逸東小館

營業中

休息中

大埔真係一個卧虎藏龍嘅美食地方，好多貼地嘅小店，今日行過橫街，正正巷頭段位置，見到門面唔算大但有2個古代圖案吸引左係一間上海小店，中午時段都多人，但座位都寬敞，小店來說唔會有壓逼感，裝潢都用上一d古代圖案及節氣名….✨花膠雞麵配上海麵🍜大大塊的花膠，即時覺得滋補最滋補；雞肉肉質嫩滑，雞湯湯底味濃，飲得出熬製時間長，配上幼身上海麵✨南乳炸雞翼配油麵🍜炸得非常之香口，而保持雞翼的嫩滑，南乳味唔會過咸，油麵配上雞湯✨韮菜蝦酥鮮肉雲吞雲吞好足料，韮菜及蝦酥味配豬肉，每啖食落都香氣滿滿，大大粒滿足✨蘿蔔絲空氣春卷炸得乾身唔油，香脆可口，作為餐前的小食正合不過✨跟餐飲品半價點了咖啡及利賓納梳打價錢貼地，雞湯麵🍜雞湯底濃，食完碗麵真係會跟手飲埋成碗湯，小店嚟講做得唔錯，職員很有禮貌，下次嚟會試下客飯

今晚凍凍地想食暖胃嘅食物，於是去咗大埔東昌街搵食，街道短短，但係食肆都吾少，見到呢間位處轉角位嘅［逸東小館（大埔）］，門口餐牌見有鍾意嘅雞湯雲吞就入去試吓😁呢個餸第一口當然要先飲啖湯，果然真材實料而且無味精，喝後無口渴，蝦仁鮮肉雲吞吸盡湯汁，皮又薄又滑，鮮肉餡料充足清甜，蝦仁大隻無雪味，有水準👍🏻韭黃芽菜炒鱔糊色澤鮮綠，鱔魚切成條狀，同新鮮的韭黃炒製而成，口感鮮嫩滑潤，鱔魚肉質細嫩，韭黃清香，成碟餸味道鮮美😋麻香芽菜以鮮嫩爽脆的芽菜為主料，麻辣味適中，值得推介📍小食叫咗蘿蔔絲空氣春卷、南乳炸雞翼和炸豬扒和鮑汁豆腐，炸物方面做得好出色，皮脆肉嫩，醃得入味又吾會過咸，鮑汁豆腐食落似臭豆腐，味道吾錯，係用心製作嘅小食💯餐廳仲提供兩杯免費果茶，解膩解渴，適合作為餐後飲品💕

食過逸東餃子好食，今次見到隔離開左間逸東小館決定試下。超巨型花膠雞米線：花膠的size有大半個碗咁大件，花膠發得好靚，有一定厚度，咬落軟身，雞件都係靚部位，我叫左通心米線，啲米線可以吸哂雞湯☺️招牌雲吞叫咗鮮菇蟲草花鮮肉雲呑拼韭菜蝦酥鮮肉雲吞。鮮菇蟲草花鮮肉雲呑好香蟲草味，帶菇菇的香氣。韭菜雲吞就相對重味少少，帶咸香。另外必試南乳雞翼！個南乳味好香，雞翼好入味，外皮炸到脆卜卜，好好食我再試左個蘿白絲空氣春卷，春卷空氣感重，所以咬落好香脆，咬到入去會食到咸香的白蘿白條，中意食脆卜卜炸物可以試下。

逸東餃子旁邊開咗新分店，係逸東小館，有好多客飯湯麵等等。除咗食物種類同隔離唔同之外，座位亦更闊落。韮黃芽菜炒鱔糊菜飯餐會配一份前菜同飲品。鮑汁豆腐口感正常，吸滿鮑汁嘅味道。炒鱔糊的份量豐富，味道濃郁，鱔肉亦很爽口，每一口配上菜飯非常之合適。薑蔥油雞扒麵麵底為上海麵，上海麵為較幼身嘅麵質，口感唔會太過淋。雞扒嘅賣相很吸引，表面香脆金黃，每一口有非常脆口嘅雞皮加上肉質鮮嫩嘅雞肉，薑蔥醬更為味道更添上一層層次，既邪惡又好食 。韭菜蝦酥鮮肉雲吞雲吞皮很光滑帶點彈牙口感，內裡香濃嘅韭菜加上濃郁又帶點脆嘅蝦酥口感好特別，各種濃郁嘅味道亦令雲吞味道豐富。客飯跟餐可以配一個飲品，好少見有利賓立梳打，即刻試咗，加咗soda water嘅利賓立，味道會無咁甜～

