遊園

營業中

休息中

依家出街食飯都要搵啲少人啲嘅地方，之前聽朋友講過戲曲中心有嘢食，於是就行過嚟試吓，估唔到食落都幾有驚喜！呢個地方好闊落，可以坐喺店舖入面或者出面，如果坐出面仲可以遠望到海景。呢度有啲特色小菜，仲有啲懷舊飲品。先飲個燉湯，好足料，好滋潤小菜我哋要咗滷水拼盤，滷水鵝好入味！送飯一流之後叫咗個桂花蜜煎生蠔呢個雖然一碟得四隻，真係好大隻，好肥美蠔嘅鮮味配埋桂花嘅香甜，好正主食要咗乾炒牛河炒得幾乾身，味道都幾濃。食咗咁多重口味嘢都想飲啲汽水，叫咗鹹檸七。最咪仲食埋甜品添！呢度啲嘢食都唔錯，如果諗唔到去邊度開餐可以考慮吓

昨日約錯地方睇牙，走咗出嚟佐敦，但係錯有錯著，行咗嚟戲曲中心，建築宏偉，地方寬躺，好靚的地方！午膳時間閒蘯之中，蘯咗嚟遊園門口兩頭岳，當時好飽食唔落，餐廳楊生喺我旁邊係咁推介話不如下午茶嚟試吓佢哋嘅經典西多士；於是行吓影吓坐吓企吓等到下午茶返嚟，西多士鬆輭大份+茶走香滑可口，真係好得，講定咗今日再來。因為等阿囡放工吃晚飯，又懶得周圍行，於是由Happy Hour坐到Dinner，昨日特別預留咗蟶子皇和花尾躉，新鮮好味！今晚食乜餸？交比楊生諗，四個人食得晒咁多？得呀⋯⋯好犀利，大滿足！

今日特別駕車去戲曲中心一逛，戲曲中心有露天泊車位，但入口比較隠敝，要留意，不然很容易駛過了入口。因疫情關係，中心人流稀疏。 聽店員述，餐館都只是剛重開，所以下午茶時段只有數人。餐館裝修滿有香港七十年代特式，但廳中放了兩個大型雪櫃有點大煞風景。我們點了經典花生西多士、招牌蜜汁叉燒配化皮燒腩仔飯、奶茶和阿華田。西多士做法頗特別，四方磚造型，中間夾著花生，值得推介。 叉燒腩仔飯有點普通，未能令我們動容。兩款價錢貴了少許。本來今次光顧是想試他們的小菜，聽說做得很好，但餐館說下午安排不到，唯有下次再來品噹。Heston B 睎月藍

去到戲曲中心，一個咁有文化氣色嘅地方，食嘅4野都要有Ｄ文化氣色啦！係就係有文化，不過食既係香港地道文化！呢間茶餐廳，除咗裝修內外懷舊富中國風外，食嘅野仲好有特色，其中一樣就係早排成為熱話既芫荽麵！一坐低梗係睇睇芫荽麵係咩來頭啦～原本係車仔麵嘅形式，可以按照大家嘅喜好去選擇湯底同配料，所以就算唔食芫荽但又想嚟睇下戲曲中心再醫肚都無問題。配搭幾多，仲有另類選擇，例如花膠，鴨血，黑枝竹等。 而我地就揀咗黑枝竹、墨魚丸、牛腩，湯就更係揀芫荽湯啦！職員擺碗麵上枱仲心諗又話芫荽嘅，都冇料到。點知真係芫荽沉歸底，用匙羹搞搞下，一下成個湯都染綠了，Magic moment 就係咁簡單。個湯之外都仲有好多芫荽做配料，咪睇佢青青綠綠咁樣，濃稠適中之外，味道岩岩好亦唔會太腥，手工麵嘅質地煙韌都彈牙。 除左車仔麵之外，餐廳食品種類都好多，早午晚下午茶各有各精彩，而撞啱下午茶既我哋，梗係試埋經典西多士同芫荽滑蛋煙三文魚多士啦！西多士金黃色方方正正，厚厚地小小舊，樣子可愛，入面搽好均勻花生醬，淋埋糖漿，吸引到流晒口水芫荽滑蛋煙三文魚多士，炒蛋都幾滑，滑得嚟唔會太生，唯獨煙三文魚味道相對較濃，有少許蓋過芫荽味。 而

