越僑

營業中

休息中

昨天到「福祿壽」買午飯時，看見隔鄰有間越南快餐店，於是決定今天再訪這條隱蔽的小巷。這間越式店舖坐落在鐵行里最盡頭位置，店內坐位約 20 個以內，另店門外擺放了一排枱凳，並稱此為室外雅座，方便一眾吸煙人士。由於店舖坐位有限，這店以專營外賣為主，午市餐單每兩個月轉換一次，而每天都會有六款湯河、凍檬、飯類及炒粉等以供選擇，每款連熱飲 $34, 外取則減 $2。今天我就選了這個香酥排骨炒檬粉 ($32) + 紅豆冰 (+$5)，其實飯盒內的排骨都算頗多，大部份都切成長條型，而且炸得幾鬆脆，味道調校得不錯，不過比例上骨排比肉排為多，配料方面不外乎洋葱、紅蘿蔔及蛋絲等，墊底的檬粉就較乾及淡口了一些，難怪外賣袋內放了辣椒醬一包以提升食味。至於紅豆冰甜度剛好，沒有過甜或過濃，可惜冰多豆少，在中環區來說，價錢雖不至於經濟，但也是可接受的水平。

在中環上班的我午餐常光顧越僑，於店面的宣傳海報發現了原來他們也做到會服務，心想開party吃越南菜到會都幾得意呀, 好過常常叫pizza那麼沉悶，便試一下。估唔到所有guest都讚好味兼有驚喜。一個40人的大party叫了9個菜: (1) 法式牛油雞翼 >> 激讚, 20 分鐘全吃光, 好香牛油味但唔膩, 入口鬆化, 送來銅鑼灣的時候還熱辣辣(2) 香茅豬排>> 越式香料較重, 但很爽口(3) 椒鹽魷魚>> 送酒ok(4) 雜菌抄翠肉瓜 (素)>> 朋友吃素，也幫幫大家清腸胃(5) 串燒沙爹 (雞和豬各一打)>> 醬汁好味，雞和豬的肉都很飽滿而且唔乾, 因有朋友唔食牛肉所以冇叫沙爹牛, 心思思好想試(6) 厨師沙律 (素)(7) 椒鹽脆皮豆腐 (素) >>超正, 香口又脆, party最佳, 必order!!(8) 咖哩海鮮炒飯>> 原本餐單只有波羅炒飯, 店主主動upgrade, 咖哩味不太濃, 用料新鮮冇嬉場, 男仔飽肚推介(9) 越式拼盤>> 店主窩心地

4月1日（星期四）晚，難得在公眾假期前夕放假，當然要去找女友，中午先陪女友食午飯。想避開午飯的人潮，突然想起某天經過這條巷，於是就趁這天帶女友來試試巷內風情。行到巷內最入的這店，剛好店內角落處有張細小的摺檯空著，熱情的店員就招呼我們坐下。這裡的食物選擇不少，我們恰巧見到每天也有是日精選，每人就要一款，我就要烤豬頸肉鹵蛋凍檬，女友就要越式香煎魚餅配紅飯，另外加$4再叫兩杯特飲，紅豆奶茶和胚芽好立克。我沒有試女友那杯紅豆奶茶，相信味道應該不錯，我的胚芽好立克甜度剛好，加了胚芽感覺上好像健康一點；烤豬頸肉鹵蛋凍檬先來，豬頸肉不太肥，肉質軟腍不太乾身，口感和味道都很好，鹵蛋就欠缺了鹵水的香味，凍檬爽滑，再加些甜酸魚露醋，酸酸甜甜很醒胃；越式香煎魚餅配紅飯的碟頭頗大，魚餅軟滑而不醒，煎得很香口，紅飯是把白飯和茄汁撈勻，味道帶微酸，幾開胃，不過份量真的很多，最後要我和女友合力才勉強把這碟飯吃完。離開時，當我在櫃臺埋單而女友在店外等我，上了年紀的店員熱情地招呼女友入店內光顧，而女友就說剛從店裡吃完出外，阿叔就叫女友坐下慢慢等我出來，很有人情味。

行到去鐵行里,本來一心去楚記吃燒味,原來已經執笠多時,只見有間同深水埠新香園無甚關係的同名店,和鐵行里盡頭的"越僑".個人去越式菜館,第一件事是試個生牛河/火車頭.我多心,要個火車頭,貪夠多料.樣樣都有點.來到正值中午繁忙時間之前夕,食客不多,店內就忙著做外賣,一次過做幾十個飯盒出來.我的火車頭,等了很久才到.一上到檯,碗內的生牛肉已經變熟,入口很齦又多筋,好似吃肥牛一樣.香茅牛肉得個香茅味,肉質粗糙,牛展肉質又是硬崩崩,牛丸尚何,應該不是自己搓出來.湯底牛味未夠濃,越飲越淡.香草也沒有多一條,只有荵粒.另外蘿蔔的味道是獨立,同湯底不能磨合,不是幼身的河粉,入口頗滑.是唯一可讚的地方.掛念昔日可吃到平價越式牛河的地方,渣甸坊強記,佐敦意廬等等.不計湯底,單是他們用上的牛肉,比起這間越僑,好上不知幾多倍.

