逸月軒

營業中

休息中

今晚食物全部味道好鹹，沒法吃多些，本想唔浪費，奈何真的沒法吃下。 是否食材唔新鮮才需要添鹽？叫了一枝藍妹啤酒，埋單卻寫了2枝，請收銀員跟進，居然拿別張檯單來和我們話是寫兩枝，我請她對檯號，她才察覺。她又話是入單同事記錄兩枝，到這種情形仍然為自己辯護？弄到最後當然她需要更改！真可惜，今時服務態度與食物質素的確沒法留住客人再入嚟飲茶吃飯！

飲早茶，對於依家年輕一輩來說，真係好少會去，但係對於年長嘅一輩來說，就係佢哋每一日可以同朋友傾計嘅時間；今次如果唔係因為好早有事要處理，可能我都唔會有機會嚟飲早茶早茶時段，成日都有啲孖寶這些特別優惠，就算一個人嚟食都可以用一個相宜嘅價錢食飽，而且款式都唔少水晶蝦餃（兩粒）$20雖然看似$10一粒蝦餃有啲貴，但不論去到邊度，蝦餃永遠都係特點呀，大點咁，其實除返開，其實都差唔多價錢，所以難得食一次也沒有所謂；而且佢啲蝦餃都大大隻，唔算好厚皮，唔會皮一半陷一半咁，內陷都好足料，真係有一隻完整嘅蝦係入面，唔會剩係得啲蝦蓉咁鮮蝦炸雲吞 $26既然咁耐冇嚟飲早茶，當然一定要叫返啲細細嗰好鐘意食嘅炸雲吞啦，外表上和小時候的都冇甚麼分別，不過陷料就少咗好多，而且明顯是翻炸的，因為油感好明顯，不過配上旁邊嘅甜酸汁一齊食，也不算難食超級孖寶 $39.8孖寶就叫左一份蜜汁叉燒腸和鮮蝦菜苗餃；叉燒腸我相信很多人都鐘意食，依一間嘅叉燒腸味道都唔錯，雖然皮厚左少少，但係叉燒嘅份量都幾多，再加上甜醬汁，配搭一齊食就一定冇輸！鮮蝦菜苗餃都算晶凝通透，皮不算好厚，不過菜苗餃嘅皮原本就比較厚少少，內陷蝦肉嘅份量就唔係好多

我哋10人食飯，一間酒樓咩都冇得食，叫左餸成半個鐘，逐樣逐樣嚟同我哋講話冇，最慘叫咗隻片皮鴨，又話冇片皮鴨，跟住又話龍躉肉有冇，但係見到佢又片皮鴨畀第二張枱，我哋叫咗成半個鐘喎，六碟餸又兩碟已經話冇，咁即係叫我哋唔好叫我起身走人啦梗係，火都嚟埋仲諗住要我哋俾茶錢😡

上次做冬試過一次已經覺得價錢平又好好味，所以表姐問我今年去邊度食開年飯，我即刻話要再來食多一次，最方便可以在綱上訂位，但新年期間要比500元訂金先可留枱。年初二晚我她再選呢度食開年飯，食物質素雖然比上次差小小，但味道不錯，餸菜都大大碟，龍蝦食極都有，燒鵝最出色，不過都有漏單情況，不過新年同一時間起菜都可以原諒，服務員已經做到唔停手，招呼都唔錯，每次叫呀姐做什她都好快攪掂，而且下面有停車埸，泊車超方便，绝對有下次。

訂三圍酒席，落訂時講明要房，龍蝦加錢改芝士底，早一日通知話會早到，結果去到冇房，要等廿分鐘以上等清塲（大廳）😡😡，龍蝦冇改到，同部長理論（當時話乜都得嗰位），佢黑晒面同我講冇房，仲講到我阻住佢做嘢，要追住佢嘈先加嗰幾塊板，我幾圍枱加埋都万一銀㗎，唔好檔啲客係乞兒囉，成餐飯，碗又唔換，碟又唔執，受氣到一個点，當時仲係平日早上11点，非煩忙時段，唔想做就唔好接張單，不知所謂。我上網搵唔到集團投訴電話，如果有人知道，麻煩分享一下

