超羣麵包西餅 (香林大廈)

營業中

休息中

芝士撻（$9)而家芝士撻周街都有，但質素可以好參差。行開超羣見佢甘靚仔就決定埋買番屋企寵幸佢💕。室溫食估唔到芝士味都勁香濃🧀👍🏻，中間個餡夠滑，又軟綿。超厚撻皮，夠鬆脆，岩晒草根呢d愛曲奇皮之人🍪😋，$9有呢個質素，超抵食呀！❤️其實曲奇同酥皮，你地又中意邊款多d？

黑芝麻大福($10)身為大福粉絲❤️又同時係超羣忠粉見佢出黑芝麻大福點都要試試😆$10唔平，但好大件大福皮厚身，軟糯內餡唔係預期中嘅生磨黑芝麻粒而係黑芝麻cream cheese?帶點酸酸的味道，黑芝麻味不夠濃有點可惜了👉🏻👈🏻

Went to the walk-up window, and asked about the buns I had seen there.  They have pork or chicken.  The pork was grilled, was sort of like a Macao pork bun, but served on a pineapple bun or bolobao.  Its served with some lettuce, perhaps tomato, but also a semi-sweet, slightly tangy sauce.  Only HKD21, and very delicious.  

阿華田系列退場， 輪到士多啤梨系列番黎。本身想買大福， 可惜經過兩次都見唔到，唯有買個撻頂住口癮先。士多啤梨牛乳撻 HKD9.5唔知點解無左個士多啤梨logo 係上面，賣相...有相你睇...唔太吸引撻皮有少少散， 但唔膩， 還可以。士多啤梨牛乳餡無士多啤梨味又無牛奶味， 一句講曬就係淡而無味...中間既士多啤梨Jam 同樣係無咩味......試一次就夠...下次都係試番大福算...唔知遲d會唔會encore 焙茶或者抹茶呢🙀...

草根姐姐對大福、糯米糍係零抵抗力👅成日想買、成日想食。。。呢日終於經過超群 👏🏻👏🏻可以買佢d大福啦🤤（草根附近一間都冇😭）之前食過一次阿華田味覺得好正而家推出緊伯爵茶味🍵（其實出左好耐🙈）一於買番個嚟試試......伯爵茶吉士大福（$8.5）首先外皮好軟糯❤️中間嘅吉士餡唔會太甜而且真係食到有伯爵茶味一向討厭吉士嘅草根都覺得唔反感雖然見到個皮都幾厚但食得大福個皮先係重點煙韌控表示滿足了🤤由於個size都幾大個 一個人食可能會有d漏最好share啦😆

琴日去中環睇牙，行過見到好多人買早餐，我睇完之後見未食早餐，平時又好少見超羣餅店，都幾多人買麵包，入左去睇下！買左個“芝士餐肉蛋波羅包“，賣相好吸引嫁！$十幾蚊個糯米磁就有有好多隻味，見到都幾吸引，平時好鍾意食，10幾蚊有4粒，揀左4粒唔同味，紅豆，朱古力，藍莓同芒果，店員都好細心幫你用盒裝住！番去先食左波羅包，雖然係凍嘅但真心唔錯，個皮又脆， 入面雞蛋有兩隻，夾埋芝士，餐肉，又咸又甜咁，仲有啲黑椒味，都幾好食，因為太肚餓，無影低就食左啦！糯米磁放左雪櫃，放左工先食......一放入口，好難食呀！！！！啲皮都唔係軟身，係實嘅粉，硬過舊石頭，啲餡又難食，總之唔好食，應該唔關雪過事，平日食果啲都唔會咁，人地果啲係軟熟，有少少煙韌，佢果啲係一舊粉團！以為一粒係咁，食左兩粒都係咁😒！最後我每粒咬左啖當食左，真係未食過咁嘅糯米磁，呢啲要哂功夫整，但整成咁...😅好失望........

