越好

營業中

休息中

呢間食越南嘢嘅一半，地方偏細！想坐得舒服啲就真係唔好揀呢間餐廳！仲記得有一次新開張嘅時候，一個經理同個waitress 喺餐廳度嗌交，仲愈嗌愈大聲，服務態度好一半，所以我應該唔會再幫襯

夜晚食飯，新城市周圍都好多人，嚟到連城搵嘢食，呢間唔洗排隊不過入面都好多人食。叫左二人餐，2個主食，小食，同埋飲品。主食揀咗四寶湯河生牛肉好香，牛丸好濃味，牛展夠淋同埋雞扒河雞扒幾惹味，唔肥小食有蝦醬雞翼、魚餅雞翼脆卜卜，個人覺得冇乜蝦醬味，不過可能因為我本身鍾意食蝦醬所以唔覺魚餅唔會太淋，冇好濃香料味仲有春卷同蝦餅不過估唔到全部小食都係得一件，二人餐應該都每樣兩件呀，咁樣要全部斬開嚟食先試到。蝦餅幾好食，春卷就還好另外豬扒煎蛋飯豬扒好淋好軟熟飲品柚子蜜龍眼

同事好鐘意周圍搵優惠 見到呢間外賣自取9折即時拉埋我一齊試下豬扒凍撈檬 咸酸菜拼落去吾係好夾，豬扒較細件薄身撈檬既汁幾好夠酸！泰式肉碎飯肉碎炒得比較乾身食物好像普普通通，但呢個價錢仲有打9折可以一試既！

食物ok叫左個越南豬扒飯 豬扒無問題，不過飯就有啲濕 一舊舊。另外仲有個生熟牛河 牛都無問題，但個湯就有水喉水味如果淨係食餸會推介。不過整體就大家可以試下，可能我唔好彩姐

今日lunch食咩好？一路行入去餐廳，見到都多人叫泰式肉碎飯。遠睇色彩斑斕，好似好開心咁。但都研究吓餐牌先🤪越好午市套餐時間為上午十一點至下午兩點半。😻主菜有湯河、飯類同撈檬。😻飲品方面可以揀普通嘅飲品：-如奶茶、咖啡、菊花檸蜜……都可以揀特飲：-紅豆冰、鹹檸七、青檸梳打同恐龍美綠。😻可以因應自己嘅需要選擇加餸及小食選擇都幾多元化👍🏻不過我最尾都係叫咗泰式肉碎飯。價錢係$58。有生菜、肉碎、太陽蛋同埋炸蝦片。擺盤都幾漂亮㗎。食落都好開心。首先將啲飯同肉碎撈勻，跟著篤穿個太陽蛋撈少少蛋汁。咁樣每一啖都有辣辣地嘅肉碎同少少嘅蛋汁，都幾美味，不經不覺就會食晒成碟。食飽飽又再開工啦😋

今天下午要到沙田，順便在那裏吃午餐，連城廣場1樓全層都是食肆，見到越好有下午茶餐，於是入去試試。原來越好Pho Vietz 是馬來西亞的食店，2016年也曾獲Time Out 推薦為十大最佳東南亞餐廳，來頭都不小。越好的舖位面積不大，以黃色為主色，感覺很時尚。我從餐牌上揀了香茅豬扒湯诃及熱美祿。香茅豬扒湯河:比我想像中大碗，湯底落足料之餘又很凊新，完全沒有吃完很口喝的感覺！豬扒上的葱花及花生加分不少，再加上色彩繽紛的盛器，真的令人食指大動，我也不客氣了，豬扒一件不留！熱美祿:充滿兒時回憶的熱美祿，不經不覺已全杯飲完，能量滿滿！特別一提是那隻有坑紋的紙杯，拿在手上可以啜住，小朋友也不怕會跣手，很體貼的設計。吃到一餐很有水準的越南菜，而且侍應服務勤快有禮，希望越好一如其名，會越來越好！

