逸東小館

營業中

休息中

晚上路過這間小店，覺得環境氣氛不錯，於是點了以下食物：首先韭菜蝦仁炒蛋，炒蛋滑，蝦仁大顆，加上大量韭菜混入炒蛋，非常香。然是鱔糊，鱔量多而且脆肉又大條，食材足夠新鮮。再來是燴獅子頭，厚大的肉球，一顆大小比自己膝蓋還要大,多汁而外皮脆內裏嫩肉，配底下大塊的小棠菜分量亦很多，合併起來有2點幾棵，飽肚之選。晚市套餐會附送的前菜，點了麻辣荳芽，爽辣入味，像極韓國泡菜。同時選了菜飯，透出淡淡的白菜香氣，而且非常大碗。重頭戲是花膠雞麵米線，最大特色是通心米線，麵身較一般米線粗一陪，但彈牙而滑，加上雞湯味香濃，與雞件非常融洽，而花膠方面則十分誇張，與洗臉巾大小近乎一樣的大小與厚度，對於只需85元來說，簡直超值。

身為一個大埔人，成日都會捐窿捐罅搵美食，逸東餃子好出名，知道佢開咗一間分店，除咗食餃子，仲有上海小食同埋客飯，當然可以錯過，新店座位好闊落坐得好舒服✨韭菜銀芽鱔糊撈麵$75呢樣上海名菜已經唔係好多餐廳會整，非常多嘅鱔糊絲，而且仲要大大條，鱔肉已經起晒骨，入口啖啖肉，韭菜銀芽炒得好有鑊氣，調味亦都相當好，配埋油麵一齊食就最夾✨醉雞撈麵$65份量好多，而且用咗雞髀肉，肉質軟嫩富有彈性，不能煮得過柴，而且仲有淡淡嘅花雕酒香，就算平日唔鍾意飲酒嘅朋友都一定會鍾意呢一種味道，肉汁同酒香完美地融合✨韭菜蝦酥鮮肉雲吞雲吞皮相當薄，一啖咬落去，豬肉嘅肉汁流晒出嚟，豬肉相當新鮮，有咬口，韭菜嘅份量十足✨沙嗲牛柳鮮肉雲吞好少見到沙嗲牛柳攞嚟做雲吞，絕對唔可以錯過，沙嗲有好濃嘅花生香味，牛柳做得好入味，原來攞嚟做餃子都咁夾，湯底配上招牌雞湯，非常清甜唔會有味精

親民美食小館大埔出名多美食，可謂臥虎藏龍，逸東餃子固然出名，然而其孖生店舖逸東小館亦同樣不俗。有出名的招牌雲吞，有機會經過的朋友必須去試一試！雲吞拼蝦仁鮮肉雲吞新鮮的蝦仁和鮮肉配搭薄薄的雲吞皮，口感滑嫩，爽口彈牙。很明顯是用新鮮的食材，而且湯底清甜，清淡爽口！醉雞麵雞肉肉質鮮嫩彈牙，酒的醉香融入雞肉和麵中。非常入味！湯底味道濃郁而不油膩。能夠食出層次感。南乳炸雞翼咸甜口感讓雞翼嘅味道非常豐富，雞翼外皮炸到金黃鬆脆，但裏面的肉質卻很鮮嫩，咬下去的感覺口感非常好！炸豬扒外酥內嫩，認真一流！

餐廳前身係豉油西餐 印象唔錯 轉完之後特登嚟支持一下 價錢唔貴 食物都是新鮮製作 座位不算多但好乾淨企理-比較出名嘅係 招牌雞湯雲吞款式同出面有少少唔同 有特色例如鮮菇蟲草花鮮肉 韭菜蝦酥鮮肉我就比較鍾意有 韭菜口味 加入蝦酥好香大大粒 好飽肚 仲有個湯 足料！最平$40左右 最貴$60 仲可以雙拼😌招牌雞湯麵 用一樣的雞湯 呈金黃色揀咗花膠雞 勁大塊 花膠口感爽滑彈牙湯底雞味都幾濃厚炸豬扒菜飯 好彩仲有豬扒炸得香脆鬆軟 菜飯有油香春卷 有驚喜！ 餡料係蘿蔔 好淋 外層薄脆每日人手包製 唔係工場製作的大路嘢飲品都係自己煲 檸檬茶無冰 幾好👍仲有蘋果花茶都幾好飲食得好飽

