越瀧棧

營業中

休息中

想舒舒服服邊煲劇邊開餐，叫個二人晚市套餐外賣，份量很足夠，兩個人都吃不完，很抵吃！1. 香茅雞中翼拼春卷香茅雞中翼大大隻，很香的香茅味，皮脆肉滑都幾Juicy，春卷不會太油膩。2. 黃咖喱牛腩黃咖喱不辣，甜甜地，不喜愛辣的朋友可以放心，椰香比較重，牛腩炆到好腍，配菜有薯仔，青椒和洋蔥。3. 馬拉盞炒通菜分量大大，兩個人都食唔晒，放了很多馬拉盞和紅椒同炒，味道不錯！4. 法包加薄餅法包烤得脆脆，配上咖喱汁很好吃，而薄餅是軟身的，各有各好。5. 腐竹雞蛋糖不是整隻雞蛋，而是蛋花，不太甜，整體算幾好吃！

宜家影相就係要好睇，就算買咗外賣，返屋企都好似有強迫症咁，要整到靚靚先上碟🤣因為賣相很重要，擺得靚會更加有食慾架😉 蒜茸牛油雞中翼 6隻($68)💕一開盒就聞到好香牛油同蒜味，大大隻雞翼，食落香脆，味道唔會太濃，有淡淡牛油味🧈 越式網紋春卷 6條($46)春卷網紋隻隻都唔同，相信係餐廳自家製，大大條，好鬆化，點魚露一流，食完仲食開咗個胃 香辣肉碎炒飯($60)💕超大碟，一個人一定食唔哂，一家人share 啱啱好食得哂。用料亦都好多，有少少辣椒吊下味，仲加咗啲香葉一齊炒，食落超惹味 香茅豬頸肉($78)豬頸肉切得薄身，食落有咬口，有香茅味道，唔會太濃，整得唔錯

遲左放工又趕住返去追劇，決定買個外賣返去，可以一邊煲劇一邊慢慢嘆住食，有大叔同田田陪我一齊食，食都食得開心啲。簡簡單單揀左蝦頭膏海鮮炒飯同豬頸肉，外賣拎到返屋企仲熱辣辣，炒飯一打開即聞到香噴噴，飯底用蛋炒到金黃色，有好多海鮮配料，蝦、魷魚、蟹柳、蜆肉、鳴門卷(日式魚蛋)，蝦頭膏炒再加埋香脆乾蔥，超級惹味。另外豬頸肉都水準之作，豬頸肉燒到燶邊好香口，肉質就好juicy，配埋個酸辣醬汁簡直一流。原本呢度既份量一個人食其實太多，但因為好味所以我全部清哂，結果煲完劇要做運動消耗番啲先得。

好熱，完全唔想出去其他地方食飯，近近地落樓下買越南菜外賣返屋企食。餐廳有晚市套餐、單點，有沙律、紙米卷、飯、湯粉、撈檬、炒粉、炒飯、小菜、海鮮等等，款式種類夠多，價錢合理。蝦頭膏海鮮炒飯-估唔到好大份，入面有蝦、魷魚、蟹柳等等，飯炒得粒粒分明，蝦頭膏味道濃郁，食落好香口。香菜肉碎生菜包-新鮮生菜洗得夠乾淨，生菜夠多，足夠包晒成兜肉碎，肉碎肥瘦適中，而且肉碎加了青豆，再用生菜包住食，口感更清新，又不會有油膩感，而且最鐘意不會太辣，岩晒我口味。香茅雞翼湯檬粉-香茅雞翼醃得夠入味，香茅味濃郁，而且仲要大大隻，有成4隻，湯底味道夠濃，而且仲有蘿蔔，夠淋又夠甜。越式春卷-春卷炸得夠香脆，拎到返屋企依然都係脆，春卷入面有芋頭、粉絲、木耳，沾上酸辣醬，好味道。

好耐冇試過嗌外賣返屋企同男朋友撐枱腳啦！今晚決定食越式，係聯和墟間越瀧棧叫外賣返來食。我哋外賣左：香茅雞中翼雖然係外賣返到屋企，不過打開外賣盒仲係熱辣辣㗎！雞翼食落到好香香茅味。外皮炸到脆卜卜，但係入邊雞肉竟然勁多汁好嫩滑。完全冇油膩感，令人食過返尋味。柚子扎肉沙律只可以講句勁多勁多柚子，10分抵食！柚子粒粒晶瑩剔透，味道清香可口，好多汁。但美中不足係甜中帶少少酸。醬汁酸酸辣辣，好惹味開胃。上面仲鋪滿左炸蒜同埋花生碎，增加口感。香葉肉碎煎蛋飯呢個係我最鍾意嘅越式飯之一，因為香葉有一種特有嘅味道。加肉碎來炒，用嚟配白飯食一流，完全停唔到口。鍾意食辣嘅，會覺得辣椒加多少少就更加惹味。香茅豬扒撈檬因為焗住喺外賣盒入邊，香茅豬扒食落冇咁香口，口感淋咗。但係完全不損佢嘅味道，都係甘好味。醬汁係分開，食嗰時先至淋落去檬粉果度，酸酸辣辣，啱晒夏天食。上面仲有配菜例如蘿蔔絲同青瓜絲。最後梗係叫多杯椰汁珍多冰，爽曬！

