輝記小炒

營業中

休息中

透過電話叫外賣，詢問有咩肉類好介紹，佢話：「你左睇菜單咩？」，叫左兩樣餸，再問佢當日有咩時菜，佢話：「其實你有冇睇左菜單先打嚟叫呢？」 我只想問當日有咩菜好介紹，之後cut左線🥲

水煮牛肉出色的水煮牛肉：湯底香麻、牛肉軟硬適中香濃、配料襯托出水煮湯底的韻味,最底的粉條就是帶給你飽肚感的最後防線.輝記的水煮牛肉,評分如何？我哋就嚟試真啲！首先,上桌時最能試到麻香味.老實講,麻香味不算香麻.牛肉的質素,以80元的價錢來講,絕對是超值. 它不是用鬆肉粉漂醃. 它好像融合了牛肉及牛展的部位,有些是軟淋,有些是有咬口,而牛肉味是有,絕對合格.而給我最驚喜,是坊間少見的配料：黑白配,雲耳及雪耳！兩者也是爽身的雲耳及雪耳,因為湯汁的辣味會蓋過雲耳、雪耳的原味道,但是,在我僅次於食神試食拿渣麵敏銳的味覺下,我是嚐到它的獨有菇菌類原味道.兩者若要比較,雪耳是更勝一籌,因為,它硬身之餘,也比較容易吸收到湯汁,一絕！粉條方面,它不是軟糯的水晶粉條,而是像幼身的韓式粉絲,吸汁力比較弱,但飽肚感一流.輝記是在將軍澳坑口村內較隱蔽的位置,店內環境是街坊食肆格局,目測老闆夫婦應該是四川重慶附近的人,他們紮根將軍澳多年,絕對是又一隱蔽小店推介.

本身我經網上外賣平台落單落左一個福建炒飯，一個鼓椒牛肉炒河因本人吾食牛，系訂單備註到打左轉豬肉送到黎，佢系牛肉，打去查詢點知個女職員堅持話我冇打我話我有記錄可以睇反佢就好串甘話，甘你依家想點丫，都送左黎我完全呆左，跟住佢勁大力收我線整錯吾緊要，但依個系咩態度黎？送錯真系吾緊要我打黎都吾系要你換我只系想你地下次再遇到同樣情況可以留意到，吾好有下次但點知態度差成甘，今時今日咩服務態度我以後吾會再食，俾錢買難受

📍🇭🇰輝記小炒話說有日忙到三點三先吃到晏就，咁來到將軍澳第一時間會想到tvb電視城，堆填區等等，咁有咩好吃？係坑口村比較入的地方，估不到都可以搵到地道的小炒，真係值得推介！.1- 菠蘿雞粒炒飯｛HK$36}菠蘿、雞粒、蛋絲、飯炒得粒粒分明，炒得好有獲氣！大碟又抵食！仲配餐飲，熱飲包埋，凍飲加2元。.2- 乾炒牛河｛HK$36}而另一道都係獲氣十足的小炒，出面吃過的乾炒牛河十分油膩，而呢間就控制得唔錯，中意吃辣的朋友，加埋辣醬更美味😋！

｛ 乾 炒 牛 河 ｝正呀喂！唔知係咪餓得濟，個乾炒牛河特別好味！話說今日忙得濟三點三先有時間食晏，唯有去 #輝記小炒 食個下午茶啦，二話不說嗌左最愛嘅乾炒牛河，事關隔住個廚房都聽到啲鑊氣呀！唔講以為係摩打手，落單前後唔洗幾分鐘有得食，熱辣辣果然鑊氣十足呀！啲洋蔥係甜嘅！不過確實確實有啲太油，唯有趁後生好食多幾碟⋯｛ 菠 蘿 雞 粒 炒 飯 ｝菠蘿、雞粒、飯，粒粒分明，加埋啲鑊氣，擺埋一齊互相配合，恰到好處，成就出一碟食完想再食嘅靚炒飯！雖然杯熱奶茶係餐包埋嘅，不過爭咁啲喎，爭啲茶味奶味啦，水吧個位要給力啲啦！

可以讓小狗狗坐門口的餐廳不多，放假嘛，緊係要帶埋我心爱小Q一起去威。身為將軍澳居民的我，慢慢散步，行下行下，就到了位於坑口村的輝記小炒餐廳。好多小狗、大狗朋友仔，好熱鬧啊！ 這就是村屋的特式，比較自由開放。叫了碗魚丸紫菜河粉 再加一杯救命咖啡。魚丸內裡是包裹肉碎的，可惜魚肉不夠弹牙，也沒有想像的＂醬爆"效果，味道一般般吧!

今日國慶日同屋企人去咗行山下山之後就喺坑口搵嘢食咁就黎到呢間輝記小炒價錢都唔算太貴嘅$30樓下可以食到個早餐仲有凍飲可惜啲面就差左啲太過乾身而且五香肉丁嘅數量好少午餐肉好薄睇嚟價錢平都應該係質素冇咁好

小弟作為將軍澳人，從小便聽聞坑口村美食多。不過之前到其中一間泰國餐廳吃晚餐，卻是覺得名過其實。想不到，這次在這家餐廳吃小菜卻是一次不錯的經歷。我和朋友點了三個小菜：吊燒骨、椒鹽鮮魷和茄子斑腩煲，而三樣都很不錯。每個小菜各包含了一個白飯，第一樣茄子斑腩煲送到時，三碗白飯也隨之送到。斑腩煲的茨汁味道調得很不錯，鹹味足之餘又不會遮蓋茄子原有的味道，反而是為茄子添上了新的一層滋味。斑腩也煮得十分滑嫰，而且吃得出並非鯰魚或龍脷柳，用料比一般餐廳更為高級，再加上茨汁的味道，拌飯吃一流。第二樣送到的是椒鹽鮮魷。一上卓，一陣炸魷魚的油香便撲鼻而來。這裏的椒鹽鮮魷味道不算很重（不像外面某些餐廳過鹹），但又恰到好處地吊出魷魚的鮮味。鮮魷外皮炸得十分酥脆，再沾上略酸的醬汁，配上汔水或啤酒一流。差不多吃過半碗飯，吊燒骨便送到了。這裏的吊燒骨真的十分有水準。吊燒骨每一塊都肉質細嫰，但外皮卻又燒至微焦，吃下去沒有燒焦的味道，卻有焦糖的口感，火侯真的掌握得十分好。吊燒骨的表面還淋上了一種甜甜的醬汁，令整道菜吃起來甜鹹交集，兩者混合起來卻又恰到好處，令人回味回窮。吃過這餐，我終於明白為甚麼將軍澳人對坑口村讚不絕口了，

兩父子受到宣傳單的吸引，嘗試下這間店鋪。星期日坑口村食店其門如市，滿心期望到輝記小炒一試，到店鋪門口，竟然只得一，兩枱客人。不理了，兩父子衝入嘗試下雞煲先，等了10分鐘，試了一口，就覺得煮法非常之差，怎可能將雞去粉去炸的，粉多肉小，大部分都是骨，煲內的香葉又不配合雞煲的味道。這個價錢真是不合理的收費，真是差評。肉丁炒飯，更令我的兒子失望，炒出來濕身，唔夠乾。十分之失望的炒飯。不會有下到次的食店。