越瀧棧

營業中

休息中

逢星期日都會到聯和墟一帶食午餐，之前越瀧棧都是星期日休息的，擴充到了隔鄰舖位之後，增加了泰式炒粉麵飯，而且星期日都會開店。新舖位寬敞，座位舒適。新加的泰式午餐選擇多，味道也不錯。金不換牛肉炒河粉，牛肉頗多，河粉質感也不錯，只是金不換味道比較濃，不是我喜歡的口味。泰式扎肉炒金邊粉味道也不錯。雞翼湯河味道正常，雞翼炸得酥脆，值得一讚。此外可以加點其他越式小食，其中我比較喜歡的是越式炸春卷。午市跟餐有飲品，不過飲品確實只是一般般。

通常我喺呢一區食嘢，我都會做運動，我會行山、同埋行一啲郊區地方、咁食完就行返出嚟，行完夜晚又可以食，你話幾咁好呢？😜😜—————————原來粉嶺都有好食嘅越南菜，而且價錢亦都係大眾化，今日嘅新界區同昔日的已經完全不同，多咗好多好嘢食😋泰式彩虹湯粉：（配有魚蛋、潮州魚片，水魷魚🦑、肉片）多元化的越南菜，餐廳內也設有多國菜式，例如有泰式，這個也有潮式的食物，也就是越式的車仔麵一樣，多元化的餸菜🥳⋯⋯——————-酸辣無骨鳳爪：調較得入味、配菜的爽口、酸辣的味道令鳳爪吃起來更醒神醒胃😊———————越南滴溜咖啡☕️：喜歡喝咖啡☕️的我，又豈可放過這特式的越南咖啡☕️，咖啡的濃度也是不錯，越南滴溜咖啡一般都有奶在底層，而我本身個人喜好齋啡或小奶，所以滴完的咖啡☕️我沒有拌勻，也正好合我小奶的味道，咖啡的濃香也是這裏不錯的一杯咖啡☕️😋🥳———————-行山跑步食個tea….身體健康又一天😂其實開心🥳簡單就在你身邊..。食….拍…寫.. 已經成為我生活中的一部份鍾意食..鍾意拍…鍾意寫..留下美食回憶🥰———————-

今日同朋友去咗粉嶺踩單車 踩完之後又熱又攰 就同佢哋一齊周圍搵嘢食 見到呢間越瀧棧 餐牌非常吸引而且裝修都幾簡約幾靚 就決定入去食飯我叫咗一個海南雞飯 分量都幾多 就算我一個大男人都爭啲食唔曬 海南雞肉非常嫩滑 雞皮都幾肥 就算我減緊肥都忍唔住食曬啲雞皮 雞肉好juicy得嚟 咬口都幾煙韌 雞味都好重 配上用雞油煮嘅油飯 同埋海南雞簡直就係絕配之後再加上越南最出名嘅冰滴咖啡 香濃嘅咖啡一滴一滴咁樣滴落去個杯度 咖啡香濃又帶有甜味 簡直就係為呢餐畫龍點睛

今日去咗同朋友踩單車經過聯和墟嘅呢間越瀧棧 於是就食個午餐啦 餐廳裝修好有越南風味坐得舒服 夠曬衛生叫咗個蔥油香茅牛扒紅米飯 牛扒份量超級多呀 雖然薄薄地不過有成六塊咁多香茅味非常入味而且葉得軟淋 可惜有少少鬆肉粉味 不過勝在大大份用嚟送飯一流紅米飯嘅紅米比例唔算多 啱曬少少健康嘅人啦 口感味道同普通白飯冇乜分別你食越南菜點可以唔叫番個越南滴漏咖啡呀上面嘅咖啡壺 滴完之後就可以慢慢享用啦 咖啡清澈甘香咖啡味道濃沃 一啲都唔苦澀 啱曬夏天飲用十分解渴透心涼

忽然好想食越南嘢, OpenRice見到粉嶺有呢間,咁近就去試吓啦Lunch時間去到都多人食，不過座位闊落都唔會好迫香茅豬頸肉湯河$54湯底好清甜，有陣陣嘅蘿蔔香味，而且豬頸肉分量都唔少，肉質彈牙，又入味👍🏻泰式彩虹湯粉$55呢個有好多配料，有魚片、魷魚、魚蛋、炸雲吞，河粉好滑，分量仲好多添👍🏻香茅雞翼$28雞翼醃得好入味，香茅味濃，大大隻，外皮香脆，雞肉唔會乾爭爭，依然保持到肉汁珍多冰$10（跟餐）必點之一足料，椰子味香濃，而家唔會太甜，啱我😚薄荷葉青檸梳打$10（跟餐）薄荷葉整碎好出味，青檸嘅酸到啱啱好，飲落好清新～解油膩🍃整體黎講都幾滿意，下次可以再食～

