越瀧棧

營業中

休息中

湯粉的肉很不錯，但是湯有點偏濃不夠清新，香料的味道也有所欠缺，在我心中只能排到第二第三的樣子。撈奶酪很清新，九層塔的味道增色不少，香茅牛肉烤的非常香，味覺層次豐富，肉量也很感人。

係外賣app嗌左個越式春卷撈檬 送餐後發現比漏左個撈檬汁🫠 即刻企左係到… 冇汁唔通要乾爭爭咁食咩😂 但家陣唔係薯條冇茄汁 大多數人屋企都唔會有撈檬汁啦 唯有打電話落餐廳叫佢地處理 點知得到嘅回應係「我地好忙喎 補送唔到比你 一係你自己落黎攞」認真搞笑🙃 我叫外賣就係唔方便落街 仲要因為你比漏野而我要自己去攞？後尾經外賣app投訴 CS打黎了解情況 話同餐廳聯絡過 員工表示當時太忙一時有情緒 想講聲唔好意思🤷🏻‍♀️ 其實我都係想食餐飯 唔包受氣 希望餐廳會有所改善 態度唔好食物幾好食都唔會想翻轉頭

🍽越瀧棧同個朋友出聯和墟搵嘢食，聯和墟有好多細細的餐廳，我就揀咗呢間越南餐廳。🥦咖喱牛腩飯$58咖喱好香好濃，牛腩好多，牛腩都好林，唔韌，我叫咗個青咖喱有少少辣，👍🥦香茅牛肉湯河$54牛肉湯河好大一碗，材料又多，有牛肉、芽菜、洋蔥、羅勒香葉，食一啖有好多唔同層次口感，牛肉好多，個湯都好濃肉昧。🥦越式春卷3條$22春卷肉脆內軟，每一口咬下去都能感受到外皮脆度同內餡的鮮味，給人帶來口感的享受。🥦酸辣無骨鳳爪$30酸辣鳳爪味道適中，酸酸地、甜甜地、辣辣地，好開胃，鳳爪清爽同埋配料一齊食，口感豐富，食到停唔到口👍越瀧棧 (粉嶺)粉嶺聯和墟聯和路3-5號富貴樓地舖

聯和墟其實係一個隱形美食區😍今次想介紹大家試試越南菜👍前菜：香茅雞翼拼扎肉紙米卷平時唔鍾意食紙本卷嘅我，都覺得呢間嘅整得好出色，食主菜單前開開胃蝦頭膏海鮮炒飯🈵️🈵️勁足料，好多海鮮呀呀🥳份量好足，唔會因為外賣面偷工減料我覺得最出色嘅係蒜蓉牛油燒蝦😍牛油未完全心落去蝦肉度，仲配合超級足料嘅蒜蓉乾，配合蔥花，每一啖都非常惹味👏🏻👏🏻馬拉盞通菜外賣返到屋企仲好熱，證明菜炒得夠鑊氣🥳🥳如果

一聞到個湯就知中伏勁濃味精+胡椒味但個湯本身係無味的就係水加味精加胡椒粉囉無香葉無辣椒果d得兩舊蘿蔔同洋蔥芽菜根本唔係越南湯河真係人生食過最難食既湯河茶記，車仔麵都好食過佢雞翼有4隻，叫就幾多既但炸到乾晒，一咬係硬，唔係脆既我見到間餐廳咁多好評表示完全唔理解睇返好評既相個湯底隻色清到水咁就知根本唔係果回事平時我唔會係openrice留言但今次真係難食到我唔留唔得因為我真係成碗無食到完全擺唔到落口啊