一碗由頭「茜」到尾既車仔麵🍜莞茜控🌱Are you ready?.首先見到碗車仔麵，已經覺得份量好足夠，而莞茜亦絕不留手的鋪滿碗面💚 可以大大啖食莞茜 好滿足呀!!試一試啖湯，好正呀係莞茜蓉湯! 無果種草青臭味, 但好香味道好出👍🏻至於配菜方面，我試了麻辣鴨血,入味但就不太麻辣; 五花腩肉 係有舊舊既滷腩肉 夠淋口; 雞翼普通 唔算太出色但夠大隻。.醬汁方面，個人認為麻辣汁最好食，至於辣汁同沙嗲汁都不太掂🤐 ***記得叫「另上」否則就會影響原本湯底既味道✨.除了莞茜湯外，仲有花雕濃雞湯，淡淡酒香加濃縮雞味🐥非一般車仔麵頓時昇華👍🏻另外仲為食試了🌽椒鹽鮮粟米，份量太少得六塊，粟米不夠爽甜 有待改善。.

戲曲中心已經開左一段時間，呢日終於有時間同朋友過黎行下，戲曲中心入面都開左好多間餐廳，我地今次去左一間食中菜既餐廳。餐廳既裝飾好有中國風，坐位又寬敞，好適合一家大細過黎食飯。餐廳每日都會生產自家製既燒鵝，可以見到廚房入面既師傅喺度整燒鵝。我地點左燒味雙拼，有燒鵝同埋切雞，燒鵝仲要係鵝脾啊，大大舊，皮脆肉嫩，好香口！小菜方面，我地點左個桂花脆生蠔，蠔超大隻，而且好新鮮，入面好多汁，而又炸到好脆，配埋甜甜既桂花醬，正！主食方面，我地點左手工黃鱔煲仔飯，冬天食煲仔飯真係好正，熱辣辣，好暖身，仲有我最愛既飯焦！食中菜又點少得養生既燉湯呢，我地點左雪蓮子蟲草花燉竹絲雞，真材實料，好滋潤！最後，食埋甜品就perfect啦！

今日放工同男朋友去佐敦覓食，听講有個叫戲曲中心開左一段時間，所以順便去參觀下，個邊好有文化氣息既建築，餐廳多係懷舊設計，好有童年回憶！今次見呢間遊園茶記門面好特別，好似返左古代咁，就被吸引左泥試喇！入面個場好大，座位好闊落，好適合一家大伙人聚餐！入面有個牡丹亭打卡位，真心好靚，真係又食得又睇得！我地兩人跟餐有雪蓮子蟲草花燉竹絲雞燉湯，入面好真材實料！之後有燒味双併，要左燒腩仔同燒鵝，燒得個皮好香脆，肥瘦均勻！仲有主菜叫左手工黃鱔煲仔飯，入面黃鱔份量好多，岩哂冬天食！再要左桂花脆生蠔，呢個真心推介，必點！個蠔大大隻好新鮮，肉質肥美，就算佢係炸既都一啲都唔會好厚粉，抵讚！再配埋清甜既桂花蜜糖，好fresh! 野飲方面有好多懷舊飲品，試左個鮮奶加蛋同牛肉汁，呢啲都係70,80年代好興。最後有甜品黑糖蜂巢糕同桃膠燉雪耳作結！啲店員仲好好傾，服務親切一流！

前排過完大海落船搵野食，尖沙咀實在太多人，所以行完少少去柯士甸站食，呢到都唔少餐廳架原來！餐牌上有唔少選擇，我地3人就每樣叫d，試下唔同野！👍🏿燒味例牌堜左燒鵝同燒腩仔，燒鵝皮脆肉滑，有d肥不過夠油香，送飯一流！燒腩仔好好食，皮好脆，肉同肥膏層次分明，高質之作！啫啫雞煲上枱時咋咋聲，仲有豬潤有d驚喜，店員幫手炒2下，然後建議先食豬潤，估唔到真係剛好熟，好滑唔鞋口，時間控制好好！另外仲叫左煲仔飯同個糖水，飯焦好好食！