公司近聯和墟，所以成日都會入黎搵野食，今晚試咗隔離嘅日本野，就過買外賣for聽日帶飯🤣🤣原本只想買咖喱（佢個黃咖喱真係好正），但二人餐實在太抵，個薄餅就留返第二朝早餐啦haha (超heavy😂😂😂)外賣包裝質素係滿意既，有汁嘅餸菜都冇點瀉到出黎，不過春卷經過咁長路程就淋咗啲，用焗爐烘返脆就搞掂二人餐我地㨂咗雞翼、春卷、通菜、黃咖喱雞、白飯同薄餅，雞翼好惹味，春卷唔算太油膩，通菜雖然唔算翠綠但調味適中咬落亦爽口，另外黃咖喱雞係一貫嘅香濃好食～

今次都係簡左外賣自取，叫左個香葉肉碎煎蛋飯，個飯底係豉油飯，所以好夠味，肉碎幾足料，而且唔算太辣，隻蛋仲係太陽蛋，撈飯好味! 之後叫左個香茅豬排飯，有好多塊豬排，香茅味幾重，側邊仲有D蔥油，所以食落好香。鮮菠羅海鮮炒飯好大份，2個人食都得，仲落左好多肉鬆，提子乾，食落好有口感。入面有蟹柳，青口等等，可能用左鮮菠羅，D菠羅都係好甜! 所以成個飯食落都甜甜地。飲品叫左 咸檸梳打，不過不失，朥在飲品種類都幾多，晚餐黎講3個飯都係200幾蚊，幾唔錯。

某社交平台彈左當年今日我同家人係越南無得去旅行唯有留喺香港不過都無影響一於買外賣返去同屋企人食返越南野補返數😌外賣等左大概15mins就拎得都算幾快打開Menu樣樣都想試索性叫個小食拼盤勝在樣樣都有可以試到唔同款嘅小食🔹越式拼盤 (細) $85有雞翼、粉包、春卷、蝦餅雞翼炸得啱啱好春卷加埋入面啲醃料餡料香脆可口細細份都已經足夠2個人食點埋個醬汁夠哂開胃🔸香葉肉碎生菜包$78肉碎份量都非常多唔會太肥或者太瘦加埋啲香料一齊炒再用生菜包住肉碎嚟食👍👍👍🔹越式扎肉炒金邊粉$65金邊粉炒得夠乾身扎肉同花生碎令到成個金邊粉生色不少好味道😋

越南晚餐都可以買返佢同屋企人慢慢歎😋呢度有唔同嘅套餐，無論堂食還是外賣都好多選擇，而且味道好地道，裝修佈置都好有特別嘅風味🏘拎到返屋企仲熱辣辣雞翼香茅醃料好入味用米紙做越式春卷好有特色青咖喱配🍕薄餅一流，咖喱汁好香，牛腩肉質幼滑又軟身🥬馬拉盞通菜夠火喉，香料做得好惹味，又有糖水食😋 ，糖水係腐竹雞蛋糖水，好滋潤⁹二人套餐＄238 包括：👒越式香茅雞中翼併春卷🥘青咖喱牛腩🥬馬拉盞通菜🍕薄餅🥣腐竹雞蛋糖水

天陰陰，想食啲比較醒胃嘅嘢⋯⋯就諗起呢間越南小店^_^食物選擇都幾多，仲有好多特色小食、特色飲品！重點係價錢絕對親民。其實堂食都好乾淨企理，但係屋企人懶落街，所以只好買外賣！咁豐富都只係呢個價錢，真心抵！三色冰夠晒冰涼，椰汁香濃，亦都夠晒足料，非常好飲！熱菜蜜都非常濃味，絕對冇吝嗇。香茅豬扒撈檬～豬扒數量非常驚人，開盒嗰一下嚇咗一跳！重點係非常夠味亦都係厚切！撇除開豬扒之外，個底就係咁樣嘅！非常之colorful，而每一樣佐料都係極具特色！越式春卷湯檬～個湯底非常之清甜，而越式春卷夠晒香口，網紋嘅酥脆係其他嘢代替唔到嘅！香茅雞中翼～唔會好油淋淋，而且外皮香脆、雞肉嫩滑

