軒尼詩冰廳 (柯布連道)

營業中

休息中

【灣仔區】【軒尼詩冰廳】呢排都要去灣仔做吓嘢，嗰邊啲同事話呢間嘢幾好，仲成日叫佢哋啲外賣。我都食過一次佢哋叫嘅麵包，係唔錯喎。咁我作為一個 foodie，都要親自去拜會吓佢哋至得嘅。我下晝過去，有得食佢哋嘅「滋味下午茶餐」，啱晒我，因為方便我一嘢食兩個餐。本身想食瑞士雞髀，點知佢冇，無奈地叫咗 $51 嘅「香炸大雞髀」，揀咗配炸薯條。可能我已經遠離咗熱衷食炸雞髀嘅年齡，所以覺得都係一般，炸薯條唔多，係曲薯條，不過好似炸起咗一陣咁，唔算好熱。餐飲我飲「熱奶茶」，正常茶記水準，不過不失。跟住叫多份 $48 嘅「金磚花生西多士」，佢係切好咗四件嘅花生醬西多士，味道又唔錯喎，果然麵包類先係強項。又係配炸薯條，今次就係熱辣辣炸起嘅，好食好多，似樣。呢份嘅餐飲就揀「鴦走」，可能偏細杯，冇乜感覺。埋單 $99，兩份下午茶算係咁。。。（地址：灣仔柯布連道6A及6B號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #

幫襯過幾次，間中會食個下午茶，又抵食。今日約左中學同學，係附近番工。老闆待應對熟客好友善。中午有幾款午餐。星洲炒米 凍檸茶 好足料，有大大粒蝦，义燒，有洋蔥炒得好惹味。大大碟，仲送一個例湯，赤小豆紅蘿蔔湯，下火又去濕。成碟食晒，咸度適中，好味道。最重要食完無口乾！常餐 瑞士汁雞翼撈公仔麵 凍檸水三隻雞翼好入味呀，間中食好滋味呀。個瑞士又唔會太咸。常餐跟菠蘿包炒蛋，所有包類都每日新鮮做，款式好特別，有oreo 包。買個包打包做下午茶。

這間港式冰室位於灣仔柯布連道，主打地道的港式食物及飲品。店內環境寬敞舒適，有香港特色的卡位雅座。餐廳每日有多款新鮮出爐的港式麵包，早午晚更有多款套餐及全日供應的套餐選擇。大過你塊面T骨牛扒 - $128超大塊T骨牛扒有著西冷及牛柳兩個部位，中間的骨頭釋出甜香，緊連在骨頭上牛肉保留肉汁之餘，又能防止肉質過於收縮。牛柳肉筋及肥肉非常少，卻是全隻牛最柔軟的部分；西冷油花分佈均勻，肉味比牛肉眼扒濃郁，口感有嚼勁。薯菜有爽脆的椰菜平衡肉膩感，又有整個焗薯充滿飽腹感，或可轉白飯、意粉或凱撒沙律。羅宋湯紅通通的雜菜湯酸酸甜甜完全不辣，由多款蔬菜熬製而成，清新又健康。輕量菠蘿包金黃酥脆的酥皮好甜美，包身柔軟濕潤。黑椒雞扒拼雞串飯 - $62大大塊雞扒嫩滑多汁毫不乾柴，咬開充滿豐富肉汁，雞肉串燒軟腍多汁，幾乎入口帶化，辛香的黑椒汁好惹味。凍奶茶 +$3港式奶茶突出茶香，帶有濃郁的芳香，奶味偏於厚重，但又不掩蓋其茶香，先苦澀後甘甜，滿口留香。

📍軒尼詩冰廳 (柯布連道) (灣仔)灣仔柯布連道6A及6B號地舖👉煙三文魚凱撒沙律 💰68（加煎旦💰10）😋😋😋😋.8/5中午唔太肚餓，有沙律食就最岩我🤩配上份煙三文魚，真係好好食，食材新鮮而且份量絕不吝嗇👍🏻👉香煎黑椒牛👅💰68（配檸檬利賓納+💰9）😋😋😋😋.8/5上枱已經聞到好香既黑淑汁味，牛👅煮到剛剛好，軟淋淋好入味😋 好岩我口味👍🏻👍🏻利賓納亦好足料，唔會好淡無乜味🤩回頭:restates!!整體感覺入到去幾乾淨👏👏，員工態度親切🫶🏻上下有2層，就算多人食都唔怕坐得好迫，野食都係即叫即整，熱辣辣😋😋大推👍🏻👍🏻