喺沙田火車站上蓋嘅商場 由於地點方便 食肆都好多 我哋就去咗呢間越南嘢嘅餐廳食飯🍳 見到有個二人餐好抵食 一人可以揀一碗飯 仲可以揀兩個小食🐥 呢個叫PHOVIETZ二人餐 可以任意選兩款主食 小食就可以8揀2越好雙寶飯雙寶係指豬扒同雞扒 各有一塊其實都好多 再加面頭有隻太陽蛋 幾好撈飯😺 再加隔離有塊蝦片 不過硬係覺得如果豬扒可以配蔥油或者香茅個味道會更好咖哩串燒牛肉飯我哋見雙寶飯已經有豬扒同雞扒 所以呢個越好咖喱飯我哋就試吓另一個飯冇嘅串燒牛肉🍛 牛肉味幾香濃 而且有成四串咁多 咖喱味香料味好重 椰汁味就爭咁啲 不過都係一個唔錯嘅飯嚟㗎蝦醬雞中翼蝦醬雞中翼有啲似喺另一啲越南舖頭食到嘅牛油雞中翼 外皮都揸得好酥脆 蝦醬味淡淡地 估唔到同雞翼咁夾😗炸蝦餅每塊形狀大小都均一 呢隻蝦餅口感有啲似魚蛋魚餅嗰種 唔係泰國舖食到嘅炸蝦餅口感嚟嘅 不過依然有嗰款泰式酸辣醬喺隔離🦐 個人就鍾意泰國舖嗰種炸蝦餅多啲 嗰種係真係蝦打出嚟嘅恐龍美祿呢杯飲品要額外加$3 不過飲完就覺得真係值得加嘅🤣 杯入面嘅飲品係朱古力味濃嘅美祿 面頭再加上啲cream同埋脆脆 呢啲特飲喺其他餐廳點止加$3咁少啊🦕紅豆冰同

［沙田美食推介🍽 ] 越好Pho Vietz 🍜🥙呢間餐廳已經係馬來西亞成立33年👀更係2016 獲Time Out推薦為十大最佳東南亞餐廳🤔聽聞呢間餐廳既宗旨係提供新鮮、正宗、可口的越南傳統美食👍🏼所以我地就黎到沙田試下香港分店係咪好似佢所講咁🤔#冬甩仔女_沙田#冬甩仔女_越南野#冬甩仔女_粉麵🍩冬甩仔👦🏻🍩食評👅👦🏻生牛肉湯河 🐮🍜 (7/10) $48越南河尼講最重要既係佢既湯底，而佢既湯底濃郁鮮甜，食得出用左好多材料去整，經網上查證，原來湯底每日用 60 斤牛筒骨🐮牛腩、加上薑、洋葱、白蘿蔔同埋12 種香料熬煮 12 小時而成，唔怪得咁好食😋另外，佢既河粉食落滑身，河粉唔會黐埋一舊🤤（題外話，冬甩仔細過做個一間餐廳，而我當時既工作就係將河粉一條條分開），所以呢間餐廳有做呢個工序，對於我黎講會加分😍☺️最後，牛肉吾會煮得太熟，上菜時仲係粉嫩色🥰味道不過不失，但我認為呢個生牛肉河絕對建議沙田人可以試一試👍🏼👀👦🏻恐龍美綠 🥤(7/10) (跟餐+$8)美綠相信大家都知係馬來西亞人最愛既飲品之一，呢杯邪惡既美綠加埋朱古力🍫脆脆同埋cream，有口感又有味道👀🍩冬甩女👧🏻🍩食評👅👧🏻雞扒

越好生牛肉河  HKD$58哩度既湯底絕對係精髓 湯底每日用上大量新鮮牛骨(好足料啊！) 以慢火熬煮14小時，所以啖啖都充滿牛骨既鮮味 並加入多款蔬菜如薑、洋葱、蕃茄、陳皮等，令湯底味道濃郁得來帶點清甜滋味 半生熟既牛肉色澤嫩紅，口感嫩滑，一次吃下一大片令人十分滿足 幼滑既河粉係我至愛 條條分明滑嘟嘟，索哂啲湯汁，正呀 *每日限量250碗·▪越南豬扒檬  HKD$56豬扒好大塊，顏色亮麗有光澤，但幸好食落唔會油淋淋 香茅味道醃得唔算好濃郁，不過不失吧~ Annie食檬粉最鍾意加入大量甜醋，酸酸甜甜味道好開胃☺ 檬粉口感煮得剛剛好，不錯啊。·▪酥炸牛油雞翅  HKD$38香口酥脆，雞翅上面鋪滿炒香既蒜蓉，十分惹味呢·▪炸魚餅  HKD$36炸魚餅口感好幼軟，幾厚身咬落啖啖肉。

第一次幫襯這越南食店，今天下午不想吃越式河粉，所以便點了兩個飯回家享用。～香茅豬扒飯 （$56）賣相不俗，煎蛋較生，因此可有蛋黃汁撈飯。豬扒較薄，吃起來不會韌，味道算不錯。個人覺得沾上附上的醒胃的酸醋汁來吃，豬扒味道更突出。豬扒下的醃製白蘿蔔鹹味十足但酸味較弱：紅蘿蔔條是生醃的，質感頗硬。最失望的是豬扒下的白飯並不是一粒粒，水份多了點，所以飯很淋，絕對不是我杯茶。～香茅雞扒飯 （$55）賣相也不俗，蛋黃煎得生生的，蛋白滑口。雞扒已切開了，方便進食。肉質比豬扒厚，所以較有咬口。味道醃得剛好，炸粉很薄。同樣地白飯太淋了，不是粒粒分明。

