逸月軒

營業中

休息中

今日做節，真係比呢間嘢激到爆炸。一個月前訂枱，訂18：30，12位，未到18：30去到諗住攞枱，居然同我講無枱，叫我成班人去佢隔離枱分枱坐，或者去其他分店。咁我問佢點解要訂位？你嚟到又唔畀枱我？過時過節你先咁？啲職員根本冇幫到我，最後我堅持要等，到八點鐘先有飯食。期間我見到有其他食客同我一樣，有啲仲畀埋訂金。個個一家大細，都搵唔到其他地方食飯，唯有焗等。到終於有得食，啲餸就好似趕收工咁。半個鐘頭就上曬菜。仲要啲餸係凍嘅。比成五千幾蚊，好似受罪咁。應該快啲收檔關門。真係極差。仲有呢間舖喺商場入面，明明不可以食煙，但啲食客喺嗰度食煙搞到個中央冷氣全部噴出煙味，唔知仲以為自己去咗街邊大排檔，但個度嘅職員都無理。服務態度極差。