懷舊好味中菜@戲曲中心第一次嚟戲曲中心，地方好闊落，正中有個木亭，嚟影吓相或者睇表演都幾好。依間遊園茶記嘅菜式充滿懷舊元素，但係餐廳嘅壁畫頗有型有款！燒味可以雙拼，揀咗招牌蜜汁叉燒同化皮燒腩仔，就咁睇已經覺得正。燒腩仔肥瘦得宜，塊皮真係非常趣卜卜。招牌蜜汁叉燒不愧係招牌，蜜汁甜而不膩，外皮燒得焦香。叉燒帶少少脂肪，鬆軟但不失咬口。滷水獅頭鵝片刀工都唔錯，獅頭鵝大隻啲，切成一片片啖啖肉，肉質結實。無骨滷水豬手好爽口彈牙，而且無骨容易食好多。潮汕滷水汁顏色有光澤，藥材味無咁重，將鵝件同豬手滷得入味。依度嘅飲品十分有特色，話梅陳皮梳打鹹鹹酸酸，飲嘅時候飲到陳皮碎塊，加上梳打強勁嘅氣泡，口感豐富有層次。菠蘿冰唔係好似舊式茶餐廳咁得啲罐頭菠蘿味，真係有菠蘿嘅酸甜味道。係依種寒冷嘅天氣，食煲仔飯就適合不過喇！煲仔飯當然要以瓦煲熱騰騰咁上，飯粒粒粒分明，夾雜咗蔥粒同芫荽好香口，黃鱔鮮美肉厚～燉湯好足料喎，材料好滋補，雪蓮子同蟲草花都係補肺腎嘅食材呢。用竹絲雞煲嘅湯唔油膩，清潤又健康！生蠔係大隻嘅桶蠔，蠔身大隻飽滿多肉。脆炸之後外脆內軟，最外圍嘅自家製桂花醬好清甜，重灑咗啲桂花乾喺面～豬排幾軟腍，椒鹽

來到尖沙咀戲曲中心呢座甘美輪美奐的建築物，感覺就像是傳統藝術與現代設計靈魂既結合。呢道環境優美，設計獨特，而且人流不算太多，跟朋友來這裏的＜遊園.茶記＞來個聚餐，寫意非常~＜雪蓮子蟲草花燉竹絲雞湯 $48＞燉湯材料非常豐富，放滿整個燉湯碗，有竹絲雞件，豬肉，雪蓮子，仲有滿滿既蟲草花，雞湯味道非常清甜，而且完全吾覺得油膩，感覺滋補暖胃。＜燒味雙拼. 燒腩仔拼燒鵝 $148＞燒腩仔用上上等豬腩肉來烤，皮烤得極脆，腩肉一層肥一層瘦，層次分明，味道剛好，不會過鹹，非常好食。燒鵝脾好大隻，視覺上已經贏曬，皮燒得又薄又脆，鵝脾肉又多又厚，而且咬落去肉汁帶甜，好食到停吾到口!!~＜咸柑桔肉排 $128＞肉排半煎焗至金黃橙色，件件都大大塊，肉厚骨細，味道帶酸酸甜甜，咬落去肉質厚而腍，非常開胃~＜豉汁排骨煲仔飯 $148＞煲仔飯即叫即造，熱辣辣香噴噴，一大煲上枱，排骨份量好多，鋪滿整煲既飯面，侍應貼心地幫忙攪勻，排骨肉汁多，醃得非常入味，配合埋微甜豉汁，惹味好食，飯底仲有少少飯焦，非常香口。＜黑糖蜂蜜糕 $30＞長碟上有4大件，帶點兒黑糖和蜂蜜甜味，入口彈牙，煙煙韌韌，清甜好吃。＜紅棗雪耳燉桃膠$48＞

今日相約老婆到九龍撐枱腳！兩個乖女各自有節目！咁就同老婆拍拖啦⋯⋯順便行吓街！恩愛一番💁‍♂😍⋯⋯🉐知😬位於柯士甸道戲曲中心建築非常宏偉！開業差唔多兩年啦都未去過！所以想去睇吓！知道嗰度有間餐廳🥢🥢☕☕遊園·茶記　🥢🥢餐廳古色古香⋯⋯非常有懷舊嘅feel！但係有比一般嘅茶記乾淨！係有時代感嘅茶記⋯⋯雪蓮子蟲草花燉竹絲雞燉湯湯頭非常香濃鮮甜！我最愛蟲草花！據聞可以增強免疫力！燒味雙拼叉燒肉質鮮嫩多汁！相當出色！燒腩仔外皮非常鬆化！肉質嫩滑！九層塔薑蔥粉絲蝦煲大蝦肉質新鮮！而且非常大隻！非常欣賞加咗九層塔！粉絲吸咗九層塔嘅香氣！佢嘅獨特嘅香氣加埋大蝦真係令到粉絲好香👍好好味👍手工黃鱔煲仔飯鍾意食❤黃鱔千祈唔好錯過⋯⋯鮮美無比！飯粒勁調味再加埋黃鱔👍好味😋黑芝麻奶凍非常香滑！又有奶香又有芝麻味！紅棗雪耳燉桃膠呢個甜品真係啱晒這個冬天！啱啱喉嚨有啲乾涸！飲咗即刻成個潤晒👍凍話梅陳皮梳打凍鹹檸七呢兩杯飲品係普通一般嘅茶記⋯⋯好少提供嘅！呢度係非一般嘅茶記⋯⋯老婆今次非常滿意！話下次都要再嚟！

