越僑

營業中

休息中

今日去中上環有event, 早d食飯（11:00am)先, 去左間近The Center的巷仔茶餐廳式的食越南野，其中叫左一個餐係 牛柳粒白飯/紅飯，我選擇了紅飯（價錢$60）在中環食lunch並不算貴，牛柳粒很淋，味道恰到好處，同紅飯好夾得黎值得再來幫襯。

食過唔止一次喇，食過佢既飯，湯粉，炒河。通常個日較為肚餓都會諗到佢，因為佢份量係稍為多既。最近食既係以下既香茅牛肉干炒河，姐係干炒牛河。色水唔曳，炒河唔算多油，不過都算滑，牛肉係香茅牛肉，但香茅味唔夠。成碟略嫌鹹左啲啲。先前食其他個陣覺得份量好足，呢個就只係岩岩夠，唔算好滿足，同埋鑊氣差啲啲。以乾炒牛河計既佢只係一般。我建議食番佢既越南湯粉，水準會高啲，我仲記得上次食湯河，覺得用料不錯，河粉滑，湯底甜。(係我今次叫左港式菜，覺得一般)

今日Lunch同同事去中環鐵巷里盡頭嘅越南小店食Lunch，呢間小店我地經常光顧。原本想話係抵食小店，因為幾年前食嘅四十幾五十蚊1個午餐，慢慢加價都加到而家差不多$60蚊1個午餐了😩其實小店嘅午餐都好多款式選擇，因為星期一至五每日換款，亦另外有啲餐係每日供應，唔使中環返工嘅朋友獨沽一味麻☺️之前小店都會多開幾張枱放喺出面行人路，但因為近期中環中心翻新左地下公共空間，怕阻住行人往來，所以得返小店內十數張枱。平時黎多數食香茅豬扒、蒜蓉牛油雞翼。今日點左蝦頭膏海鮮炒金邊粉，炒粉大大碟好有鑊氣，海鮮有蝦、魷魚、蟹柳、帶子、蜆，材料都幾足👍仲好好味添😋不過... ... 點解食黎食去都無蝦膏味嘅😅同事點左餐廳招牌菜：蜜糖雞翼飯，我都食左1隻雞翼，好夠脆又好香甜，炸粉唔厚，雞翼似有醃過！個飯有薑蓉好正！呢個真係招牌菜，好好味😋另1位同事點嘅熟牛肉墨丸蕃茄濃湯檬。午餐包1杯熱飲，冷飲加$3，我多數飲熱奶茶，覺得小店嘅奶茶夠香滑茶味夠濃👍小店勝在全部食物都大大份，好夠飽，當然都好味啦！不過，小店都將套餐嘅價錢愈調愈高了😟

今日出咗嚟中環食lunch。。中午時分非常多人，已經心諗應該周圍都好多人，朋友介紹有間非常好食嘅細舖越南菜，由鐵行里(租庇利街入),地鐵站行過嚟都係，非常方便，朋友話一定要試呢度既蒜蓉牛油雞翼飯，就膽粗粗叫一個即管試吓。。無諗過咁好味雞翼經過蘇炸，入口非常鬆脆，唔會係一般炸起俾你食淋晒果種，另外你會食得出雞翼入面本身有調味，在配撘埋薑蔥同埋豉油撈飯，都只係50幾蚊，喺中環地區咁嘅價錢咁嘅質素實在難得，仲要有成5隻雞翼咁多，平時一般出去食可能都係得2至3隻，抵食夾大件，抵讚

嗰日同朋友喺中環搵地方食lunch，發現街角有一間餐廳好隱蔽，有好多人咪入去試吓囉去到見到個餐牌，發現每個星期唔同日子都有唔同嘅嘢食叫。之後叫咗個雞髀煎蛋紅飯，個紅飯唔好以為係紅米，原來係茄汁飯。如果晏晝去要早啲排隊真係好多人架。

呢間越南餐廳其實幾好味，而且價錢好平，所以次次去都要等位。不過佢個鋪頭比較細，所以lunch time來成日都要坐出面，即係坐係巷仔個度食，環境一般般啦講返啲嘢食，佢每日都會有啲所謂的廚師精選，但其實散叫都係包嘢飲的。今日叫咗呢個烤豬頸肉撈檬，份量充足，唔單止粉多，豬頸肉嘅份量都好多。豬頸肉烤得微微焦香，而且本身脂肪比較多，食落口爽脆好食。凍檬撈埋酸酸甜甜嘅醬汁一齊食，非常開胃同事就叫咗個飯：嘩，又係大大碟的！惹味的香辣肉碎唔會炒得太過乾身，撈飯食一流！半生熟嘅荷包蛋好吸引，篤穿個蛋黃等蛋汁流落飯度一齊食，味道更上一層樓其實呢度外賣自取更加抵，不過始終鍾意即整即食，新鮮好味啲嘛

新黎中環返工 見呢條後巷咁多人 行到巷尾有驚喜！第一次去食 當然要試越南湯河啦 香茅雞扒湯河 雞扒好重香茅味正 湯底都唔錯 試完一次難忘 之後幾日放飯再去試其他野食 干炒牛/豬扒河夠哂獲氣沙嗲牛肉飯都唔錯 沙嗲醬有花生粒 超鍾意 雞豬牛肉都係用香茅黎餣 舖頭細細 好多選擇 會繼續支持

