軒尼詩冰廳 (柯布連道)

營業中

休息中

一入到去坐低 因為同女朋友去食 拎住一袋二袋 咁就坐低左系卡位 咁我就同女朋友坐一邊 啲手袋啊背囊就放系另一邊 之後個侍應就話 午飯時間啦 一陣可能會安排人同我地搭枱 我想講 一眼睇哂我地啲野系讓吾到個位岀黎 咁都算啦 上左菜之後 我地一路食 佢地就一路望住我地食左幾多 食完未 未試過食餐飯都要比人咁樣催命符咁催 香港人系咩都要快 但系我去食餐飯咋喎你老母 食餐飯都要有壓力咁食 好撚辛苦囉 麻煩以後你班忍樣望人既時候掉轉角色諗下？ 我相信無人會鐘意比人催 垃圾餐廳 垃圾員工

一向都好鍾意幫襯茶餐廳，食物選擇多，價錢又夠親民。今日喺灣仔做嘢，晏晝想搵間茶記坐低。唔想去集團式餐廳，揀咗柯布道呢間多元化冰室。餐廳佔地兩層，環境光猛，裝修新淨，店內設有大量卡位同梳化座，座位闊落鬆動，坐得十分舒服。餐牌選項非常豐富，除了當日嘅精選午餐外，還有馬來咖喱、韓式石頭鍋飯系列、鑊氣即炒粉麵、皇牌焗飯類、經典鐵板餐、西式扒類等可供選擇，花款多不勝數。點咗鐵板豬扒炒公仔麵 ($68) 同 咸魚雞粒炒飯 ($61)。公仔麵即叫即炒， 用鐵板盛載，上桌時仍熱辣辣，鑊氣十足！麵條炒得夠乾身，條條分明，唔會痴埋一舊，入口不油。豬扒份量極多，數過有成 8、9 塊，肉質鬆軟，而且醃得好入味，配埋公仔麵一齊食，非常惹味！ 另外碟咸魚雞粒炒飯，水準亦一流。米飯炒得啱啱好，夠晒乾爽，粒粒分明。雞粒很嫩滑，咸魚嘅香味亦非常突出，加上下料大方，幾乎每一啖都食得雞肉、菜粒同咸魚碎，入口鹹鹹香香，很討人歡喜。跟餐 +$6 可享中/西湯或熱飲、+$9 配凍飲、+$12 更可享特飲。我哋點咗凍奶茶同紅豆冰，奶茶奶味濃郁，十分順滑；紅豆大粒飽滿，入口甘甜香綿。今餐食得很滿足，而且位置真係好方便，有機會下次都會

和朋友行街購物 途經湾仔地鐵站,柯布連道...軒尼詩冰室 ....這裏的午餐價廉物美,包括飲品和湯, 價錢大約60元 ,地方闊落好坐 ,超大的卡位畀人感覺寬敞舒適 ,食物質素 很好 又飽肚， 經濟實惠的午餐，食得開心又愉快。椰香咖哩焗雞扒飯 .....HK$64香噴噴的咖哩配上椰汁新鮮焗製 ，大大塊的雞扒 肉質鮮嫩 ，而且份量很多，夠曬飽肚， 仲有羅宋湯 同埋 飲品贈送 ，真是非常之抵吃， 地方好坐又舒適，我們 邊吃邊聊天， 坐了差不多兩個小時。焗 芝士白汁 海鮮飯....HK$64海鮮飯材料豐富有魚柳，青口魷魚， 新鮮焗製，配白汁清香鲜甜又美味， 足夠飽肚，仲有羅宋湯贈送， 我們還叫了一杯凍檸茶。

喺會展附近做嘢，晏晝周圍都好多打工仔四處覓食。為免同人迫，已經12:00走出嚟😎😎點知都係咁多人😆😆依間餐廳有上下層，喺門口見佢個是日餐牌都幾吸引，有焗飯！一於試試！除咗是日午餐之外，佢哋嘅餐牌仲有其他選擇，歐洲pasta系列，咖喱，同埋一啲港式粉面。焗什椒汁牛扒飯因為我見餐牌上面冇依個選擇，係是日午餐先有，機會難逢，梗係唔可以錯過啦😆😆依個焗飯，絕無欺場，個汁非常香，非常惹味，除咗黑椒之外，仲有三色椒！牛扒亦都有驚喜，兩大塊，唔會太薄，而且肉質真係牛扒感覺，而唔係俾粉醃製到林晒👍🏼因為個汁真係好正，仲要有少少芝士，超好餸飯，如果個炒飯底可以多少少，就更加理想😎😎例湯：霸王花，都幾清甜，唔錯唔錯。