中秋節又到啦～和節日越來越近，家裏月餅的數目也越來越多。身邊朋友都知道我近這半年變了超群忠粉，無論是超群的麵包、大福還是撻撻我都有殺錯無放過（最新的草莓系列沒試是因爲我不太喜歡草莓）最近居然讓我發現他們今年第一次出月餅！小毒毒當然要一盡小粉絲責任帶盒回家嘻嘻～想不到還是紫薯奶黃雙拼，有驚喜啊超羣紫薯奶黃月餅禮盒（$178）兩款口味，各有3個迷你size，大大隻字印了「紫薯」和「奶黃」好可愛1. 紫薯月餅沒想到連月餅都趕上了紫薯熱潮，麵粉皮和紫薯餡均是日本新鮮進口，選材好認真。紫薯蓉味道天然，不是好甜好人工那種，但味道可以再濃多一點。Texture和一般奶黃月餅的軟心相似，因為沒上蛋黃所以比一般迷你月餅更輕盈，Ko半個飽膩感也不會好重。.2. 奶黃月餅最大的賣點是奶黃餡用上了法國淡忌廉，入口其實和普通奶黃月餅分別不大。味道算香濃，欣賞它不會得個死甜，如果奶黃餡再軟滑一點會更加好。最大的敗筆是皮造得太過鬆散，切開後一拿上手就散了，相對較紫薯月餅失色.整體不過不失，勝在有創新的紫薯口味。包裝也挺好看，大家送禮又多個選擇～

原來阿華田系列已徹退了......嗚嗚......新上場的是焙茶系列，我要了一 LOAD 焙茶黃金蛋糕，仲有蛋撻，睇下呢款黃金糕好唔好食過阿華田先。同樣好鬆軟軟熟，唔太甜，有輕輕的茶味，不過我都係鐘意阿華田多 D，唔知佢幾時"回歸"呢？至於D蛋撻，牛油皮厚薄適中，KEEP 住一貫水準，超群牛油皮蛋撻，yummy。

女友知我對焙茶情有獨鍾，所以買咗個焙茶牛乳麻糬撻同焙茶糯米糍俾我試吓…焙茶糯米糍麻麻地，略嫌甜得濟，焙茶味唔夠濃、味道欠奉。但我幾鍾意個焙茶麻糬撻，雖然可能因為加咗牛乳，所以茶香都係唔夠濃，但係個麻糬就真係好Q，食得好過癮、好好玩。同埋食一個已經好飽，趕時間果陣當小小嘅午餐或者下午茶食啱啱好。

唔知點解openrice 無乜人講呢間Maria, 一直覺得超群是香港傳統良心餅店, 麵包不是空氣. 中環呢間超群 Maria 其實好多打工仔都會來買包做早餐/下午茶, 長期多人流.我幾鐘意佢個菠蘿包,  菠蘿皮甜度剛剛好, 不會一咬就散, 又不會太實.內裹是拉絲鬆軟麵包, 不是空氣, 食完會飽肚有滿足感! 雖然不是即出爐, 已經凍左, 不過都仲覺得好好食.  好想試下即出爐既, 不過總是去唔準出爐時間. 另外某日去了買個菠蘿油試下  (因為見到D人買菠蘿油多), 不過可能個日太熱 ( 成3X度), 個牛油溶左一PAT,  之後就成個包好油膩.  下次都係買返菠蘿包, 或者冬天先食菠蘿油. overall Maria既麵包真係唔錯ga! 

