遊園

營業中

休息中

今日喺尖沙咀行咗成日街，諗住附近揾食、過咗中港城就見到有座建築物好特別😳，原來係戲曲中心，門口仲有好多食店招牌，最終揀咗呢間～其實呢度如果唔係刻意喺附近揾嘢食嘅話都唔容易見到，需要上幾級樓梯，佢門口出面都擺放咗幾張枱，有古色古香嘅感覺、裏面嘅設計都好特色！我哋兩個人一坐低即刻睇睇餐牌，可能係肚餓睇到好多都想食，叫左勁多野。首先嚟個雪蓮子蟲草花燉竹絲雞湯（係呢度嘅侍應推介）、火候夠👍認真足料～跟住呢個鹵水鵝件拼鵝肝、個鹵水汁幾香、鵝肉夠昧、但我比較鐘意鵝肝😋鹵得時間恰當、食到花椒八角味嘅香而唔太濃、味道適中，咬落仲十分嫩滑👍再嚟個桂花脆生蠔🦪、夠鬆脆香口、但個獻汁就結咗D、味道都算ok呢㷛手工黃鱔煲仔飯、份量十足，個人覺得咸咗少少最後仲叫咗飲品同甜品，熱牛肉汁依加已經好少地方有得飲（係兒時味道），雙檸柚子蜜我朋友話好香同清甜😋個黑糖蜂蜜糕唔知係咪擺得耐左先食、所以比較硬，但味道都唔錯、唔太甜👍

<呢間中菜真係好高質>👍🏻呢間喺新開既 tst戲曲中心 既遊園茶記 中式既裝修 舊式茶餐廳佈局 中菜質素好好 無論少炒 燒味 甜品都十分出色🔥🍴九層塔薑葱粉絲蝦煲 218 蚊🌿🦐一上枱黑色瓦煲熱辣辣🔥 薑葱 再加埋九層塔十分香 . 蝦肉 有6 隻 十分新鮮 🦐 蝦肉彈牙 盡吸薑葱味 底層既粉絲 足料有口感 盡吸蝦同醬汁味 正👍🏻🍴燒味雙拼 化皮燒腩仔 🐷 桶子油雞🐤148 蚊其實我唔太明白佢既桶子油雞 可能係客家菜鍾意將雞放入木桶入面整 佢既油雞 熟程度剛好 油雞油好香甜入味 雞皮爽滑 雞肉嫩滑 好味 🐥燒腩仔 皮夠香脆加埋軟骨既 肥膏同瘦肉 口感中和番好正🐷 點埋芥辣都好味🍴豉汁排骨煲仔飯🍚🐷148 蚊用瓦煲上既煲仔飯 一上枱好香 大葱 加上辣椒豉汁 🌶 飯夠多 熱辣辣飯味攻上黎 好香 排骨勁正 盡吸豉汁味 夠香滑口感 白飯飯粒分明 落埋甜豉油正🍚🍴雪蓮子蟲草花燉竹絲雞🐤48 蚊勁足料大碗既燉湯 蟲草花足料 瘦肉加上彈牙既竹絲雞🐤 落足料 湯味好香甜 好潤好正🍴紅豆冰❄28 蚊呢個紅豆冰有兒時食既級數 奶味好香 紅豆甜度剛好 細粒夠林 最正既冰係碎冰❄飲落冰凍又有口感

通常一見到芫茜做主題嘅野，都會買或者去試下，今次見到有芫茜湯底車仔麵，當然去試下，雖然地點唔係太方便，其實我覺得近中港城多過近西九，哈哈！講返食物，我同朋友order左芫茜湯車仔麵，餸有蘿蔔 (ok), 潮州魚蛋 (唔ok), 同菜 only, 因為最想飲個湯，湯嘅芫茜味夠，濃度適中，可以一試嘅。另外order左個雙拼燒味飯 - 叉燒油雞， 正常幾好味再加多左個無花果西多，西多即整，熱辣辣，無花果醬酸酸甜甜，都幾好食飲品試左脆脆阿華田，幾好飲，足料嘅總括而言，食物都ok, 芫茜控可以一試

