影片
港鐵油麻地站 B2 出口, 步行約1分鐘
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
位於油麻地新開張不久嘅「超雞米線」，位置好方便，油麻地地鐵站B出口一出就望到，短短時間已經非常人氣，屬於我近期發現的美食新寶藏，這𥚃裝修新派坐得舒服又乾淨，而且採用QR Code 落單，非常方便👍佢哋嘅招牌「翅骨雞湯」和「黃金雞湯」每日落足心機熬製，真材實料食出材料原味道，另外鍾意食辣仲可以試吓嘅「麻辣沙嗲湯底」充滿香港風味惹味香濃，配料可以自選，例如店舖推介嘅貴妃雞、滕椒雞、安格斯牛牛腩和蝦滑等等，都係必食推介，另外超級喜歡佢哋好多小食，而且見到有一款「西多雞翼」即時心心眼，真係夠晒創意😋😋▪️招牌貴妃雞花膠翅骨雞湯米線湯底用上鮮雞和魚翅骨熬製而成，翅骨已經溶響湯度，味道濃郁清甜又鮮味，未開始食已經飲咗半碗湯，而且好鍾意呢度個湯羹非常大隻匙羹，方便食米線同飲湯，花膠有兩大件滿滿骨膠原，貴妃雞皮脆肉嫩雞味濃，配合爽彈米線，真係超正👍👍▪️黃金雞湯底黃金雞湯都係最受歡迎嘅湯底之一，用上鮮雞熬製4小時以上，金黃香濃，絕對無添加無味精，配咗四款餸豬扒、滷腩肉、滑牛、白蘿蔔，最喜歡豬扒係分開上唔會俾湯浸腍保持香口香脆，滷腩肉半肥瘦夠晒入味，滑牛絕對食得出係新鮮牛肉，加上清甜無味嘅白蘿蔔，豐盛又美味▪️西多雞翼呢個真係好有創意，將雞翼模仿西多士，單骨雞翼炸得超香脆，淋上糖漿和牛油，鹹鹹甜甜這個味道原來咁正，真係意想不到驚喜美味▪️滕椒雞喜歡新鮮滕椒的味道，有一股特別嘅麻香味，但係又唔會太辣，配上雞件夠晒惹味，味道會令人上癮▪️蝦餃腐皮卷腐皮卷外層香脆，內裏包住爽口彈牙嘅蝦膠，再沾上酸甜醬汁，好滋味▪️酸齋原來好多人都鍾意食米線或者車仔麵嘅時候食酸齋，酸酸咪咪令胃口更加大開▪️豆漿食米線加$9就可以有一支豆漿，豆味香濃而且唔太甜，好飲✨食咗咁多嘢，埋單都係超抵，完全係平民價錢高質美味👍👍
繼續閱讀
Keeta 外賣 無得揀辣度 備注小小辣來到打開餐具又無 成兜紅油辣到痴線份量更少兩片腩肉 兩舊迷你豬軟骨仲要唔淋非常差勁👎👎👎👎👎👎👎👎👎👎👎👎👎👎
繼續閱讀
🍜【油麻地隱世米線神店！人均$70歎足10款餸🔥】 最近喺砵蘭街亂竄竟然發現一間驚為天人嘅米線小店——「超雞米線」！門面低調到差啲走漏眼👀，但一碗「刺骨花膠貴妃雞米線」直接刷新我三觀😱 即刻同大家開箱呢個平民美食寶藏！ 🐔 鎮店之寶｜翅骨花膠貴妃雞米線 $88 湯底一上枱就聞到濃郁雞香🐔，完全唔係味精假白！老闆話每日用老雞+豬骨熬足6個鐘⏳，飲落清甜到喉嚨都有回甘✨ 花膠厚身又彈牙💎，貴妃雞肉嫩到離奇😍，連雞皮都滑溜唔油膩！