戲曲中心開幕多時，一直想帶兩老來參觀看看，這次特地到這裡的中菜館吃團年飯，順便可以到處逛一下。戲曲中心獨特的流線型的設計蠻有味道的，中西合璧之餘又不落俗套。遊園．茶記的裝潢很古色古香，食品的款式蠻多的，而且價錢也合理。先來份燒味雙拼，選了化皮燒腩仔和招牌蜜汁叉燒。燒腩仔很高質！肥瘦均勻，外皮極為香脆，入口脆卜卜，肉質又嫩 。蜜汁叉燒帶點焦香，肉質夠腍咬落有肉汁，同樣好吃大冷天喝碗燉湯暖暖胃，這盅雪蓮子蟲草花燉竹絲雞十分真材實料，湯色清澈，滋補潤澤桂花脆生蠔是餐廳的招牌菜，看到賣相已經知道不得了~~每隻蠔都有手掌般大，群邊炸得焦脆，蠔身肥美汁豐，以桂花蜜調味，增添了一抹清香，吃得非常滿足，必吃菜式之一！另點了失傳懷舊椒鹽豬扒，百吃不厭的一道小菜飲品有很多傳統懷舊的飲料，例如滾水煎蛋、保衛爾牛肉汁和忌廉溝鮮奶等，很有特色。我們就點了紅豆冰和脆脆阿華田熱騰騰的台山興哥手工黃鱔煲仔飯色香味俱全，十分吸引。飯粒飯粒油光閃閃，入口卻不油膩，充滿黃鱔的鮮甜香氣甜點當然少不了，這碗紅棗雪耳燉桃膠溫潤甜美，同樣適合秋冬品嚐，養生美顏之選。

屋企既長老都習慣團年要食中菜，呀媽話上次去去過戲曲中心見到好多餐廳，所以就揀左呢間食晚飯，地點好方便，有鐵有巴士！不過唔知係咪無乜人知呢到有好多餐廳，平日夜晚都係坐滿一半咋雖然叫做遊園．茶記，不過１ｄ都唔茶記，入面裝潢好古色古香，岩晒長老，野食方面都好多選擇，有小炒／燒味／煲仔飯等等。燉湯好足料好好飲，１份都夠２個人飲，好甜無味精！叫左款滷水，個汁好出色，食得出唔係現成淨係得甜味既滷水，豬手唔太肥，肉質爽口，腩肉都層次分明，相當唔錯！小炒都夠鑊氣，上枱時渣渣聲，蝦肉爽口彈牙，新鮮！！

用Apps 訂左八點，有八折！大家黎食時，不妨訂左先，，有D鐘數時間仲有半價的呢間野都唔平呢客人唔算好多，，環境都幾好座既叫左雪蓮子蟲草花燉竹絲雞熱辣辣，足料既！幾好味豉汁山椒炒大蜆好大隻啊又無沙，啖啖肉，仲炒得幾辣，夠晒惹味好味桂花脆生蠔好正蠔好大隻，夠晒脆口，甜甜地，好香桂花估唔到甘夾！推介推介咕嚕蝦仁無乜特別喇手工黃鱔煲仔飯好大煲不過唔覺得好食鹽燒脆皮鮑魚一般般黑芝麻奶凍好香黑芝麻，好味八折左，$736

今天約咗Victor 仔去戲曲中心食晚餐，秘書小姐安娜幫我們訂了遊園．茶記，一間坐得舒服又傳統吃中菜的茶記，我有一点期待因為我第一次去戲曲中心裹面吃晚飯!六畴半到了，裝修很古典又典雅! 而且卡位又很舒服!首先我們叫了兩個中式燉湯，雪蓮子蟲草花燉竹絲雞很香濃而且很有陣陣的蟲草味，值得一讚!燒味雙拼叉燒拼化皮燒楠仔，叉燒又香又軟而燒楠仔皮脆內軟，入口即溶又咬口，感覺真不錯!值得一讚是桂花燒蠔，也可以說這裹招牌藥，桂花甜甜的炸得很香，而美国桶蠔很大隻，又香又軟，每人兩隻，吃過番尋味!台山臘味煲仔飯，用上菜果和臘味煲得很入味，冬天吃暖胃又可口，我們吃到停不了口!甜品是燉桃膠，味道香甜，加上解喝的華梅陳皮梳打，今晚真的大滿足了!