早幾日去咗大埔一間新開食上海小菜館 - 逸東小館，呢間本身呢間有以餃子🥟同的小店，老闆開咗呢間主打上海小菜。晚餐都有不少選擇，有客飯、湯麵餐，我就點咗客飯，包小食一款同自己家製花茶配菜飯，我揀咗韭黃芽菜炒鱔糊 + 鮑汁豆腐+ 菜飯 ，再加了招牌南乳炸雞翼。好耐冇食過韭黃芽菜炒鱔糊，味道唔錯，有點像以前媽媽煮的家鄉味道，雖然鱔肉不多但整得幾好，同埋蠔油汁用嚟撈菜飯真係好夾。鮑汁豆腐好入味，豆腐嫩滑。南乳炸雞翼有驚喜，好香南乳味道，又唔會好咸，好好味。

逸東小館位處大埔一條相對比較幽靜的橫街，沒有大街上的喧鬧，但卻掩蓋不了小店的人情味，用餐期間也有不少熟客街坊來吃個簡單晚飯，聊聊時事，好不熱鬧。招牌雞湯麵的配搭多不勝數，但唯獨花膠雞麵最吸引，大大塊花膠的口感軟糯，女士感覺最滋補；雞肉有髀位，肉質保留到嫩滑，感覺好滿足呢！湯頭清澈而不失鮮美，配上米粉是剛剛好。如果飲茶時偏愛蘿蔔絲酥餅，那麼逸東小館也有這一味蘿蔔絲空氣春卷，來點香脆可口的小食作為間奏，再吃其他菜式。逸東另一款招牌菜：手工雞湯雲吞，種類繁多，少少貪心的我叫了個雙併：蝦仁鮮肉雲吞拼沙嗲牛柳鮮肉雲吞。蝦仁鮮肉雲吞十分大粒，像個乒乓球，而其中的蝦仁也是大大隻，每啖也能吃到蝦和豬肉。至於沙嗲牛柳鮮肉雲吞是創新的口味，沙嗲牛味道濃郁，想不到成為餃子餡仍然很彈牙，愛牛者必試。無容置疑，逸東小館的雲吞餃子仍然如剛開店般出色，有傳統的味道，又有創新的意念。看到鄰座正在品嚐新推出的鱔糊和獅子頭等上海菜飯，相信也要找個機會再來試試。

豉油西餐重開，變成逸東小館。想不到新張第一個星期，竟然做全單半價優惠，看餐牌定價也不算進取，半價太慷慨了，有點擔心一個星期後縱壞了客人，嫌貴不來。一開始看了推介，直接為花膠雞麵而來，花膠真的很大塊（如圖）有夠誇張的；雞件屬水準之作，反而我覺得通心米線並不算掛湯，下次可能叫上海麵好一點。唯一美中不足是湯頭並沒有像介紹般的濃郁鮮甜，是因為新店客人太多？而且很多東西已經沽清。隔了幾天再訪，今次叫了芽菜韭黃鱔糊和蝦仁韭黃炒蛋，鱔糊炒得不錯，鱔段份量不少；蝦仁韭黃炒蛋就有點奇怪，好像三樣東西貌合神離，蝦仁爽彈，但沒有味道，好像直接鋪在蛋上，韭黃下的慷慨，但好像和雞蛋各自為政；但雞蛋尚算炒得嫩滑，韭黃亦非常新鮮。小吃鹵豆腐和辣豆芽相對出色，花茶亦好飲。作為一間新店，當然還有進步空間。而店員有禮，取價亦都合理，市道低迷，希望逸東小館加油。

今日到大埔墟，見呢間舖試業期間follow 社交平台 半價，於是嚟排隊試試。本來想食南乳雞翼但沽清，最後揀咗飯餐，十分失望。韭黃芽菜炒鱔糊+鮑汁豆腐(2件)+熱情果玄米綠茶(凍) 原價$72，半價$36。食物上枱時只係微暖，明顯熱度不足，無哂菜飯，只能跟白飯，但用外賣盒裝白飯同配菜，食物仲要唔熱，已扣分。炒鱔糊有啲咸，似係用蠔油炒，鱔肉有14小條。鮑汁豆腐好普通，唔太啱心水不評價。全部食哂都唔夠飽，又唔特別好食，好彩半價36蚊，原價真係完全唔食佢。成個餐只有熱情果玄米綠茶幾好味，清清哋唔太甜，但無乜玄米味。埋單36蚊，整體嚟講味道好普通，食物無乜特別唔吸引，試業期間人手不足，如果客人走數真係無人留意到。