越好

營業中

休息中

尋日天氣真係好熱🔥熱到我以為自己會暈係條街度🥵肥仔男友話帶我去食越南野消暑喎🇻🇳可惜個胃唔爭氣，我都好想食撈濛🥺• 炸蝦餅🍤 $38• 越南炸春卷 $36炸野做得幾好，新鮮炸起熱辣辣😋 蝦餅好彈牙👍🏻春卷個皮同平時酒樓食既唔一樣，呢個皮再鬆化啲，裡面仲有我最歡喜既芋頭☺️• 生牛肉湯河 $58上到枱啲牛肉都不生了😔 好彩都仲好嫩🤭 湯底好濃牛味，清而不膩，算係越南湯底既特色？🤔一食就好掛住越南啲Pho, 幾時先可以再飛✈️• 越好咖喱豬扒飯🍛 $60個咖喱其實同沙嗲無乜分別😂 好香花生醬味，甜甜地，好食😌 豬扒都好juicy，唔會乾淨淨• 恐龍美祿🦖 (跟餐要另加$3)以前中學個陣飲過，原來叫恐龍美祿，即刻叫黎飲懷緬下🥲 我都知heavy，但個cream係重點黎😍

今天跟媽咪去吃這家越南菜，見餐牌也不是很貴，就進去了，平日夜晚都幾多人。我地叫左生牛肉河和四寶河，湯底牛味都幾濃，加上西檸、香葉都幾開胃，夏天最啱食越南菜。本人比較喜歡生牛肉，不會太Lum，加上辣醬，味道不錯。另外，我地叫左兩個小食：炸蝦餅和牛油雞翼。牛油雞翼有些少蒜香味，喜歡香口的朋友可以試一下。本人比較喜歡炸蝦餅，香濃的蝦味，加買酸甜醬，不錯。我們忍口不叫凍野，我叫了一杯熱洛神花茶，味道不太甜，剛剛好，幫我消消濟，減肥食都無負擔。

收工後約左朋友係沙田食晚飯，黎左連城廣場呢一層既美食集中地搵野食～見呢間河粉好似好有來頭，又有飯既選擇唔驚唔岩食就決定試下～我地叫左個四寶牛肉湯河，咖喱豬扒飯少飯，清湯娃娃菜，清湯蘿蔔(原本想食咖央多士但賣晒😢)同埋一杯蜂蜜柚子茶河粉湯底帶有濃郁而清甜既牛味，唔油膩，飲得出係好花時間心機同成本煮出黎👍👍 而且感覺唔似同樣主打牛肉湯河既錦X咁濃味精味🙊牛肉同牛展嫩滑，牛腩夠淋，牛丸彈牙，出色！😋個咖喱幾重花生味，個人認為似沙爹多啲😂好惹味但唔會太辣豬扒份量好多😯 香口得黎唔油膩亦都好juicy，連汁送飯一流😎清湯蘿蔔好甜無渣，如果再淋啲就perfect😂下次要再黎試下咖央多士！😤

**越好-連城店**同老公行完街,想求其食間CASUAL既.就入黎坐低食座位唔多類似快餐既模式 當然唔會有太高期望泡菜鳳爪 ; 聽落有少少伏 , 不過老公想食就是但啦,其實賣相都唔吸引嫁,因為說好的泡菜呢?其實酸酸辣辣又做得幾好渦,就忘記佢講既泡菜啦香茅凍茶 ; 超濃郁既香茅味,令我好掛住BALI 桂圓紅棗茶 ; 唔會希dom dom , GOOD ! 蝦醬雞翼 ; 真係有蝦醬味嫁, 係新鮮即炸 , 唔係一早炸定 , 肉質仲漲卜卜嫁 , 可以食多十隻網炸春卷撈檬 ; 春卷又係即炸,好脆 , 而且仲有6條,真係食春卷都飽! 越南牛腩湯河 ; 湯底唔係一般既雞精味好驚喜既一餐越南菜, 好過好多大型越南餐廳!! 一定會再去