諗住平日去飲早茶，當天去到比之前多好多人，但員工數量都係完全唔夠。首先，接待處俾位果陣，其實張檯係仲係未執，仲有上一手食完啲野嘅痕跡。叫左好幾次先有人執檯開茶，都知道係人手唔夠都算。之後畫完點心紙即刻落單，當時先11點，點知等極都未有野食，到差不多11:30問佢地員工check單先發現原來從來冇落到單😡由於已經好肚餓同埋唔想俾錢佢賺，立即起身走人，冇下次！人手長期短缺，員工做到冇心機，影響服務質素，唔會再幫襯！

今日做節，真係比呢間嘢激到爆炸。一個月前訂枱，訂18：30，12位，未到18：30去到諗住攞枱，居然同我講無枱，叫我成班人去佢隔離枱分枱坐，或者去其他分店。咁我問佢點解要訂位？你嚟到又唔畀枱我？過時過節你先咁？啲職員根本冇幫到我，最後我堅持要等，到八點鐘先有飯食。期間我見到有其他食客同我一樣，有啲仲畀埋訂金。個個一家大細，都搵唔到其他地方食飯，唯有焗等。到終於有得食，啲餸就好似趕收工咁。半個鐘頭就上曬菜。仲要啲餸係凍嘅。比成五千幾蚊，好似受罪咁。應該快啲收檔關門。真係極差。仲有呢間舖喺商場入面，明明不可以食煙，但啲食客喺嗰度食煙搞到個中央冷氣全部噴出煙味，唔知仲以為自己去咗街邊大排檔，但個度嘅職員都無理。服務態度極差。

同家人一齐做冬、當然要卜定位、雖然提早食、加上星期六嘅關係、酒樓就要分兩輪食、头輪5点半至8点。去到酒樓都多人、头輪差唔多爆、放寬疫情之後、酒樓嘅生意真係好咗好多。嗌咗8人餐、包兩揸橙汁免茶位同加一。龍蝦伊麫底、龍蝦咬口彈牙、好好食、可惜伊麫比較比較說同埋偏林、口感麻麻。琥珀茘枝百花球、外形似足荔枝、好可愛、原來用蝦膠做成球狀、咬落超級彈牙好味👍清蒸沙巴龍躉斑、魚都好大條、剛剛熟、魚肉好滑溜、魚味十足、正👍菠蘿拔絲咕嚕肉、咕嚕肉非常軟淋、配上新鮮菠蘿、甜酸適中、講真味道可口、可惜份量少咗D些。招牌脆皮燒鵝皇半隻、味道可口、皮脆肉嫩、好多肉汁、又係果句好好味🥳加多味少炒皇、份量一般、好彩味道搭夠😂總括嚟講、呢餐飯都幾滿意👍可惜酒樓招呼麻麻、可能人比較多的関係、大有進步空間、番兜指數極高、會再嚟幫襯😋

今晚去咗 荃灣 荃新天地二期 逸月軒吃晚飯 七人可以揀兩款 特價菜式有 阿拉斯加長腳蟹 古法雙冬羊腩煲 脆皮燒鵝皇 澳洲龍蝦 清蒸海星斑 我哋選擇咗 阿拉斯加長腳蟹同化皮乳豬 我哋揀咗一隻五斤12兩重 阿拉斯加長腳蟹 厚肉 多膏 抵食$228蚊一斤 化皮乳豬皮脆肉嫩 $138蚊半隻 跟住我哋再叫多幾個 特色小菜 豉汁炒花甲 恰到好處超級野味 杏汁白菜雞腳豬肺湯 好清香杏汁味 清蒸虎杉斑 菠蘿拔絲滑 蒜蓉炒豆苗 以上種種菜式 啱晒我哋口味 已約老友記下星期再吃

