逸東小館

營業中

休息中

天氣轉涼，想食一碗熱辣辣嘅湯麵，今日見到大埔呢間小店，主打係雞湯麵，於是決定喺呢度用餐。鮑汁豆腐有四件，有好多醬汁，豆腐吸收晒汁嘅精華，食落去甜甜地，而且仲有滷水味。蘿蔔絲空氣春卷一碟有兩件，好大條，入面都係蘿蔔絲，而且仲係即點即炸，超脆！蟲草花雞麵 米線我選擇咗米線，米線同其他舖頭嘅有啲唔同，比較粗身，好有口感，雞湯食得出係真材實料，而且雞件亦都有好多舊，仲有好多蟲草花，性價比好高。滑雞麵 油麵另外一款，朋友選擇咗油面，估唔到雞湯配油面呢個配搭都出奇地好食。餐蛋鮮肉雲吞拼沙嗲牛柳鮮肉雲吞雲吞方面，我哋揀咗兩款比較特別嘅，餐蛋先肉雲吞麵真係有好多一粒粒細嘅午餐肉，沙嗲牛柳鮮肉雲吞口感比較結實，味道亦都相對上濃郁。鴨屎綠檸檬茶最後我哋都點咗兩杯鴨屎綠檸檬茶，檸檬茶好香，而且冇加冰，茶味濃郁。