逸東海景燒烤場 (已結業)

之前嚟過幾次，環境清靜，食材ok，價錢合理，一班人bbq吹水飲酒係唔錯，盡興而歸，雖然唔算就腳，大家啱時間都會嚟約bbq。但係今次燒燒吓好哋哋，有個阿叔手機播電音音樂，仲要50-70s音樂真係頂唔順😵‍💫破壞晒氣氛。

咁耐先係第一次去東涌bbq，個到真係有啲遠，但我覺得比其他場冇咁好既係佢冇得泊車，要泊係對面逸東停車場，出面有好多燒烤場出面都有得泊車。好啦，入到去bbq，因為太懶唔想用手拎住，就買左個網黎將啲食物放係上面，呢到幾好，每個人送左一隻扇貝比你，都大大隻，食物款式種類都幾多，佢有一個位係比你自助去包野食，即係用錫紙自己整啲牛油呀蒜蓉咁卷埋去，我覺得唔錯，可以根據你想要既份量去包，而我因為好鐘意蒜蓉，落左勁多落每一包到

以前去過好多燒烤場，一係就pick 好一份份食物比你，一係個場就好污糟。但今次比左個新體驗我wor。黎到會見到啲比小朋友玩既氣墊滑梯，要收錢😭再跟住就選位同開爐，買左個燒烤網都幾方便（少少貴）首先佢的確係任食任拎既，見到成車蕃薯好心動。但除咗食物樣樣都收錢。好既係佢起碼明碼實價，唔好既係冇咁盡興，成日都要拎銀包出黎。雖然肉類都唔係咩靚料，錄左片就放唔到上黎比大家睇，但想食可以免費自己拎野食入儲物空間拎，好乾淨衛生喎💯但野飲就唔得了，要另外收錢。

✨東涌兩手FingFing BBQ✨ ✨東涌兩手FingFing BBQ✨ #mayfoodie_tungchung好多年冇BBQ了🙈 上個禮拜特登同朋友book左呢間位於東涌嘅兩手揈揈BBQ😋燒烤場嘅位置位於東涌大圍坑村… 燒烤嘅時候可以睇到海景🌊👍👍 同埋都冇時間限制餐廳可以提供燒烤的食物種類唔少, 可以隨意任食😋 不過如果帶外來嘢飲嘅話, 每個燒烤爐要另外收費hkd 100啊——- Rating ——-食物: 7 out of 10環境: 8 out of 10價錢: 6.5 out of 10——- Information ——-📍 逸東海景燒烤場 (東涌)📍東涌逸東村大圍坑村20號地舖好多年冇BBQ了🙈 上個禮拜特登同朋友book左呢間位於東涌嘅兩手揈揈BBQ😋燒烤場嘅位置位於東涌大圍坑村… 燒烤嘅時候可以睇到海景🌊👍👍 同埋都冇時間限制餐廳可以提供燒烤的食物種類唔少, 可以隨意任食😋 不過如果帶外來嘢飲嘅話, 每個燒烤爐要另外收費hkd 100啊——- Rating ——-食物: 7 out of 10環境: 8 out of 10價錢: 6.5 out of 10——-

✨東涌兩手FingFing BBQ✨ 好多年冇BBQ了🙈 上個禮拜特登同朋友book左呢間位於東涌嘅兩手揈揈BBQ😋燒烤場嘅位置位於東涌大圍坑村… 燒烤嘅時候可以睇到海景🌊👍👍 同埋都冇時間限制餐廳可以提供燒烤的食物種類唔少, 可以隨意任食😋 不過如果帶外來嘢飲嘅話, 每個燒烤爐要另外收費hkd 100啊——- Rating ——-食物: 7 out of 10環境: 8 out of 10價錢: 6.5 out of 10——- Information ——-📍 逸東海景燒烤場 (東涌)📍東涌逸東村大圍坑村20號地舖

原本聖誕節一家人好開心去燒野食，先講食物種類真係唔多，味道亦一般，但最大問題係職員態度極差(應該係一家人)，事緣本身獲發每人1枝燒烤叉，但其實燒燒下都會污糟同黑，於是拎多幾枝備用，但當燒左已經接近3個鐘，無啦啦有個呀叔衝過黎鬧我地話我地拎左佢幾枝叉(呀叔本身已經成晚企我地張枱隔離，好似保安咁監視我地，燒左3個鐘先發現其實真係無咩可能🤷‍♀️可能果3個鐘佢盲左)最重要係坐低時佢都識講1包炭要50蚊，咁好心就講定燒烤叉要錢啦，又無講唔拎得，咁點會知唔拎得？就喺理論緊既時候，佢地仲要走多5，6個人出黎一齊兇我地，有個男人婆大媽仲要話我地係咪唔識睇字，話佢地有貼住1人1叉，同埋1人1叉係常識啦（老實講，無試過燒野食淨係會1人1叉囉，d叉會有機會掉落地/會燒黑變污糟，係常識啦？😂同埋大家請睇下圖片，請問佢張紙貼左喺邊度？反而淨睇到佢地偷左人地超市好多架手推車，一班賊好意思話人地🤣🤣）其實本身係好少事，我地又真係唔知唔用得（咁矜貴應該鎖落夾萬啦），你地講聲咪得囉，唔駛5，6個人圍我地既🤣（btw,我地俾左錢買果幾枝叉，講到尾想要錢姐，唔需要鬧人既，d錢拎去執藥啦！有病係要及早醫）總之呢間垃圾鋪頭永遠