沒等下午茶已入座入座到下午茶時間也只可以叫午餐的食物下午茶的就不能下單五個人去叫左8樣食物中山甜薄撑黑椒金錢肚煎釀虎皮尖椒黑松露野菌餃椰汁鴛鴦桂花糕清清地吾錯銀芽肉絲炒麵菲林芝麻卷呢樣吾多酒樓有好懷舊芝麻味幾香黑毛豬叉燒腸

同朋友一行八人食晚飯，叫咗一個套餐，食物都幾好味，乳豬幾脆，燒雞幾香，條魚都好新鮮同大條，其他食物水準都不錯，個套餐雖然是六人用，但足夠我們八人吃，服務嗰個阿姐同酒樓經理態度很好，可能是平日的關係，人唔係太多，對我們的要求反應很快，笑容滿面，很有禮貌。酒樓環境光潔舒適，價錢亦都很合理，個套餐都只是千多元，很抵食。整體食物質素不俗，加上殷勤的服務，以到酒樓用膳的要求來說，是一次不錯的體驗，值得再去和推介。

明知係假日，人會多，排隊需時，所以真心要留意。又係12:40取票等到1:35完,，我等，就Ok，老人家就唔太好……等你等到心痛，老人家唔入茶餐廳（見到有位都唔去）等到1:30先話去茶餐廳，我當然唔睬佢啦，請佢耐心等多一陣。跟住入咗聚鍋，原來姊妹公司，入到去卡位也算舒服，選食物，當然又係三心兩意的時間。成功入選的有燒味飯（叉燒切雞）：第一好味，瘦叉燒好味，係隻唔係雞脾的3分1肉，叉燒下面沒有雞肉，廚師本領高，飯熱蔥油香，老人家愛。水晶蝦餃王：熱辣辣，正常可口，老人家第二愛。咸水角炸鮮奶球：我覺得都唔錯，也是正常，奶球味香甜。唯一不滿……唔熱，溫感微冷，減分了。椒鹽三文魚頭腩：大碟開心，但冇想像咁厚粉，以為係煎，所以期冇落差。整體：唔係老人家鍾意，不會考慮。可以我老了，成為老人家時，會愛，but not now...

星期六去左荃新天地二期逸月軒午飯，之前唔係依一間轉咗手之後諗住同一位置方便所以入咗去食首先講餐具餐具有荷花圖案，都清雅既，同平時嗰啲酒樓大有不同兩個人叫咗唔多嘢食第一櫻花蝦煎薄餅 ，剪得唔會太油膩，薄薄地都幾好食既！第二香芋天鵝蘇，賣相係幾靚，不過蘇皮都比較硬，比較難食。。。影相係ok既第三淮山四寶雞扎，新鲜淮山爽滑，雞扎味道清甜！第四蝦餃，小型蒸籠兩粒，蝦餃爽口，味道可以。新開左一年幾，一般酒樓水準。整体環境算可以，一般價錢，兩人約＄200，平日週末午飯之選。味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 消費可有泊車優惠

服務一般， 侍應對茶樓的產品並不太清楚， 不會主動提供資訊。食物水準一般， 有兩款海鮮蒸唔熟， 燒鵝皮太林似是放了一段時間。有機械人送食物，中式酒樓中較少見。疍白杏仁茶可以一試。

食晚飯⋯⋯完全不會再有第二次，貴加不好食，侍應服務差差差差，十問九唔應，唔知邊個激嬲佢地，餐飯勁受氣😤😤😤全鋪只得個門口有個短髮女知客，係有禮貌嘅，其他嗰啲真係。。。。。男女侍應幾個都係咁，其實而家市道咁差，有份工打係咪應該都好好地做，唔鍾意做真係可以轉工嘅，唔好俾氣客人受啦，食物質素又勁差差😫😫😫😫