鮑魚同埋雞蠔肉😋 A五鹿兒島和牛他他白鱔秘汁燒生蠔北海道刺身及帶子北寄貝厚燒牛舌心雞蚝肉話梅車厘茄煙肉荔枝卷芥菜苗磯煮鮑魚聽老闆講，嚟緊會搞好多Event 做會員仲有優惠👍 掂 又多一個食飯好去處 Highly recommend ⭐️⭐️

串燒店有吧枱位同普通位，行型格風，幾啱放工去食下串燒飲杯野chill下。串燒嘅種類好多，食得出肉類同海鮮嘅食材都係有精挑細選過雞蠔肉 $42一隻雞得一串兩舊嘅雞蠔肉，肉嫩肥美，超juicy磯煮鮑魚 $108鮑魚爽口，個sauce帶出左鮑魚嘅鮮味話梅車厘茄 $32糖漬嘅車厘茄，甜甜酸酸好開胃蟶子皇 時價夠哂大隻同鮮甜蒜香黑安格斯牛小排 $88燒得啱啱好，保留到啲肉汁，牛味濃郁厚燒牛舌芯 $58外焦內嫩，醬汁惹味燒雞頸 $48都係稀有部位，肉質比較彈牙明太子蛋白玉子燒 $58好有空氣感，好鬆軟，淨係用蛋白食落去會light啲燒白鱔 $68好厚肉，魚皮燒得好香脆燒雞中翼 $38鹽燒味濃郁，我鍾意食😆羽衣甘藍 $32紫色嘅羽衣甘藍比較少食到，比綠色嘅更加嫩燒黃花一夜干 $138原條黃花魚，肉質鮮嫩，唔會乾，最啱係點汁食