呢間小店泰式同越式都有，因天氣熱，所以選擇了越式😬座位算係寬敞舒適，但因為趕時間，所以決定外賣！睇返餐牌都有好多唔同選擇豐儉由人，最終揀咗個二人餐。所有外賣嘅包裝都乾淨企理，分汁、分湯同分醬都無難度🤣熟牛肉撈檬～撈檬係夏天嘅聖物，酸酸辣辣胃口大開，配上其餘不同口感嘅配菜，令成件事更加豐富🫶🏻生牛肉湯檬～用湯嘅溫度去浸熟薄牛片真係非常嫰滑，湯嘅口味香濃，滿滿香葉特殊味道，十分滿意。香茅雞中翼～雞翼尺寸頗大，亦都非常入味。手打蝦餅～由於係手打嘅關係，非常彈牙，裏面亦見到粒粒鮮蝦，真材實料，外層酥脆。馬拉盞炒通菜～夠晒惹味，當中蝦仔更帶出鮮味，份量亦都唔算少👍🏻椰汁西米糕～椰汁味香濃，唔會太甜，份量剛好。

🇻🇳🇹🇭越瀧棧​👉🏻👉🏻向左拉有食物相 & menu​💰Order左二人套餐（A) $278，加埋2杯野飲分別$12 & $17，最後埋單$307​📖呢個二人套餐包括：前菜小食（兩隻香茅雞中翼&四件扎肉紙米卷），兩隻蒜蓉牛油燒蝦，蝦頭膏海鮮炒飯，馬拉盞或蒜蓉炒時菜&甜品​1️⃣ 兩隻香茅雞中翼 & 四件扎肉紙米卷紙米卷唔單止好食，仲要大大件，點醬食好惹味，雞中翼都好食，雞肉嫩​2️⃣ 蒜蓉牛油燒蝦巨量蔥&蒜蓉，同埋個蝦一齊食，超級惹味​3️⃣ 蝦頭膏海鮮炒飯炒飯好正，仲有魷魚同蝦球​4️⃣ 蒜蓉炒時菜可以揀馬拉盞或蒜蓉炒時菜（菜都有幾款選擇），正常炒菜，比較好係唔會太油/鹹​5️⃣甜品（椰汁西米糕）比呢個西米糕驚艷到，上面層椰汁好香好滑好軟，有少少可惜個西米糕底有d硬，不影響進食​✨會再幫襯？會，下次想食下lunch

本身唔係住喺粉嶺嘅，今日特登嚟到粉嶺試下呢一間越南餐廳。行過地鐵站去到嗰度要花一段時間，而且佢嘅位置都比較難搵，我哋去到附近先轉了一圈先搵到。最後到達球場嗰陣時，發現佢喺隔離。平時晚上大約六點幾嘅時候去，只有三分之一嘅座位有人坐，但食完嘢之後差不多大半都坐滿咗。⭐️ 越式生牛肉湯粉牛肉湯底鮮甜，比起咸味更加係香料嘅濃郁。生牛肉片都好大，有嚼勁同肉質，係一個不錯嘅選擇。⭐️ 海鮮炒金邊粉炒出嚟好香，一上枱就可以見到好多唔同嘅豐富配料。⭐️ 泰式拼盤（細）入面有蝦餅（兩件）、豬頸肉（五六件）、泰式網紋春捲（四件）。每樣份量都好足夠同埋好實在。蝦餅入面係滿滿嘅蝦肉，每一口都能夠品嚐到鮮味。豬頸肉切得好厚，大概比其他餐廳兩倍嘅厚度，食落去好似食緊豬扒嘅感覺。春捲外皮香脆，再配上酸甜汁更加清新可口。⭐️ 凍奶茶凍奶茶甜度適中，越南奶茶茶味出眾。🍄 總結份量非常大，我哋兩個人點咗兩碟菜同一個小食同飲品，勉強食得晒。下次如果嚟的話，大概一份正餐再加個小食就已經足夠。📍越瀧棧粉嶺聯和墟聯和路3-5號富貴樓地舖G/F, Fu Kwai Building, 3-5 Luen Wo Road, Luen Wo Hu

好評是刷的嗎？ 點左碗雞絲湯河 個湯完全唔係越南果隻無青檸無辣椒無香葉雞幾滑，但似食緊車仔麵另外再點左碗香茅豬扒河食過人生最「鞋」嘅豬扒 真心茶餐廳仲好食過佢難食到嘔

