越大哥 (中興新街)

營業中

休息中

一場黎到長洲，見到呢間食越南菜既，終於可以試下新野，普通茶餐廳裝修，但又唔會令人好唔舒服，反而簡簡單單咁幾好。🧡香茅串燒牛牛肉真係燒得好好，一啲都唔乾，好juicy，亦都好香香茅味，食到除佐牛味都有重甘味，香茅天然既香味，同牛肉好夾，好好食既串燒！💛香茅串燒雞另一款好好食既串燒，雞肉係原隻雞全翼拆骨咁去燒，所以特別大串，皮肉分佈都好平均，完全係皮就脆香，肉就軟嫩，同樣好重香茅味，真係勁之香口呀！❤️招牌海鮮肉丸鮮茄蟹湯檬一個好傳統既越南菜式，湯底飲得出真係無味精，純粹由海鮮同蕃茄煮出黎，所以好清甜，碗料亦豐富，有鮮蝦，扎肉，肉丸呢啲，成碗都好好食！

初嚐呢間長州既越南美食，覺得相當唔錯，同大家推介下～首先推介係｛香茅串燒雞｝呢個燒雞真係好大件，食落啖啖肉超滿足，香茅味好突出，唔會乾亦唔會柴🤍第二個推介係｛越式豬扒法包｝呢個法包都好大件，唔知大件係唔係呢間鋪頭既特色呢 豬扒好入味，有少少油同肉汁啱嗮跟麵包食🤍第三個要推介既係｛越式無骨鳳爪｝鳳爪唔會煮得太腍，幾彈牙，酸酸甜甜好惹味🤍另外佢既｛越南春卷｝我都好欣賞～春捲皮脆得黎有啲煙靭，餡又多，每一啖口感味道都好豐富🤍嘢飲方面今次我地試左｛紅豆椰汁冰｝紅豆既份量好多，而且係甜紅豆，椰汁冰既甜度啱啱好🤍

今次喺長洲其中一間食咗嘅餐廳就係以越南菜為主打嘅「越大哥」😋因為我都朋友都比較細食，所以我哋就淨係揀咗呢啲小食，包括以下呢四款:💋越式軟殼蟹米紙卷💋越南春卷💋越式無骨鳳爪💋香茅串燒雞首先，非常推介呢一款米紙卷，米紙卷非常之薄，咬落去脆卜卜，因為入面加咗軟殼蟹，口感非常之層次豐富！另一款嘅越南春卷都相當唔錯，呢款比起米子卷外皮更加脆，兩種又唔一樣嘅感覺，不過都好好食！然後就要推介呢一款非常有越式菜風味嘅無骨鳳爪，佢哋個酸辣汁簡直係冇得頂，酸酸辣辣嘅鳳爪仲要無骨，食落非常之開胃！最後一款就係非常之多汁嘅香茅串燒雞，燒完之後雞肉仍然好滑，啖啖肉👅

我同男朋友都中意食檬粉既，我地所以就一人叫一個，我叫佐招牌海鮮肉丸鮮茄蟹湯檬，湯檬都好好，啲檬粉唔會浸到脹晒，有一大隻鮮蝦係度，蝦肉好爽甜好彈牙，另外扎肉都幾香幾好食，肉丸都好有咬口，軟腍腍，成碗都真係好香海鮮味，正正子！😘另外男朋友就叫佐再邪惡啲既香茅燒豬頸肉撈檬，豬頸肉燒到好脆呀，肥肥地但又唔會淨係食到肥膏，啲油香燒晒出黎，肉質好嫩，撈檬用啲酸汁魚露黎撈就仲好食，凍凍地，夏天食岩晒！🤓我地最後叫埋香茅串燒牛同雞，雞肉就原來係雞翼拆骨咁燒，所以好大隻呀，啲肉又嫩但皮就好脆，牛肉亦一啲都唔乾，仲有啲肉汁添，真係好濃香茅味，帶晒啲肉味出黎，非常出色！🤪