因為要去會展參展所以約咗班同事嚟咗食早餐服務態度一般，不過都預咗香港質素係咁嘢食都幾好食本身自己都鍾意食菠蘿包嘅叫咗個雪菜肉絲米佢個早餐包係菠蘿包(唔錯）👍🏻

原本見到個餐廳好多人就入去 同埋近近地 去完會展 見好似味道都不錯 但係啲杯碗好污糟 係啡色既 用紙巾抹都好多啡色 證明上一手既杯冇洗乾淨 所以冇用到 直接飲杯可樂 冇用杯冰但係返到屋企同朋友都嘔到七彩 因為我地食既同樣既野只有呢個 食既送都係一樣 證明啲餐具都係好污漕 啲筷子都係 洗多好多次 但係冇諗過真係會去到嘔呢個地步唔會再去啦 同雖然知道茶餐廳都係唔一定乾淨 但係起碼肉眼見唔到 呢間係完全見到！！ 同埋某幾個人態度好差 問幾次都冇人理

去完會展落到嚟呢間餐廳講真食物質素同普通茶記差唔多眼見好多人話職員服務差雖然開頭我都覺 就好似我問加可樂加幾錢佢答我幾蚊姐 我心諗 兩蚊定九蚊呀姐係原來佢只係睇緊 而唔係俾說話我聽隔離枱叫咗走飯 職員都話唔好啦驚唔好意思咁 最後都俾咗小小飯今晚我就叫咗黑椒牛柳雜菌炒意粉牛柳都幾多 但稱唔上雜菌都真😂因為得一款菇😂😂味道唔錯 一般茶餐廳應有水準 仲有叫咗個咖哩雞扒焗飯 一食落去…葡汁嚟嘅😂不過味道都Ok嘅 份量都正常最後係啲櫈有啲灰塵 建議可以清潔下😂

入去坐低望望餐牌  叫左沙嗲牛面火腿奄列加熱奶茶 等餐中聽到隔離枱都係叫 佢地又同熟到一路吹水  諗住冇死 點知一上枱 有少少呆左  嗰啲沙嗲牛都仲勉強可以 但一飲個湯 雖然望落有色水 但我加左胡椒粉都係好似飲緊水咁。。。。丁點味都冇 我咁大個仔從來冇食個咁難食 仲垃圾過茶記服務差,又唔好食侍應對住我黑口黑面,對住熟客有講有笑一次已經足夠無下次

我從來無係openrice寫過負評，即使正評亦只有一次。今日下午路過，第一次於Cafe Henessy買lunch,點了鹽燒牛內撈檬，但餐廳未滿坐，外賣亦只有幾個人既情況下，竟然等了接近25分鐘，而期間亦吹速職員3次。本來$48咁平我唔抱太大期望，但等25分鐘，以為個燒牛肉定必慢功細貨。賣相大家自評，但食後感係，牛肉極粗極韌，酸汁只有醋味，從未食過咁難食燒牛肉同檬粉。希望老板厨師自己先試係咪過到基本標準先供給客人食。

今晚刚到香港 带着孩子路过 看着还不错 就去尝了一下。这家店环境一般 价位摆在这里也就不要求太多了。 点菜时被这家店服务员的态度惊到了 极其不耐烦 说话一直大小声 问什么都说没有 就两样菜爱吃不吃 点菜是还拿着菜单摔来摔去的。说真的很少遇到这么离谱的是事情 之前来过好多次香港了 这次来明显感觉这里底层人民过得很不快乐 苦大仇深的 怨气很重哈哈。不想服务的话可以辞职呀 想挣钱还给顾客脸色哦。 菜上来之后觉得分量很少 不到半个盘子 吃完去门口结账的时候才发现其他桌子分量都很大 至少是我们的一倍。

