越大哥 (中興新街) (已結業)

好耐冇同男朋友去玩，上星期就去左長洲呼吸下清新空氣，Lunch我地食左比較新式茶記《越大哥》，地方唔算好大，但都叫坐得舒適！平時食越式菜都一定要叫撈檬，今次我就決定揀呢款「香茅燒豬頸肉🐷撈檬」，豬頸肉燒到啱啱好，加上酸酸甜甜嘅醬汁，非常之開胃！另一款越式小食必叫就一定係「越式軟殼蟹🦀米紙卷」，好鍾意佢哋個軟殼蟹勁脆，配上生菜係一款非常之清新嘅小食！仲有唔少得串燒，呢一款「🐮香茅串燒牛」，除咗有獨特嘅香茅味道，仲有陣陣牛肉濃郁嘅香味，食落非常之入味！整體嚟講，呢間餐廳食物都幾好食嘅，下次再入嚟長洲諗唔到食咩都會考慮再食返《越大哥》！