好耐冇去長洲啦！一個人去長洲遊遊，輕鬆過一日假期。行到中興新街見到呢間越南餐廳，一向都鐘意食越南野的我，當然要試下！餐廳好有風格的新式茶記，外牆貼左紅磚🧱圖案牆貼，有一角落仲有一幅越南的風景畫，再加埋幾張揮春，真係風格十足😎。兩邊門口都係玻璃設計，可一邊食野一邊望景，室外都有幾張枱可以坐，成個感覺好chill。招牌海鮮肉丸鮮茄蟹湯檬呢個檬粉非常鮮味，湯底清甜，鮮茄酸甜開胃，蟹湯味道鮮甜，🦐蝦爽口又鮮甜，肉丸炸得超好味，湯連粉全碗清！香茅串燒牛新鮮即燒香芧串燒牛，多汁又好味，香茅味夠足，非常香，包生菜🥬一齊食都好味香茅串燒雞串燒雞肉質嫩滑，好易咬開，香芧唔會搶左雞的鮮味，非常夾。

今次試既呢間越大哥，真係超級足料又好食🔅香茅串燒雞：有半截手臂咁長，超級大件 雞肉既香茅好入味，燒得好香，表皮少少焦化之餘，入面既雞肉完全唔柴🤤🔅越式豬扒法包：同樣超級大份，我一個女仔食完已經勁飽😂豬扒份量完全唔馬虎，非常紮實香口🤤🔅越式無骨鳳爪：酸酸甜甜好開胃，口感軟糯得黎彈牙有咬口🤤🔅越大哥牛柳沙律配蒜蓉包：牛柳既香茅味超香，唔乾身，肉汁飽滿，搭配生洋蔥超正 蒜蓉包唔會太辣，調味啱啱好🤤真係估唔到長州都有咁平又咁大份既越南嘢，超級抵食，而且鋪頭都坐得好舒服，嘢食黎得好快😺👍

之前有朋友嚟長洲話唔想淨食大魚蛋同唔知食乜嘅時候可以試吓呢間餐廳，環境都唔錯，我今次終於可以一試🤩講咗串燒先～～嗌咗香茅串燒雞🐥同香茅串燒牛🐮兩者食落都食到新鮮香茅同香料既調味，加上烤制既方式，帶來了濃郁的香氣和口感。香茅串燒雞口感鮮嫩多汁，而香茅串燒牛口感豐富，牛味重🐮食落唔會好韌🤩🤩仲試咗個越大哥牛柳沙律配蒜蓉包👍沙律菜好新鮮，牛肉份量充足，口感清爽爽口。蒜蓉麵包則口感香脆，內部柔軟，帶有濃郁的蒜香味道。兩者夾埋食簡直冇得彈❣️❣️朋友推介必試越式軟殼蟹米紙卷😍 越式軟殼蟹米紙捲外層既米紙好薄，米紙外皮脆酥脆。蟹肉很鮮，蟹肉既鮮香充斥口入面。仲有各種香料的味道，口感非常豐富多層次。事緣就知點解朋友一定叫我無論嗌乜嘢都好一定要試呢個啦😋😋📝整體評分美味指數：😋😋😋😋😋賣相指數：😋😋😋😋抵食指數：😋😋😋😋😋環境指數：😋😋😋😋5😋為滿分

好耐冇同男朋友去玩，上星期就去左長洲呼吸下清新空氣，Lunch我地食左比較新式茶記《越大哥》，地方唔算好大，但都叫坐得舒適！平時食越式菜都一定要叫撈檬，今次我就決定揀呢款「香茅燒豬頸肉🐷撈檬」，豬頸肉燒到啱啱好，加上酸酸甜甜嘅醬汁，非常之開胃！另一款越式小食必叫就一定係「越式軟殼蟹🦀米紙卷」，好鍾意佢哋個軟殼蟹勁脆，配上生菜係一款非常之清新嘅小食！仲有唔少得串燒，呢一款「🐮香茅串燒牛」，除咗有獨特嘅香茅味道，仲有陣陣牛肉濃郁嘅香味，食落非常之入味！整體嚟講，呢間餐廳食物都幾好食嘅，下次再入嚟長洲諗唔到食咩都會考慮再食返《越大哥》！