大埔既隱世小店，主打招牌雞湯手工雲吞和雞湯麵，此外還有醬油撈麵、擔擔麵及各種客飯套餐。餐廳裝潢以二十四時節為主題，色彩繽紛。醉雞擔擔麵醉雞食落有雞味，有淡淡既酒香味，表面有少許杞子吊味。擔擔麵底是幼麵，麵質較軟，麵上有鋪滿花生粒、肉粒和榨菜佐以食用，湯底有淡淡的香味，調味適中，不會太濃式太淡。旺菜鮮肉雲吞雲吞內有鮮豬肉餡和新鮮旺菜，鮮豬肉肉質嫩滑多汁，鮮味十足，旺菜清甜爽口，加配通心米線，雞湯融入米線既通心位置，效果相當掛湯。南乳炸雞翼外皮炸得香脆可口，內裏雞肉鮮嫩多汁，肉質嫩滑，有淡淡既南乳香味。鮑汁豆腐豆腐外皮酥口，內裏豆腐嫩滑，鮑汁味濃郁，煮得相當入味。樽仔奶茶 / 豆漿

平時好少嚟大埔唔知邊度有好嘢食，見到呢間小店門口幾特別就入去試吓，估唔到都幾有驚喜。菜飯套餐同選麻辣荳芽、醃蘿蔔、鮑汁豆腐其中一種前菜。燴獅子頭 獅子頭夠晒大粒，啖啖肉有口感，醬汁味道夠濃郁。韭菜蝦仁炒蛋炒得都唔錯，蛋夠嫩滑，蝦仁彈牙加上韭菜香味，正😋招牌雞湯旺菜鮮肉雲吞餐廳嘅招牌雞湯雲吞，絕無味精用原材料熬製，飲落有好鮮甜，唔會過鹹，旺菜鮮肉雲吞餡料亦比到足超大粒👍🏻。南乳雞翼外脆內嫩，鹹香味突出。樽仔奶茶+鴨屎綠檸檬茶逸東小館 (大埔)大埔東昌街2號地舖

✨逸東小館（大埔）周圍搵食見到呢間新開嘅餐廳 ～人流都幾多同埋都幾多人叫外賣食喎😛價錢唔貴同埋menu都幾多選擇▫️醉雞擔擔麵好有酒香 雞肉食落嫩滑擔擔麵湯底好岩重口味人士😆▫️蘿蔔雞麵轉通心米線蘿蔔清甜 雞肉份量都幾多 叫左通心米線好吸湯 個人覺得幾好食😆▫️沙嗲牛柳鮮肉雲吞拼蝦仁鮮肉雲吞叫左雙拼 一次過試曬兩隻口味 雲吞好大粒同飽滿！皮薄餡靚 沙嗲牛肉餡好特別所以叫黎試吓～食落沙嗲味濃郁 幾好食！蝦仁雲吞都好真材實料 ▫️凍啡▫️凍蘋果茉莉花茶

天氣轉涼，想食一碗熱辣辣嘅湯麵，今日見到大埔呢間小店，主打係雞湯麵，於是決定喺呢度用餐。鮑汁豆腐有四件，有好多醬汁，豆腐吸收晒汁嘅精華，食落去甜甜地，而且仲有滷水味。蘿蔔絲空氣春卷一碟有兩件，好大條，入面都係蘿蔔絲，而且仲係即點即炸，超脆！蟲草花雞麵 米線我選擇咗米線，米線同其他舖頭嘅有啲唔同，比較粗身，好有口感，雞湯食得出係真材實料，而且雞件亦都有好多舊，仲有好多蟲草花，性價比好高。滑雞麵 油麵另外一款，朋友選擇咗油面，估唔到雞湯配油面呢個配搭都出奇地好食。餐蛋鮮肉雲吞拼沙嗲牛柳鮮肉雲吞雲吞方面，我哋揀咗兩款比較特別嘅，餐蛋先肉雲吞麵真係有好多一粒粒細嘅午餐肉，沙嗲牛柳鮮肉雲吞口感比較結實，味道亦都相對上濃郁。鴨屎綠檸檬茶最後我哋都點咗兩杯鴨屎綠檸檬茶，檸檬茶好香，而且冇加冰，茶味濃郁。