是日lunch 行來行去, 最後行到翠華隔離既小巷.只知入面會有野食, 但有咩食就唔知. 最後都係覺得越南野哩間比較企理同價錢合理一去到就有位, 有d 露天既位置, 但我地坐左鋪入面. 環境有點嘈雜.每日有唔同既午餐, $32, 凍飲+$2.最後今日要左個咖哩羊腩飯同凍奶茶. 未至於一叫就即到, 但等5min 左右都到.到一間越南鋪唔食越南野真係有點奇怪, 不過鬼叫有羊腩咩咖哩比較稀, 港式味道, 有點spicy. 撈飯還不錯羊腩每舊都有骨, 看來唔似羊"腩". 都幾多件羊肉夠林唔韌. 最緊要係仲有幾大朕羊羶味羊肉以外仲有白蘿蔔, 唔知點解係蘿蔔而唔係薯仔, 的確有點奇怪.凍奶茶超甜. 冇乜茶味, 好似淨飲糖水咁.又發現一間唔錯既午餐地點! 價錢又中等.越南華僑即係華人啦, 華人煮既梗係港式化, 個名都話你知唔會咁正宗啦.

今次已經係第4次黎食野喇，不過都係第1次係度寫食評。先講講呢度既環境先，由於係身處中環，夜晚黎食就好多位。仲記得個次同d同事黎食lunch，人山人海，不過我地等左一陣個哥哥就安排我地坐。仲有得揀坐露天或者坐入面都得。呢度set lunch都好多選擇，有A-F六個餐，先$32都幾抵架。老闆話每兩個月就轉一次，所以唔使愁食黎食去都係個d。講返今次先，由於係同朋友聚舊，就問下個大廚可唔可以整d特色小菜。大廚好好，整左d酒樓式小菜。包括五柳鯇魚，海鮮炒面(x2)，金銀蛋現菜(x2)。仲食左個度既招牌菜：牛柳粒(x2)，牛油雞亦，沙拉朱扒我覺得都幾特別，雖然未必個個都鐘意，但係我都推介。飲品方面我就最鐘意佢既鹹檸七，yummy 總括黎講，呢度食物質素真係唔錯，價錢又幾平，不過始終係家庭式經營，都係有少少似茶餐廳既。

今次已經係第4次黎食野喇，不過都係第1次係度寫食評。先講講呢度既環境先，由於係身處中環，夜晚黎食就好多位。仲記得個次同d同事黎食lunch，人山人海，不過我地等左一陣個哥哥就安排我地坐。仲有得揀坐露天或者坐入面都得。呢度set lunch都好多選擇，有A-F六個餐，先$32都幾抵架。老闆話每兩個月就轉一次，所以唔使愁食黎食去都係個d。講返今次先，由於係同朋友聚舊，就問下個大廚可唔可以整d特色小菜。大廚好好，整左d酒樓式小菜。包括五柳鯇魚，海鮮炒面(x2)，金銀蛋現菜(x2)。仲食左個度既招牌菜：牛柳粒(x2)，牛油雞亦，沙拉朱扒我覺得都幾特別，雖然未必個個都鐘意，但係我都推介。飲品方面我就最鐘意佢既鹹檸七，yummy 總括黎講，呢度食物質素真係唔錯，價錢又幾平，不過始終係家庭式經營，都係有少少似茶餐廳既。

終於試了中環新店越僑，雖然店鋪在巷內，因為那兒得一間，都易找到。餐牌上有招牌越南食物和飲品，亦有西式快餐，平日應該是做午市外賣的。而食物味道OK，在中環以這個價錢的食物來說已很好了，而且份量都算多，特別是炒飯/粉面，真係好抵食。由於都是剛剛開張，下次應該會再去，看看有沒有新菜。

今日派新既外賣紙, 所以lunch就試下呢間.....我地點左兩個set lunch << 香辣咖哩炒飯, 沙拉豬排飯 >> , 3個散既 << 咖哩牛腩飯, 法式牛柳粒配蝦羔炒飯, 扎肉煎蛋飯 >>....SET lunch有免費熱飲送, 特飲就加 $5....唔係餐就惠顧兩個以上, 飲品半價........ 香辣咖哩炒飯 $32 + 煲奶 $5 = $37 : 香辣咖哩炒飯, 冇辣味, 冇餸炒, 只係得飯, 冇味, 只係得d咖哩粉味.... 煲奶好鬼稀, 冇奶味, 好似溝左水錦..... 沙拉豬排飯 $32 + 咸檸7 $5 = $37 : 沙拉豬排得三小片, 但白飯份量足夠...咸檸7幾好... 咖哩牛腩飯 $32 + 凍央 $6 = $38 : 牛腩好鬼 " un " , 好在夠咖哩汁撈飯....凍央一般...法式牛柳粒配蝦羔炒飯 $48 : 牛柳粒有陣蘇味, 同埋唔少, 蝦羔炒飯真係好好食, 又有好多材料炒, 有好多扎肉同火腿.... , 扎肉煎蛋飯 $30 +

早日行過舊office, 發現巷仔, 以前楚記我位置, 再現人龍. 是日剛有舊同事 call 食 lunch, 3個人, 不如試試新野. 夠膽係呢個位開, 應該有點兒知名度. 一看名字, 對一對. 石版街的越僑快餐....原來是擴充業務, 呢間分店, 設有堂食. 三個人, 一個咖喱雞, 一個沙拉豬扒, 一個印尼炒飯.....點下點下....我地好似唔係叫緊越南野.....全是茶記Menu. 有越式野既, 不過我地搞下搞下冇叫咁解姐.同事的咖喱, 一看是南洋風味的咖喱, 汁比較杰, 辣味適中. 另一位舊同事, 應該是漏了單. 我們差不多食哂佢個炒飯才到. 不過看不出是什麼印尼炒飯. 從色水看, 從左料看.....招牌炒飯....絕對沒錯.我的沙拉豬扒, 幸好有點香茅味, 總算食了越式. 味道其實是可以的, 只恨大家時間不是太多, 沒有叫上正宗的越菜, 打了點折扣. 服務, 一貫的新店, 忙加亂......一家差少少, 待多一點時間, 其服務上軌道之後. 再找機會來吧.