呢間係長洲既越南餐廳裝修好簡單，但又令人坐得好舒服，中意可以坐室外，帶埋寵物坐室外都得，幾唔錯架！越式軟殼蟹米紙卷🥡軟殼蟹既料理真係無得輸呀，米紙皮好薄，好煙韌，餡料有滿滿既菜絲蘿蔔絲，配埋炸到脆卜卜既軟殼蟹，再點少少酸汁黎食，更加清新更加fresh，一啲都唔會飽滯呀！越大哥牛柳沙律配蒜蓉包🥗牛柳切得粗幼岩岩好，一條條係沙日律菜上面，沙律其實有少少辣，但反而味道因為咁更有層次，沙律同牛肉配搭好好，牛肉幾嫩幾正，蒜蓉包亦焗到好脆咁放係碟邊，夾住黎食就岩岩好啦！豬扒拼雞翼飯🍚呢個唔好睇佢好碟頭飯既樣，但其實整得好好，豬扒脆而不乾，肉質係柔嫩既，雞翼亦煎得好好，雞蛋都係煎到有啲脆邊但蛋黃仲係流心既，撈埋啲飯一齊食真係好正呀！

同朋友去長洲玩，去長洲當然唔少得掃街，當中竟然俾我哋發現到一間專食越南菜嘅小餐廳，餐牌食物非常吸引，忍唔住要入去食返餐。我哋叫咗四款輕食，上到枱每樣都非常吸引，果然冇叫錯！🤩🥳法包🥖越式豬扒法包，超鍾意食越式法包，即叫即製，材料又豐富。成個越式豬扒法包味道非常香，每一啖咬落去都食到法包，豬扒和蔬菜。一邊食，材料一直喺法包度走出嚟，真係又正又過癮。串燒🍖即叫即燒香茅串燒，熱辣辣，又香又多汁，分別有牛肉和雞肉。兩款都非常好味，牛肉味道濃郁，燒到焦香，配上濃烈嘅香茅，食落去更加滋味。雞肉味道比較清淡，食得好香嘅香茅美。而且串燒大大串，好味又抵食！沙律🥙越大哥牛柳沙律配蒜蓉包，非常清新嘅牛柳沙律，配上蒜蓉包，入邊仲有多種蔬菜和酸甜醬汁，整體非常豐富。熱辣辣嘅食佢，清新又開胃。

今日要介紹既呢間餐廳系長洲，其實系中環碼頭搭一程船就到，我地對餐廳所有食物都好滿意。果然成個體驗都沒令我地失望💯💯。今日ORDER 左：→（桂圓茶），茶香滿載，茶色夠，茶味唔會太濃但係好香，真係食任何食物都要飲啖。→（香茅串燒雞），串燒雞外皮燒到微微焦香，鎖住嗮啲肉汁，雞肉勁嫩，而表皮焦脆❗️→（香茅串燒牛），牛肉易咬，彈牙但同時索嗮汁，好夠味👍🏻→（Beer），好fresh 好解渴。→（豬扒拼雞翼飯），呢個係最令我印象深刻，超級多送，雞翼夠肉味，又淋又入味，豬扒非常彈牙，惹味鹹香。飯好入味，口感豐富。因為吸收所有食物精華嘅關係味道好出色，又不會太油膩，👍🏻👍🏻。朋友們都好鍾意呢度既裝修風格，好放鬆、食物都唔錯，個個食得舔舔利😌😌

👏🏻越南春卷春卷好脆口，食落chock chock 聲，好動聽，哈哈哈哈哈。👏🏻越式無骨鳳爪酸酸辣辣嘅泰式雞腳好味又開胃～無骨鳳爪口感鮮嫩，食落卜卜脆～👏🏻越式軟殼蟹米紙卷香料夠清新又唔油膩，米紙勁薄，包住炸到脆卜卜嘅軟殼蟹、生菜及其他配料，口感一流。👏🏻越大哥牛柳沙律配蒜蓉包牛柳既Juicy 又有口感，肉質嫩滑！salad 清新and fresh。蒜蓉包點醬料更加入味。👏🏻越式豬扒法包豬扒香煎過後好肥美亦好吸引，夾住法包食真係別有一番風味。👏🏻越南滴漏咖啡滴漏咖啡純正，好香咖啡味。