米線吸盡湯精華🍜，仲有大量竹笙同蟲草花🌼，養顏又飽肚～ 🔥 瘋狂追加配料｜款款$12起 ▪️ 蒜香墨魚頭 $28 ➜ 墨魚頭爽脆爆膏🦑，蒜香勁過癮！ ▪️ 藤椒雞翼 $28 ➜ 麻香直衝天靈蓋🌶️，食到嘴脣跳舞💃 ▪️ 豆卜蝦膠 $28 ➜ 爆汁豆卜包住手打蝦膠🍤，鮮味×100👑 ▪️ 自家製魚春卷 $9 ➜ 外脆內綿🐟，魚香超突出！ ▪️ 大腸 $12 ➜ 滷得入味又唔腥🐷，咬落「嗦嗦聲」～ ▪️ 竹笙 $9 ➜ 吸湯神器！爽脆口感加滿分💯 🍹 必點神級飲品｜樽仔豆漿 $12 豆香濃到似食緊豆腐花🥛！冰鎮後甜度剛剛好❄️，解辣一流～ 💰 2人狂食10款埋單二百幾超平人均$100食到捧住個肚走🤰，仲抵過茶記！重點係全部食材新鮮🥬，連豬扒都係每日拍鬆即煎🍖，完全冇雪藏味～ 📍 超雞米線 地址：油麻地砵蘭街37號 （近油麻地站A2出口🚇，轉入巷仔就見到） ✨ 懶人總結 ✨ ✅ 真材實料熬湯零味精🍲 ✅ 配料多到選擇困難症發作🤯 ✅ 人均$40食到皇帝級享受👑 米線控聽日午餐知點做啦！🍜 📸 相機食先記得Tag朋友一齊喪嗌：「老闆！全餐牌各一！」 😂
繼續閱讀
🍜 招牌貴妃雞花膠翅骨米線 ($88) 湯底鮮甜濃郁，花膠同雞肉份量十足，米線滑溜，每一啖都充滿膠原蛋白，養顏又滿足！米線彈牙，坊間好少見到咁彈嘅米線，連湯底都可以飲埋，花膠雞湯底濃郁，令人回味無窮！ 🌶️ 牛魔王麻辣沙嗲米線 小辣 ($74) 麻辣同沙嗲嘅完美結合，小辣已經夠哂刺激，牛肉嫩滑，湯底香濃，麻辣味道上癮，會想再過嚟食！沙嗲湯底充滿香港味道，令人一試難忘。 🍗 西多雞翼 ($28) 外脆內嫩，雞翼醃得入味，炸得剛剛好，唔會太油膩，係必食小食之一！西多雞翼有創意，將雞翼模仿西多士，口感獨特，值得一試。 🦐 豆卜蝦膠 ($28) 豆卜外皮香脆，入面嘅蝦膠彈牙鮮甜，口感豐富，配米線食一流！ 🍵 無糖烏龍茶 ($9) 食完濃味米線，飲返杯無糖烏龍茶，清爽解膩，健康之選！ 🥤 可樂（樽裝）($9) 經典配搭，冰凍可樂配香辣米線，爽！ 📍 地址：油麻地砵蘭街37號地舖 位置好方便，油麻地地鐵站B出口一出就望到！ 價錢埋單好抵食，價錢親民，絕對係油麻地美食嘅好選擇！
繼續閱讀
唔怕中伏可以去試🤢係米線關注組有人講同社交平台有foodie 介紹所以走去試吓。本身都有啲期待，見上網啲相影到咁靚，點知食到一半已經想放棄。呢間鋪頭啲米線煮到勁硬，好似咬緊啲膠咁，一啲彈性都無。墨魚頭就更加離譜，食落軟淋淋一啲都唔爽口。龍蝦丸個樣望落同平時嗰啲無太大分別。點知咬落完全冇味，唔知係用咩整出黎。飲品選擇又少連檸檬茶同奶茶都無得叫。諗住叫個招牌花膠雞米線無死啦，點知都係中伏 ，仲要賣成88蚊一碗又唔好食。
繼續閱讀