同老公去咗聯和墟搵食， 見到球場旁邊就有一排食肆，揀左幾間，決定試下呢間越式菜 😊越菜我最鐘意就係食香茅豬扒飯同炸蝦餅，之後再叫多份串燒試下。 飲品就揀左椰汁冰同龍蝦冰 天氣咁熱，馬上飲咗好大啖飲品😂 首先杯野飲都幾大杯👍🏻椰汁冰夠香椰子味 ，龍眼冰更加正，甜味岩岩好 👍🏻夏天飲呢2杯冰凍飲品，真係夠晒爽❤️香茅豬扒飯：飯量夠曬多👍🏻我地2個人食一碟都夠，加上有旁邊有蔥油撈飯👍🏻夠香 豬扒真係好多，件件都大塊，夠厚肉，肉質又唔會鞋👍🏻好味🤩而且切好晒，岩曬我呢D懶人👍🏻炸蝦餅：必食👍🏻即叫即炸，炸到金黃色，好吸引😍食落又熱辣辣，有彈牙蝦肉粒👍🏻無得彈串燒：呢個又係好惹味，豬牛雞各叫左一串，我最鐘意食豬肉呢款，大大塊，而且D肉剁過，好似肉餅咁，好淋滑🤤 總結呢間價錢唔貴，碟頭飯都係$50-60 左右，而且份量夠多夠大碟，小食亦都好惹味👍🏻❤️抵食

-越瀧棧-@粉嶺.平時同父母食飯都會選揀中菜，前幾日媽媽講起都食下越南野 所以就帶她到聯和墟的越瀧棧。.哩度唔單止有越南菜，仲有泰式嘅選擇。.越式網紋春卷 (6件) ($48)先點一個小食，越式網紋春卷的春卷皮係網形，層次較多，所以食落特別鬆化，而且好乾身，一點也不油膩。裏面的餡料係碎豬肉，加埋個醬汁超級開胃。.泰式咸脆肉炒通菜 ($68)份量超大的炒菜。起初以為泰式咸脆肉係肉碎質地，上菜先知原來係大大片炸香過的五花腩，望落油脂部份比較多，但係因為已經炸到金黃酥脆，食落反而唔會覺得好油。.咸脆肉味道較濃，加埋通菜炒香，十分惹味。.香辣雞絲湯檬 ($54)香辣雞絲份量同樣很多，滿滿雞絲混合紅蘿蔔絲和青瓜絲，加上酸酸辣辣的醬汁，甚是開胃。.湯底雖然係清湯，加入蘿蔔、香蔥和洋蔥，已經好夠味。檬粉的份量好多，食極都食唔完咁。.生牛肉湯金邊粉 ($54)生牛肉夠薄身，上菜時仲係半生熟的，食落嫩滑唔韌。牛骨湯底加上脆蒜和洋蔥等提味，更為鮮味。.龍眼冰 ($30)龍眼肉好多，唔會太甜，好清新。

去粉嶺聯和墟揾食～～呢間餐廳有越式又有泰式野食😋叫左2個lunch set#香茅豬頸肉湯河 🐷🍜 可免費轉檬粉，金邊粉+$2豬頸肉好大片，有7片咁多🤩有豬肉香味🙂湯底有淡淡胡椒味，偏甜少少😛fafafoodie 鐘意偏甜既湯底，所以岩口味😗河粉厚身過平時個啲，所以耐左都唔會浸淋，仲有啲芽菜洋蔥增添口感～有2件蘿蔔索晒湯好入味 （聽到隔離枱話香茅牛肉好食，下次試～）HKD54#香茅雞翼撈檬 🐤🍜4隻香茅雞翼炸到外脆內juicy，香茅味岩岩好😁撈檬汁酸甜微微辣好開胃，岩晒炎炎夏日食😉有青瓜絲/紅蘿蔔絲/花生碎/炸洋蔥/香蔥 撈埋一齊好惹味😋HKD56#三色冰 🥤 午餐+HKD10食泰越野點少得特色飲品😜三色冰有綠豆/奇亞籽/綠色條條～口感豐富😋椰汁甜度剛好唔會太甜👍🏻#熱檸水 🍋 午餐 Free檸檬新鮮抵讚👍🏻免收加一服務費越瀧棧粉嶺