呢間絕對唔係一間普通嘅茶餐廳，睇佢嘅裝潢同埋佈置，就知道呢間其實係一間好有心思嘅中菜館！可能因為呢間茶記係戲曲中心入面，裝修比較古色古香！食物當然就係食中菜啦，有套餐亦都有散叫。呢度仲有啲特色飲品，有啲真係好少喺其他地方見到！！食中菜最鍾意一開始先飲湯，今晚要左呢個雪蓮子蟲草花竹絲雞燉湯。燉湯味道濃郁，而且都幾足料之後叫咗燒味雙拼燒肉同埋燒鵝都幾好食！燒肉個皮真係脆卜卜！侍應推介桂花脆生蠔一碟有四隻，生蠔好大隻好飽滿！炸完之後淋咗桂花糖，花香撲鼻，好特別，好好味之後要個主食。我哋要咗黃鱔煲仔飯，份量都幾多，應該最少有三碗飯！個黃鱔飯好香、好足料 如果鍾意食黃鱔嘅就真係要叫呢個飯！之後叫咗個甜品呢個係黑糖蜂蜜糕，口感QQ，黑糖味都幾重，我覺得幾好食我仲飲咗杯話梅陳皮梳打味道幾特別，鹹鹹甜甜咁樣成餐飯都好滿意，而且今晚餐廳唔多人！如果唔係有戲曲上演，呢度人流都唔算太多，絕對係食飯傾計嘅好地方

以前做工廠的時候經常聽到收音機都播放粵曲，自此就喜歡了，今日過嚟尖沙咀柯士甸道戲曲中心參觀一吓，原來入邊有間(遊園茶記)餐館，當然要入去開餐啦。餐館設計古色古香仲好有中國式的藝術，令人感受到溫暖舒服的感覺。雪蓮子蟲草花燉竹絲雞。燒味雙拼~揀咗金牌燒鵝拼化皮燒腩仔，燒鵝燒得皮香肉嫩。九層塔薑蔥粉絲蝦煲，將爽口鮮甜的大蝦爆炒後再加粉絲十分配合。經典台山臘味煲仔飯，煲仔飯有別於我們在大排檔吃的那種有飯焦，但係食到每粒飯都掛上了臘味的香味，另加了節瓜粒一起煮成，令到煲仔飯非常有質感。甜品~紅棗雪耳燉桃膠，不會太甜，好香紅棗味道再配上煙韌的桃膠，好有層次感。左邊係凍話梅陳皮梳打，酸酸甜甜非常開胃。

今次係我第一次尼副戲曲中心，原來已經開左一年，遠處已經望到！同媽媽尼到遊園茶記食中菜首先一入到去已經好鍾意尼到嘅設計，每一樣野都濃厚香港文化，懷舊得尼又好統一坦白講，係尼個位置尼個價錢，都非常合理（食完真係覺得物超所值！）竹絲雞湯，雞味極香！亦唔會飲完成咀油，雞肉好嫩滑，暖暖地好舒服！匙羹都係好傳統，好鍾意尼啲細緻嘅美咸柑桔豬肉排，超級滑同易咬，有咸柑桔味，好開胃，比起平日食嘅京都骨或者咕嚕骨無咀重口味，但仍然好惹味鹵水鵝件雙拼，媽媽都大讚鹵水唔似出面得個咸字！臘味煲仔飯，加入左啲節瓜，感覺無平時個啲咁油膩，而且都係乾身同入味！食埋尼個真材實料，勁香黑芝麻味嘅奶凍為尼一餐飯話上完美句號！好似真係好耐無食過一餐中菜會令我好開心好滿足，平時食個啲都無咩特別，唔會 好深印象，但尼到不論環境、服務定質素都令我好深印象！

估唔到呢個羊腩煲Lamb Stew都可外賣回家食😍足料味又濃👍🏻，都有8-9件羊，又有筍，馬蹄，冬菇等等多料到🤭臨尾自己加個米粉撈一撈個汁😍😍😍回味回味。下次試吓現場對住個維港食，應有另一番味道