第一次光顧當時店內未有坐滿，向門口接待員告知3位，接待員未有理會，只見佢埋頭埋腦，店內職員示意叫入去坐4人枱，家人寫完出行記錄找箱，該接待員突然不發一言伸手取去。用餐中途，開始有人輪候，我哋其中一坐位放咗背包，該接待員突然不發一言拎起背包意圖取走坐椅，我地用餐亦比佢ge行為嚇一嚇，示意叫佢等一等，佢一心只為取坐椅，完全無理會我地感受同比唔切反應，並且好無禮貌同我地講「有客等緊，d客唔等得會走㗎」。事實咁講，我哋理解要做生意，我地係會比番張坐椅佢，只係個接待員點都應該講聲，呢個係基本禮貌。做生意概念好有問題，而家係趕客，無下次！好食同有基本禮貌ge小店點都一定會有客番轉頭，d客亦會有耐性等。順帶一提，職員對公司食品認知不足，叫魚餅前已問辣唔辣，職員話唔辣，我好肯定咁講係辣，唔係微辣嗰種。

越好生牛肉河：識食一定食生牛河，生牛肉一點肥也沒有，而且極之軟身和重牛味。上枱呈微紅，剛好熟！值得一讚是牛骨湯底，令河粉完全吸收牛骨湯汁，非常可口美味。建議大家加入附送的青檸和辣椒仔，更令湯頭惹味至極！越好熟牛腩河：熟牛腩上枱令人驚訝，牛腩肥瘦均勻，還以為是五花腩！🤣🤣一碗有五大片，河粉亦非常軟滑，分量十足，絕對是招牌菜之一。👍🏻👍🏻蝦醬雞翼：新鮮配搭，雞翼充滿蝦醬鮮味，雖然係油炸雞翼，但是雞翼袷鎖咗很多肉汁，不會太乾！係小食必選😍。越南春卷：春卷外脆內軟，餡料有很多蔬菜，沾上越南酸甜汁可以增進食欲添！😋😋

好耐都冇黎過沙田 估唔到連城商場開左咁多開餐廳 變左做美食廣場😆😆係咁多間餐廳入面 揀左一間門面幾靚 感覺好衛生既越南菜☺️☺️越好👍🏻👍🏻餐廳都有好多選擇 其實佢仲有2人餐既 好似170幾蚊 都係包2主食 2小食 2野飲 都幾抵😆餐廳入面既設計都幾靚 牆身打卡都幾好我地嗌左個越南野必食既生牛肉湯河 牛肉既份量出奇地多💓💓湯底都幾鮮甜 依個炸蝦餅相當出色!!!!好香蝦肉既味 配合埋泰式辣醬食 減緊肥既我都冇負擔 食多2舊先haha🤣🤣春卷都幾好食 唔似出面d越南菜炸到成口油 口感都幾清爽 最岩夏天食另外我地仲嗌左2杯野飲 咸檸七同青檸梳打 好涼爽好好飲另外我朋友就嗌左沙嗲牛肉撈檬 都係夏天岩食d冇熱湯 涼涼地酸酸甜甜

今日去沙田諗住做gym鍛鍊豬肉前食啲野，就去左附近的“越好”食個下午茶，想不到咁抵食。 我叫左個香茅雞扒飯茶餐，賣相十分吸引，廚師細心配上前菜讓你先打開胃口，還有蝦片伴碟，充滿東南亞風味。 此外，想不到茶餐亦是奉上原塊雞扒，而且以燒製方法處理，更為健康。另外，雞扒上亦特別為你加上花生，令雞扒更可口。 香茅雞扒飯連熱飲茶餐都只是$42，尚算抵食，值得推薦。

講明先，要減肥既人係咪食完撈檬會瘦？梗係唔係啦。只不過冇油炸冇油炒既野相對冇咁油膩，就唔會食完瘦。因為怕被人話誤導，戴定頭盔先帶左朋友（想keep fit既朋友）去食野，佢因為想keep fit所以我就唔帶佢食咁heavy, 唔heavy但又要好食其實係咪可以並存呢？答案係肯定的。所以今次佢只係叫左撈檬，仲有小食呀咁，而我就梗係食晒勁watt既野啦。因為咁我食食食食食大部分既串燒，而佢既雞肉串燒又真係唔錯啊！入味同埋肉質唔會太硬太鞋，個味道唔會太咸。但係呢度比我想像要空間細，所以叫多野食既話，桌子放不了這麼多食物呢