同姨甥女行完書展已經係夜晚八點幾，拿拿臨搵地方食飯。喺天橋望到呢間冰廳，無諗咁多入座掃code落單。叫咗個焗皇牌鮮茄雞扒飯，姨甥女話好食我食特餐，沙嗲牛肉米+火腿奄列+牛油方包+熱檸水，上餐見到個陣容有d削！切開個火腿奄列，居然一條火腿𢇁都無！再睇吓張單，的確寫住火腿奄列，個餐承恵$60，食水深d喎！即刻同個男侍應講返個情況，佢講咗句”今晚轉咗炒蛋”就繼續送餐。用餐當晚(7月20日)係書展第二日，我明白會展附近嘅食肆係幾咁忙，但都唔等個客投訴先至話奄列轉咗炒蛋囉！如果我唔發現/唔出聲，係咪就唔需要知道呢？店方咁樣嘅處理手法，比人感覺唔老實同埋搏大霧！落單後、上菜果陣大把時間同我講喎！商品說明條例，知道嗎？今時今日$60在灣仔還有其他選擇，這間冰廳試一次就夠，沒有下次！

今日無食午餐🍳，有D肚餓🤤，就求其見到餐廳就衝入去，點知…中伏了！！首先，我見到自己掃QR code落單，我咪掃囉，點知嗰個侍應話嗰個QR code冇用㗎喇，要口頭落呀嘛！我心諗：我係入去食嘢，唔係入嚟受罪，不過我都會俾多次機會佢，因為啲嘢食都係OK嘅！！不過，朋友就等咗20分鐘先有嘢食，而家去送餐速度比較慢我下次仲有時間嘅話，我就會再嚟！睇吓有冇進步到🤪🤪🤪！😞😞😞😞😞😞😞😞😞😞😞😞😞😞😞

我點左雞翼薯條，但冇薯條又唔出聲，最後出菜比雞翼沙律我😡😡😡之後話sorry 薯條賣唒，甘唔早講？早講唔叫個雞翼薯條係2件雞翼，佢話幫我轉鷄翼，但雞翼只有兩件，收42蚊，但menu 嘅瑞士雞翼都42/4件，點會42蚊得2件？佢分明唔想同我再炸，昆水，我大住肚+兩個細路，費事同佢嘈，所以忍左佢算，以後唔會幫襯呢間野😡😡😡😡甘唔老實嘅舖頭，一定冇下次，當做善事施捨乞衣

灣仔午飯時間好多人排隊見到呢間餐廳好大間好多位排隊排一陣就入得款式又有好多就試下點知有驚喜食物大份之外，價錢仲好合理附近返工的人士有福喇性價比咁高，一定再encore😬🥩板燒黑椒牛扒 $62兩塊牛扒 可配意粉/飯/薯菜驚肥所以揀咗意粉夠軟同味 撈埋汁唔錯牛扒好鮮嫩，又大塊咁抵食得唔得㗎🥹🥘韓式部隊鍋 $65同事嗌嘅，試咗少少個湯夠熱，味道麻麻地午餐肉唔係我哋食開嗰隻味芝士溶得唔夠不過欣賞餐廳包括埋韓國野食公仔麵軟度剛好 值得一讚配合唔同客人口味

係灣仔返工，主要都係喺利東街果邊食lunch，但價廉且物美者唔多，於是呢日決定同同事行過黎駱克道呢邊搵食。行過軒尼詩冰廳 (柯布連道)，見唔少人等緊外賣，覺得呢度味道都應該唔錯，同事就提議入黎一試。我地叫左是日精選午餐3號 焗牛肝菌牛肉飯（$64）、黑松露蝦仁炒飯（$65）同埋西多士（$38）。雖然係是日精選午餐，但個焗牛肝菌牛肉飯絕對唔求其，係即叫即做，上檯時新鮮滾熱辣！而且牛肝菌香味濃郁，牛肉嫩滑，十分高質！至於個黑松露蝦仁炒飯，無諗過蝦仁可以有咁多，黑松露亦好香，炒飯好有鑊氣，味道一流。因為平日工作好忙，我地都好少可以食到下午茶，所以特登想試埋個西多士，估唔到又好有蛋香，外脆內軟，值得一試！😋😋😋軒尼詩冰廳（柯布連道）地址：灣仔柯布連道6A及6B號地下