好多年無去過 今次去好多野完全晤同曬完全唔認得 好多人 上個星期六打去話Full左所以book左星期日 假期要去就要早啲book位去到入場收費先 大人$188/人 小朋友晤記得$1xx 有免費遊戲送有桶圈拋落啲啤酒樽到 中左3個 有D禮物送 仲有彈床玩 好大個充氣床以前好似係晤洗錢 宜家就$40 個小朋友無時間限制 我覺得都抵玩 起碼可以有手燒野食 個燒烤爐就係彈床前面可以睇住小朋友玩 Very Good建議玩彈床早D去 越夜越多人有撈金魚 不過無玩到 野食ok 服務晤差 全自助式以前有茶葉蛋 好好食老細話而家無整了越做越大

幾個家庭約埋一齊bbq佢地4點開門 去到門口原來要打電話入去開門攞左個海景靚位先跟住擺低野同小朋友落沙灘捉蟹 執貝殼玩左一個鐘就上番去準備燒野食師傅起爐竟然不用1分鐘 大開眼界我地就坐係攞野食出面 夾野食勁方便小朋友出晒去玩彈床 大人就燒好d野食等班大帝玩完番嚟食個場話大晤大 話細晤細 野食乾淨企理 食物補得快 不過燒烤網好似要另加錢 包1個野飲飲完就係番士多買 因有小朋友係到 無得啤一啤睇傳單係仼食六小時但我地過晒鐘都無人叫我地走

真是不明白點解場地負責人將啲佢哋聲稱嘅壞咗既凳係我哋燒烤隔離，冇去處理不止，反而話我哋擅自攞咗去用，最尾我個friend走坐到跌咗落地下，成個人跌低咗意外地撞左部公仔機跌爛咗，而且個公仔機仲要擺喺路中間唔係靠牆下面仲有樓梯。跌到成地都係玻璃碎，場地負責人見到一見到就要求我哋即刻賠錢，話全部都係我哋嘅責任，之後又話一人一半，又話錢唔係問題，如果唔俾錢就唔俾走，野都唔俾你燒直接去差館搞，佢哋態度勁差仲要講晒粗口咁，似足成個黑社會，最尾賠完錢個個下，負責人仲笑得好開心，我個friend已經因為佢哋嘅疏忽整傷左，爭啲比玻璃碎吉親，對於佢哋嚟講錢仲重要過顧客嘅安全，完全冇咩點關心過，真係俾錢入去消費仲要受罪…..

而家疫情都無咩地方可以去唯一選擇就係去户外BBQ起碼空氣流通d 環境晤錯 彈床暫停左旁邊有好大個海灘可以帶小朋友落去玩的 見其他小朋友都捉到好多蟹同蜆泊車係商場 行過去都算快的入到場食物係全自助可以係士多拎飲品遲d彈床開番會再去幫襯

之前打過2次電話去都full左我唸應該疫情關係。 今次終於book到la ，6點後限堂食令 所以同老公一早出發 12點入場每人包1罐汽水 餐具，蜜糖 都係自助式仼用 但紙巾無包 隔離有洗手盆末試過咁早燒烤 人吾多 坐海邊 環境都幾舒服 乾淨燒烤場後面位置有三尊泰國彿像老闆話有免費香 喜歡既自行拜就可以了食物方面 咖哩魷魚 辣雞翼 都係入味好食 睇留言話必食係炭爐茶葉蛋但係老闆話而家已經無做了🥲無緣一試 燒到6點 就準時叫我地走了希望下次晚市可以再黎過

坐既位置旁邊對住海，海風吹來好舒服，加埋一邊燒埋野食，心情都好愉快。職員都nice。食物都係正常款，由4pm燒到夜晚，都食到幾飽。咁耐冇BBQ，今次都留下一個好印象。

貼錢買難受，職員態度惡劣，有個阿叔鬧啲客唔鐘意可以唔好來，全程好似巡邏咁，想趕人走，職員個個黑口黑面，眼神唔友善，食物種類少，價錢唔合理，聖誕節每位加$50，環境擠逼，環境唔衛生，非常失望！

勁差的BBQ體驗今日成班朋友本身開心燒嘢食，燒到10pm，店員行過嚟話要閂門，之後即刻拎啲保鮮袋出嚟裝曬我地未開始燒嘅食物，再拎埋個磅出嚟 磅重收錢！當堂眼都突👀 啱啱先比完入場費$208...再比食物錢.....個個朋友都呆咗😂 吾會再去了!!!!!之前都去過其他BBQ site，都未試過咁，今次真係可一不可在。場地亦無提供紙巾，都幾吾方便....Will never go again and not recommend to go !!

本身打算和家人一起到燒烤場共渡假日，看見這間餐廳有「海景」，覺得頗為吸引，但原來只是兩張枱的顧客可見到「海景」。而且某些員工態度極惡劣，邊喝酒邊回答顧客的問題，語氣極差，使人失去興致。而且環境十分擠迫，完全沒有防疫措施，食物都沒有位置擺放，失望。 加上位置十分隔涉，花很多時間前來，竟換得如此待遇，而且在場有人喝酒胡亂發瘋，亦沒有職員維持秩序，十分嘈吵，希望貴餐廳可以改善一下，服務質素的確需要再提高。