​🤍越好​​尼間鋪頭係馬來西亞過江龍，係馬來西亞有32年歷史嘅老字號，有7間分店，以性價比高而聞名！我覺得「越好」尼個名改得好好👍🏻，有越食越好味😋、越南野好味、越來越好嘅意思，全部都好好意頭阿！​​∞ ∞ ∞ ∞ ∞ ∞ ​​◽️越好四寶湯河 8/10 (HKD 60）​​四寶係包括招牌生牛肉、牛腩、牛展同牛丸！生牛肉入口即化，牛腩軟腍入味，牛展惹味，牛丸彈牙，四個餸都好好味！河粉亦十分柔韌，夾到好高完全唔會斷，軟硬適中！湯底係牛肉湯，十分鮮甜，散發濃濃牛香，好濃郁阿！​​*:･･:*:･ﾟ･:,｡*​​◽️越南豬扒撈檬7/10 （HKD 56)​​豬扒份量超級多，食極都食唔晒，香茅味都幾重，但豬扒軟硬適中，食落十分香口，不錯！檬粉煮得岩岩好，加入大量魚露，酸酸甜甜好清新，夏日必點！​​*:･･:*:･ﾟ･:,｡*​​◽️炸蝦餅 8/10（HKD 38)​​蝦餅熱辣辣咁上，非常惹味，蝦餅彈牙，外脆內軟，配埋酸甜醬中和番個油膩感，非常出色！而且38蚊有4件，性價比非常高！​​*:･･:*:･ﾟ･:,｡*​​◽️蝦醬雞翼 5/10（HKD 38)​​雞翼脆卜卜，外面包住一層薄薄的面包糠，非常香口

今日和朋友到沙田辦事，有啲匆忙，就去咗沙田火車站上蓋嘅連城廣場醫肚，見到呢間馬來亞嘅過江龍越南餐廳，就好想試下。餐廳嘅裝修好特別，用咗好醒目嘅黃色，簡潔明亮，感覺乾淨企理。侍應非常勤快，坐低即遞上餐牌，我和朋友各叫咗小食、河粉、和飲品。食越南嘢一定要試下佢嘅招牌菜 ~ 越南生牛肉河啦，朋友就要咗熟牛腩河，仲請我食咗兩件添 。生牛肉河 ~ 湯底好香濃，應該用咗大量嘅牛骨淆製，好清甜，又有牛味，牛肉帶粉紅色，好嫩滑，加少許青檸汁、辣椒、配上五層塔香菜，真係超好味。朋友嘅熟牛腩河 ～ 牛腩做得好鬆軟，帶少少肥，一啲都唔韌，又保存到牛腩嘅咬口。越南炸春卷 ～ 一客有五件，份量一啲都唔少，外皮做得鬆脆，唔油膩。炸蝦餅 ～ 炸得金黄，上碟賣相唔錯，沾甜酸醬食，好開胃。青檸梳打 ～ 可能畀嘅青檸足料，有好濃嘅香檸清香，再加上薄荷葉嘅襯托，夏天飲好適宜，感覺好清涼，令人非常舒爽。紅豆冰 ～ 紅豆煲得好腍，唔太甜。嚟呢間餐廳以咁嘅價錢，食到質素唔錯嘅越南食物，真係算係好抵。

之前見倒呢間鋪開左喺沙田已經好想試，超中意食生牛肉河，因為湯底好正🤤一黎緊係叫左個生牛肉河先，湯底好香牛骨味，加上洋蔥同蘿蔔既甜味，清甜又唔會太油膩👍🏻牛肉用上牛胸腹肉，牛味濃又嫩滑，仲有好多塊添！食完就明點解係招牌菜🌟呢個係沙嗲串燒牛肉撈檬，好有驚喜🤩去馬來西亞旅行既時候最中意去夜市食串燒，好有風味，估唔到喺呢度可以食番馬來西亞既味道！牛肉醃得好入味，燒過後仍然好juicy😋沙嗲醬香濃帶有花生味。撈檬配上蘿蔔絲、芽菜同特製醬汁，爽脆又清新，好消暑。炸蝦餅，外層炸得好酥脆，蝦餅夠彈牙👍🏻最後叫埋個咖央多士，超大份好滿足。多士烘得好香脆，入口就食倒椰香同斑蘭味，加埋半溶牛油，甜度亦適中，必試啊！價錢平民而且味道一流，值得再試。