好懶既星期一，出黎搵d 快靚正既茶記，呢日又大風又大雨😊揀咗間非常近地鐵站A出口嘅茶記🤤冇諗到呢間幾大間，中午時分全場坐滿，所以我哋坐咗上2樓板燒黑椒牛扒🍲中午想食肉，點左個黑椒牛扒配薯菜！呢個牛扒配咗一隻薯仔再加椰菜🐟食得幾飽，再叫咗杯凍奶茶，凍飲唔包加$9，快快手就食完午餐🫢白汁焗魚柳飯🥘朋友今次點左白汁焗魚柳飯🥘，又真係超快上😱，落左單幾分鐘就送到。味道係正常既茶餐廳既飯餸，雞球幾入味，$50幾都幾抵食😊

午餐跟同事去了一間冰廰，位置於灣仔地鐵站附近，非常方便。冰室，冰廳梗有一間係左近，同事就推介了呢間。羅餸湯跟餐加六元可享用中/西式餐湯或飲品。味道夠濃厚，可見大量蔬菜熬製，非常鮮甜。皇牌鮮茄焗雞扒飯講得皇牌，當然要試吓啦。賣相不錯。醬汁頗多夠濕潤感。飯是炒底，一絲不苟，每粒都能沾上醬汁，好味。採用新鮮蕃茄，還有多種菜蔬，特別鮮甜。雞扒肉質軟熟，香口惹味。午市套餐大約六十至七十元，灣仔區來說，抵食。

中午趕時間當然係快靚正食個快😹灣仔呢間冰廳選址一流！地鐵站一上不用一分鐘到達！好多人食！！不過中午真係要食個快，因為好多人排隊等位一坐下立即有待應哥哥招呼你❥美國西冷牛扒牛扒軟身，份量又厚又大份，味道比較不錯，隔離有個薯仔蓉🙆🏻‍♀️中和返個口味仲要係焗薯，好扺食♥️跟餐仲有餐湯同牛油包，食完好飽！❥牛扒漢堡扒飯朋友叫的，牛扒薄切啲♥︎雖然薄但食落也不錯，不會大乾太老，漢堡扒送飯一流❥飲品凍齋啡ʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔ 軒尼詩冰廳 (灣仔)灣仔柯布連道6A及6B號地下ʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔʕ•ᴥ•ʔ

👉呢度卡位夠晒大，坐🉐️舒適。。。哥仔由落單到上菜，都火🔥速飛快，快飯之選‼️😃📌蒜蓉脆脆雞扒配意粉 $62 ～ 大大件雞扒炸到又香又脆，厚切雞扒肉汁豐富。🉑️揀飯🍚、意粉🍝或薯菜。。。📌板燒黑椒牛扒配意粉 $62 ～ 🈶️2⃣️大塊薄切牛扒，黑椒汁香濃，配意粉🍝啱啱好。。意粉唔會過腍，好味。😋📌魚柳薯條 $52 ～ 炸魚柳即炸外皮脆卜卜，色澤金黃，厚薄適中，切開輕煙飄出，唔會炸到乾爭爭！！🤤

=͟͟͞͞(•̀ω•́ ‧̣̥̇)!!° 𖥧𖡆𖦥⠱ꎺ⠜軒尼詩餐廳° 𖥧𖡆𖦥⠱ꎺ⠜ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧登登登！平時見我大吃大喝的～真係比較少食茶餐廳🤭!!今日嚟灣仔食個快～(つД`)ノ呢到亦都好熱鬧！！入到餐廳店務員都好熱情❤️會問你想食咩🤭我有選擇困難症🤣𓆸 ॱଳॱ ⸜ ̠ꌇི͚̠⸝ 𓌉◯𓇋 ‎⸝⸝⸝ 𓎩 ⸝⸝ 𓌈˒˒* ⸜ ̠ꌈྀ͚̠⸝👁‍🗨美國西冷牛扒🥩朋友叫呢份牛扒幾大份，味道比較重一點～隔離有個薯仔蓉🙆🏻‍♀️中和返個口味💕👁‍🗨午餐•牛扒漢堡扒飯🍚我叫呢份牛扒薄切啲💕雖然薄但口味幾好好似食緊打邊爐嗰啲生牛肉咁🧡漢堡扒送飯一流👁‍🗨飲品凍齋啡☕️凍咖啡💕➿〰️•〰️•〰️•〰️•〰️•〰️➿༶•┈┈┈┈୨♡୧┈┈┈┈•༶(⁎⚈᷀᷁ᴗ⚈᷀᷁⁎)如果鍾意我嘅分享記得fσℓℓσω me ◡̈ ‎ ༘₊˚· ७── ⁼³₌₃ ˒˒✩⃝̣⃝̣⃝̣⃝̣⃝̣⃝ͯ⃝ 軒尼詩冰廳≋ ≋ 灣仔柯布連道6A及6B號地下༶•┈┈┈┈୨♡୧┈┈┈┈•༶

行下行下都唔知食d咩好，朋友話灣仔有間冰室質素唔錯又大大碟，所以過左去試下🤣——————🐽 招牌沙嗲牛肉米粉，配3.6牛乳炒蛋+牛油方包雖然已經係食晚飯既時間，但見附近都有好幾台叫左常餐，望落去質素好似都唔錯。牛肉好多塊！而沙嗲汁亦都好香濃，撈埋湯食好出色，而炒蛋大概7成熟，調味岩岩好，夾埋方包一齊食好滿足🥰🐽 香蔥九黃蝦仁炒蛋既然炒蛋甘好食就唔好比佢停！雞蛋炒到好香，夾雜住九黃同香蔥獨特既香味，加小小胡椒粉令到整碟菜升昇華左，蝦仁大大粒好爽口，送飯真係一流