可能你會話食越南嘢，使唔使入到嚟長洲呀？但我會話入到你想食嘅話就真係要試呢間越大哥啦😆我同朋友嗌咗越式軟殼蟹米紙卷，以前嘅我都麻麻地米紙卷，今次食落覺得OK喎，外皮唔會話好厚，識落唔會食緊紙咁🤣軟殼蟹肉量都多。仲嗌咗香茅串燒雞，串燒有三串，都幾多雞肉，雞肉好鮮嫩，烤出嚟好香，香氣撲鼻。到主食香茅燒豬頸肉撈檬，檬粉份量超級足😄食落爽口。燒豬頸肉香茅味十足同唔會燒得過於硬🤩仲有青瓜絲、蘿蔔絲、炸蒜同花生碎。個酸辣汁超級開胃！微辣又夠酸，夠晒味啊😝點少得越式無骨鳳爪呢！最鍾意食無骨嘅鳳爪，酸酸甜甜又有啲辣，越食越開胃呀！同朋友食完之後都話下次話唔定會特登嚟長洲食呢間越南菜🤣🤣😍👍

終於好天唔再落雨🌧️，天氣咁好難得太陽假期就入咗長洲️，踩單車前嘅午餐就食左呢間越南菜🇻🇳♫ヽ(゜∇゜ヽ)♪(๑・ω-)～♥”豬扒拼雞翼飯一次過滿足我兩個願望，豬扒同雞翼都好鍾意食，呢間餐廳嘅豬扒幾多肉汁，雞翼都好入味，撈勻啲飯食就超Perfect！(๑・ω-)～♥”越大哥牛柳沙律配蒜蓉包牛柳夠晒嫩滑，仲有陣陣牛肉香味，配上蒜蓉味超突出嘅蒜蓉包，真係非常之完美！(๑・ω-)～♥”越式豬扒法包雖然頭先有蒜蓉包，不過呢個豬扒法包都相當之吸引我，所以決定叫埋！好鍾意佢嘅肉質勁鬆軟，配上有口感嘅法包，口感相當之豐富！以上呢三款我都幾鐘意食，見到仲有人食左啲串燒都聞到勁香，不過今次太飽冇叫到，唯有等下一次(｡>ㅿ<｡)！不過今次我都幾滿意啲食物👍🏻

放假同屋企人一齊去長洲行一行，長洲本身已經好多好嘢食，去到竟然仲發現咗呢間食越南嘢嘅餐廳，餐廳唔算好起眼，但食物水準非常高。大家來長洲嘅時候一定要食🍽️。🥖越式豬扒法包⭐️⭐️⭐️⭐️⭐️法包好大件，我哋三個人分每人都食咗好大件。法包嘅材料非常足，豬扒大大件，塞滿芫荽，洋蔥，蘿蔔絲等蔬菜，好味又抵食！🦀越式軟殼蟹米紙卷⭐️⭐️⭐️⭐️⭐️米紙卷入邊包住大大件軟殼蟹，仲有多種新鮮嘅蔬菜，食落去煙靭又爽脆，點上酸甜醬一齊食，非常清爽。🍚豬扒拼雞翼飯⭐️⭐️⭐️⭐️⭐️呢碟飯份量都唔少，有雞翼，豬扒，煎蛋。仔仔好鍾意，仲食咗好多飯，飯加咗啲蔥油喺上面，食落去非常香。🐂越大哥牛柳沙律配蒜蓉包⭐️⭐️⭐️⭐️⭐️牛柳非常嫩，連唔太鍾意食冷盤嘅老公都話呢個牛肉非常正，配埋洋蔥，蘿蔔絲，車厘茄，薄荷葉，生菜，甜酸醬汁，整個感覺非常清新。配埋香脆嘅蒜蓉包一齊食，口感和味道都非常豐富