戲曲中心、正常都不會入去、因為有半價所以試吓這間餐廳、其實半價係好抵食、其實成餐飯就中規中矩、味道有點鹹（因人而異）但是她在餐牌上有推介的食物應該有點不準確、餐廳侍應不停推介滷水的食物、其實只是有咸味、沒有香味、水準一般。炒臘味飯、做得不錯👍🏻、瓦煲上有少許飯焦很脆口。腐乳炒通菜、師傅應該重手左少少、有點鹹。整體上這裏的用餐環境舒服、裝修得不錯、如果有半價我會再嚟試試其他的菜式。服務也不錯👍🏻為對餐牌的認識不夠透徹、可以多加改善。

地道香港人,最愛港式茶記美食簡單,味美,價錢合理,水準不錯 戲曲中心內有間餐廳經典港式加潮式美食,仲有特色車仔麵古代宮庭設計,環境都好靚,岩打卡之餘食物水準都幾好 首創鹹檸檬燉鵝湯雪蓮子蟲草花燉竹絲雞 用上獨特既燉湯配搭咸檸檬味不濃,但味道清甜易入口潮州湯水之中 一般以鴨燉湯為主這裡改以鵝燉,這種燉湯四季都岩飲雪蓮子蟲草花燉湯更加補,止咳化痰 補氣入口更為清潤 燒味雙拼招牌蜜汁叉燒配桶子油雞叉燒厚切上菜,油雞肉嫩叉燒肉帶甜香,油雞加蔥油,撈飯一流！ 失傳懷舊椒鹽豬排松露野菌雞球煲仔飯跟一般的椒鹽豬排有少許不同是好乾爽的，單純香而不膩，豬排炸得脆有辣椒絲，蔥花等配埋，越食越滋味新派煲仔飯配搭，松露加雞球燒得好香脆既飯焦，雞肉沾上濃濃松露醬香呢個配搭有驚喜，香氣滿滿，食落感覺好清爽 手工反沙芋惹味山楂糕即點即製，２０分鐘左右上菜反沙芋頭夠鬆化，只係外層糖衣太厚我本身係潮州家庭，食慣左薄糖衣凍話梅陳皮梳打紅豆冰港式特飲，紅豆粒粒夠綿陳皮特飲開胃遊園．茶記地址：九龍尖沙咀柯士甸道西88號戲曲中心地下2-3號舖營業時間：星期一至星期日  上午11時至晚上11時電話：（852）2320-7455

喺戲曲中心入面嘅一間茶餐廳雖然佢就話自己係茶記但係其實入面咩都有得食呢度裝修得好靚我今日晏晝去食咗個車仔麵呢度主打出名係芫荽湯底由於我自己唔識芫荽 所以我就嗌左原味清湯配料方面我就點左潮州手打牛筋丸 豬大腸同牛柏葉至於面底我就揀左台灣百年老字號手造面車仔麵我覺得普普通通 下次嚟唔會再點 另外帶咗個抹茶菠蘿包雪糕呢個反而有驚喜首先賣相好吸引然後菠蘿包食落去有淡淡的抹茶香味配上紅豆同埋雪糕 好有創意我睇佢個餐牌其實佢小菜都有好多選擇下次有機會夜晚可以再嚟試吓

發現新大陸系列，上次響戲曲中心影相發現原來嗰度都有幾間嘢食，人流偏少唔洗響鬧市區同人迫，舒舒服服夠隱世，今次就揀咗呢間遊園茶記，裝修有啲古時客棧feel，牆上啲花花畫勁靚囉最近天氣涼開始鐘意飲湯，揀咗兩款：首創鹹檸檬燉鵝湯/雪蓮子蟲草花燉竹絲雞，前者聽個名好似好過癮但飲落其實唔覺鹹檸味但陣肉香幾討好，而後者就標準燉雞湯，入口夠油潤叫咗個燒味雙拼就揀咗招牌蜜汁叉燒同化皮燒腩仔，燒腩皮脆唔會過硬，叉燒就有啲過肥，有飯送會好正，就咁食就膩過頭喇超愛呢個桂花脆生蠔，炸熟咗都係超級大隻，成隻雞搥咁，脆皮意外地鬆薄，入面炸蠔口感依然好juicy啖啖軟肉冇炸過龍，另外桂花蜜解膩之餘其清甜感令味道層次更豐富，畫龍點睛松露野菌雞球煲仔飯，大份到上菜時嚇親，夠裝到成五六碗，其實松露味唔算重，但好多菇菇而且雞球都幾滑，仲有飯焦落啲頭抽撈嚟食好正甜品有黑芝麻奶凍同手工反沙芋，前者更似個特濃芝麻慕絲，芝麻控應該會食上癮，反沙芋個糖皮整得幾出色，但我整身麻麻地芋頭，朋友食到津津有味就是

