越瀧棧

營業中

休息中

呢間小店泰式同越式都有，因天氣熱，所以選擇了越式😬座位算係寬敞舒適，但因為趕時間，所以決定外賣！睇返餐牌都有好多唔同選擇豐儉由人，最終揀咗個二人餐。所有外賣嘅包裝都乾淨企理，分汁、分湯同分醬都無難度🤣熟牛肉撈檬～撈檬係夏天嘅聖物，酸酸辣辣胃口大開，配上其餘不同口感嘅配菜，令成件事更加豐富🫶🏻生牛肉湯檬～用湯嘅溫度去浸熟薄牛片真係非常嫰滑，湯嘅口味香濃，滿滿香葉特殊味道，十分滿意。香茅雞中翼～雞翼尺寸頗大，亦都非常入味。手打蝦餅～由於係手打嘅關係，非常彈牙，裏面亦見到粒粒鮮蝦，真材實料，外層酥脆。馬拉盞炒通菜～夠晒惹味，當中蝦仔更帶出鮮味，份量亦都唔算少👍🏻椰汁西米糕～椰汁味香濃，唔會太甜，份量剛好。