沙田連城廣場1樓有好多大大小小嘅餐廳越好之前未試過，今次嚟試吓先🥰Phovietz 二人餐 $176二人餐相當豐富，可以揀兩碗主食 再加 兩款小食喺沙田嘅商場嚟講，價錢算實惠啊！😆雞絲扎肉湯河 雞絲有好多，加埋扎肉有好多湯底比較清淡越好人氣四寶湯河舖滿生牛肉，我比較鐘意食全熟嘅，所以一上枱就將佢浸落碗麵裏面炸春卷春卷皮係脆卜卜嘅米格皮，感覺好似再脆啲☺️蝦醬雞翼係啱啱炸好嘅雞翼，連啲肉都有蝦醬嘅味道～飲品方面，就點咗 青檸梳打、紅豆冰

服務員安排一張迫既枱，眼見仲有幾張枱，為免霸佔4人枱，冇提出轉枱要求。落單同事冇講張枱唔可以推前，送野飲既人又冇講，送粉麵既人都冇講。。。到最後送蝦餅既男人用怪責既語氣先講張枱唔可以推前同唔可以坐，當時我已經坐咗10分鐘同開始食緊野。仲要同另一個女同事討論我（帶口罩唔代表個客唔知你地討論緊個客，因為你地係甘望住我。）到比錢既時候我作出回應，仲話我坐落去驚我唔安全（甘就唔好安排我坐果個位啦！）有份討論我既女職員叫果位男職員唔好同我爭拗落去。。。自己安排錯誤，要怪責個客真係好餐廳。。。甘既餐廳請都唔會再去，真係不知所謂！！

Order 咗個二人套餐 $176，可以揀兩款主食，兩個小食，以及兩杯飲品，上菜速度都相當快，話咁快有得食！越好四寶湯河，四寶是牛腩、肥牛、牛丸及牛𦟌，肉味香濃，質感軟腍，湯底亦好清甜，不會太油，加入青檸汁肉味更突出。越好花腩飯，花腩外層煎得金黃，肥瘦平均，醬汁有點似沙嗲醬汁，面頭有些花生碎幾香，配上流心煎雞蛋，好好味。蝦醬雞中翼，雞翼用蝦醬醃過，味道香濃，再炸到外層鬆脆，內裏肉嫩Juicy。炸蝦餅，外脆內軟，啖啖彈牙蝦肉，口感滿足，沾酸辣醬食可平衡一下油膩感。原本想飲恐龍美祿，不過天氣凍就轉了飲熱柚子茶和熱紅棗茶，都幾滋潤喉嚨。

冇堂食前的最後快餐黎到沙田越好食越南菜。地方企理，坐得舒服。Menu 選擇唔算多，但性價比幾高。🔹越南炸春卷🔹春卷外脆內軟，咬落去芋頭同豬肉既味道充斥整個口腔，再點一下甜酸汁，食多幾嚿都唔會漏。🔹蝦醬雞中翼🔹雞翼既外皮炸到勁脆，入面既雞肉依然保持肉汁飽滿軟熟，而且高溫炸左後你唔會聞到蝦醬既味道，但就食到佢浸鹹香。🔹越好雙寶飯🔹雙寶飯既雙寶係雞扒同豬扒。無論雞扒或豬扒，肉質都亦非常嫩滑，加上半熟荷包蛋流心蛋汁既點綴，正呀。🔹雞絲扎肉湯河🔹湯頭清甜，河粉爽口，唔碎。雞絲同扎肉份量亦好多，大件夾抵食之選！成碗麵味道清新唔油膩，減肥食都冇負擔～

嗰日同男朋友就去到沙田越好食嗰到嘅二人套餐，雖然話二人套餐，但每樣嘅食物份量同其他單叫嘅係一樣的▪️越好湯河配雞扒👍🏻食咗幾次越好，都係keep住嗌呢個，因為份量好足，而且雞扒好嫩好入味❤️❤️😍個pho湯底又濃郁。▪️越好雙寶飯( 雞扒 豬扒）👍🏻有流心蛋同酸蘿蔔，豬扒一啲都唔韌，而且有少少脆口添，雞扒都係一如既往嘅好嫩！🤤▪️小食：雞翼 春卷👍🏻雞翼好好食，炸得啱啱好，但又唔會話太多油好有肥膩感，而且都入晒味😍春卷就正正常常▪️青檸梳打 紅豆冰青檸梳打個味真係好清新，酸酸地咁幾開胃。紅豆冰就正正常常偏甜