🩵鮑汁豆腐一份有四件，豆腐好淋身～ 外皮好入味～🩵 炸豬扒薄身炸豬扒，唔會炸到好油膩，調味都ok😛🩵韭菜蝦酥鮮肉雲吞拼鮮菇蟲草花鮮肉雲吞雞湯完全無味精味，雲吞餡粒粒都好飽滿，雲吞皮唔算薄，食完8粒都幾飽肚😆🩵 滑雞擔擔麵雞肉算滑身，擔擔麵好惹味，麵質幼身彈牙，而且好掛湯，想食完一啖又一啖，一流👍🏻🩵韭黃銀芽鱔糊撈麵跟雞湯條狀既鱔配醬油撈麵，但唔會過鹹，不錯～🩵豆漿支裝豆漿，唔會太甜，份量十足！

今日我約了幾位朋友一起去踩單車，我們四人從大圍出發，直踩到大埔墟，順便參觀了綠匯學苑的古蹟導賞團。這裡鳥語花香，讓我們悠閒地放鬆了大半天！交還單車後，一位住在大埔的朋友推薦我們去附近的一間平民小店——「逸東小館」吃晚飯。這家小店位於東昌街2號，價格親民，而且食物質素相當高，性價比極佳。餐廳主打街坊生意，眼見店員和食客之間非常熟絡，大家打成一片，閒話家常，噓寒問暖，彷彿一家人一樣。這種親民的氛圍，讓我感受到一種濃厚的住家飯感覺！我哋叫咗兩碗「招牌雞湯手工雲吞」，雲吞粒粒都皮薄餡多，雞湯湯底清甜，餡料包括有：旺菜鮮肉雲吞 （5隻 $40，8隻 $50）鮮菇蟲草花鮮肉雲吞（5隻 $44，8隻 $56）另加＄8可選配麵底，包括有：通心米線 / 油麵 /米粉 /公仔麵 /上海麵此外，這店還有數款客飯套餐選擇，我們做完運動實在太餓，所以每人也點了一份套餐，當中包括有：韭黃蝦仁炒蛋：蝦仁非常大隻彈牙南乳炸雞翼：味道脆香，份量大，共5隻除主食外，套餐仲包：- 前菜：三選一，包括：麻辣荳芽、醃蘿蔔、鮑汁豆腐臨走時，店員更體貼地送上兩疊利是封給我們，還預祝我們新一年事車順利，真的很暖心！

🌟 逸東小館🌟今日去咗位於大埔東昌街的逸東小館，呢度以各款手功雞湯餃子聞名香港，真係唔可以錯過嘅地方🍹 鴨屎綠檸檬茶：呢款飲品真係好特別，清新爽口，檸檬嘅酸甜同鴨屎香嘅香氣完美結合。🍜 麻辣雞鮮肉雲吞拼蝦仁鮮肉雲吞：麻辣雞鮮肉雲吞香辣，口感豐富，蝦仁鮮肉雲吞蝦肉爽口，雞湯底超甜。🍖 脆炸豬扒：豬扒外脆內嫩，香口十足。🥢 獅子頭：獅子頭肉質鬆軟，味道鮮美，配上紅燒汁，簡直係完美嘅搭配。逸東小館環境整潔，員工友善禮貌，服務周到，真係一個放鬆同享受美食嘅好地方。價錢相宜，無論係朋友聚會定係家庭用餐，都非常適合。📍 地址：大埔東昌街2號地舖#逸東小館 #大埔美食 #手功雞湯餃子 #鴨屎綠檸檬茶 #麻辣雞鮮肉雲吞 #蝦仁鮮肉雲吞 #脆炸豬扒 #獅子頭 #香港美食 #食評 #餐廳推薦🍜🍹🍖🥢😊✨

#cassiegotaipo -肥編今日要去大埔做啲嘢，中午時段搵食見到有唔少學生哥幫襯依間逸東小館，入咗嚟試吓。主打上海菜，有我最愛嘅韭黃芽茶炒鱔糊，午市套餐$72，包前菜同飲品。平時出面食炒鱔糊都好貴，所以我覺得性價比都唔錯。炒鱔糊都好有鑊氣。🍲-另外屋企人叫咗個醉雞米線，雞肉口感嫩滑，冬天食岩哂，食完成個人暖翻哂。飲品都有好多選擇，除咗普通汽水，仲有自家製花茶、樽仔奶茶、鴨屎綠檸檬茶等等。🥤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 逸東小館 (大埔)📍 大埔東昌街2號地舖