粉嶺聯和墟越瀧棧係一間好正嘅越南茶餐廳，我已經幫襯多次。今晚放工再encore 。今晚我同朋友揀左3個餸，包括黃金香辣蝦，辣椒膏炒花甲同泰式咸肉炒時菜，兩杯飲品咸檸梳打同龍眼冰。黃金香辣蝦好香，非常多咸蛋，d蝦炸得好香口，連埋d咸蛋一齊好入味，而且好大碟都係百零蚊，好扺好正。辣椒膏炒花甲好大隻，而且完全冇沙同好新鮮，非常之鮮味，配合埋d辣椒膏真係絶配。泰式咸肉炒時菜真有驚喜，裡面有5款菜式，包括通菜，西蘭花，生菜，椰菜花同芥蘭，真心估唔到有咁多款，而且味道都係非常野味同大碟，正。配合埋2杯飲品，非常之完美嘅一個晚餐。

封關少左好多水貨室小編都多左係北區出沒今次黎到一間越南餐廳係北區朋友介紹🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🍝泰式扎肉炒金邊粉不同顏色配料提升食慾炒得好乾身 吾會痴埋成個麵餅咁有鑊氣得黎又吾會太油膩 入面有雜菜感覺幾清新🍜香茅雞扒撈檬檬粉好爽口彈牙，份量亦都吾細雞扒幾大塊但吾會好多肥膏，所以食落吾會好油膩，煎到個皮勁香脆，雞肉亦都好嫩滑配料亦好多 令個口感更加豐富個撈汁偏酸甜，食落好開胃。🍹龍眼冰好清甜同幾多龍眼肉😍🍹三色冰好香椰汁味，冰入面有綠色嘅啫喱，好有咬口

本身粉嶺都少越南菜，呢間之前食過佢嘅粉麵湯底係重味好正，去到先知佢搬咗隔離舖位今次試下湯粉以外嘅嘢，都唔錯👍😋特飲龍眼冰多龍眼肉，但冇乜龍眼味，好甜既水🙈三色冰幾香椰汁味，入面有綠色啫喱，成杯嘢好爽口泰式扎肉炒金邊粉足料炒得乾身，唔會好油，幾適合輕口味既人食香茅雞扒撈檬雞扒厚切香脆嫩滑好食，檬粉做得乾爽，撈汁酸甜食落開胃😋環境幾新淨光猛，木枱木櫈都幾有feel，牆身裝飾有越南特色，午餐套餐五十幾蚊有埋飲品，粉嶺嚟講都算幾好嘅越南菜👍

位於粉嶺聯和墟，有一間專食泰國🇹🇭、越南菜🇻🇳嘅小店，雖然唔係主要街道但食物非常高質，估唔到街坊小店有呢一個質素！🤤.店舖裝潢簡約，雖然入面空間不大，但枱與枱之間有一定距離，座位亦都闊落，坐得舒服👍🏻.一行二人叫左五碟菜，碟碟都食到舔舔脷😛.🍴蝦多士 🦐💰$78一碟四件大大份，蝦多士件件炸到金黃色🍤咬入口，多士鬆脆無比，蝦肉彈牙配上惹味嘅泰國酸辣醬，食到停唔到口😝不得不讚，廚師👨🏻‍🍳炸得非常之好👍🏻唔會太油膩，亦唔會揸到太乾身，呢啲真係考功夫🤟🏻.🍴櫻花蝦青木瓜絲沙律🥗💰$68食泰國菜當然唔少得呢一道沙律清新爽脆嘅青木瓜絲，配上蕃茄🍅、花生🥜、櫻花蝦🦐等材料，再用魚露、辣椒調味集酸甜辣味道於一身，非常開胃😋.🍴香葉肉碎生菜包🥬💰$78好鍾意食生菜包，每次食泰國菜都必叫當叫嗰陣，侍應問我想食熱食定凍食我先知生菜包係有凍食😅呢度熱食係越式風味，凍食係泰式風味我就揀咗熱食，大辣🌶同平時生菜包唔同，越式多咗豆角食落去口感更加豐富🤤肉碎充滿着香料嘅味道，好味🥰仲要呢個價錢下佢個份量係勁多，一碟多到成個小山丘咁😂.🍴冬陰功粉絲煮蜆💰$98呢度冬陰功湯偏酸，唔算好辣，重香料味本身好怕啲重椰奶味嘅冬

越泰菜黎講，真係成日黎食呢間，因為真係抵食又多選擇。叫左個辣椒膏炒海鲜，入面都幾足料，有青口，蜆，魷魚，蝦，全部都好新鮮，佢落埋紅黃椒去炒，而且辣辣地，好惹味，好岩叫碗白飯黎食! 今次係第一次食呢到既串燒，分別叫左雞，牛，豬。沙嗲醬係另外上，可以根據自己個人口味黎加減，個醬好濃花生味，好香。燒完既肉都唔會話好乾，值得加分!炒芥蘭都好好食，菜唔會炒到過熟，所以食落都仲係脆爽。黎緊聖誕有PARTY想開，都可以諗下係到叫幾個送番去食!