今日路過灣仔，橫街見到有間冰室6:30pm已經差不多爆滿，所以就入咗去試一試。我同老公叫左一份卡邦尼意粉+鐵板牛柳😊😊講真係冰室可以食到咁好味嘅卡邦尼意粉，真係有啲意外。卡邦尼意粉充滿蛋香🤗🤗、煙肉芝士咸香👍👍，意粉沾滿煙肉油香，加埋芝士同蒜味十分香濃🤩🤩而我冇牛不歡😼，就大膽試左鐵板牛柳，$102蚊set 咁平，未上枱之前真係戰戰兢兢😝🤣但出乎意料之外，肉質軟嫩，醃製得入味的牛肉加上黑椒汁🤡🤡，送上枱時香氣四溢。牛肉熟度控制得剛剛好，口感、味道配搭得非常最好，再搭配蔬菜，健康又美味。性價比極高嘅冰室，我見佢款式好多選擇，下次可以試吓其他唔同款式👍👍👍

軒尼詩冰廳 (灣仔)灣仔柯布連道6A及6B號地下路過灣仔往會展天橋底的軒尼詩冰廳，午餐居然有炒銀針粉😌於是進內試一試這道午餐炒銀針粉😙份量相當大份👍🏼蝦仁份量也不少👍🏼另外點了兩隻生炸雞翼，非常脆口，肉質入味，與朋友一人一隻好不錯。👌🏻令外朋友也點了午餐的薑蔥豬扒飯，豬扒份量出乎意料的多，大份又抵食，調味適中不會過喊。🙌🏻整體價錢在灣仔地區來說，算是超值，份量又多，難怪全院滿座。😎

餐廳係灣仔地鐵A1出口附近, 行2-3分鐘就到都幾容易搵到LUNCH TIME行過要醫肚, 見到餐廳有D人氣 餐牌又幾吸引, 仲要唔洗排隊就隨機入去試下叫左個快餐,瑞士雞翼撈公仔麵$54（配3.6牛乳炒滑蛋+鮮牛油方包+飲品）,性價比超高瑞士雞翼三隻SIZE都算大, 而且好入味.入味之餘又唔會只得鹹味.用黎撈公仔麵一流呀~另外,朋友叫左蒜蓉厚切西冷牛扒 $102，無諗過會係咁厚切而且入口係好淋,絕對唔係一般茶餐廳水準！😋 隨餐仲跟紅湯同凍飲餐廳服務服務員好有禮貌, 上菜速度快,叫左10分鐘已上齊, 而且全部食物就連個湯都係熱辣辣拎出黎,唔係凍上～

除咗番工，好少星期六會灣仔出沒。星期六灣仔少咗一班上班一族，食港式冰室直入唔駛等。常餐特餐乜都有，港式冰室格局。瑞士雞翼撈公仔麵 $54套餐有3.6牛乳炒滑蛋，鮮牛油方包加杯凍檸茶。主角雞翼充滿瑞士汁精華，公仔麵爽口彈牙，又唔會覺得咸得濟。3.6牛乳炒滑蛋夠香夠滑，夾多士定就咁食都得。芝士腸仔肉醬意粉 $66番茄肉醬香噴噴，意粉有芝士拉絲，啖啖芝味，加咗腸仔口感更豐富。焗招牌奶油豬仔包 $35超酥脆的外層，內裡鬆軟，配合奶油，充滿滋味。

軒尼詩冰廳行過見到灣仔嘅呢一間茶餐廳見到入邊都幾多人而且個餐牌都幾吸引就入去試吓叫咗個是日晚餐黑椒T骨 配羅宋湯 及薯菜如果唔要薯菜可以揀飯或者意粉羅宋湯唔算好辣加咗唔少蔬菜係好飲嘅薯菜係原個薯仔拎去焗冇其他餐廳咁俾炸薯條咁唔健康特別之處係佢加咗少少芝麻醬喺個薯仔入邊食落覺得幾好味同埋開胃仲有幾舊西蘭花講返主角T骨牛扒Size就大大塊咁先至賣$75真係自己煮都未必得牛扒唔韌而且黑椒汁好入味食落好有香味而且都算厚唔係一般茶餐廳嗰啲薄切牛扒雖然冇得同高級西餐廳嘅牛扒比較但亦都好過唔少茶餐廳嘅出品咁樣嘅價錢真係好實惠要讚嘅位係間餐廳坐得都幾舒服上菜速度快而且乾淨衛生雖然間餐廳開咗已經有超過30年最近先重新裝修過所以都好乾淨地點又方便喺灣仔站A1出口一出就見到去開附近可以幫襯下