最近轉了project, 去到新環境， 要重新適應環境，工作將會十分忙碌，因為擔心太忙無時間寫食評，所以決定一次過寫多幾篇食評。這次介紹的是位於中環的越式餐廳越僑。越南菜系主要可分為三個菜系，分別是越南北部，南部和中部。北部是越南文化的發源地，所以很多著名菜餚都源自北部地區，這次食的越南湯河也是源自北部地區，南部地區因為受中國南方和法國殖民影響，南方人喜歡帶甜味的菜式，所以越南南方的菜式多以香草作調味料。中部地區則較為不同，料理較多使用小配菜，而且較為偏辣。那天我點了香茅豬扒和雞翼湯河，想不到份量超大份，幾乎食剩，湯河很大份，而且配料如芽菜，蔥，韮菜，洋蔥，羅勒等份量不會太多，沒有蓋過河粉，香茅豬扒的份量十足，而且唔會被湯浸稔，只是略為乾身了，而且香茅味不夠濃，越南菜式多用香料和魚露，味道較濃烈，所以感覺比較油膩和味重，食完之後，配熱檸水既可消滯，亦可令沖淡濃烈味道。 

鐵行里呢度一到lunch就人山人海咁。越式向上環都唔算少，呢度價錢味道都可以接受。牛油雞翼飯：雞翼脆而香口，唔算好油，牛油味都出。不過呢度環景就麻麻，如果坐出面，成日覺得會有🐦🐤🐧飛過。入面坐過一次。不過食晏，環境都不太著重了。

中環食野貴，所以公司最鐘意叫呢間外賣，50伶蚊，價錢合理吖，味道又ok。我就最鐘意食牛油雞翼飯，今次堂食原來仲好味，又香又脆同事們都係照舊食湯粉，佢地都話堂食仲好味，天氣涼左，湯熱d，加d青檸辣椒，冇得彈

賈寶玉話女人係水做的，我信。因為湯湯水水的粉麵係最多OL食的。正如越式菜色中我的最愛有湯有水的生牛河，而不是撈濛或者飯。今次去的越僑，位於鐵行里的最深角落，鐵行里是一條臥虎藏龍、價廉物美的美食街。由齋菜、茶餐到盅飯，無一不是中環打工仔恩物。越僑的招牌並不顯眼，但無損它的人氣。星期一餐牌中無生牛河，僅有河內熟牛肉+牛肉湯河($50)，算是退而求其次，勝在有湯，所以我揀左佢。姐姐一邊端出一邊話：嘩！好大粒牛丸！(連佢自己都驚訝埋一份，咩事？)果然，兩大粒牛丸成隻蛋咁大，成碗麵份量頗足。面頭有香葉、芫茜和葱。配料有蘿蔔兩小塊。二話不說，咬啖牛丸先！嗯，頗為彈牙，我相信跌落地下，佢可以回彈到最少一下。(不過我唔會試)沒有太濃烈的牛丸味或者調味料味，在我食過的牛丸中，佢算係比較淡口味，不過相當新鮮好食。牛肉則比較肥，見到佢中間風琴狀的脂肪結構，我不禁摸一摸自己的肚子。掙扎一番，做左聞一多的細佬：聞一聞。淨係食中間肉的部分。咬得郁，有牛肉味，合格！河粉亦沒有澀味，中間亦不會結塊或斷開很多，算是處理得宜，配合湯底頗為入味。至於湯底，我嚐到魚露和洋葱的味道，算是貼近越南風味，不過，作為香港人，我不敢對

在這繁華的鬧市, 中環的小巷裡, 發現這間越式餐廳, (快餐比較合適), 有室外座位可以呼吸自由的空氣, 食物質素亦不差, 頗道地的, 牛油雞翅: 夠香夠脆, 法式牛肉伴紅飯: 牛肉惹味, 紅飯開胃, 香茅豬肉飯: 香茅味足, 於中環區內的超值之選..

已經起到做了兩年多,但都未食過依間起公司樓下,就來買外賣試下一點十分來到,好多人,叫了沙嗲牛肉飯等到一點半終於到我但錯了個飲品又要等多10分鐘先得味道方面,很一般牛肉ok, 入到口,有點黑椒味但太多沙嗲醬,要自己撥開先食得落d 白飯系硬的沙嗲油就起o西飯盒底食完個飯盒只因太肚餓下次都系吾好貪平,食返個多人叫的牛柳粒紅米飯

Great for those who works nearby. This is a takeout or a quick sit down lunch place. Everything comes with drink and the portion is big, you will leave with a happy belly.My favorite is their Pork stir fried instead noodles, that’s right, it is nothing closed to Vietnamese food. But is gives your guilty pleasure after eating it. They do have a selection of good and cheap Vietnamese classic. Their beef soup noodle is good too, loaded with lots of meat. The must have is their spring roll, crispy o

之前係中環返工食過一次，覺得幾好味！多年後的今天特登返來食！ 今次lunch 時段來食 好多人 坐無虛席 全都是上班人士！ 呢度價錢唔算貴 around $50 就有一餐！ 當然地方逼，冇咩空間！ 今次食既係豬扒雞奕紅飯！ 豬扒都有四五件不會太咸，雞奕兩隻 幾入味！ 有蔥油 配上茄汁飯 飯不會太濕 相比起白飯冇甘dry  送飯一流 好味！有野飲送！我見好多人叫牛油雞奕應該很好食吧 好似都有五件 不過怕熱氣 下次再試！ 整體來說係大件夾抵食！ 如果唔介意很一般的地方環境可以一試 畢竟中環食野真的很貴！ 如要來食 避開lunch time 因為太多人坐得唔舒服！