芫荽湯車仔麵的淡淡芫荽味好香，台灣百年老字號手造面有咬口，但湯底可以更濃一些，可能因為我沒有選擇任何醬汁，會再去一試金牌滷水鵝飯超出我預期的好吃，本人比較喜歡吃半肥瘦，加上酸菜芽菜及辣椒油的配搭，大愛

今日應朋友仔邀請陪佢去食朋友已食過幾次,不停推介真係拎起心肝去試下加上晚上約了朋友係佐敦其實都比較難專登去呢度食😅宜家又冇咩自由行所以冇咩人，真舒服去到時已經17:30,原來佢17:00 截下午茶😑因為朋友多數食夜晚，所以想去試下個tea time最主要係想去試莞茜湯底嘅車仔麵(寫冇味精)起初見佢餐牌時，見佢都多款式選擇仲有特別野食，朋友之前食過"無花果西多士"超贊喎。但今次冇食，佢話想試新野最後叫咗個👉🏻芫茜湯車仔麵(叫咗三樣餸👉🏻湯底真係好濃郁應該係打碎d 芫茜👍🏻麵底係佢話手工制台灣麵，黑支竹，魚皮，秘制豬肋骨🤔見佢寫秘製)+反沙芋麵底煮得太腍冇彈性👎🏻，黑支竹有d 味啦👌🏻，魚皮唔掂👎🏻唔多脆，豬肋骨好腍但食唔出點秘製囉😅，反沙芋$78(得 6條)太貴,外面d 糖比較硬咗d ,算係可以嘅👉🏻話晒功夫菜因為距離晚飯時間唔多遠，所以倆個人只叫簡單d服務一般啦，自己去拎水或茶總結：芫茜湯👍🏻👍🏻

與友人慕名而來叫左多士及芫荽湯車仔麵及紅豆冰多士好普通，唔夠脆芫荽湯車仔麵，我叫左鴨紅、魷魚及翼尖先喝一口湯底，好重芫荽味，但無想像中夾。最好食係鴨紅，但太咸，翼尖及魷魚一般口味囉成碗麵整體得死咸及勁重味精最差係杯所謂的紅豆冰，紅豆好硬，飲落淡淡的，好似飲緊奶水咁

前幾日去左⛩戲曲中心食Lunch🍽今次擇左🍀遊園。茶記🌳 如果係西九行過去戲曲中心門口...餐廳位置有小小隱蔽...第一次去既朋友可能要花小小時間搵記得係地面個層售票處行上去一層樓梯就會見到一間餐廳...再行入小小就會見到🍀遊園。茶記🌳😉平日中午都有好多食客（食客大部份都係係附近返工），一入到去見到好多人都只叫兩類食物🍚燒味飯 芫茜湯車仔麵🍀🍜我就擇左招牌蜜汁叉燒拼燒腩仔+一杯熱飲 = 套餐價錢 HKD68 禁熱天氣我就擇左凍飲+ 多2蚊💰💰叉燒肥瘦比例平均，味道燒腩仔🐽主要分四層😋一層脆皮，一層肉，一層細細肥肉，最後個層🐽燒肉比例就好似 1: 2 :1 :3另一款比較多人叫🍀芫茜湯底 (加$5 )🍀車仔麵🍜 成碗車仔麵🍀青翠色🍀好吸引😍😍味道就吾知係點，下次會試下🤣如果叫🍜車仔麵🍜既朋友要注意，有最低消費浄餸配清湯要叫夠50蚊💰💰