📍越瀧棧 (粉嶺聯和墟)繼係粉嶺中心食過湘川之後，今次朋友仔推薦位於聯和墟嘅越瀧棧，佢話就越南餐廳 我就佢試下啦呢間麵店 有d得意， 唔知點解 就係越南麵店 但好多野食名都係泰式 今次我地外賣返屋企同老公2個人慢慢歎先老公食泰式香辣雞絲撈檬我就食泰式彩虹湯粉🍜泰式香辣雞絲撈檬🥕感覺幾好 因為佢夠凍 唔係好似其他食店一樣熱嘅，🥒🥒🥒🥒🥕🥕🥕🥕佢d紅蘿蔔絲 同埋青瓜絲 超級正呢2款配菜好多店都忽略💯💯💯💯點解我話正呢 原因係佢超新鮮 應該係岩岩切出黎嘅 (呢個唔知係甘岩定係真係甘新鮮呢 但我自己就因為呢個 而幫個粉麵加左分啦) 同埋佢d醬汁分量都岩岩好 夠曬✅✅✅✅ 🍜泰式彩虹湯粉🥕關於嘅彩虹粉麵 我叫呢個係因為有彩虹呢2個字， 但出到黎 就同我感覺嘅彩虹有d出入不過 呢個粉麵都有個優點 就係d河粉好新鮮🎉🎉🎉唔知大家知唔知道呢？ 其實 如果d河粉唔新鮮係會斷曬嘎，所以好多餐廳 到左夜晚嘅河粉都會賣曬 🌒🌒🌒或者都會斷曬 💔💔💔💔大家見到張相就可以見到啦 佢都真係新鮮嘅❤️❤️❤️❤️唔知你今次食左d咩呢？📍地址：粉嶺聯和墟聯和路3-5號富貴樓地舖📍

之前間野一齊做開越南菜, 佢個豬扒凍蒙粉好好食!今次試下佢既泰菜先, 呢區都真係吾少競爭, 睇下水準如何先!  菠蘿海鮮炒飯 - 好食! 飯底炒得好好, 好香, 夠哂味! 好足料! 好多海鮮菠蘿提子肉鬆.唯一要彈既野就係個青口個殼好似未清潔好甘炒埋落去 , 有D污糟FEEL泰式豬頸肉沙律 - 我冇專登去叫小辣所以覺得好辣! 但個豬頸肉好肥美好好食, 如果用生菜包住黎食就冇甘辣都仲接受到, 食吾到辣既朋友仔記得問下有冇得少辣!總括黎睇, 都好食既, 對比其他吾會比下去先! 下次試埋個CURRY先~翻兜指數 ****(5粒滿)

🏫今次去咗一間位於粉嶺聯和墟嘅小店「越瀧棧 」。鄰近幾間中學，係學生們嘅飯堂，所以定價好貼地親民。店員及食客傾談時嗰種熟絡感，係街坊街里嘅人情味啊～🍜香茅牛肉湯粉（$50）：大量嘅洋蔥，炸蒜及青蔥，牛肉及湯河粉正常發揮。湯底夠曬清甜。嗜辣嘅朋友們可自行再加少少辣椒粉，更能突出湯嘅鮮味。🍛蔥油香茅牛扒紅米飯（$58）：煎牛扒肉質鬆軟，加上特別調製過嘅甜豉油及蔥油，送飯無敵！店家特意配上醃蘿蔔，稍酸，口感爽脆，解油膩感。🍵菊花蜜（+$12）：正氣養生之選。另外仲有菊花薑蜜，冬天正好飲完暖笠笠。🍹椰汁綠豆冰（+$10）：邪惡但係好滋味，五分之四杯都係椰漿汁，會唔會太豪邁～算啦，食飽先有氣力做運動。☺️整體而言：貼地親民街坊飯堂，食物性價比高。越瀧棧 地址：粉嶺聯和墟聯和路3-5號富貴樓地舖電話：34809220營業時間：11:00-21:00（星期三休息）

有一日經過聯和墟見到呢間餐廳好多人食. 就打算試試佢個lunch set由於堂食人數太多.所以就揀咗外賣返屋企慢慢嘆🥰貪心嘅我之後叫咗一個粉面+1個小食🇹🇭泰式扎肉炒金邊粉一望到盒金邊粉已經嚇親我😳大盒到好似出面兩盒份量咁.超級熱辣辣金邊粉條條分明. 炒得乾身扎肉份量好多🇻🇳越式春卷三條春卷每條都炸得好脆口. 但唔會太油膩每條都脹卜卜好足料. 入面熱辣辣沾埋酸味味既魚露好好味☕️越南滴漏咖啡咖啡意料之外香濃❤️奶味唔會過重值得一試

有粉嶺街坊推介，特登試下呢間抵食越南菜！❤️香辣肉碎炒河 味道有d八角既味，好特別3好中意佢有好多蔬菜一齊炒，份量非常之多，超抵食🧡櫻花蝦牛鬆炒飯 炒得好乾爽粒粒分明，入面有好多細細的櫻花蝦幾好咬口，牛鬆就好鬆軟，而且份量同樣好足，食到好飽💛越南滴漏咖啡 一上枱要檯，要等d咖啡慢慢滴一陣，淨係等佢滴下滴下都好期待～味道好濃，有少少苦澀味，好大人嘅口味!!💚珍多冰 好香既椰子味，珍多味道好清甜，但成杯飲落又唔會太甜喎，唔錯唔錯～