🍴生牛肉湯河 58 蚊🍜🐂洋葱 辣椒 青檸 香葉做點綴🌶️ 湯底牛骨味幾香濃 河粉份量都 ok夠爽口 生牛肉浸左落湯 半生熟 夠軟林 肉味都夠濃 唔錯 🍴炸蝦餅 38 蚊🦐有四塊炸蝦餅 同泰式蝦餅有 d唔同 外皮一樣香脆 🔥入面蝦肉比較軟身 d少 d花膠 但蝦味幾香 夠熱辣辣 🍴蝦醬雞中翼 38 蚊🐤雞翼炸得出面好香脆 皮盡吸蝦醬味又唔會太濃 一咬開炸左既雞翼皮 入面雞肉熱辣辣同夠嫩滑 十分唔錯: 🍴越好雙寶飯 65 蚊🐥🐖葱 炸蒜做點綴 豬扒煎得幾好夠薄身彈牙帶 d juicy 唔會煎到好乾醬汁帶 d 甜 而 雞扒 夠彈牙 醬汁有 d 咸香 同煎太陽蛋🥚 一齊撈熱辣辣既白飯食 🍚都十分唔會錯 鍾意既可點下 d酸汁 👍🏻#蝦醬 #雞翼 #河粉 #生牛肉 #蝦餅 #豬扒 #雞扒 #煎蛋Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#越好 沙田車站圍1 號連城

入坐時约11:40am, 一心想不太多人的食店吃個early lunch. 入坐時只有另外兩枱客。點咗個香茅雞扒檬($55). 來到啲雞扒是似染了橙紅色般，而且又乾又柴，從未食過咁嘅所謂"越式香茅雞扒". 應該是我在香港吃過多間越式菜，最差的一間。啲雞肉疑似是變壞了的食材，經過"加工"再拿出來。而且個男侍應(有時也會站在前台帶客嗰位)是不願回答關於餐牌套餐的問題，只會佢有佢自己"機械式"向你簡介，服務態度超級差。呢次真係中伏。不會再光顧。我绝少寫食評，但呢次我真的要和大家分享吓我的experience. I ordered the lemongrass grilled chicken vermicelli for $55. When it arrives on the table, the chicken looked orange-red, and tasted very stiff and no meat taste at all. It was just absolutely strange to see&eat. I suspect the meat used was l

去探婆婆順便去沙田行下，見到呢間越南菜人少少又整潔清新😁入去坐下睇下有乜食啦😋我幫馬騮叫咗個越好生牛肉河， 啲牛肉軟林林小朋友食就最啱喇，因為我個小朋友好懶😅唔鍾意最唔鍾意咬肉㗎喇，呢個生牛肉啱啱好你睇下幾靚啲河粉好大碗佢都食唔曬我又要幫佢ko啦🤣😂我就叫咗個越好花腩飯，啲火腩上面有啲甜甜地嘅醬，佢哋話係用椰奶整㗎😋但係有冇椰奶嘅味嘅👍啲肉有啲肥膏，咬落去係軟淋淋好正啦😋搞到我隻馬騮都過嚟偷我啲飯食🤭🤭馬騮話又鍾意食越南炸春捲咁咪叫埋春捲囉 一件細細條一啖可以擺落口呀😅好好味呀👍脆卜卜💯好耐冇食越南春捲啦🤩我就梗係食加央多士好耐未食過，多士裏面好多牛油呀然後啲椰絲，你睇下幾好味😋我哋兩個ko曬啦😅好大件事呀要減肥呢🤣😂咸檸七好正呀👍真係有鹹檸檬🍋嗰種味道好清熱👍洛神花茶真係好有花香🌷味甜甜地好飲呀👍#katkatfoodies