美味越南菜海南雞飯 d雞好滑身加上佢既醬汁都十分出色 而且份量又夠飽美中不足差個例湯 （$60）之後叫左個雞翼牛肉撈檬（$58）雙拼都係加（$6）好抵食呀 而且個汁自己加落去 可以跟反自己口味最後叫左個包 （$18/3）都好脆口咁係正😍😁埋單都係$138（平靚正）

聯和墟小店就是多！高質越南菜倒不算多，今天卻給我遇到了這家高質外賣店，$240的二人餐外賣， 夠三個人吃環境：雖然是拿外賣，但也說一下環境，算是燈火通明，地下企理乾淨服務：服務非常好，對客人的問題10分細心解答食物：二人餐$240黃咖哩牛腩 二人份不辣稍甜的咖哩，豐富軟稔的牛腩，加上超粉的薯仔，半熟洋蔥跟三色椒，配薄餅／白飯很是好吃馬拉盞粉通菜很大一份的通菜，幾乎是三人份了，少辣少甜超惹味！香茅雞翼好好吃！熱辣惹味，醃得很入味！越式春卷很脆口爽身，好吃~蛋花湯比較普通，但也不失為補充蛋白質的優質來源

而家因為疫情關係，好多餐廳店舖都要10點閂門，夜收工嘅關係，所以就選擇咗買外賣返屋企食，因為唔想急急腳咁食完就走，叫咗一個香茅牛肉飯，茄汁大蝦同埋越南蔗蝦，包裝好之後拎走嘅時候都已經聞到好香，返到屋企打開包裝，雖然賣相冇堂食咁靚，但係味道都唔差，牛肉拎好林身好香香茅味，蔗蝦好誠實，全部都係蝦肉咁滯，一粒一粒好爽係入面，茄汁大蝦一開盒係哇一聲，蝦真係好大隻，誠意好夠，又大隻份量又多，依個價錢真係回本👍🏻👍🏻👍🏻

從來外賣都不及堂食好，仲要隔左一日就更加唔會抱期望。估唔到今次搵到間令我喜出望外嘅越式小店。生菜包：平時食嘅生菜包只有肉，呢間加左好多青豆粒，食落口感爽左，亦無左一份只有肉嘅膩口感。辣度微微的，小朋友都食到黃咖喱牛腩：好喜歡這個咖喱汁的濃度，剛好掛在法包上，索晒d汁。甜度適中，好多舊牛腩。唔痴牙，夠淋👍值得一提是連個薯仔都好正，好軟棉棉，入口即化牛肉撈檬粉：牛肉帶有香茅味，配菜好足。最精粹就是個汁了，酸、甜、辣都好協調

嚟到粉嶺除左最出名嘅腸粉之外當然都想試下其他粉嶺美食 就去左喱間越瀧棧食午餐一望舖頭外面就已經見到好舒適寫意的露天座位 有木枱木凳如果喜歡曬太陽唔怕熱 坐出面都幾chill今次係打算買外賣 但店員好好叫我照坐低等外賣走嗰陣店員仲幫我拉開度門 好有禮貌 服務好好！☺️🍲熟牛肉湯河 $50外賣係會分湯裝的 所以唔洗驚番到屋企比河粉吸哂啲湯🤣 熟牛肉十分軟嫩 脂肪比例較多 入口即化 有陣陣牛香 仲有啲芽菜好爽口😋 我比較鐘意清甜嘅湯 而喱個湯幾啱我口味河粉則比較厚實 容易夾 又唔會好快吸哂啲湯🍲香茅豬頸肉撈檬 $58豬頸肉比我想像中大塊 聞到已經覺得好香肉質軟熟 仲配有青瓜絲 蘿蔔絲 花生碎 少量芽菜和葱色彩豐富已經好開胃 倒上甜酸汁後口感更加清新爽脆夏天食真係好啱！🌞🫔越式春卷3條 $22春卷表面炸得酥脆 又唔油膩😳 入面係芋泥 再加上木耳鹹甜剛好 大小適中一啖食到 唔會食到周圍都係🤣🥥椰汁冰 跟餐價$10椰子味濃郁 唔會太甜😙 夏天飲番杯即刻感覺清涼🥥椰汁三色冰跟餐價$10三色冰比較有口感 都幾飽肚😋