越瀧棧 (粉嶺)粉嶺聯和墟聯和路3-5號富貴樓地舖先前乳豬介紹過兩間位於粉嶺既食店，想讓大家知道其實粉嶺都好多美食～～今日乳豬想再介紹多一間，呢間主打菜就係大部分香港人都喜愛既東南亞菜式，餐廳就叫做越！瀧！棧！！🥩生牛肉湯粉牛肉粉係絕對係東南亞菜名物，係必試一項！！呢碗粉既粉底跟外面有點不同，他的麵質比較「煙靭」外面河粉就會係軟軟的，我比較喜歡這個，牛肉相當新鮮，鮮紅色的，脂肪亦多乳豬推介指數：🐷🐷🐷🐷🐷🐷🐷🐷🐓香茅雞翼配春卷雞翼煎得夠香夠脆，體型夠大隻，香茅味亦夠重，春卷跟外面吃到的差唔多乳豬推介指數：🐷🐷🐷🐷🐷🐷🥘青咖哩牛腩煲配白飯跟薄餅🍕乳豬會跟大家講一句如果大家會來吃的話：必叫！！好好食！！因為青咖喱夠香辣、夠稠濃，牛腩份量多！！咁濃味既食物配答上白飯和印度式薄餅一齊食，真係絕配不過乳豬推介指數：🐷🐷🐷🐷🐷🐷🐷🐷🐷馬拉盞炒通菜🥗平時呢一味菜可能去大排檔都會食到，但呢度既通菜比較爽口，唔會太難𡁻口，香辣味夠同埋鑊氣都好足，跟白飯又係一流！！👍👍乳豬推介指數：🐷🐷🐷🐷🐷🐷🐷🐷泰式串燒（豬、牛、雞）🐷🐄🐥$30兩串，每款就各叫左兩串，燒得熱辣辣田，什至帶點焦香！！配上沙嗲醬，啖啖肉外

👩🏻‍🍳 越瀧棧🧑🏻‍🍳👣值得科勞指數：🏃🏻🏃🏻‍♂️🏃🏻🏃🏻‍♀️🍽 咖哩漢堡扒蛋包飯定食漢堡肉質地鮮嫩多汁，咖哩香濃，蛋皮包裹著米飯，讓口感更加豐富。整道菜色看起來色彩繽紛、食慾大增。🍽 章魚小丸子即叫即燒用料也一點都不馬虎👍🏻🍽️赤龍地獄湯湯叉燒拉麵湯頭是以豬骨、雞骨和各種香料熬製而成，加上辣椒和芝麻等調味料，讓湯頭味道濃郁。🍽️吉列廣島蠔🍹牛油果沙冰（我最愛😌）🍹 「赤瀧」由士多啤梨和蔓越橘加soda，味道非常獨特。📍地點： 粉嶺聯和墟聯和道3號地下#hkfood #hkfoodblogger #hkblogger #hkfoodblog #hklifestyle #foodstagram #instafood #foodoftheday #hkiger #hkeat#hkig #foodie #hkfoodpic #hkrestaurant #相機食先 #香港美食 #followme #followmetasting #vietnamese_restaurant_ #粉嶺探店 #粉嶺美食 #粉嶺探食 #聯和墟 #越瀧棧 #vietnam @vietnames

今日去左聯和墟，想買外賣返屋企食，見到呢間越南菜都幾多人食就決定試下😛 佢晚市有幾個套餐可以叫，我地揀左個二人套餐$248，都幾多野食😆.🔸香茅雞中翼拼春卷每樣都有兩件，香茅雞翼幾入味，春卷外皮炸得好脆，係網皮春卷，不錯🙈.🔸黃咖喱雞煲配薄餅兩份咖喱幾大兜，雞既份量都唔少😆 黃咖喱點薄餅食，係無得輸既組合，薄餅香脆再加分👍🏻.🔸馬拉盞炒時菜份量好多～ 揀左少辣，辣度岩岩好，係餐廳見到幾枱都有叫呢個菜，值得叫～.🔸甜品（椰汁西米露糕點）椰汁味香濃，西米露中間仲有d粟米、蓮藕、芋頭，幾有咬口🤓