細細個都有幫襯開超群的麵包記得細個讀書時期突然執笠結業大個出返黎做野，佢又再東山再起今日行行下街見到佢開返，就貢入去試下啦買左3個柯華田味糯米糍糯米糍外有厚厚的可可粉，糯米皮係阿華田味！糯米皮比想像中厚身但尚算軟熟，唯不夠煙韌，欠缺了口感。餡料是阿華田醬，味道不太濃郁但頗可口與糯米皮及外面的可可粉同食，不會太甜，甜度適中！小妹乃嗜甜狂徒，一下子把3粒糯米糍K.O雖然，糯米糍質素稱不上高但仍是好味之選！閒時經過，可買少少過下口癮

超羣新品—焙茶吉士甘栗大福 $8.5✨平民之選✨ 我樣子雖然很醜，但我內裏很美😂 樣子平凡，卻帶來意外驚喜, 超好吃！大福果然冇改錯名，真係幾大😜 沾上黃豆粉既糯米皮好煙韌，包著份量及焙茶味十足既焙茶吉士，仲有原粒甘栗，絕對不會覺得甜膩！😋😋😋真心推介！值得一試! 行過經過買個黎食下，舒舒壓🤗 DSE fighters oush!!!💪🏻💕#reneetkw💕評分：😈 😈😈😈😈（5分滿分）

經常都會追貼此餅店所推出的期間限定新產品, 之前也為抹茶、伯爵茶和紫薯系列寫下食評, 今期所推出是我也很喜歡的焙茶, 一見到就興奮, 又怎能錯過呢?1)      <綠茶未能當上主角>:https://www.openrice.com/zh/hongkong/review/%E7%B6%A0%E8%8C%B6%E6%9C%AA%E8%83%BD%E7%95%B6%E4%B8%8A%E4%B8%BB%E8%A7%92-e25671262)     <伯爵先生走了，紫薯小姐來了!>:https://www.openrice.com/zh/hongkong/review/%E4%BC%AF%E7%88%B5%E5%85%88%E7%94%9F%E8%B5%B0%E4%BA%86-%E7%B4%AB%E8%96%AF%E5%B0%8F%E5%A7%90%E4%BE%86%E4%BA%86-e25283243)      <伯爵先生好嗎?> : https://www.openrice.com/zh/hongkong/review/%E4%BC%A

早前，見到 <超羣麵包西餅> 推出港式口味柯華田的糕點！ 包括：柯華田芝士蛋糕、柯華田蛋撻及柯華田大福，我只對柯華田芝士蛋糕最有興趣！ 當日經過順便問一問店員其供應時間，早上 11:00 後才供應，於是我便放工走去中環 <超羣麵包西餅> 買番個！柯華田芝士蛋糕 $30我沒有傷風鼻塞，就算放進口的一殺那，都不覺得有芝士香氣！ 混合柯華田粉，芝士蛋糕呈咖啡色； 表面很薄，蛋糕質感綿密，入口濕潤軟滑，而甜度剛好！我分了四份之一給媽咪，她也覺得缺乏芝士香，比她朋友自家製做出來的芝士蛋糕更遜色！我食了四份之三個芝士蛋糕，食飽飽返到公司，感覺肚子有點滯住滯住！直到中午仍是，後來要走到藥房買胃藥！

超羣又出左新系列仲係我好喜愛既焙茶系列收左工就梗係第一時間去食啦焙茶麻糬蛋撻($9.5)攞上手微暖咖啡色既表皮 有啲濕氣 見到啲水珠一咬第一啖係幾香焙茶味既 但只限於第一啖焙茶味愈食愈淡 因為俾撻皮既牛油味搶哂蛋漿同撻皮中間有層麻糬無味架 不過煙煙韌韌 係幾過癮既蛋漿部分愈食愈濕 好奇怪愈食感覺就愈似食緊個加左麻糬既原味蛋撻個配搭又麻麻地 只係個牛油撻皮保持一貫香鬆脆既水準忍唔住食埋個原粒栗子焙茶大福($8.5)外表麻麻地吸引仲以為會灑滿哂黃豆粉個皮軟熟煙韌 不過略嫌厚身焙茶吉士裏頭隱約食到焙茶碎粒食食下食到原粒栗子不過味道唔係太夾總括黎講 焙茶系列試一次就夠了