我和朋友在踩完單車後，來到這間小店，期待品嚐當地的美食。這裡的氛圍輕鬆舒適，不會有焗束感覺，喜歡座位間有足夠空間。主推的雞湯雲吞是我們的首選，特別是可以選擇不同口味的雙拼。我們點了8粒的雲吞，點了雙拼總共試了兩款口味：- **韭菜蝦酥鮮肉雲吞**：$54/8隻- **蝦仁鮮肉雲吞**：$54/8隻每一口都能感受到內餡鮮嫩，湯底清甜，特別是蟲草花雲吞，獨特的口感令人印象深刻。加上只需$8便可加麵底，實在划算！此外，晚市的客飯只需$65，還包括前菜和飲品，性價比超高。我們選擇了以下兩道菜，搭配菜飯：- **燴獅子頭**：肉質滑嫩，湯汁濃郁送飯一流- **醉雞**：酒香四溢，剛好分配到雞髀位置更顯肉質嫩滑鮮美前菜有三款可以選擇，有醃蘿蔔、麻辣豆芽和鮑汁豆腐，每一款都為餐點增添了風味。飲品方面，店內自家調製的花茶如桂花元肉烏龍茶和熱情果玄米綠茶，清淡的花香帶來舒服解渴之效。小食方面，我們也點了鮑汁油菜。我哋每人不到$100，真抵食，店員更加送上有自家Logo的利是封

第一次食花膠雞米會有咁大塊花膠扒😳碗粉一嚟到就已經令我哋嘩然‼️花膠好厚肉又Q彈，真係要用刀叉食先得～～唔好期望係貴價花膠，不過質量也不錯唔會好硬，食落幾滑幾軟身「醉雞擔擔麵」醉雞嘅花雕酒香好突出，未開始食已經聞到好香濃擔擔麵嘅棉質比較糊，入口唔大需要咀嚼，咁嘅質感反而同擔擔麵湯融為一體❤️擔擔麵湯比一般的清淡，唔會好稠，呢間嘅擔擔麵啱我口味「南乳炸雞翼」雞翼都算大隻，每一隻都好脹卜卜，南乳味岩岩好，唔會太咸，而且炸得外脆內juicy「麻辣豆芽」本身諗住叫碟蔬菜食下，但又唔想食好普通嘅蠔油生菜，點知果然有驚喜 麻辣味好平衡，滲入豆芽之間嘅空隙，夾一束嚟食，真係好好食❤️

之前成日嗌外賣，逸東已經出晒名好食，而家旁邊擴充開了逸東小館，坐得舒服，整體味道唔錯，勝在夠親民，CP值超高，喺東昌街可能搵唔返第二間咁抵食。餐廳絕大部分都是$100內吃到的美食，平民價錢但份量十足。蝦仁鮮肉雲吞+麻辣雞鮮肉雲吞 $62再來係必點美食之一招牌雞湯手工雲吞雙拼各4粒，蝦仁鮮肉雲吞& 麻辣雞鮮肉雲吞，一上枱以聞到濃濃雞湯香味，急不及待先飲啖雞湯品嚐一下味道，湯底已經撇除雞油入口清甜香濃，真材實料絕無味精，再食件手工雲吞用料十足滿口肉汁各有風味，除咗可以食到雲吞。芫荽雞麵 $56 上海麵如果都係住大埔嘅朋友仔都知道係一個美食天堂，其中係大埔墟一帶沿途行已有多間特色食肆，仲有多國口味菜式俾大家逐一品嚐，今晚去咗東昌街呢間逸東小館開飯，當然有佢嘅吸引招牌美食就係招牌雞湯。招牌雞湯麵提供多款口味配搭，喜歡食雞嘅我都點了芫荽雞麵，麵底係上海麵，雞肉夠晒肉嫩，芫荽提升味道香味餐蛋鮮肉雲吞 $42 油麵 $8另一款餐蛋鮮肉雲吞配油麵，估唔到雲吞用料都有咁多選擇，全部湯都係用了雞湯底用心製作。脆炸豬扒 $22又可以配搭其他菜式一邊享用，我哋都點樣了幾款美食，先來有小食三款，分別係脆炸豬扒，